ගොසිප්

දමිළ සිනමාවේ ප්‍රවීණ නළුවෙකු වන දිල්ලි ගනේෂ් මහතා අභාවප්‍රාප්ත වී තිබේ.

මිය යනවිට ඔහු 80 හැවිරිදි වියේ පසුවිය.

ඉන්දීය මාධ්‍ය වාර්තාකර තිබුණේ ඊයේ (09) රාත්‍රියේ නිවසේදීම ඔහු මියගොස් ඇති බවය.

ඔහු අවසන්වරට සිය රංගනයෙන් දායක වී ඇත්තේ මීට මාස කිහිපයකට ඉහතදී තිරගත වූ 'Indian-2' යන චිත්‍රපටයේ ය.

දිල්ලි ගනේෂ් මහතා වේදිකා නාට්‍යවලින් සිය රංගන දිවිය ආරම්භ කර ඇති අතර මිය යන විට චිත්‍රපට 400කට අධික සංඛ්‍යාවකට මෙන්ම ටෙලිනාට්‍ය ක්ෂේත්‍රයට ද සිය රංගනයෙන් දායක වී තිබේ.

ශ්‍රී ලංකා තුන් ඉරියවු ක්‍රීඩක කමිඳු මෙන්ඩිස් ජාත්‍යන්තර ක්‍රිකට් කවුන්සිලය විසින් ‘2024 මාර්තු’ ක්‍රීඩකයා ලෙස නම් කර ඇත.

අයර්ලන්ත හා නවසිලන්තයේ ක්‍රීඩකයන් දෙදෙනකු අභිබවමින් ඔහු මෙම ජයග්‍රහණය ලබා ඇත.

මාර්තු මාසය පුරා ඔහු දැක්වූ දස්කම් හේතුවෙන් මෙම සම්මානය ඔහුට පිරිනැමූ බව ජාත්‍යන්තර ක්‍රිකට් කවුන්සිලය නිවේදනය කර ඇත .

අජිත් මාන්නප්පෙරුම ගම්පහ සජබ ආසන සංවිධායක කමින් අයින් කලාට පස්සෙ තැන් තැන්වල දුක් ගැනවිලි කියන්නෙක් බවට පත්වෙලා. ඉන්න තැන කෙලින් හිටගෙන ඉන්නේ නැතුව ආසයි බයයි කොරන්න ගිහින් චොර වෙලා .

ආරංචියෙ හැටියට මිනිහා ලක්ෂ 3-4 වියදම් කරල යූටියුබ් වල සාකච්ඡා කීපයකුත් කලා. ඊට පස්සෙ ගෑස් සිලින්ඩරේ රුවන්‍ විජේවර්ධනත් එක්ක එකතු වෙලා වරුණ එක්ක සජබෙට ආපු යූඇන්පී සාමාජිකයන්ට රැස්වීම් කීපයකුත් තිබ්බා. පෞ අහිංසක යා.

ඒත් ඉතිං ගම්පහ ආසනයේ පලාත් පාලන සහ පලාත් සභා අපේක්ෂකයන් 39 ක් දැන් ඉන්නෙ වරුණ එක්ක. ඒ උදවිය
මේ දවස්වල ඒ අය වරුණ වෙනුවෙන් බැහැලම වැඩ.

ඊයේ (28) දවසෙ ගම්පහ ආසනේ රැස්වීම් 14ක් ලෑස්තිකරල තිබුනෙ වරුණ හර්ෂණ සහ අජිත් බස්නායකට සහය දෙන්න
හැබැයි එදා උදේම අජිත් එයත් එක්ක ඉදලා දැන් වරුනට උදව්කරන අද රැස්වීම් තියෙන හැම කෙනාටම කතා කරලා.

"මාස දෙකකින් මම ආයෙ ගම්පහ සංවිධායක වෙනවා.ජන්දෙන් පස්සෙ සජිත්වත් නායක කමින් අයින් කරන්න අපි වැඩ ලෑස්ති කරල තියෙන්‍නෙ" ඒ හින්ද නොමිනේෂන් ඕනෙ නම් අද රැස්වීම් කැන්සල් කරන්න " කියලා සද්දයක්‍ දාලා . (ද සිහින )

28 දවල් හර්ෂණයි වරුණයි මාකවිට පැත්තෙ රැස්වීම්වල ඉන්නකොට හදිසියේම සජබ මහලේකම් කෝල් කරල "වරුණ මම සභාපතිතුමත් එක්ක එනවා අද කොහෙද ඔයා ඉන්නෙ කියලා අහලා."
මහ මැතිවරණයක් පැවැත්වෙන කාලයෙ පක්ෂයක සභාපති සහ මහලේකම් කියන්නෙ අතිශය කාර්‍යබහුල දෙන්නෙක්.

මේ දෙන්නම එකතුවෙලා එකට ගම්පහ වරුණ රාජපක්ෂගෙ පොකට් මීටින් මාලාවකට සභභාගී උනා.

අජිත් මාන්නප්පෙරුම ඉවත් කරල පත්කරපු වරුණගෙ රැස්වීම් වලට ඇවිත් මේ දෙන්න කිව්වෙ, වරුණ කියන්නෙ කකුල් දෙක දැපැත්තෙ තියන් ඉන්නෙ නැති , ඉන්න තැන කොන්ද කෙලින් තියන් ඉන්න කොල්ලෙක් කියලා.

වරුණට මේ සහතිකේ දෙන්න පක්ෂෙ ලොක්කො දෙන්නෙක් හදිසියෙ ගම්පහ ආවෙ ඇයි.

වරුණ පරද්දන්න මාලිමාව සහ එජාපය ඒකාබද්ද මාධ්‍ය මෙහෙයුමක් පටන් අරන් තියන වෙලාවෙ

මේ දෙන්න ගම්පහ ආවෙ ස ජ බෙ සාමාජිකයක්ට පොඩි සිග්නල් එකක් දෙන්නද? අපිට වරුන ඕනෙ කියන්නද ?

ආසනය පුරා රෑ 11 වෙනකම් කරක්ගහපු රංජිත් - ඉමිටියාස් දෙපොල ගම්පහින් ගිහින් තියෙන්නෙ සජබෙ ගම්පහ දිස්ත්‍රික් ප්‍රධානම සහ එකම රැස්වීමත් ගම්පහට නගරයට දෙන්න පොරොන්දු වෙලා කියලයි ආරංචිය . ඒ කියන්නේ වරුණ ඊළඟ පාර්ලිමේන්තුවේ ඕනම චරිතයක් කියලා සජබ නායක සජිත් ප්‍රේමදාස තීන්දු කරලා ඉවරයි . දැන් තියෙන්නේ වැඩේ කෙරෙන්න. ඔන්න ඔහොම තමයි සජබ අභ්‍යන්තර ආරංචි මාර්ග කියන්නේ .

අමෙරිකාවේ නිව්යෝක් නුවර නැගෙනහිර වෙරළ තීරය ආශ්‍රිතව පසුගියදා සිදු වූ රිච්ටර් මාපකයේ 4.8ක අගයක් සටහන් කළ භූ කම්පනයෙන් ලෝක ප්‍රකට ලිබර්ටි ප්‍රතිමාව ද සෙලවුණු බව විදෙස් මාධ්‍ය වාර්තා කළේය.

එම සෙලවීම සහ නිව්යෝක් නුවර භූ කම්පනය ලිබර්ටි ප්‍රතිමාවේ සවි කර ඇති සීසීටීවී කැමරාවල සටහන්ව තිබූ බව වැඩිදුරටත් වාර්තා වේ.

නිව්යෝක් නුවර භූ කම්පන ඉතා විරල සිදුවීමක් බවත්, නගරවැසියන්ට එහි කම්පනය නව අත්දැකීමක් වූ බවත් එරට මාධ්‍ය සඳහන් කළේය.

නිව්යෝක් ආණ්ඩුකාරවරිය කැතී හෝචුල් සඳහන් කර ඇත්තේ එය අවසන් සියවසේදී නැඟෙනහිර වෙරළ තීරයේ සිදු වූ විශාලතම භූ කම්පනවලින් එකක් බවය.

කෙසේ වුවද භූ කම්පනයෙන් පුද්ගල හෝ දේපළ හානි කිසිවක් වාර්තා නොවූ බවත් විදෙස් මාධ්‍ය වැඩිදුරටත් සඳහන් කළේය.

පාකි­ස්තා­නයේ හිටපු අග­මැති ඉම්රාන් ඛාන්ගේ බිරිය බුෂ්රා බීබී මාස 9කට පසු ඇප මත බන්ධ­නා­ගා­ර­යෙන් නිද­හස් කළ බව එරට මාධ්‍ය වාර්තා කළේය.

ඉම්රාන් ඛාන් අග­මැ­ති ­ධු­රයේ සිටි­යදී රාජ්‍ය­තා­න්ත්‍රි­ක­ය­න්ගෙන් ලැබුණු වටිනා ත්‍යාග භාණ්ඩා­ගා­ර­යට ලබා නොදී සිය හිත­ව­තුන් අතර බෙදා දුන් බව­ටත්, තවත් ත්‍යාග ප්‍රමා­ණ­යක් අධික මිල­කට අලෙවි කර මුදල් උපයා ගත් බව­ටත් චෝදනා ලැබූ බුෂ්රා බීබී වසර 14ක සිර­ද­ඬු­වම් නියම වූ අතර, ඇය පසු­ගිය ජන­වා­රි­යේදී බන්ධ­නා­ගා­ර­ගත කර තිබිණි.

රාව­ල්පිණ්ඩි නුවර අඩි­යලා බන්ධ­නා­ගා­රයේ රඳවා තබා සිටි ඉම්රාන්ගේ බිරිය ඇප මත නිද­හස් කර ඇත්තේ ඉස්ලා­මා­බාද් මහා­ධි­ක­ර­ණය නියෝ­ග­යෙන් බව එරට ඩෝන් පුවත් සේවය වාර්තා කළේය.

බන්ධ­නා­ගා­ර­යෙන් නිද­හස ලැබූ බුෂ්රා බීබී මෝටර් රථ පෙළක ආර­ක්ෂාව මැද සිය නිවෙස වෙත පැමි­ණෙද්දී මාර්ගයේ දෙපස රැඳී සිටි විශාල පිරි­සක් ඇයට සුබ පැතූ බවත්, ඇය පිළි­ගැ­නී­මට ඇගේ නිවෙස අසල ටෙහ්රීකි ඉන්සාෆ් පක්ෂයේ නාය­ක­යන් සහ හිත­වා­දීන් විශාල පිරි­සක් රැස්ව සිටි බවත් ඩෝන් පුවත් සේවය සඳ­හන් කළේය.

තමා පිළිකා රෝගයකින් පෙළෙන බව බ්‍රිතාන්‍යයේ වේල්ස් කුමරිය වන කේට් මිඩ්ල්ටන් විදෙස් මාධ්‍ය වෙත පවසා තිබේ.

මේ වන විට තමා පිළිකා රෝග විනිශ්චයෙන් අනතුරුව මුල් අවධියේ ප්‍රතිකාර ලබමින් සිටින බව ඇය පවසා ඇත.

තමා පසුගිය ජනවාරි මාසයේදී උදරයේ සැත්කමකට භාජනය වූ බවත් එහිදී පිළිකා තත්ත්වයක් ඇති බව නොදැන සිටි බවත්  සඳහන් වේ.

කෙසේ වෙතත් ශල්‍යකර්මයෙන් පසුව කරන ලද පරීක්‍ෂණවලින් පිළිකාවක් ඇති බව සොයාගෙන ඇති අතර ඇයගේ වෛද්‍යවරු පවසා ඇත්තේ ඒ සඳහා ප්‍රතිකාරවලට යොමුවන ලෙසයි.

විශේෂ වීඩියෝ පණිවුඩයක් ඊයේ(22) නිකුත් කරමින් ඇය විසින් ඒ බව හෙළිකර තිබුණි. ටික කලක සිට මහජනයාගෙන් දුරස්ථව සිටි ඇය සඳහන් කළේ, පිළිකා රෝග හඳුනා ගැනීම සඳහා වන රසායනික චිකිත්සාවකට භාජනය වීමෙන් අනතුරුව ඒ බව හඳුනා ගත් බවයි.

වීඩියෝ ප්‍රකාශයක් නිකුත් කරමින් කුමරිය ප්‍රකාශ කළේ, මෙම සිද්ධිය තමාට විශාල කම්පනයක් සිදුකළ බවයි.

පිළිකා රෝගයට මුහුණ දෙන සෑම කෙනෙකුම කුමන ආකාරයේ වුවද බලාපොරොත්තු නැති කර නොගන්නා ලෙස ඇය ඉල්ලා සිටියාය.

අනාගත ඔටුන්න හිමි බ්‍රිතාන්‍යයේ රාජකීය පවුලේ විලියම් කුමරු හා කේට් මිඩ්ල්ටන් 2011 වසරේ දී විවාහ වූ අතර මේ වන විට  ඇය දරුවන් තිදෙනෙකුගේ මවකි.

ජනප්‍රිය සංගීත කණ්ඩායමක් වන ‘One Direction’හි හිටපු සාමාජිකයෙකු වූ ලියම් පේන් මිය ගොස් තිබේ.

විදෙස් මාධ්‍ය වාර්තා කර ඇත්තේ, ඔහු ආජන්ටිනාවේ පිහිටි හෝටලයක තෙවන මහලෙන් ඇද වැටී මිය ගොස් ඇති බව ය.

මිය යන විට ඔහු 31 වන වියේ පසු විය.

ලියම් පේන්ගේ මරණය සැලවීමෙන් පසු රසිකයින් දහස් ගණනින් ඔහු ඇද වැටී මිය ගොස් ඇති හෝටලය අසලට පැමිණ ඇති බව විදෙස් මාධ්‍ය වාර්තා කරයි.

2010 වසරේ ආරම්භ වූ One Direction සංගීත කණ්ඩායම කෙටි කලක් තුළ ලොව අතිශය ජනප්‍රිය සංගීත කණ්ඩායමක් බවට පත් විය.

මෙම සංගීත කණ්ඩායමේ ‘What makes you beautiful’, ‘Night Changes’ සහ ‘Steal My Girl’ වැනි ජනප්‍රිය ගීත සහිත ඔවුන්ගේ ඇල්බම ලොව පුරා පිටපත් මිලියන 70කට අධික සංඛ්‍යාවක් විකිණී තිබේ.

ශ්‍රී ලංකා කණ්ඩායම සහ ඇෆ්ගනිස්ථාන් කණ්ඩායම අතර පසුගිය 21වන දින පැවති අවසන් විස්සයි විස්ස ක්‍රිකට් තරඟය අවසන් වීමෙන් අනතුරුව ශ්‍රී ලංකා ක්‍රිකට් කණ්ඩායමේ නායක වනිඳු හසරංගට එරෙහිව අයි සී සී ය විසින් දඬුවම් පනවා ඇත.

තරගයේ අවසන් පන්දුවාරයේ සිව්වැනි පන්දුව විනිසුරු නිපන්දුවක් ලෙස සටහන් නොකිරීම නිසා තරගයෙන් පසු විනිසුරුවරයා සමග වනිඳු වචන හුවමාරුවක් කර ගන්නා අයුරු මාධ්‍ය වාර්තා කර තිබුණි.

ඉන්පසු එම සිද්ධිය පිළිබඳ වනිඳු මාධ්‍ය ඉදිරියේ කළ ප්‍රකාශයක් සම්බන්ධයෙන්ද දැඩි කතාබහක් ඇති විය.

ඒ අනුව, තරග ගාස්තුවෙන් සියයට 50ක දඩයක් සමග දඬුවම් ලකුණු 3ක් වනිඳුට නියම කර ඇත.

මීට පෙර ද ඔහුට දඬුවම් ලකුණු 2ක් පනවා ඇති අතර, ඒ අනුව පනවා ඇති දඬුවම් ලකුණු සංඛ්‍යාව 4 ඉක්මවා යෑම නිසා තරග දෙකක් තහනම් කළ බව අන්තර්ජාතික ක්‍රිකට් කවුන්සිල නිවේදනයේ වැඩිදුරටත් සඳහන් වේ.

ඒ අනුව, බංග්ලාදේශයට එරෙහි පන්දුවාර 20යි 20 ක්‍රිකට් තරගාවලියේ පළමු තරග දෙක ඔහුට අහිමි වනු ඇත.

ටෙලිග්‍රෑම්හි ප්‍රධාන විධායක නිලධාරී පවෙල් ඩුරොව් ප්‍රංශ පොලිසිය විසින් අත්අඩංගුවට ගෙන තිබේ.

විදෙස් මාධ්‍ය වාර්තා කරන්නේ, ඔහුගේ පෞද්ගලික ජෙට් යානය Le Bourget ගුවන් තොටුපළට ගොඩබැස්සවීමෙන් පසු පවෙල් ඩුරොව් පොලිසිය විසින් රඳවාගෙන සිටි බවයි.

ජනප්‍රිය පණිවිඩ යැවීමේ යෙදුමක් සම්බන්ධයෙන් වරෙන්තු ලබා සිටියදී ඔහු අත්අඩංගුවට ගෙන තිබේ.

ටෙලිග්‍රෑම්හි සාපරාධී භාවිතයන් මැඩලීමට පියවර ගැනීමට අපොහොසත් වීම සම්බන්ධයෙන් ඩුරොව්ට චෝදනා එල්ල වි තිබේ.

ශ්‍රී ලංංකාවේ “හදවතේ ගායකයා“ ලෙසින් ඔටුණු පළන් ජනප්‍රිය ගායන ශිල්පී චාමර වීරසිංහගේ සුව දුක් විමසීම සඳහා බුද්ධශාසන ආගමික හා සංස්කෘතික කටයුතු අමාත්‍ය විදුර වික්‍රමනායක සහ සංස්කෘතික කටයුතු දෙපාර්තමේන්තුවේ නිලධාරීන් පිරිසක් ඔහුගේ නිවසට පසුගියදා ගොස් ඇත.

රෝගාතුරව ප්‍රතිකාර ලබමින් සිටි ජනප්‍රිය ගායන ශිල්පී චාමර වීරසිංහ මේ වන විට සුවය ලබා සිය නිවසට පැමිණ තිබෙන අතර ශ්වසන ආබාධයක් හේතුවෙන් කළුබෝවිල ශික්ෂණ රෝහලේ දැඩි සත්කාර ඒකකයේ ඔහු ප්‍රතිකාර ලබමින් සිටියේය.

ජනතාව අතර මහත් වූ ආදරයක්, ආකර්ෂණයක් දිනා සිටින “හදවතේ ගායකයා” නම් වූ ඔහු, ආදරය, විරහව, මා පිය සෙනෙහස, සමාජීය කරුණු ආදී නොයෙකුත් සංවේදනයන් පිළිබඳව ගීත ගණනාවක්ම රසික හදවත්වලට සමීප කළ දක්ෂ නිහතමානී ගායන ශිල්පියෙකි.

තම ආදරණීය හඬ මුසු කර ගායනා කළ ළයාන්විත ගීතයන් නිසාම වසර ගණනාවක සිට සම්මාන හා ඇගයුම් රාශියකට හිමිකම් කියූ චාමර වීරසිංහ ජනතා හදවතේ සම්මානය දිනාගත් කලාකරුවෙක්ද ද වෙයි.

මෙම අවස්ථාවට සංස්කෘතික කටයුතු අධ්‍යක්ෂ යසින්තා ගුණවර්ධන, සහකාර අධ්‍යක්ෂ කසුන් සෙනෙවිරත්න, පරිපාලන නිලධාරී ඩී.එම්. දහනායක සහ කළමනාකරණ සේවා නිලධාරී දිනිති ඩී. ගරුසිංහ යන පිරිස එක්ව ඇත.

ශ්‍රී ලංකා මළල ක්‍රීඩිකා තරුෂි කරුණාරත්න මෙවර ඔලිම්පික් උළෙලේදී භාවිතා කළ ඇඳුම් කට්ටලය ජාත්‍යන්තර ඔලිම්පික් කමිටුවට අයත් කෞතුකාගාරයේ ප්‍රදර්ශනය කිරීම සඳහා පරිත්‍යාග කර තිබෙයි.

එම කෞතුකාගාරය ස්විස්ටර්ලන්තයේ පිහිටා තිබෙන බවයි වාර්තා වෙයි.

විදෙස් මාධ්‍ය වාර්තා කළේ එම ඇඳුම් කට්ටලයේ ඇයගේ අත්සනද සටහන් කර තිබෙන බවයි.

ප්‍රංශයේ පැරිස් අගනුවර, ලූවර් කෞතුකාගාරයේ ප්‍රදර්ශනයට තබා ඇති, ලියනාඩෝ ඩාවින්චි අතින් සිත්තම් කෙරුණු ලෝ ප්‍රකට, මිල කළ නොහැකි මොනලිසා සිතුවමට සුප් බඳුනකින් දමා ගැසීමේ සිද්ධියක් වාර්තා වේ.

ප්‍රහාරය එල්ල කර ඇත්තේ ආහාර සුරක්ෂිතතාව සම්බන්ධ සම්බන්ධයෙන් විරෝධතාවක නියැලුණු දෙදෙනෙකි.

මිල කළ නොහැකි මෝනාලිසා සිතුවම, ප්‍රදර්ශනයට තබා ඇත්තේ වෙඩි නොවදින අධි ආරෙක්ෂක වීදුරු කුටියක් තුළය. එහෙයින් සිතුවට කිසිදු හානියක් සිදු නොවිණි.

විරෝධතාකරුවන් දෙදෙනා පොලිස් අත්අඩංගුවට ගැනුණි.

16 වැනි සියවසට අයත් මොනලිසා සිතුවම ලොව වැඩිම ජන ප්‍රසාදයට ලක්වූ සිතුවම ලෙස සැළකෙයි.

ෆෝර්බ්ස් සඟරාවේ නවතම වාර්තා අනුව ඉන්දීය සුපිරි නළු ශාරුක් ඛාන් ඉන්දියාවේ ධනවත්ම නළුවා බවට පත්ව තිබේ.

එක් චිත්‍රපටයක් වෙනුවෙන් ඉන්දීය රුපියල් කෝටි 150 ඉක්මවූ මුදලක් අය කරන ශාරුක්ගේ සම්පූර්ණ දළ වත්කම ඉන්දීය රුපියල් කෝටි 6,300කි.

ෆෝර්බ්ස් සඟරාවේ ධනවත්ම ඉන්දීය නළුවන් අතරට අමීර් ඛාන්, අක්ෂේ කුමාර් සහ සල්මාන් ඛාන් ද අයත් වන අතර දකුණු ඉන්දීය නළුවන් කිහිපදෙනෙක්ද ඇතුළත්ව සිටී.

එංගලන්තයේ ඈන් කුමරිය සංචාරයක් සඳහා ශ්‍රී ලංකාවට පැමිණීමට නියමිත බව ශ්‍රී ලංකා විදේශ කටයුතු අමාත්‍යාංශය නිවේදනය කරයි.

එළඹෙන ජනවාරි මස 10 වැනිදා සිට 13 වැනිදා දක්වා ඇය මෙරට සංචාරය කරනු ඇත.

ඈන් කුමරිය සමග ඇයගේ සහකරු වන වයිස් අද්මිරාල් ශ්‍රීමත් ටිම් ලෝරන්ස් ද මෙරටට පැමිණීමට නියමිතය.

ශ්‍රී ලංකාව සහ බ්‍රිතාන්‍යය අතර රාජ්‍ය තාන්ත්‍රික සබඳතාවල 75 වැනි සංවත්සරයට සම්බන්ධ උත්සව සඳහා සහභාගී වන ලෙස ශ්‍රී ලංකා රජය විසින් ඇයට රාජකීය ආරාධනය කර ඇති බව විදේශ කටයුතු අමාත්‍යාංශය පවසයි.

ඈන් කුමරිය දෙවන එලිසබෙත් රැජිනගේ සහ එඩින්බරෝ ආදිපාදවරයා වන පිලිප් කුමරුගේ දෙවන දරුවා සහ එකම දියණිය වන අතර III චාල්ස් රජුගේ එකම සහෝදරියයි.

මුම්බායිවල පැවති ”Shows of India Conclave 2024” හිදී ”Breakout Star” ලෙස යොහානි ද සිල්වා සම්මානයට පාත්‍රවී තිබේ.

මෙම සම්මාන උ⁣ළෙල පසුගියදා පැවැත්වුණේ “Shows Of India Conclave”, එහි සිව්වන සංස්කරණය සනිටුවහන් කරමිනි.

සම්මානය ලද යොහානි සිය සමාජ මාධ්‍ය වේදිකාවන් හි සඳහන් කර තිබුණේ, ලද සම්මානය ගැන නිහතමානීව සතුටට පත්වන බවත් ඉදිරියේදී නව නිර්මාණ තුළින් රසිකයින් හමුවට පැමිණෙන බවයි.

චිත්‍රපට නිෂ්පාදකයෙකු සහ අධ්‍යක්ෂවරයෙකු ලෙස කටයුතු කළ බුද්ධි කීර්තිසේන අභාවප්‍රාප්ත වී තිබේ.

මියයන විට ඔහු 83 හැවිරිදි වියේ පසු විය.
ඇය ඔබට බාරයි, සුජාතා චිත්‍රපටය නව නිෂ්පාදනය ආදී චිත්‍රපට නිෂ්පාදනය කළ බුද්ධි කීර්තිසේන සම්මානනීය චිත්‍රපට අධ්‍යක්ෂකවරයෙකු සහ නිෂ්පාදකයකු වන බුඩී කීර්තිසේන ගේ පියාණන්ද වේ.

එසේම ඔහු බුද්ධි බතික් ව්‍යාපාරයේ සම නිර්මාතෘවරයෙකි.

බෝට්ටුවකින් රෝහලට යමින් සිටි ගැබිනි මවක් බෝට්ටුවේදීම දරු ප්‍රසූතිය සිදුකළ පුවතක් යාපනයෙන් වාර්තා වේ.

ප්‍රසව වේදනා ඇති වූ අදාළ ගැබිනි මව නාගදීපය අසල තොටුපළේදී දරුවා ප්‍රසූත කර ඇත.

ඇය ප්‍රථමයෙන් නාගදීප මූලික රෝහලට ඇතුළත් කර ඇති අතර වෛද්‍යවරුන්ගේ උපදෙස් මත යාපනය ශික්ෂණ රෝහල වෙත මාරුකර යවා තිබේ.

ඒ අනුව යාපනය ශික්ෂණ රෝහල වෙත යමින් සිටියදී ගැබිනි මව මෙම සිදුවීමට මුහුණ දී තිබේ.

ප්‍රසව වේදනා පැමිණීමත් සමග බෝට්ටුවේ සිටි මගීන් සියලුම පිරිමින් ඉහළ තට්ටුවට යවා දරුවා ප්‍රසූත කිරීමට ඇයට උදව් කර ඇත.

අනතුරුව බිළිඳා සමග මව කූරිකඩ්ඩුවාන ජැටිය වෙතට රැගෙන විත් ගිලන්රථයක් සමගින් යාපනය ශික්ෂණ රෝහලට රැගෙන යාමට පියවර ගෙන ඇති අතර මේ වන විට අදාල දරුවා සහ මව යහපත් සෞඛ්‍ය තත්වයේ පසුවන බවටද යාපනය රෝහලේ වෛද්‍යවරුන් පැවසීය.

www.dinamina.lk

ශ්‍රී ලාංකික හිටපු ක්‍රිකට් ක්‍රීඩක ධනුෂ්ක ගුණතිලක ඊයේ (03) රාත්‍රියේ දිවයිනට පැමිණියේය.

ධනුෂ්ක ගුණතිලක සමග සුදු ජාතික තරුණියක් සහ ඔහුගේ මිතුරෙක් ද පැමිණ සිටියහ.

ලෝක කුසලාන ක්‍රිකට් තරගාවලියට ඕස්ට්‍රේලියාව වෙත ගොස් සිටියදී කාන්තාවකට ලිංගික අඩත්තේට්ටම් සිදු කළා යැයි චෝදනා එල්ල වී පසුව ඔහුව නිදොස් කොට නිදහස් කෙරුණි.

ගුවන් තොටුපොළේ දී මාධ්‍යවේදීන් හමුවේ අදහස් දැක්වූ ධනුෂ්ක ගුණතිලක , මෙම මාස එකොළහක කාළය තුළ ඕස්ට්‍රේලියාවේ සහ ශ්‍රී ලංකාවේ මා සමග සිටි සියලු දෙනාටම ස්තුතිය පිරිනමන බව පැවසීය.

එසේම මෙම කාළය තුළ ඉවසීමෙන් සිටීමට ක්‍රිකට් මගින් ලද පුරුදු පුහුණු කිරීම් මෙන්ම එයින් ලද ආභාසය ද ඉවහල් වූ බව පැවසීය .

එමෙන්ම තමන් ඉතා ඉක්මනින් ශ්‍රී ලංකාවේ ක්‍රිකට් කිරීම සදහා අවශ්‍ය පුහුණවීම් වල නිරත වීමට කටයුතු කරන බව ද ධනුෂ්ක ගුණතිලක වැඩිදුරටත් පැවසීය.