පුවත්

ඉදිරි ජනාධිපතිවරණයේදී සමගි ජන බලවේගයේ අපේක්ෂක, විපක්ෂ නායක සජිත් ප්‍රේමදාස ට සහාය පළ කරන බව පාර්ලිමේන්තු මන්ත්‍රී දයාසිරි ජයසේකර පවසයි.

ඔහු ඒ බව සඳහන් කර සිටියේ අද (03) කොළඹ පැවැති මාධ්‍ය හමුවකදී අදහස් දක්වමිනි.

එම අවස්ථාව සඳහා ශ්‍රී ලංකා නිදහස් පක්ෂයේ සමාජිකයින් වන තිලංග සුමතිපාල සහ රෝහණ ලක්ෂ්මන් පියදාස ද එක්ව සිටියහ.

එහිදී වැඩිදුරටත් අදහස් දැක්වූ පාර්ලිමේන්තු මන්ත්‍රී දයාසිරි ජයසේකර මෙසේද පැවසීය.

"අලුත් කණ්ඩායමකට රට භාර දෙන්නට නම් සමගි ජන බල සනධානයේ එවැනි ශක්තිමත් නායකයින් ගණනාවක් ඉන්නවා. ඒ අයත් එක්ක එකතුවෙලා මේ ගමන ඉදිරියට යා යුතුයි කියලා අපි විශ්වාස කරනවා. ඒ ක්‍රියාදාමය යනකොට ශ්‍රී ලංකා නිදහස් පක්ෂය අපේ අන්‍යයතාවය තියාගෙන පක්ෂය විදිහට වෙනම ඡන්ද ව්‍යාපාරයක් අපි ක්‍රියාත්ම කරනවා. අපේ ආදරණීය පාක්ෂිකයින්ගෙන් අපි ඉල්ලනවා අපි ගත්තේ මේ වෙලාවේ ගතයුතු නිවැරදිම තීරණය කියලා."

ජනවාර්ගික ගැටළුවට ස්ථිර විසඳුමක් අවශ්‍ය බව තමන්ද පිළිගන්නා නමුත් මේ අවස්ථාවේ කළ යුතුව ඇත්තේ ජාති, ආගම් බේදයෙන් තොරව රට ගොඩනැගීමේ වැඩපිළිවෙළට ශ්‍රී ලාංකිකයන් ලෙස සියලුදෙනා එක්වීම බව ජනාධිපති රනිල් වික්‍රමසිංහ පැවසීය.

ජනාධිපතිවරයා මේ බව සඳහන් කර සිටියේ අද (03) පෙරවරුවේ යාපනය උදයන් පුවත්පතේ කාර්යාලයේදී එහි කාර්ය මණ්ඩලය සමඟ හමුවකට එක් වෙමිනි. පළාතේ සෙසු මාධ්‍යවේදින් පිරිසක් ද මෙම අවස්ථාවට එක්ව සිටියහ.

යාපනයේ සංචාරයක නිරත ජනාධිපති රනිල් වික්‍රමසිංහ එම සංචාරය අතරතුර දී මෙම හමුවට එක් විය.

එහිදී උදයන් පුවත්පතේ ප්‍රධාන විධායක නිළධාරි පාර්ලිමේන්තු මන්ත්‍රී ඊ. සරවනභවන්, ප්‍රධාන කර්තෘ තා. ප්‍රභාකරන් යන මහත්වරුන් ඇතුළු කාර්ය මණ්ඩලය ජනාධිපතිවරයාව ගෞරවයෙන් යුතුව පිළිගනු ලැබීය.

අනතුරුව මාධ්‍යවේදින් සමඟ සුහද කථා බහකට එක්වූ ජනාධිපතිවරයා ඔවුන් මතු කළ ප්‍රශ්න කිහිපයකට ද සාධනීය පිළිතුරු ලබා දුන්නේය.

රටේ ප්‍රධාන ප්‍රශ්නය බවට පත්ව තිබුනේ රට බංකොලොත්භාවයෙන් නිදහස් කර ගැනීම බව මෙහිදී පෙන්වා දුන් ජනාධිපති රනිල් වික්‍රමසිංහ මහතා පසුගිය ජූනි මාසයේදී එම ප්‍රශ්නය විසඳා ගැනීමට හැකි වූ බැවින් මේ වන විට අනෙක් ගැටළුවලට විසඳුම් ලබාදීම පිළිබඳ අවධානය යොමු කිරීමට අවස්ථාව ලැබී ඇති බවද සඳහන් කළේය.

පසුගිය දින දෙක පුරා තමා යාපනයේ සිදු කළ සංචාරයේ දී මුණ ගැසුණු තරුණ තරුණියන්ගේ මූලික ඉල්ලීම් වුයේ රැකියා ලබා ගැනීම සහ අනාගත ස්ථාවරභාවය බව මෙහිදී සඳහන් කළ ජනාධිපතිවරයා උතුර සහ දකුණ කියා තරුණ තරුණියන්ගේ අපේක්ෂාවන්හි වෙනසක් නොවන බවද පැවසීය.

පළාත් සභා ශක්තිමත් කරමින් ඒ ඒ පළාත්වල සංවර්ධනය වෙනුවෙන් පුළුල් අවකාශයක් ගොඩනගාදීම තම අරමුණ බව ද සඳහන් කළ ජනාධිපතිවරයා එම සෑම පළාතක් වෙනුවෙන් මධ්‍යම රජයේ සහාය ලබා දීමට කටයුතු කරන බවද වැඩිදුරටත් කියා සිටියේය.

පක්ෂයේ තීරණවලට එරෙහිව කටයුතු කරන මන්ත්‍රීවරුන්ගේ පක්ෂ සාමාජිකත්වය තරාතිරම නොබලා අහෝසි කිරීමට පියවර ගන්නා බව දැනුම් දෙමින් පොදු ජන පෙරමුණේ ලේකම් නීතිඥ සාගර කාරියවසම් රනිල් වික්‍රමසිංහ ගේ සහායට ගිය මන්ත්‍රීවරුන්ට ලිපියක් යවා ඇති බව වාර්තා වෙයි.

එසේ ගිය මන්ත්‍රීවරුන්ට විනය ක්‍රියාමාර්ග ගැනීමට පක්ෂයේ දේශපාලන මණ්ඩලය තීරණය කර ඇතැයිද එම ලිපියේ සඳහන් බවද වාර්තා වෙයි.

කෙසේ වුවත් මේ සම්බන්ධයෙන් ප්‍රතිචාර දක්වමින් රාජ්‍ය අමාත්‍ය පියල් නිශාන්ත ද සිල්වා පවසන්නේ සාගර කාරියවසම්ලා මොන තීරණ ගත්තත් රට ජනතාව වෙනුවෙන් ජනාධිපති රනිල් වික්‍රමසිංහ ට සහයෝගය දැක්වීමට ගනුලැබූ තීන්දුවේ කිසිදු වෙනසක් සිදුනොවන බවයි.

යාපනය ඇතුළු උතුරු පළාතේ ජනතාව බොහෝ කලක සිට ආර්ථික දුෂ්කරතාවන්ට මුහුණ දෙන නමුත් ප්‍රයෝජනයට ගත හැකි විශාල ආර්ථික විභවයක් එම පළාතේ පවතින බව පෙන්වා දුන් ජනාධිපති රනිල් වික්‍රමසිංහ එම අවස්ථාවන් උතුරු පළාත ඇතුළු සමස්ත රටේම ආර්ථික වර්ධනයට දායක කර ගැනීමට රජය සැලසුම් කර තිබෙන බව පැවසිය.

ජනාධිපතිවරයා මේ බව සඳහන් කර සිටියේ යාපනය දිස්ත්‍රික්කයේ විද්වතුන්, වෘත්තියවේදීන් සහ ව්‍යවසායකයන් සමඟ ඊයේ (02)යාපනය වාලම්පුරි හෝටලයේ පැවති හමුවේදී ය.

මැතිවරණ වේදිකාවල විවිධ පොරොන්දු දෙමින් ඒවා ඉටු කිරීමට ණය ගැනීම මත මෙරට ආර්ථික මෙන්ම දේශපාලන ක්‍රමයද කඩා වැටුණු බව පෙන්වා දුන් ජනාධිපතිවරයා නැවත එම වරද සිදුවීමට ඉඩ නොතබා නව ආර්ථික සහ දේශපාලන ක්‍රමවේදයක් ඔස්සේ ආර්ථිකය ඉදිරියට ගෙන යාමට දායක වීම මෙරට උගතුන්, වෘත්තීයවේදීන්, ව්‍යවසායකයන් ඇතුළු සියලුදෙනාගේ වගකීම බවද පෙන්වා දුන්නේය.

මෙරට ජනවාර්ගික ප්‍රශ්නය ද කඩිනමින් විසඳා ගත යුතු බව පැවසු ජනාධිපතිවරයා බහුතරයක් වූ සිංහල හා බෞද්ධ ජනතාවට ප්‍රමුඛ ස්ථානයක් හිමි වුවද සැමට එක හා සමානව සැලකීම ඉතා වැදගත් බවත්, ජනවාර්ගික සහ ආගමික කණ්ඩායම් අතර මෙන්ම කාන්තා සහ පුරුෂ දෙපාර්ශ්වය අතර සමානාත්මතාවය ඇතිකිරීම ද මීට ඇතුළත්වන බවත් සඳහන් කළේය.

එසේම සිංහල භාෂාව සේම දෙමළ භාෂාව ද ප්‍රවර්ධනය කිරීමේ වැදගත්කම පෙන්වා දුන් ජනාධිපතිවරයා නුදුරු අනාගතයේ තමිල්නාඩුවේ සිදුවීමට නියමිත ආර්ථිකය වර්ධනයත් සමඟ දෙමළ භාෂාව කතා කරන ශ්‍රී ලාංකිකයන්ට අන් අයට නොලැබෙන අවස්ථා උදාවනු ඇති බවද කියා සිටියේය.

මෙහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මෙසේද පැවසිය,

මුලින්ම ජාත්‍යන්තර මූල්‍ය අරමුදල සමඟ ඇතිකරගත් වැඩසටහන යටතේ යම් මට්ටමකට බදු පැනවීමට එකඟ වූ නමුත් ඉන්පසුව පැමිණි රජය මැතිවරණ පොරොන්දුවක් මත බදු අඩු කළා. එය රජයේ ආදායම් අඩුවීමට හේතු වූ අතර ජාත්‍යන්තර මූල්‍ය අරමුදලද එම වැඩසටහනෙන් ඉවත් වුණා. අපට එම වරද නැවත කිරීමට හැකියාවක් නැහැ. රටක් ලෙස ඉදිරියට යන විට අප අපේ දේශපාලන ක්‍රමය ද වෙනස් කළ යුතුයි.

පසුගිය ආර්ථික අර්බුදය හමුවේ රටේ අග්‍රාමාත්‍ය ධූරය භාරගැනීමට කිසිවෙකු කැමැත්තක් දැක්වූයේ නැහැ. රටේ නායකත්වය භාර ගැනීමට හැකි අයෙකු සොයා ගැනීම ගැටළුවක් බවට පත් වුණා. ජනාධිපතිවරයා ඉවත්ව ගිය පසු මට ද ඉල්ලා අස්වෙන ලෙස පැවසුවත් වගකීම් භාරගැනීමට කිසිවෙක් කැමැති වූයේ නැහැ. ණය ගැනීම සහ හිස් පොරොන්දු මත පවත්වාගෙන ගිය මෙරට ආර්ථික සහ දේශපාලන ක්‍රමවේදයේ බිඳවැටීම මෙයින් පෙන්නුම් කෙරෙනවා.

අප අපගේ දේශපාලන ක්‍රමය පිළිබඳ නැවත සිතා බලා දැඩි තීරණ ගත යුතුයි. යහපත් අනාගතයක් සඳහා රටට නව දේශපාලන ක්‍රමයක් අවශ්‍යයි. එය ව්‍යවස්ථාව හෝ නායකත්වය යන කරුණුවලට සිමා නොවන අතර වගකීම භාර ගැනීමට හැකි ධෛර්ය සම්පන්න නායකයින් සිටීම ද අත්‍යාවශ්‍යයි.

ඒ වගේම අප සියලුදෙනා එකට එක්ව මෙම ගමන යා යුතුයි. සිංහල සහ දෙමළ ජනවාර්ගික ප්‍රශ්න ද අප කඩිනමින් විසඳා ගත යුතුව තිබෙනවා. බහුතරයක් වූ සිංහල හා බෞද්ධ ජනතාවට ප්‍රමුඛ ස්ථානයක් හිමි වුවද සැමට එක හා සමානව සැලකීම ඉතා වැදගත් බව සඳහන් කළ යුතුයි. ජනවාර්ගික සහ ආගමික කණ්ඩායම් අතර මෙන්ම කාන්තා සහ පුරුෂ දෙපාර්ශ්වය අතර සමානාත්මතාවය ඇතිකිරීම ද මීට ඇතුළත් වෙනවා.

රටෙන් අඩක් පමණ පිරිසක් නියෝජනය කරන කාන්තාවන්ට පාර්ලිමේන්තුව තුළ නිසි නියෝජනයක් නැහැ. අප මෙය විසඳා ගත යුතුයි. අප සිංහල භාෂාව සේම දෙමළ භාෂාව ද ප්‍රවර්ධනය කළ යුතුයි. නුදුරු අනාගතයේ තමිල්නාඩුවේ සිදුවීමට නියමිත ආර්ථිකය වර්ධනයත් සමඟ දෙමළ භාෂාව කතා කරන ශ්‍රී ලාංකිකයන්ට අන් අයට නොලැබෙන අවස්ථා උදාවනු ඇතියි.

ඒ වගේම අපි රටේ සියලු පළාත් එක ලෙස සංවර්ධනය කළයුතුයි. මම අමාත්‍යවරයෙකු ලෙස කටයුතු කරන අවධියේදී යාපනය රටේ ප්‍රධාන නගරවලින් එකක් වූ නමුත් පසුව එය පසුගාමී තත්ත්වයට පත්වුණා. දැන් යුද්ධය අවසන් වී තිබෙනවා. එනිසා යාපනය සහ උතුරු පළාත සංවර්ධනය කිරීමට කාලය උදාවී තිබෙනවා.

දිළිඳුකම පිටුදැකීම, කෘෂිකාර්මික නවීකරණය වැනි ප්‍රාදේශීය සංවර්ධනය සඳහා අප පළාත් සභාවලට වැඩි බලයක් ලබාදිය යුතුයි.

ජාතික ඉඩම් කොමිෂන් සභාව සහ සත්‍ය හා ප්‍රතිසන්ධානය පිළිබඳ කොමිෂන් සභාව ගැසට් කිරීමට අප කටයුතු කරමින් සිටිනවා.

එමෙන්ම කාන්තා සහ තරුණ නියෝජනය ඇතුළත් වන ආකාරයටත්, පාර්ලිමේන්තු මන්ත්‍රීවරුන්ට පළාත් සභාව තුළ මෙන්ම පාර්ලිමේන්තුව තුළද එකවර කටයුතු කිරීමට ඉඩ සැලසෙන පරිදි පළාත් සභා මැතිවරණ ක්‍රමය සංශෝධනය කිරීමට අප බලාපොරොත්තු වෙනවා. මෙමගින් මධ්‍යම රජය සහ පළාත් පරිපාලන යාන්ත්‍රණය ඒකාබද්ධ කෙරෙනවා.

යාපනයට පුනර්ජනනීය බලශක්තිය, සංචාරක ව්‍යාපාරය සහ කෘෂිකර්මාන්තය සම්බන්ධයෙන් විශාල විභවයක් පවතිනවා. ආයෝජන කලාප සංවර්ධනය කිරීමටත්, ත්‍රිකුණාමල වරාය සංවර්ධනය සහ ඉන්දියාව සමඟ ගොඩබිම් සම්බන්ධතාව ඇතිකර ගනිමින් එය රටේ සංවර්ධනයට දායක කර ගැනීමට අප සැලසුම් කර තිබෙනවා.

යාපනය සහ උතුරු පළාතේ ජනතාව බොහෝ කාලයක් පීඩාවට පත්වුණා. නමුත් අප විසින් ප්‍රයෝජනයට ගත යුතු විශාල විභවයක් මේ පළාතේ පවතිනවා.රටට වෙනසක් අවශ්‍යයි. අපට පැරණි ක්‍රමය අනුව ඉදිරියට යා නොහැකියි. යහපත් අනාගතයක් වෙනුවෙන් පවතින ක්‍රමය වෙනස් විය යුතුයි. වෛද්‍යවරුන්, නීතිඥයන් සහ සිවිල් සමාජයේ නායකයින් ලෙස ඔබ ඒ සඳහා පෙරමුණ ගත යුතුයි.

අප සියලු දෙනාම නව ශ්‍රී ලංකාවක් වෙනුවෙන් එක්ව වැඩ කළ යුතුයි. 2022 වසරේ අපට එල්ල වූ දුෂ්කරතා කෙරතම් පීඩාකාරී වුවද අප සියලුදෙනා දැඩි අධිෂ්ඨානයෙන් එයට මුහුණ දුන්නා. අප රට දියුණු කිරීමේ අභියෝගය ද ජයග්‍රහණය කරමු. එහිදි අලුතින් සිතා අලුත් ගමකට එක්වෙමු කියා මා සියලුදෙනාට ආරාධනා කරනවා.

මෙහිදී වෘත්තීයවේදීන් සහ ව්‍යවසායකයන් විසින් ඉදිරිපත් කළ ප්‍රශ්නවලට ද ජනාධිපතිවරයා සාධනීය පිළිතුරු ලබා දුන් අතර රටේ ඉදිරි සංවර්ධන ගමන වෙනුවෙන් ඔවුහු සිය අදහස් සහ යෝජනා ද ජනාධිපතිවරයා වෙත ඉදිරිපත් කළහ.

උතුරු පළාත් ආණ්ඩුකාර පී.එස්.එම්. චාර්ල්ස් , රාජ්‍ය අමාත්‍යවරුන් වන ආචාර්ය සුරේන් රාඝවන්, කාදර් මස්තාන් , පාර්ලිමේන්තු මන්ත්‍රී අංගජන් රාමනාදන්, ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක , හිටපු අමාත්‍ය රවී කරුණානායක, හිටපු රාජ්‍ය අමාත්‍ය විජයකලා මහේෂ්වරන් යන මහත්ම මහත්මීන් ඇතුළු පිරිසක් මෙම අවස්ථාවට එක්ව සිටියහ.

එළ­ඹෙන සැප්තැ­ම්බර් මාසයේ සිට සියලු රාජ්‍ය විශ්‍රා­මි­ක­යන්ට රුපි­යල් 3000ක අන්ත­ර්කා­ලීන දීම­නා­වක් ලබා­දී­මට ආණ්ඩුව තීර­ණය කළ බව මුදල් රාජ්‍ය ඇමැති ආචාර්ය රංජිත් සිය­ඹ­ලා­පි­ටිය  ප්‍රකාශ කරයි.

රාජ්‍ය සේවය තුළ සියලු විශ්‍රා­මි­ක­යන් වෙත දැනට ලබා­ දෙන රුපි­යල් 2500ක දීම­නා­වට අම­ත­රව රුපි­යල් 3000ක් එක්කොට එළ­ඹෙන සැප්තැ­ම්බර් මාසයේ සිට රුපි­යල් 5500ක අන්තර්කාලීන දීම­නා­වක් ලබා­ දී­මට පිය­වර ගෙන ඇති බව රංජිත් සිය­ඹ­ලා­පි­ටිය පැව­සීය.

රාජ්‍ය සේවක වැටුප් විෂ­මතා පිළි­බඳ සියුම්ව සලකා බල­මින් අදාළ ඉදිරි සංශෝ­ධන සිදු­කි­රීම පිණිස ජනා­ධි­ප­ති­තු­මන්ගේ උප­දෙස් පරිදි යූ. ආර්. සෙනෙ­වි­රත්න මහ­තාගේ ප්‍රධා­න­ත්ව­යෙන් විශේ­ෂඥ කමි­ටු­වක් මෑතක දී පත්ක­රන ලද බවත්, එම­ඟින් සිදු­කෙ­රෙන සමා­ලෝ­චන අනුව 2025 වසරේ සිට සංශෝ­ධිත වැටුප් ව්‍යූහය ක්‍රියා­ත්මක කරන තෙක් විශ්‍රා­මික රාජ්‍ය සේව­ක­යින් වෙත මෙම අන්ත­ර්කා­ලීන දීම­නාව ලබා­දී­මට කට­යුතු කරන බවත් ඇමැ­ති­ව­රයා වැඩි­දු­ර­ටත් සඳ­හන් කළේය.

මේ වන­විට රාජ්‍ය විශ්‍රා­මික ප්‍රජාව ලක්ෂ 7ක් පමණ විශ්‍රාම වැටුප් ලබන බවත්, ඒ අනුව 2024 වර්ෂය තුළ මෙම අන්ත­ර්කා­ලීන දීම­නාව ලබා­දීම වෙනු­වෙන් රුපි­යල් බිලි­යන 8.4ක අති­රේක විය­ද­මක් ආණ්ඩු­වට දැරී­මට සිදු­වන බව ඇමැ­ති­ව­රයා පෙන්වා දුන්නේය. රාජ්‍ය අය වැය කළ­ම­නා­ක­ර­ණය කිරීමේ අභි­යෝග මධ්‍යයේ වුව ද මෙම අන්ත­ර්කා­ලීන දීම­නාව ලබා­දී­මට පිය­වර රජය ගනු ලැබූවේ, විශ්‍රා­මික රාජ්‍ය සේව­ක­යින් මුහු­ණ­දෙන වත්මන් මූල්‍ය දුෂ්ක­රතා සැල­කි­ල්ලට ගනි­මින් බවද ඇමැ­ති­ව­රයා කීය.

මේ ලබා දෙනුයේ විශ්‍රා­මි­ක­යින්ගේ ගැට­ලු­වට ඉක්මන් කෙටි­කා­ලීන විස­ඳු­මක් ලෙස බව ද සිය­ඹ­ලා­පි­ටිය මහතා කීය. මීට සම­ගා­මීව ඇමැති සිය­ඹ­ලා­පි­ටිය මහතා සහ රාජ්‍ය සේවක විශ්‍රා­මි­ක­යන්ගේ ඒකා­බද්ධ ජාතික සංවි­ධා­නයේ නිල­ධා­රීන් අතර ඊයේ (02) පෙර­ව­රුවේ විශේෂ රැස්වී­මක් ද පැවති අතර විශ්‍රාම වැටුප් විශ­ම­තාව ඉවත් කිරීම සහ ජ්‍යෙෂ්ඨ පුර­වැ­සි­යන්ගේ පොලී අනු­පා­ති­කය ඉහළ නැංවිම සම්බ­න්ධව එහි දී සාක­ච්ඡා­වට ලක්කෙ­රිණි.එළ­ඹෙන සැප්තැ­ම්බර් මාසයේ සිට සියලු රාජ්‍ය විශ්‍රා­මි­ක­යන්ට රුපි­යල් 3000ක අන්ත­ර්කා­ලීන දීම­නා­වක් ලබා­දී­මට ආණ්ඩුව තීර­ණය කළ බව මුදල් රාජ්‍ය ඇමැති ආචාර්ය රංජිත් සිය­ඹ­ලා­පි­ටිය මහතා ප්‍රකාශ කරයි.

රාජ්‍ය සේවය තුළ සියලු විශ්‍රා­මි­ක­යන් වෙත දැනට ලබා­ දෙන රුපි­යල් 2500ක දීම­නා­වට අම­ත­රව රුපි­යල් 3000ක් එක්කොට එළ­ඹෙන සැප්තැ­ම්බර් මාසයේ සිට රුපි­යල් 5500ක අන්තර්කාලීන දීම­නා­වක් ලබා­ දී­මට පිය­වර ගෙන ඇති බව රංජිත් සිය­ඹ­ලා­පි­ටිය  පැව­සීය.

රාජ්‍ය සේවක වැටුප් විෂ­මතා පිළි­බඳ සියුම්ව සලකා බල­මින් අදාළ ඉදිරි සංශෝ­ධන සිදු­කි­රීම පිණිස ජනා­ධි­ප­ති­තු­මන්ගේ උප­දෙස් පරිදි යූ. ආර්. සෙනෙ­වි­රත්න මහ­තාගේ ප්‍රධා­න­ත්ව­යෙන් විශේ­ෂඥ කමි­ටු­වක් මෑතක දී පත්ක­රන ලද බවත්, එම­ඟින් සිදු­කෙ­රෙන සමා­ලෝ­චන අනුව 2025 වසරේ සිට සංශෝ­ධිත වැටුප් ව්‍යූහය ක්‍රියා­ත්මක කරන තෙක් විශ්‍රා­මික රාජ්‍ය සේව­ක­යින් වෙත මෙම අන්ත­ර්කා­ලීන දීම­නාව ලබා­දී­මට කට­යුතු කරන බවත් ඇමැ­ති­ව­රයා වැඩි­දු­ර­ටත් සඳ­හන් කළේය.

මේ වන­විට රාජ්‍ය විශ්‍රා­මික ප්‍රජාව ලක්ෂ 7ක් පමණ විශ්‍රාම වැටුප් ලබන බවත්, ඒ අනුව 2024 වර්ෂය තුළ මෙම අන්ත­ර්කා­ලීන දීම­නාව ලබා­දීම වෙනු­වෙන් රුපි­යල් බිලි­යන 8.4ක අති­රේක විය­ද­මක් ආණ්ඩු­වට දැරී­මට සිදු­වන බව ඇමැ­ති­ව­රයා පෙන්වා දුන්නේය. රාජ්‍ය අය වැය කළ­ම­නා­ක­ර­ණය කිරීමේ අභි­යෝග මධ්‍යයේ වුව ද මෙම අන්ත­ර්කා­ලීන දීම­නාව ලබා­දී­මට පිය­වර රජය ගනු ලැබූවේ, විශ්‍රා­මික රාජ්‍ය සේව­ක­යින් මුහු­ණ­දෙන වත්මන් මූල්‍ය දුෂ්ක­රතා සැල­කි­ල්ලට ගනි­මින් බවද ඇමැ­ති­ව­රයා කීය.

මේ ලබා දෙනුයේ විශ්‍රා­මි­ක­යින්ගේ ගැට­ලු­වට ඉක්මන් කෙටි­කා­ලීන විස­ඳු­මක් ලෙස බව ද සිය­ඹ­ලා­පි­ටිය මහතා කීය. මීට සම­ගා­මීව ඇමැති සිය­ඹ­ලා­පි­ටිය මහතා සහ රාජ්‍ය සේවක විශ්‍රා­මි­ක­යන්ගේ ඒකා­බද්ධ ජාතික සංවි­ධා­නයේ නිල­ධා­රීන් අතර ඊයේ (02) පෙර­ව­රුවේ විශේෂ රැස්වී­මක් ද පැවති අතර විශ්‍රාම වැටුප් විශ­ම­තාව ඉවත් කිරීම සහ ජ්‍යෙෂ්ඨ පුර­වැ­සි­යන්ගේ පොලී අනු­පා­ති­කය ඉහළ නැංවිම සම්බ­න්ධව එහි දී සාක­ච්ඡා­වට ලක්කෙ­රිණි.

අති විශේෂ අරක්කු මිල අඩු කරන ලෙස සුරාබදු කොමසාරිස්වරයා විසින් මත්පැන් නිෂ්පාදකයන්ට දැනුම්දීමක් සිදුකර ඇති බව වාර්තා වෙයි.

මෙම ඉල්ලීම සිදුකර ඇත්තේ මත්පැන් නිෂ්පාදකයන් සමඟ සුරාබදු දෙපාර්තමේන්තුවේ පැවති විශේෂ හමුවකදී බවද දැනගන්නට ඇත.

එහිදී අරක්කු කාල බෝතලයක මිල රුපියල් සීයකින් අඩු කරන ලෙස දන්වා ඇති බවත් වාර්තා වන අතර මෙම දැනුම්දීම සිදුකර තිබෙන්නේ මත්පැන් මිල ඉහළ යාමෙන් පාරිභෝගිකයන් නීති විරෝධී මත්පැන් භාවිතයට පෙළඹීම වැඩි වී ඇති නිසා එය වළක්වා ගැනීමට බවත් වාර්තා වෙයි.

නමුත් මත්පැන් නිෂ්පාදකයන් ඊට එකඟතාවක් දක්වා නොමැති අතර සුරාබදු හා මත්පැන් නිෂ්පාදන වලට පනවා ඇති බදු ඉහළ නිසා මිල අඩු කිරීමට නොහැකි බව ඔවුන් පවසා ඇති බව වැඩිදුරටත් වාර්තා වෙයි.

ශ්‍රී ලංකා පොදුජන පෙරමුණේ දැනට ඉතිරි වී සිටින මන්ත්‍රීවරුන් පිරිසෙන් තවත් කණ්ඩායමක් ඉදිරි දින කිහිපය තුළ ජනාධිපති රනිල් වික්‍රමසිංහ ට සහාය පළ කිරීම සඳහා එක්වන බව රාජ්‍ය ඇමති පියල් නිශාන්ත සඳහන් කරයි.

පොදුජන පෙරමුණේ බහුතර මන්ත‍්‍රීවරුන් පිරිසක් ජනාධිපතිවරයාට සහාය ලබා දීමට තීරණයක් ගත්තේ පාක්ෂිකයන් හා හා රට ගැන සිතා බවද ඔහු සඳහන් කළේය.

රාජ්‍ය අමාත්‍ය පියල් නිශාන්ත මේ බව සඳහන් කර සිටියේ බම්බලපිටිය ලෝරිස් පෙදෙස පිහිටි ජනාධිපති රනිල් වික්‍රමසිංහ ගේ ජනාධිපතිවරණ මාධ්‍ය මධ්‍යස්ථානයේ පැවති මාධ්‍ය හමුවක් අමතමිනි.

එහිදී ඔහු මෙසේද සඳහන් කළේය.

‘පොහොට්ටුවේ දේශපාලන මණ්ඩලය ඉතාම සුළු පිරිසක්, සියලු මන්ත්‍රීවරු එක්ක කතා කරානම් තත්ත්වය මීට වඩා වෙනස් වෙන්න තිබ්බා. මේක කීපදෙනකුගේ කුමන්ත්‍රණකාරී වැඩ පිළිවෙළක්. බැසිල් සහ මහින්ද බොහෝම ප්‍රජාතන්ත්‍රවාදීව හොඳ තීරණයක හිටියා. හැබැයි එතැනට කුමන හෝ විෂබීජයක් ඇතුළු වුණා. කොහොම වුණත් අපිට පොදුජන පෙරමුණ හෝ අපේක්ෂකයෙක් එක්ක තරහක් හෝ තරගයක් නෑ’

දීර්ඝ කාලයක් පුරා පවතින උතුරේ ජල ගැටළුවට ස්ථීර විසඳුමක් ලබා දීම සඳහා (River for Jaffna) “යාපනයට ගංගාවක්” ව්‍යාපෘතිය කඩිනමින් ආරම්භ කරන බව ජනාධිපති රනිල් වික්‍රමසිංහ  පැවසීය.

ජනාධිපතිවරයා මේ බව සඳහන් කර සිටියේ “යාපනය – කිලිනොච්චි” ජල සම්පාදන ව්‍යාපෘතියේ තාලෛයාඩි මුහුදු ජල නිර්ලවණකරන පවිත්‍රාගාරය විවෘත කිරීමේ අවස්ථාවට අද (02) පෙරවරුවේ එක් වෙමිනි.

මෙහිදී ජනාධිපති රනිල් වික්‍රමසිංහ  වැඩිදුරටත් සඳහන් කළේ උතුරේ සිවිල් යුද්ධය අවසන් වී මේ වන විට වසර 15ක් ගත වී ඇති බවත්, දැන් සියලුදෙනා එක්ව සංවර්ධන යුද්ධය ඉදිරියට ගෙන යා යුතු බවත්ය. ඉදිරි වසර 05-10 තුළ යාපනය දියුණු ප්‍රදේශයක් බවට පත් කිරීම තම අරමුණ බව පැවසූ ජනාධිපතිවරයා ඒ සඳහා එහි සියලු ජනතාවගේ සහාය අපේක්ෂා කරන බවද කියා සිටියේය.

යාපනය – කිලිනොච්චි ජල සම්පාදන ව්‍යාපෘතියේ තාලෛයාඩි මුහුදු ජල නිර්ලවණකරන පවිත්‍රාගාරය ආසියානු සංවර්ධන බැංකුවේ හා ශ්‍රී ලංකා රජයේ මූල්‍ය ප්‍රතිපාදන මත ජල සම්පාදන හා වතු යටිතල පහසුකම් සංවර්ධන අමාත්‍යාංශයේ, ජාතික ජල සම්පාදන හා ජලාපවහන මණ්ඩලය මඟින් ක්‍රියාත්මක කෙරේ.

යාපනය සහ කිලිනොච්චි දිස්ත්‍රික්කවල පානීය ජල අවශ්‍යතාවය සපුරාලීම සඳහා ශ්‍රී ලංකා රජය 2011 වසරේ ආසියානු සංවර්ධන බැංකුවේ (ADB) සහ ප්‍රංශ සංවර්ධන බැංකුවේ (AFD) ආධාර ඇතිව යාපනය-කිලිනොච්චි දිස්ත්‍රික් ජල සම්පාදන හා සනීපාරක්ෂක ව්‍යාපෘතිය (JKWSSP) දියත් කරන ලදී.

මෙම ව්‍යාපෘතියේ ප්‍රධාන අරමුණ වන්නේ උතුරු පළාතේ යාපනය සහ කිලිනොච්චි දිස්ත්‍රික්කවල පුද්ගලයන් 300,000 කට පිරිසිදු පානීය ජලය සැපයීම සහ 80,000 ක ජනතාවක් සඳහා සනීපාරක්ෂක පහසුකම් වැඩිදියුණු කිරීමයි.

මෙහිදී මුහුදු ජලයේ ලවණ ඉවත් කිරීම සඳහා වන කම්හල ඉදිකිරීම සඳහා ආසියානු සංවර්ධන බැංකුව මගින් 2017 වසරේදී ගිවිසුමකට එළැඹෙන ලදී.මේ වන විට, උස් ජල ටැංකි විස්සක් (සංඛ්‍යා 20) ඉදිකිරීම, සම්ප්‍රේෂණ නළ මාර්ග කිලෝමීටර 186ක් සැපයීම හා එළීම මෙන්ම බෙදා හැරීමේ නල මාර්ග කිලෝමීටර් 382ක් සම්පූර්ණ කර ඇත.

මෙම ලවණ ඉවත් කිරීමේ කම්හල සඳහා කොන්ත්‍රාත්තුව 2021 වසරේ ජනවාරි මාසයේදී ප්‍රදානය කර තිබේ. ව්‍යාපෘතියේ සම්පූර්ණ වියදම අමෙරිකානු ඩොලර් මිලියන 266ක් වන අතර යාපනය-කිලිනොච්චි ජල සම්පාදන හා සනීපාරක්ෂක ව්‍යාපෘතිය 2025 මැද භාගය වන විට අවසන් කිරීමට අපේක්ෂා කෙරේ.

මෙහිදී වැඩිදුරටත් අදහස් දැක්වු ජනාධිපති රනිල් වික්‍රමසිංහ  මෙසේද පැවසීය,

මෙම ජල පවිත්‍රාගාරය ලංකාවේ ප්‍රධාන ජල පවිත්‍රාගාරය ලෙස ආරම්භ කෙරෙනවා. මෙම පවිත්‍රාගාරය ඉදිකිරීම සඳහා අවශ්‍ය භූමිය ලබාදුන් මෙම ප්‍රදේශයේ ජනතාවට මම ස්තූතිවන්ත වෙනවා. මෙම ගම්මානයට ග්‍රාම නිලධාරි කොට්ඨාසයක් වෙනම ලබාදෙන ලෙස ඉල්ලීමක් කර තිබෙනවා. එය ඉටුකරන ලෙස මම ආණ්ඩුකාරතුමියට උපදෙස් ලබා දෙනවා. මේ පවිත්‍රාගාරය ආරම්භ කිරීමත් සමඟ යාපනයේ පානීය ජල ගැටළුවට බොහෝ දුරට විසඳුම් ලැබෙනවා. ඉදිරියේ පුනරින් ප්‍රදේශයට ජලය ලැබෙන පාලිආරු ජලාශයේ කටයුතු ආරම්භ කිරීමටත් බලාපොරොත්තු වෙනවා.

ඒ වගේම යාපනයට ගංගාවක් වැඩසටහන ආරම්භ කිරීමට ද මම තිරණය කර තිබෙනවා. මේ පවිත්‍රාගාරය සහ යාපනයට ගංගාවක් වැඩසටහන ක්‍රියාත්මක වූ විට යාපනයේ ජල ප්‍රශ්නය සම්පුර්ණයෙන් විසඳෙනවා. එවිට වඩමාරච්චි ප්‍රදේශය නැවත සශ්‍රික ප්‍රදේශයක් බවට පත් වෙනවා. ඒ වගේම මෙම පානීය ජලය සඳහා අප මුදල් ගෙවිය යුතුයි. සුර්ය බලශක්ති ව්‍යාපෘති මගින් එම පිරිවැය අඩුකර ගැනිමට අප සැලසුම් කර තිබෙනවා. මෙම ප්‍රදේශයට බිංදු ජල සම්පාදනය (Drip Irrigation) වැනි වාරිමාර්ග ක්‍රම ගෙනවිත් නවීන කෘෂිකර්මාන්තය ආරම්භ කිරීමටත් කටයුතු කරනවා. අපි ජලයට මුදල් ගෙවනවා නම් අප ලබා ගන්නා ජලයෙන් උපරිම ලාභය ලබා ගැනීමටත් කටයුතු කළයුතුයි. මෙම වැඩසටහන් හරහා අප තවදුරටත් ආර්ථිකය ශක්තිමත් කළයුතුයි.

ඒ වගේම ඉන්දියාව සමඟ එක්ව කංකසන්තුරේ වරාය ප්‍රතිසංස්කරණය කිරීමට නියමිතව තිබෙනවා. සිමෙන්ති කර්මන්ත ශාලාව තිබු ස්ථානයේ ආයෝජන කලාපයක් ආරම්භ කරනවා. ඒ වගේම පලාලි දියුණු කළ විට එහි සංචාරක ව්‍යාපාරය ප්‍රවර්ධනය කළ හැකියි. විශේෂයෙන් මෙම ප්‍රදේශය ආශ්‍රිතව සුළං බලශක්තිය සහ සූර්ය බලශක්තිය විශාල වශයෙන් නිපදවිය හැකි අතර එයින් තවත් ආදායම් ලබාගත හැකියි. ඒ අනුව ඉදිරි වසර 05-10 තුළ යාපනය දියුණු ප්‍රදේශයක් බවට පත් කිරීමට නියමිතයි.

රජය යාපනය විශ්වවිද්‍යාල ඇති කිරීමට කටයුතු නොකරන්නේ මෙහි විශ්වවිද්‍යාල දෙක තුනක් ආරම්භ කිරීමට පළාත් සභාවට හැකියාව තිබෙන නිසයි.යුද්ධය අවසන් වී මේ වන විට වසර 20ක් පමණ ගතවි තිබෙනවා. දැන් අප සියලුදෙනා එක්ව සංවර්ධන යුද්ධය ආරම්භ කළයුතුයි.

මෙම පවිත්‍රාගාරය ලබා දුන් ආසියනු සංවර්ධන බැංකුවට මගේ විශේෂ ස්තූතිය පිරිනමනවා. අප බංකොළොත් රටක් බව ප්‍රකාශ කර තිබු සමයේත් ඔවුන් අප වෙනුවෙන් මෙම කටයුත්ත ඉටු කර දුන්නා. දැන් අපි අපේ නිල ණයකරුවන්ගේ කමිටුව සහ චීනය එක්සීම් බැංකුව සමඟත් ගිවිසුම් අත්සන් තබා තිබෙනවා. ඒ වගේම බැදුම්කර හිමියන් සමඟත් අපි එකඟත්වයට පැමිණ තිබෙනවා. නිල ණයකරුවන් සමඟ අප මේ වන විටත් එකඟත්වයට පැමිණ තිබෙන නිසා එම රටවල ආධාර දැන් අපට ලැබෙනවා. ජපානය මෙරට ආරම්භ කර අතරමග නැවතුණ ඔවුන්ගේ ව්‍යාපෘති නැවත ආරම්භ කරන බව ප්‍රකාශ කර තිබෙනවා. අනෙක් රටවල සංවර්ධන ව්‍යාපෘතිද ඉදිරියට ගෙන යනවා.

ඒ වගේම ඉන්දීය අග්‍රාමාත්‍ය නරේන්ද්‍ර මෝදි මහතා සහ මම එකඟත්වයට පැමිණි ගිවිසුම් ක්‍රියාත්මක කිරීමට අවශ්‍ය පියවර ගෙන තිබෙන අතර එම ගිවිසුම් අත්සන් තැබීම මේ වන විට සිදු වෙනවා. දියර කිරි නිෂ්පාදනය දියුණු කිරීමට අමුල් සමාගම සමඟ කටයුතු ආරම්භ කර තිබෙනවා. අපි රටේ ආදායම් ඉහළ නංවාගත යුතුයි. අප මෙම වැඩපිළිවෙළ අඛණ්ඩව ඉදිරියට ගෙන යා යුතුයි. එවිට රටේ ආර්ථිකය දියුණු වෙනවා වගේම යාපනය මෙරට ප්‍රධාන ආර්ථික මධ්‍යස්ථානයක් බවට පත් වෙනවා.

මේ පිළිබඳ විශේෂ උනන්දුවකින් කටයුතු කරන ජීවන් තොණ්ඩමන් ඇමතිතුමාට මා ස්තූති කරනවා. ජල සම්පාදන හා වතු යටිතල පහසුකම් සංවර්ධන අමාත්‍යාංශය සමඟ එක්වි කඳුකරයේ නව ගම්මාන ඉදිකිරීමට අපි කටයුතු කරනවා.

ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන්,

පානීය ජලය යනු මූලික අයිතිවාසිකමක්. එය පුරවැසියාට ලබා දීමට ආණ්ඩුව කටයුතු කරනවා. මේ ව්‍යාපෘතිය ආරම්භ කරන විට වියදම වැඩියි කියා ප්‍රශ්නයක් ආවා. නමුත් පුරවැසියන්ගේ පානීය ජල අවශ්‍යතාව තහවුරු කිරීමට අප මේ අභියෝගය භාර ගත්තා. ජනාධිපති රනිල් වික්‍රමසිංහ මහතා ධූරය භාරගන්නා විට උතුරේ පානිය ජල සැපයුම 4%යි. අද සිට එය 40%ක් දක්වා වැඩි වෙනවා. මෙම ව්‍යාපෘතිය ගෙන ඒමේදී ගම්මාන කිහිපයක් ඉඩම් ලබාදීමට කැමැති වුණේ නෑ. නමුත් මේ ඉඩම ලබාදීම පිළිබඳ තලෙයිඅඩි ගම්මානයේ වැසියන්ට ස්තුතිවන්ත වෙනවා.

ධීවර හා ජලජ සම්පත් අමාත්‍ය ඩග්ලස් දේවානන්ද,

දෙමළ ජනතාවට පිපාස කිහිපයක් තිබෙනවා. එනම් සංවර්ධනය සම්බන්ධව පිපාසයක්, අයිතීන් සම්බන්ධව පිපාසයක් වගේම පානීය ජල පිපාසයක් තිබෙනවා . ජනාධිපතිවරයා මේ පිපාසවලට විසඳුම් ලබාදෙමින් සිටිනවා . ජනාධිපති රනිල් වික්‍රමසිංහ මහතා අද මේ ප්‍රදේශයට පැමිණ තිබෙන්නේ උතුරේ ජනතාවගේ පානීය ජල අයිතිය ලබාදීමට යි. මේ පළාතේ ජනතාව තමන්ගේ අයිතිවාසිකම් දිනාගැනීමට ජනාධිපතිතුමා සමඟ සම්මුතියෙන් ඉදිරියටත් යා යුතු බව මා ප්‍රකාශ කරනවා.

උතුරු පළාත් ආණ්ඩුකාර පී. එස්. එම්. චාල්ස් මිය,

උතුරු පළාතේ මෙම දැවැන්ත පානීය ජල ව්‍යාපෘතිය සාර්ථක කර ගැනීමට සහාය වීම පිළිබඳ අප ජනාධිපතිතුමාට ස්තූතිවන්ත විය යුතුයි. 2015 වසරේදී එතුමා අග්‍රාමාත්‍යවරයා ලෙස කටයුතු කළ කාල සීමාව තුළ සමස්ත ව්‍යාපෘතිය ප්‍රතිව්‍යුහගත කිරීම සහ ඒ සඳහා අවශ්‍යව තිබූ අතිරේක මූල්‍ය පහසුකම් සලසා ගැනීමේ අරමුණින් මෙම ව්‍යාපෘතිය ආරම්භ කළා. 2017 වසරේදී ආසියානු සංවර්ධන බැංකුව (ADB) සමඟ අතිරේක මූල්‍ය පහසුකම් සලසා ගැනීම සඳහා ගිවිසුමක් අත්සන් කිරීමත් සමඟ මෙම ව්‍යාපෘතිය තවදුරටත් ප්‍රගතියක් අත්කර ගත්තා. මෙම ගිවිසුම මඟින් මුහුදු ජලය නිර්ලවණ කරන පවිත්‍රාගාරය ක්‍රියාත්මක කිරීමට පහසුකම් සැලසූ අතර, එහි ඉදිකිරීම් සහ වසර පහක් ක්‍රියාත්මක කිරීම ඇතුළුව ව්‍යාපෘතියේ අතිරේක වියදම් ආවරණය කිරීම ද සිදුවුණා.

ජනාධිපතිතුමාගේ කැපවීමේ ප්‍රතිඵලයක් ලෙස යාපනය සහ කිලිනොච්චි දිස්ත්‍රික්කවල වෙසෙන ලක්ෂ 3ක පමණ ජනතාවගේ දීර්ඝ කාලීන අවශ්‍යතාවයක් වු සුරක්ෂිත පානීය ජල පහසුකම අද ලැබී තිබෙනවා. මීට අමතරව, යාපනය නගරයේ වෙසෙන පුද්ගලයින් 80,000කගේ සනීපාරක්ෂක පහසුකම් වැඩිදියුණු වී ඇති අතර උතුරු පළාතේ කෘෂිකර්ම ක්ෂේත්‍රයට ද මින් සැලකිය යුතු ප්‍රතිලාභයක් ලැබී තිබෙනවා.

රාජ්‍ය අමාත්‍යවරුන් වන ආචාර්ය සුරේන් රාඝවන්, කාදර් මස්තාන්, පාර්ලිමේන්තු මන්ත්‍රීවරුන් වන ධර්මලිංගම් සිද්ධාර්න්, අංගජන් රාමනාදන්, ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක , හිටපු අමාත්‍ය රවී කරුණානායක , හිටපු රාජ්‍ය අමාත්‍ය විජයකලා මහේෂ්වරන් යන මහත්ම මහත්මීන් ඇතුළු පිරිසක් මෙම අවස්ථාවට එක්ව සිටියහ.

හුණුපිටිය ගංගාරාමාධිපති පූජ්‍ය ගලබොඩ ඥාණිස්සර හිමි (පොඩි හාමුදුරුවෝ) අපවත් වී තිබේ.

අද (02) උදෑසන ඇතිවූ හදිසි රෝගී තත්ත්වයක් මත උන්වහන්සේ කොළඹ පෞද්ගලික රෝහලකට ඇතුළත් කර ඇති අතර එහිදී අපවත් වී ඇත.

අපවත් වන විට උන්වහන්සේ 81 වැනි වියේ පසුවිය.

අපවත් වී වදාළ ගංගාරාම විහාරස්ථානයේ පූජ්‍ය ගලබොඩ ඤාණිස්සර නාහිමියන්ගේ (පොඩි හාමුදුරුවෝ) අවසන් කටයුතු රාජ්‍ය අනුග්‍රහය සහිතව සිදුකිරීමට නියමිතය.

ඒ අනුව අගෝස්තු 05 වනදා සවස විහාරස්ථානයට යාබද ක්‍රීඩාංගණයේදී ආදාහන පූජෝත්සවය පැවැත් වෙන බව ආදාහන කාරක සභාව දැනුම් දී තිබේ.

ජනාධිපතිවරණය වෙනුවෙන් පොලිස් නිලධාරීන්ට සහ රාජ්‍ය නිලධාරීන්ට ශ්‍රී ලංකා මානව හිමිකම් කොමිසමෙන් මාර්ගෝපදේශ මාලාවක් නිකුත් කර තිබේ.

අදාළ මාර්ගෝපදේශ මාලාව පහත දැක්වේ.

පොදුජන පෙරමුණේ තවත් පිරිසක් ඉදිරියේදී ජනාධිපති රනිල් වික්‍රමසිංහට සහය ලබා දීමට එක් වීමේ සූදානමින් සිටින බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් පැවසීය.

පොදුජන පෙරමුණ ජනාධිපති රනිල් වික්‍රමසිංහ ට සහාය දැක්විය යුතු බව පවසන පාර්ශ්වය ලෙස තවත් පක්ෂ එක් කර ගනිමින් නව සන්ධානයක් ගොඩනැගිමට තීරණය කර ඇතිබවද ඔහු සඳහන් කළේය.

ශ්‍රී ලංකා පොදුජන පෙරමුණේ මංත්‍රීවරුන් 93 දෙනෙකු ජනාධිපති රනිල් වික්‍රමසිංහ මහතාට සහාය පළකිරීමට ඊයේ (31) පැමිණි බවද රාජ්‍ය අමාත්‍යවරයා පැවසීය.

මේ වන විට ප්‍රධාන අපේක්ෂකයන් තිදෙනකු දකින්න ලැබුණත් පොදුජන පෙරමුණේ කියා අපේක්ෂකයකු පෙනෙන්නත් නැති බව ඒ මහතා වැඩිදුරටත් පෙන්වා දුන්නේය.

ශ්‍රී ලංකා නිදහස් පක්ෂයේ සභාපති ධූරයේ කටයුතු කිරීම වළක්වමින් හිටපු ජනාධිපති, මෛත්‍රීපාල සිරිසේන ට පැන වූ වාරණය ඔක්තෝබර් මස 04 වන දක්වා තවදුරටත් දීර්ඝ කිරීමට කොළඹ ප්‍රධාන දිසා විනිසුරු සඳුන්විතාන අද (01) නියෝග කළේය.

හිටපු ජනාධිපතිනි චන්ද්‍රිකා බණ්ඩාරනායක කුමාරතුංග ගොනුකුළ පැමිණිල්ලක් ප්‍රකාරව මෙම වාරණය නිකුත් කර තිබිණි.

ශ්‍රී ලංකා නිදහස් පක්ෂ ව්‍යවස්ථාව යටතේ හිටපු ජනාධිපති මෛත්‍රීපාල සිරිසේන ට පක්ෂයේ සභාපතිවරයා ලෙස කටයුතු කිරීමට කිසිදු නීත්‍යානුකූල හිමිකමක් නොමැති බවට සඳහන් කරමින් මෙම නඩුව පවරා තිබිණි.

මේ සමඟ එළැඹෙන ජනාධිපතිවරණය පැවැත්වෙන සැප්තැම්බර් 21 වන විට ශ්‍රී ලංකා නිදහස් පක්ෂයේ සභාපති ලෙස පෙනී සිටීමට කිසිදු හැකියාවක් හිටපු ජනාධිපතිවරයාට නොලැබේ.

විජේදාස රාජපක්ෂ මන්ත්‍රීවරයා ද පසුගියදා සිය අමාත්‍ය ධූරයෙන් ඉල්ලා අස්වූයේ ශ්‍රී ලංකා නිදහස් පක්ෂයේ අපේක්ෂකයා ලෙස ජනාධිපතිවරණය සඳහා ඉදිරිපත් වීමේ අපේක්ෂාවෙනි. කෙසේ වුවත් එම අපේක්ෂාව මේ සමඟ බොඳ වෙන තත්ත්වයක් පෙන්නුම් කරේ.

ජ්‍යේෂ්ඨ නියෝජ්‍ය පොලිස්පති - (පරිපාලන) තනතුරේ රාජකාරී ආවරණය කිරීම සඳහා මධ්‍යම පළාත භාර ජ්‍යේෂ්ඨ නියෝජ්‍ය පොලිස්පති ලලිත් පතිනායක පත් කිරීමට ජාතික පොලිස් කොමිසම පියවර ගෙන ඇත.

පොලිස් කොමිසමේ සාමාජිකයින් අද (01) රැස්වී වහාම ක්‍රියාත්මක වනපරිදි නැවත දැනුම්දෙන තුරු ජ්‍යේෂ්ඨ නියෝජ්‍ය පොලිස්පති පරිපාලන තනතුරේ වැඩබැලීම සඳහා ලලිත් පතිනායක පත් කිරීමට පියවර ගත් බව පොලිස් කොමිසම පැවසීය.

නීතිපති උපදෙස් අනුව මෙම පත් කිරීම සිදුකර තිබේ.

මධ්‍යම පළාත් ජ්‍යේෂ්ඨ නියෝජ්‍ය පොලිස්පති ධුරයේ කටයුතු කරන ලලිත් පතිනායක එම ධුරයේ රාජකාරී කටයුතුවලට අමතරව මෙලෙස ජ්‍යේෂ්ඨ නියෝජ්‍ය පොලිස්පති ( පරිපාලන) තනතුරේ වැඩබැලීම සඳහා පත් කර ඇති බව ජාතික පොලිස් කොමිසම සඳහන් කළේය.

අග්‍රාමාත්‍ය දිනේෂ් ගුණවර්ධන ප්‍රමුඛ මහජන එක්සත් පෙරමුණ ඉදිරි‍ ජනාධිපතිවරණයේදී ජනාධිපති රනිල් වික්‍රමසිංහ ට සහාය දැක්වීමට තීරණය කර තිබේ.

අද (01) පස්වරුවේ එම පක්ෂයේ මධ්‍යම කාරක සභාව රැස් වූ අවස්ථාවේදී ඒකමතිකව මෙම තීරණයට එළඹුණ බව අග්‍රාමාත්‍ය දිනේෂ් ගුණවර්ධන සඳහන් කර ඇත.

පොදුජන පෙරමුණේ ජනාධිපති අපේක්ෂකයා ලබන සතියේ ප්‍රකාශයට පත්කරන බව එම පෙරමුණේ ප්‍රකාශකයෙක් සඳහන් කළේය.

ඉදිරිපත් කරන අපේක්ෂකයා සම්බන්ධයෙන් තවදුරටත් සාකච්ඡා පැවැත්වෙන බවද ඔහු පැවසීය.

කෙසේ වුවත් මීට පෙර සඳහන්ව තිබුණේ කෝටිපති ව්‍යාපාරික ධම්මික පෙරේරා වෙත පොදුජන පෙරමුණේ ජනාධිපති අපේක්ෂකත්වය ලබාදෙන බවයි.

නාමල් රාජපක්ෂ මන්ත්‍රීවරයා ඒ සම්බන්ධයෙන් අවස්ථා කිහිපයකදි සඳහන් කර තිබුණත් පක්ෂ අභ්‍යන්තරයේ තවමත් ඉතිරිව සිටින ජ්‍යෙෂ්ඨ දේශපාලන‍ඥයන් කිහිපදෙනකු ඊට එකඟතාවයක් දක්වා නැති බවද වාර්තා වෙයි.

මේ අතර ජනාධිපති රනිල් වික්‍රමසිංහ ට සහාය නොදී වෙනම අපේක්ෂකයකු ඉදිරිපත් කිරීමට පොදුජන පෙරමුණ ගත් තීරණය වෙනස් කරන ලෙස විවිධ පාර්ශව හිටපු ජනාධිපති මහින්ද රාජපක්ෂගෙන් ඉල්ලා ඇති බවද වාර්තා වෙයි.

එළැඹෙන ජනාධිපතිවරණයේ දී ජනාධිපති රනිල් වික්‍රමසිංහ ට සහාය දැක්වීමට සහ පොදුජන පෙරමුණේ මහ ලේකම් සාගර කාරියවසම් ඉවත් කොට එම ධුරයට රමේෂ් පතිරණ අමාත්‍යවරයා පත් කළ යුතු බවටත් වු යෝජනා දෙකක් ඒකමතිකව සම්මත කිරීම ශ්‍රී ලංකා පොදුජන පෙරමුණේ මාතර දිස්ත්‍රික් බල මණ්ඩල රැස්වීමේ දී අද (01) සිදුව තිබේ.

විදුලිබල හා බලශක්ති අමාත්‍ය කංචන විජේසේකර විසින් අදාළ යෝජනා දෙක ඉදිරිපත් කර ඇති අතර ඒකජන්දයෙන් එම යෝජනා සම්මත වී ඇත.

මාතර පාලටුව එල්.එච්.කේ හෝටලයේ දී පැවති මෙම රැස්වීම සඳහා ශ්‍රී ලංකා පොදුජන පෙරමුණේ මාතර දිස්ත්‍රික් බල මණ්ඩලය නියෝජනය කරමින් හිටපු පළාත් සභා මන්ත්‍රීවරුන්, හිටපු පළාත් පාලන ආයතන නියෝජිතයින්,ඡන්ද අපේක්ෂකයින් ඇතුළු තුන්සීයකට ආසන්න පිරිසක් සහභාගීව තිබේ.

සුරක්ෂා සිසු රක්ෂණය අද(01) සිට වසර තුනක කාලයක් සඳහා රජයේ සියලුම පාසල්, රජයේ අනුමත සියලු ම පෞද්ගලික පාසල්වලත්, පිරිවෙන් සහ උපකෘත විශේෂිත පාසල්වලත් අධ්‍යාපනය ලබන සිසු සිසුවියන් වෙනුවෙන් ලබා දෙන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත  පැවසී ය.

අමාත්‍යවරයා මෙම අදහස් පළ කළේ අධ්‍යාපන අමාත්‍යාංශය සහ ශ්‍රී ලංකා රක්ෂණ සංස්ථාව අතර එම රක්ෂණාවරණය ක්‍රියාත්මක කිරීමට අදාළ ගිවිසුමට අත්සන් තැබීමේ අවස්ථාවට එක් වෙමිනි.

අධ්‍යාපන අමාත්‍යාංශය වෙනුවෙන් අමාත්‍යාංශ ලේකම් තිලකා ජයසුන්දර ගිවිසුමට අත්සන් තැබූ අතර ශ්‍රී ලංකා රක්ෂණ සංස්ථාව වෙනුවෙන් එහි ප්‍රධාන මෙහෙයුම් නිලධාරි ප්‍රියන්ත පෙරේරා  අත්සන් තැබී ය.

මෙහි දී වැඩිදුරටත් අදහස් දක්වමින් අමාත්‍යවරයා සඳහන් කළේ අධ්‍යාපන අමාත්‍යාංශය රුපියල් මිලියන 7,112 ක මුදලක් මේ සඳහා ආයෝජනය කර ඇති බවත් මෙම රක්ෂණාවරණය මගින් රජයේ හෝ පෞද්ගලික රෝහල් නේවාසික ප්‍රතිකාර සඳහා ප්‍රතිලාභ ලෙස රු. 300,000ක් ද, බාහිර ප්‍රතිකාර සඳහා ප්‍රතිලාභ වශයෙන් රු. 20,000ක් සහ අසාධ්‍ය රෝග ප්‍රතිලාභ ලෙස රු. 1,500,000ක් දක්වා ප්‍රතිලාභ හිමි වන බවයි. එමෙන් ම අනතුරු රක්ෂණාවරණ මගින් පූර්ණ සදාකාලික අකර්මණ්‍යතාවක දී – රු. 200,000ක් ද, සදාකාලික අර්ධ අකර්මණ්‍යතාවක දී රු.150,000ක් ද, තාවකාලික අකර්මණ්‍යතාවයක දී – 25,000 සිට 100,000 දක්වා ද ප්‍රතිලාභ හිමි වන බවත් ජීවිත රක්ෂණාවරණය යටතේ වාර්ෂික ආදායම රු.180,000කට වඩා අඩු ආදායම්ලාභී පවුල්වල සිසුන්ට අමතරව ‘අස්වැසුම ‘ වැඩසටහනට අයත් පවුල්වල සිසුන්ගේ මාපිය, නීත්‍යනුකූල භාරකරු වියෝවක දී සිසු දරුවකු සඳහා රු. 75,000 බැගින් ද, එක් මරණයක් වෙනුවෙන් වෙන් කරනු ලබන උපරිම මුදල රු. 225,000 වන බවත් පවුලේ සියලු ම සිසුන් අතර එම මුදල සමානව වෙන් කරන බවත් මාපියන් දෙදෙනාගේ ම හෝ නීත්‍යනුකූල භාරකරුගේ මරණ සඳහා වෙන් වෙන් වශයෙන් මෙම රක්ෂණාවරණය හිමි වන බවත් අමාත්‍ය ආචාර්ය සුසිල් ප්‍රේමජයන්ත මහතා වැඩිදුරටත් සඳහන් කළේ ය.

තවද පාසල් සිසුන්ට මෙම රක්ෂණාවරණය සඳහා නොමිලේ කාඩ්පතක් හිමි වන අතර මෙම රක්ෂණාවරණය ඩිජිටල්කරණය කර තිබීම ද විශේෂත්වයකි.

එළැඹෙන 2024 ජනාධිපතිවරණය සඳහා අපේක්ෂකයින් හය දෙනක් මේ දක්වා ඇප තබා ඇති බව මැතිවරණ කොමිසම නිවේදනය කර සිටියි.

එකී නිවේදනය අනුව මෙතෙක් ජනාධිපතිවරණය වෙනුවෙන් ඇප මුදල් තැම්පත් කළ අපේක්ෂකයන් මෙසේය.

වත්මන් රනිල් වික්‍රමසිංහ, සරත් කීර්තිරත්න, ඕෂල හේරත්, ඒ. එස්. පී. ලියනගේ, සජිත් ප්‍රේමදාස සහ පී. ඩබ්. එස්. කේ. බණ්ඩාරනායක යන අය ඇප මුදල් තැන්පත්කර ඇත.

2024 ජනාධිපතිවරණය සැප්තැම්බර් 21 වනදා පැවැත්වෙයි.