පුවත්

මෙම දුෂ්කර වකවානුවේ ශ්‍රී ලංකාවට සහාය වීමට IMF කළමනාකාර අධ්‍යක්ෂවරිය කැමැත්ත පළකර ඇති බව අග්‍රාමාත්‍ය මාධ්‍ය ඒකකය පවසයි .

අග්‍රාමාත්‍ය මාධ්‍ය ඒකකය නිකුත්කළ නිවේදනයක් අනුව IMF කළමනාකාර අධ්‍යක්ෂවරිය මේ බව සඳහන් කර ඇත්තේ අග්‍රාමාත්‍ය රනිල් වික්‍රමසිංහ සමග පැවති දුරකථන සාකච්ඡාවක් අවස්ථාවේ ය.

ඊට අනුව රටේ වත්මන් ආර්ථික තත්ත්වය සම්බන්ධයෙන් අග්‍රාමාත්‍ය රනිල් වික්‍රමසිංහ සහා ජාත්‍යන්තර මූල්‍ය අරමුදලේ කළමනාකාර අධ්‍යක්ෂ ක්‍රිස්ටලිනා ජෝර්ජිවා සමඟ ඊයේ සවස දුරකථන ඔස්සේ සාකච්ඡාවක් පවත්වා ඇත .

IMF කාර්ය මණ්ඩල මට්ටමේ නියොජිත කාණ්ඩයම හැකි ඉක්මනින් ශ්‍රී ලංකාවට පැමිණෙන ලෙසත් එවිට කාර්ය මණ්ඩල මට්ටමේ ගිවිසුම අවසන් කිරිමට හැකි බව මෙහිදී අග්‍රාමාත්‍යවරයා පවසා ඇත .

ශ්‍රී ලංකාව සහ IMF කාර්ය මණ්ඩල මට්ටමේ ගිවිසුමක් අවසන් කිරීම මත මූල්‍ය සම්බන්ධතා සාකච්ඡා රඳා පවතින බව අග්‍රාමාත්‍යවරයා එහිදී පැහැදිලි කළ බවත් සඳහන් වෙයි.

පාර්ලිමේන්තු මන්ත්‍රී ජොන්ස්ටන් ප්‍රනාන්දු අත්අඩංගුවට ගන්නා ලෙස කොටුව මහේස්ත්‍රාත් අධිකරණය විසින් අද (08) වරෙන්තුවක් නිකුත් කර ඇත.

අධිකරණය මඟහැර සිටිම හා නියමිත ස්ථානවල රැඳී නොසිටීම පිලිබදව නීතිපතිවරයා විසින් අධිකරණයට කරුණු වාර්තා කිරීමෙන් පසු මෙම නියෝගය නිකුත් කර තිබේ.

පසුගිය 09 වැනිදා ගාලුමුවදොර සහ අරලියගහ මන්දිරය ඉදිරියේදී ඇති වූ සිදුවීම් වලට අදාලව මෙම නියෝගය නිකුත් කර ඇත.

තරගකාරී ටෙන්ඩර් පටිපාටියට පිටින් සිදුකරන ක්‍රියාවලිය හරහා ලංකා විදුලි බල මණ්ඩලයට ආර්ථික වශයෙන් අලාභයක් සිදුවන යෝජිත විදුලි බල මණ්ඩල පනත වහාම හකුලා ගත යුතු බව 43 සේනාංකය පවසයි.

'රජය විසින් යෝජිත විදුලිබල සංශෝධන පනතේ සැගවුන සැබෑ අරමුණ' මැයෙන් අද 43 සේනාංකය මගින් පවත්වන ලද මාධ්‍ය හමුවේ දී වැඩිදුරටත් අදහස් දැක්වූ 43 සේනාංකයේ ඉංජිනේරු සංසදයේ සභාපති සුරත් සෙනෙවිරත්න මහතා;

“පහුගිය අවුරුදු විස්ස පුරාවට අවුරුදු 13 – 14 ක්ම විදුලිබල මණ්ඩලය තිබුනේ රාජපක්ෂ රජය යටතේ. එයිනුත් වැඩිම කාලයක් පාලනය කරේ සභාපතිවරයා හෝ ලේකම්වරයා විදිහට දැන් ඉන්න සභාපතිවරයා. එහෙමනම් මේ පාඩුව පිළිබඳ වගකීම දරන්න ඕනේ ඒ පාලනයේ හිටපු පිරිස්ම තමයි.

එතකොට මේ 250% කින් විදුලිබිල වැඩි වෙනවයි කියන කතාව එද්දිම අපි පාරිභෝගිකයෝ විදිහට ගත්තොත් අපි ඒකට අකමැති වුණත්, ඒක මේ වෙලාවේ සිද්ධ කරන්න වෙනවා. රටේ තියෙන අර්බුදයත් එක්ක. අපි ඒක පිළිගන්නවා. නමුත් ඇත්තටම හොයලා බලන්න ඕනේ විදුලිබල මණ්ඩලයේ පාඩු වෙන්නේ මොකක් හින්දද කියන කාරණය.

අපේ රටට මේ අර්බුදකාරී අවස්ථාවේ ඩොලර් එන එක සත්ය නමුත්, මේකෙදි සිද්ධ වෙන කාරණා දෙකක් තියෙනවා. පළවෙනි එක ගත්තොත් එහෙම, අන්තර්ජාතිකව මේ මොහොතේ, සාමාන්යයෙන් සුළං බලශක්ති ඒ විකිණෙන්නේ සමාගමෙන් අපි මේ ගිවිසුම හරහා බලාපොරොත්තු වෙනවා ඒක ඩොලර් සත හත හමාරක වගේ ගානකට මිලදී ගන්න. ඒකෙන් ඇත්තටම සිද්ධවෙන මෙගාවොට් 500 ක විදුලි බලාගාරය හරහා ඩොලර් සත 7.5ක මුදලකට විදුලිය මිලදී ගැනීම හරහා තවදුරටත් විදුලිබල මණ්ඩලයේ ආර්ථිකයට හානි වෙන එක තමයි සිද්ධ වෙන්නේ. මේක ගේන්න ඕනේ අර අන්තර්ජාතික වෙළඳ පොළේ තියෙන වටිනාකමට, එහෙමත් නැත්නම් ඒ ආසන්න වටිනාකමටම අඩු ම ගානේ ඩොලර් සත 4 ක ප්‍රමාණයටවත් ඒකකයක් මිලදී ගන්න පුළුවන් තැනට ගේන්න ඕනේ. එහෙම වුණොත් තමයි, මේක විදුලිබල මණ්ඩලය පැත්තෙන්, එහෙම නැත්නම් මහජනතාව පැත්තෙන් අලාභයක් සිද්ධ වෙන්නේ. එහෙම නැත්නම් අර්බුදයකට නොයා තියෙන තත්වයකට හදාගන්න පුළුවන් වෙන්නේ.

අදානි සමාගමට මේ ටෙන්ඩරය ලබාදෙන්නේ කිසිම තරඟකාරී ටෙන්ඩර් ප්‍රතිපත්තියකට අනුව නෙමෙයි. දැන් අදානි සමාගමට මේ දෙන්න යන එක මේ සංශෝධනය හරහා, විදුලිබල මණ්ඩල පනත සංශෝධනය හරහා කරන්න යන්නේ, ඉදිරියට එහෙම එන, ලොකු ආයෝජන සමඟ එන ආයතන වලට විශේෂයෙන් පෞද්ගලික ආයතන වලට අපේ බලශක්ති ක්ෂේත්‍රය තුළ ලබා දෙන්න යනවා ඔවුන්. තරඟකාරී ටෙන්ඩර් වලින් තොරව ක්‍රියාවලියට සම්බන්ධ වෙන්න අවස්ථාව ලබාදෙනවා. ඒකත් වෙන්නේ ආපහු අනිත් පැත්තෙන්. විදුලිබල මණ්ඩලයේ ආර්ථිකයට හානි වෙන එක. හරහා සිද්ධ විදුලිබල මණ්ඩලයටම පාඩුවක්. මේ සංශෝධන පනත වහාම අකුල ගන්න”

43 සේනාංකයේ මුදල් ලේකම්, ඉංජිනේරු සංසදයේ විධායක සභික සුමේධ රත්නායක දැක්වූ අදහස් ;

“මේ පනත බලාත්මක වෙන වෙලාවේදී සිද්ධ වෙමින් තිබුණු තාප සහ පුනර්ජනනීය ව්‍යාපෘති සඳහා විශේෂ ප්‍රතිපාදන සපයලා තිබුණා. අනික් කොන්දේසිය වුනේ සියලූම ව්‍යාපෘති තරඟකාරී ලංසු කැඳවීම යටතේ කළ යුතුයි කියන එක. මේ පනතේ හතලිස් තුන්වෙනි වගන්තියට ඉතා කුඩා සංශෝධනයක් ගෙනල්ලා, අනාගතයේදී කරන්නට තිබෙන ව්‍යාපෘති තරඟකාරී ලංසු කැඳවීමකින් තොරව කිරීම සඳහා අවශ්‍ය ප්‍රතිපාදන සලසා ගැනීම තමයි, මේ පනත සංශෝධනයේ අරමුණ වෙලා තියෙන්නේ.

අපි හැමෝම දන්නවා ලංකාව අද මේ තිබෙන මේ ආර්ථික අගාධයට පත්වෙන්න ප්‍රධානම හේතුවක් තමයි, මේ තරඟකාරී ලංසු කැඳවන්නේ නැතුව කරපු ව්‍යාපෘති.

විදුලිබල මණ්ඩලය පාඩු වෙන්නේ මේ විදුලිබල මණ්ඩලයේ තියෙන ප්‍රශ්නයක් නිසාද? එහෙම නැත්නම් මේ අපේ පාරිභෝගිකයොන්ට අඩු මිලට විදුලිය දෙන නිසාද? නැහැ. ඇත්තටම වැඩිපුර මේ පාඩුව සිද්ධ වෙන්නේ මෙන්න මේ වගේ කරන කටයුතු වලින්, මේ වගේ මහා පරිමාණයේ දූෂණ මඟින්, අනාගතයේදී මේ අදානි ලබාදෙන හැම විදුලි ඒකකයකින් අපේ ජනතාවට සිද්ධ වෙනවා පාරිභෝගිකයෙකුටම රුපියල් 13.50 ගානේ ගෙවන්න. ඩොලරය වැඩි වෙන තරමට වැඩියෙන් ගෙවන්න සිද්ධ වෙනවා. ඉතින් 2019 විදුලිබල පනතට අනුව අවම පිරිවැයක් සඳහා එය යොමු කරමින් නම් අවම පිරිවැයක් වැය කරමින් නම් මේ ව්‍යාපෘතිය අධානිට කියන එක කෙලින්ම පනත උල්ලංඝනය කිරීමක්.

බලශක්ති සැලැස්ම යටතේ ක්‍රියාත්මක වෙන්න මේ සුනිත්‍ය බලශක්ති අධිකාරියට සහ විදුලිබල මණ්ඩලයට ඉඩ දෙන්න ඒවා තරගකාරී ලංසු කැඳවීමෙන් කරන එක තමයි ඉතාම සාර්ථක ක්‍රමය එහෙම නොකරන මේ ව්‍යාපෘති වලින් අනාගතයේදී මේ රටේ තව බොහොම දුකට පත්වෙලා ඉන්න ජනතාවට විදුලි බලය සඳහාත් අධික මුදලක් ගෙවීමට සැලැස්වීම තමයි සිද්ධ කීප දෙනෙකුගේ සුඛ විහරණය සඳහා. මේ පහුගිය කාලේ මේ රට පුරාම අර කපුටු නාදය දැන් ටිකක් නිහඬ වෙලා කියලා අපිට පේනවා.

හැබැයි මේ රාජ්‍ය ආයතන හැම එකක් ඇතුළෙම කපටු කණ්ඩායම් ඉන්නවා. මේ කපුටු කණ්ඩායම් ඉන්නවා විදුලිබල මණ්ඩලය ඇතුලේ. මාර්ග සංවර්ධන අධිකාරිය ඇතුලේ මේ කපුටු කණ්ඩායම් විසින් පරණ දූෂණයන් ඒ ආකාරයෙන්ම කරගෙන ආවා. රටේ ජනතාවගේ ආයතන වල සිටින මහත්වරුන්ගේ සියලු දෙනාගේම වගකීමක් මේ කපුටු කණ්ඩායම් මේ තැන්වලින් ඉවත් කිරීම”

තහනම් රසායනික ද්‍රව්‍ය යොදා මත්පැන් පෙරා පාරිභෝගිකයින්ට විකුණූ සමාගම් දෙක බේරා ගැනීම සදහා සුරා බදු දෙපාර්තමේන්තුවේ සූදානමක් ඇති බව අනාවරණය වෙයි.

ඒ පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත් කරන ලද මාධ්‍ය නිවේදනයක් හරහා ය.

අදාළ මාධ්‍ය නිවේදනය පහත දැක්වෙයි .

පසුගිය කාලයේ රජයේ රස පරීක්ෂක දෙපාර්තමේන්තුව විසින් වෙළදපොලේ අලෙවි කිරීමට ඇති මත්පැන් වල නියදි ලබා ගෙන පරීක්ෂා කිරීමක් සිදුකරන ලදී. එහිදී හෙළිවූයේ පල්දන්වත්ත, මල්කඩුවාව, කුරුණෑගල ලිපිනයේ පිහිටා ඇති රෝයල් සිලෝන් ඩිස්ටිලරීස්(පුද්ගලික) සමාගම (කළින් වයඔ ඩිස්ටිලරීස්(පුද්ගලික) සමාගම ලෙස හදුන්වනු ලැබූ) හා සිනජි ඩිස්ටිලරීස්(පුද්ගලික) සමාගම විසින් පාරිභෝගිකයාට අලෙවි කරනු ලබන මත්පැන් වල Isopropanol හෙවත් Isopropyl අඩංගුව පැවැති බවයි.

මෙම රසායනිකය නිවසේ භාණ්ඩ සෝදා ගැනීමට හා සනීපාරක්ෂක කටයුතු සදහා(වැසිකිලි පිරිසිදු කිරීම සදහා) භාවිතා කරනු ලබන රසායනිකයක් වන අතර එය මිනිස් ශරීරයට හානිකර දායක රසායනිකයකි.

කොරෝනා රෝගයෙන් වැලකී සිටීම අත් පිරිසිදු කරන විෂබීජ නාශක නිෂ්පාදනය කිරීම සදහා මෙරට ආනයනය කරනු ලබන Isopropanol හෙවත් Isopropyl නැමැති රසායනිකය භාවිතා කරමින් මධ්‍යසාර නිෂ්පාදනය කිරීම ලාභ දායක වන අතර මධ්‍යසා නිෂ්පාදනය සදහා සාමාන්‍යයෙන් භාවිතා කරනු ලබන එතනෝල්වලට වලට වඩා මෙම රසායනිකයේ මිල අඩුය. ඒ නිසාම අදාල සමාගම් හිතාමතාම මෙම රසායනිකය භාවිතා කරන බව විශ්වාස කල හැක.

අදාල සිදුවීම පිළිබදව රජයේ රස පරීක්ෂක දෙපාර්තමේන්තුව සුරාබදු දෙපාර්තමේන්තුව දැනුවත් කල අතර සුරා බදු දෙපාර්තමේන්තුව විසින් අදාල සමාගම් දෙකට සීල් තබා උක්ත සමාගම් දෙකේ නිෂ්පාදන නැවත කැදවීම සදහා නියෝග නිකුත් කරන ලදී. එහෙත් සුරාබදු දෙපාර්තමේන්තුව අදාල සමාගම් දෙකේ නිෂ්පාදන පිළිබදව පාරිභෝගිකයා දැනුවත් කලේ නැත. එසේ දැනුවත් කලා නම් පාරිභෝගිකයාට අදාල භාණ්ඩ මිලදී නොගෙන සිටීමට හැකියාව තිබුණි.

මෙම සමාගම් දෙක රජයේ හිටුපු අමාත්‍යවරයෙකුට අයිති සමාගම් බවට සමහර මාධ්‍ය වාර්තා කරන ලදී. ඒ නිසාම සුරාබදු දෙපාර්තමේන්තුව මෙම සමාගම් දෙකට යම් කිසි සහයෝගයක් ලබා දෙන බව අප සංවිධානයේ විශ්වාසය වන අතර පාරිභෝගිකයින්ට විස රසායනික යොදා මධ්‍යසාර අලෙවි කල සමාගම් දෙකට නීතියෙන් රිංගායාමට අප කිසිවිටකවත් අවස්ථාව ලබා දෙන්නේ නැත.

අදාල සමාගමට විරුද්ධව නීතිය ක්‍රියාත්මක කිරීම සදහා සහ අදාල සමාගමේ මත්පැන් නිෂ්පාදන බලපත්‍ර අහෝසි කිරීම කරන තෙක් අප බලා සිටින අතර එසේ නොකළහොත් සුරාබදු දෙපාර්තමේන්තුවට එරෙහිව අධිකරණය වෙත යාම සදහා අප සංවිධානය කටයුතු කරන බවද මෙරට පාරිභෝගිකයාට වසවිස පොවන මත්පැන් නිෂ්පාදනාගාර පිළිබදව මීටත් වඩ විමසිල්ලෙන් සිටින ලෙසද සුරාබදු දෙපාර්තමේන්තුවෙන් අප ඉල්ලා සිටිමු.

රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්‍යාපාරය

තමන් පාර්ලිමේන්තුවේ ස්වාධින මන්ත්‍රීවරයෙකු ලෙස අද (08) පටන් කටයුතු කරන බව 43 සේනාංකය නායක පාර්ලිමේන්තු මන්ත්‍රී පාඨලී චම්පික රණවක පැවසීය .

 වර්තමාන ආණ්ඩුවේ කිසිම අමාත්‍ය ධුරයක් බාර නොගන්නා බව ද හෙතෙම පාර්ලිමේන්තුවේ දී අවධාරණය කළේය.

 රණවක මන්ත්‍රීවරයා අද සිදු කරන ලද කතාව පහතින්..

 ගරු කතානායකතුමනි,

මේ විශේෂ ප්‍රකාශය කරන්නට මට අවස්ථාව ලබා දීම පිළිබඳ මම පළමුව ඔබ තුමාට ස්තුති වන්ත වෙනවා.

සමගි ජනබලවේගය පක්ෂයේ කොළඹ දිස්ත්‍රික් පාර්ලිමේන්තු මන්ත්‍රීවරයකු ලෙස මෙතෙක් කටයුතු කළ මම අද පටන් විපක්ෂයේ ස්වාධීන මන්ත්‍රීවරයකු ලෙස කටයුතු කරන බව මේ සභාවේ ගරු මන්ත්‍රීතුමන්ලාටත් රටේ ජනතාවටත් ප්‍රකාශ කර සිටිනවා.මා මේ බව සමගි ජනබලවේගයේ නායක ගරු සජිත් ප්‍රේමදාස විපක්ෂ නායක තුමාටත් මීට දින කිහිපයකට ලිපියකින් දැණුම් දුන්නා. දේශපාලන සංධානයකට එක් වීමේ පදනමින් අප සමගි ජනබලවේගයට එක් වූයේ 2020 මාර්තු මස 18 වන දින ඇති කරගත් අවබෝධතා ගිවිසුමකට අනුවයි. මේ ස්වාධීන වීමද එම අවබෝධතා ගිවිසුමේ හරයට අනුකූල බව මා එම ලිපියේ සඳහන් කර තිබෙනවා.

මා මේ තීරණය ගත්තේ කිසිවකු කෙරෙහි ඇති පුද්ගලික තරහක් වෛරයක් නිසා නොවේ. මා හැමදාම මගේ හෘද සාක්ෂියට එකඟව කටයුතු කළ කෙනෙක්. මේ අවස්ථාවේදී පාර්ලිමේන්තුවේ ආණ්ඩු පක්ෂයට මෙන්ම විපක්ෂයටද වෙනදාට වඩා වගකීම් සහගතව සහ ප්‍රායෝගිකව කටයුතු කරන්නට සිදුව තිබෙනවා. මේ ස්වාධීනවීම ඒ අරමුණ වෙනුවෙන් වඩා ප්‍රශස්ථ ඉඩක් වෙන කර ගැනීමක් ලෙසයි මම සළකන්නේ.

මේ ප්‍රවෘත්තිය පළ වීමත් සමග ඇතැම් ජනමාධ්‍ය වල හා සමාජ මාධ්‍ය වල මා ආණ්ඩුවේ ඇමති ධූරයක් ගැනීමේ වුවමනාවෙන් මේ දේ සිදු කරන බව පවසා තිබෙනවා. ඒ අර්ථකථන වල කිසිම සත්‍යයක් නැති බව ප්‍රකාශ කළ යුතුයි. මේ ආණ්ඩුවේ කිසිම ඇමතිකමක් දැරීමට මගේ අදහසක් නෑ.

මා කියන්නේ මේ ආණ්ඩුව හරයාත්මකව වෙනස් විය යුතු බවයි. මේ ආණ්ඩුව වෙනුවට වචනයේ පරිසමාප්ත අර්ථයෙන්මසර්ව පාක්ෂික ආණ්ඩුවක් සැදිය යුතු බවයි.

අද ඇතිවී තිබෙන ආර්ථික අර්බුදය ගැන විස්තර කරන්න මං කාලය ගන්නෑ. ඒවා ගැන ඕනෑ තරම් කතා කර තිබෙනවා. මා මේ පිළිබඳව අනතුරු ඇඟෙව්වේ දෙදාස් දහතුනේ. මා කෘතියක් ලිව්වා ඒ සම්බන්ධයෙන්. අ ආලපාලු ආර්ථිකය නමින් දෙදාස් දාසයේදීත් මූල් ය අර්බුදය පාමුල නමින් මම කෘතියක් ලිව්වා. ඒ කෘති දෙකෙන්ම මා විසින් ඒ පිළිබඳව අදහස් දක්වලා තියෙනවා. ඒවා අද සත් යාපනය වීම ගැන. මට කිසිම සතුටක් නැහැ. අධික වේදනාවකින් අපි ඉන්නේ. අද අපේ විසඳුම අගමැතිතුමා විසින් ඊයේ ප් රකාශ කළ පරිදි ජාත් යන්තර මූල් ය අරමුදල මූලික කරගත් එකක් වෙන්න පුළුවන්. එය වැරදි ගියොත් අපේ පරිභෝජනය සැලසුම් සහගත ලෙස සංකෝචනය කර ගන්නා වූ ස්වදේශවාදීව එකක් වෙන්නත් පුළුවන්. මේ මොන විකල්පය ගත්තත් එය ක් රියාත්මක කරන්නට අවම දේශපාලන කොන්දේසියක් සපුරා ගත යුතුයි. එනම් රටේ දේශපාලන පක්ෂ අතර තියෙන පටු බල අරගලය තාවකාලිකව නවත්වා මුහුණ දෙන මේ මහා ජාතික ආපදාවට සාමුහිකව මුහුණ දීමයි. එය කළ හැක්කේ පොදු අවම වැඩ පිළිවෙලක් සහිත තාවකාලික සර්ව පාක්ෂික අන්තර්කාලීන ආණ්ඩුව නිර්මාණය කරගැනීමෙනුයි. දැන් පිහිටුවා තිබෙන ආණ්ඩුව එවැනි ආණ්ඩුවක් නොවේ.

රටේ ජනතාව අද මේ පාර්ලිමේන්තුවේ සිදුවන සම්ප්‍රදායක ගාලගෝට්ටි රණ්ඩුුව සරුවල් පුරාජේරු කතා සහිත අමනොඥ චර්යාව දෙස බලා සිටින්නේ ඉතා පිිිළිකුලින්. තරහකින්.

සම්ප්‍රදායික දේශපාලන පක්ෂ සම්ප්‍රදායික නායකයන් සම්ප්‍රදායික නැඩ සටහන් , අද මේ රටෙ ජනතාව ප්‍රතික්ෂේප කර හමාරයි. මජර පවුල්වාද, ප්‍රායෝගිකත්වය බිංදුවක්වත් නැති පොතේගුරුවාද,ජන දුක වෙනුවෙන් බිංදු මාත්‍රයක සහකම්පනයක් නැති නායකයන්ගේ ව්‍යාජ ප්‍රකාශ අද ජනතාව ප්‍රතික්ෂේප කර තිබෙන බව තවමත් අප අතර සිටින බොහෝ දෙනෙකුට වැටහීමක් නෑ.

අද අප සැම දෙනාටම වෙනස් වීමට සිදු ව තිබෙනවා. නායකයින්ට මෙන්ම ජනතාවටත් වෙනස් වීමට සිදුව තිබෙනවා.

රට මුහුණ පා තිබෙන ආර්ථික අර්බුදයෙන් ගොඩ එන මාර්ගය පිළිබඳ අදහසක් අප පසුගියදා ඉදිරිපත් කර තිබෙනවා. එයට විශාල සාධනීය ප්‍රතිචාරයක් ලැබී තිබෙනවා. රටක විපක්ෂ මන්ත්‍රීවරයකුගේ වගකීම වන්නේ ද විවේචනයෙන් ඔබ්බට ගොසින් විකල්ප සූදානම් කිරීම බව මා අවංකවම විශ්වාස කරනවා. අද අවශ්‍ය වන්නේ සාමූහිකව බල ගැන්විය හැකි විකල්පයක් නිර්මාණය කිරීමයි. රටට නව හැරවුමක් අවශ්‍යව ඇති මේ මෙහොතේ ඒ වෙනුවෙන් මාගේත් මා සමග සිටින පිරිසේත් දැණුම කුසලතාව සහ කැපවීම බාධාවලින් තොරව ලබා දීමට නම් මෙවැනි ස්වාධීන වීමක් සිදු කළ යුතුව තිබෙන බව සඳහන් කළ යුතුව තිබෙනවා....

මහ මැතිවරණයෙදී මාහට චන්දය දුන් ජනතාවගේ දේශපාලන අභිලාෂයන් කිසිවක් පාවාදීමට මා කටයුතු කරන්නේ නෑ. එම ජනවරමට උපරිම සාධාරණය ඉෂ්ට කළ හැක්කේ මෙවැනි තීරණාත්මක වේලාවක මේ වගේ තීරණයක් ගැනීමෙන්ම බව මා වැඩි දුරටත් ප්‍රකාශ තරන්නට කැමතියි.

ස්තුතියි.

ආගමන හා විගමන දෙපාර්තමේන්තුව (පාස්පෝට් කාර්යාලය) පැය 24 පුරා විවෘත කර තැබිය යුතු බව ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ , හිටපු ආණ්ඩුකාර රජිත් කීර්ති තෙන්නකෝන් යෝජනා කර ඇත .

මේ සම්බන්ධයෙන් මානව හිමිකම් කේන්ද්‍රය නිකුත්කර ඇත .

ඊට අනුව , සෑම දිනකම මධ්‍යම රාත්‍රී 12.00 වන විට ත් පසු දින පාස්පෝට් පෝලිමට 350 කට වැඩි පිරිසක් එක්වේ. මෙයට අමතරව 2000 කට වැඩි පිරිසක් කලින් වෙළාව වෙන් ගනිති. සේවා ලබා ගැනීමට පැමිණෙන ජනතාව මෙන්ම පාස්පෝට් කාර්යාලයේ සේවකයින්ගෙන් ද මෙලෙස අමානුෂීය ලෙස වැඩ ගැනීම ජාත්‍යන්තරව පිළිගත් කම්කරු නීති, මානව හිමිකම් උල්ලංඝනය කිරීමකි. ආගමන හා විගමණ දෙපාර්තමේන්තුව අද වැඩිම ජනතාවක් සේවා ලබාගැනීමට පැමිණෙන ආයතනයකි.

තරුණ ප්‍රජාවේ අවසන් බලාපොරොත්තුව බවට එය පත්ව ඇතැයි ශ්‍රී ලංකා මානව හිමිකම් කේන්ද්‍රෙය් විධායක අධ්‍යක්ෂ රජිත් කීර්ති තෙන්නකෝන් පවසයි.

ජනාධිපතිවරයාට සහ අග්‍රාමාත්‍යවරයාට ලිපි යොමු කරමින් තෙන්නකෝන් මහතා පවසන්නේ ආගමන හා විගමන දෙපාර්තමේන්තුවේ පරිගණක පද්ධතියේ මන්දගාමීත්වය, පරිගණක සර්වර් එක යාවත්කාලීන නොකර, අලුත් පරිගණක පද්ධතිගත කිරීම මෙතරම් වේළාවක් ජනතාවට පෝලිම්වල රැදී සිටීමට එක් හේතුවක් වී ඇති බවයි. කටුනායක ගුවන්තොටුපලේ කවුන්ටරවල ද ඇත්තේ එවැනිම තත්වයකි.

මානව හිමිකම් කේන්ද්‍රයේ යෝජනා :

ඉහත සරළ ගැටළුව විසඳිය නොහැකි නම්, ආගමන විගමණ දෙපාර්තමේන්තුවේ කාර්යක්ෂමතාව ඉහළ නැංවීම සඳහා ශ්‍රී ලංකා මානව හිමිකම් කේන්ද්‍රය පහත යෝජනා ජනාධිපතිවරයා වෙත ඉදිරිපත් කර ඇත.

· දැනට රාජ්‍ය සේවයේ නිරත ආගමන හා විගමණ දෙපාර්තමේන්තුවේ සේවා අත්දැකීම් සහිත පිරිස ඔවුන්ගේ කැමැත්ත අනුව නැවත දෙපාර්තමේන්තුව වෙත කැඳවීම. .

· දැනට විධායක ශ්‍රේණියේ තනතුරු දරන නිලධාරින් සංඛ්‍යාව මෙන් දෙගුණයක් වැඩ ආවරණය කිරීම හෝ වෙනත් විධිමත් ක්‍රමවේදයකට දෙපාර්තමේන්තුව වෙත අනියුක්ත කිරීම.

· අවශ්‍ය මානව සම්පත් සපයා ගැනීමෙන් පසුව, පැය 24 ක් සේවාවක් (පැය 8 සේවා මුර ක්‍රමයට) පවත්වා ගෙන යාම

· දැනට මුද්‍රිත ගුවන් ගමන් බලපත්‍ර අවසන්වන තුරු අඛණ්ඩව මෙම සේවාව පවත්වාගෙන යාම.

· මුද්‍රිත ගුවන් බලපත්‍ර අවසන්වීමට පෙර අලුත් මුද්‍රණයට සඳහා ඇනවුම් කිරීම සහ ඒ සඳහා අවශ්‍ය ඩොලර් සොයා ගැනීම. (එසේ නොවන්නේ නම්, රියදුරු බලපත්‍ර නිකුත් කිරීම අතහැර දමා ඇති ආකාරයටම මුද්‍රිත බලපත්‍ර අවසන් වූ පසුව, ගමන් බලපත්‍ර නිකුත් කිරීම ද අතහැර දැමීමට සිදු වනු ඇත)

සේවා මුර ක්‍රමයක් හදුන්වාදීමෙන් පසුව ආගමන විගමන දෙපාර්තමේන්තුව මගින් දිනකට නිකුත් කරන පාස්පෝට් ප්‍රමාණය දෙගුණයකින් ඉහළ නැංවිය හැකිය. ඔවුන්ගෙන් බහුතරය විදේශගතවි අවම වශයෙන් තම වැටුපෙන් කොටසක් නැවත ලංකාවට එවනු ඇති අතර, රටේ ඩොලර් අවශ්‍යතාවයට යම් සහනයක් ලැබෙනු ඇත.

විදේශගතවන්නන් නිසා ඉන්ධන, ගෑස් ආදී ආනයනයන් මත පැටවෙන පීඩනය ද අඩුවනු ඇත.

ආගමන හා විගමන දෙපාර්තමේන්තුවට පැය 8 සේවා මුර ක්‍රමයක් ඇති කිරීමටත්, මහජනතාවට පැය 24 පුරා සේවා සැපයීමටත් පියවර ගන්නා ලෙසත් හිටපු ආණ්ඩුකාර කීර්ති තෙන්කෝන් සිය ලිපිය මගින් ජනාධිපතිවරයා සහ අග්‍රාමාත්‍යවරයාගෙන් ඉල්ලා ඇත.

අග්‍රාමාත්‍ය රනිල් වික්‍රමසිංහ සහ ජනාධිපති ගෝඨාභය රාජපක්ෂ වෙත යොමුකළ ලිපි පහත දැක්වෙයි .

අග්‍රාමාත්‍ය රනිල් වික්‍රමසිංහ වෙත යොමුකළ ලිපිය

ජනාධිපති ගෝඨාභය රාජපක්ෂ වෙත යොමුකළ ලිපිය

නවීන, පිරිසිදු බලශක්ති භාවිත කරන දියුණු රටවල මිනිසුන්ගේ ආයු කාලයට වඩා දර භාවිත කරන මෙරට කාන්තාවන්ගේ ආයු කාලය ඉහළ බව  පොදුජන පෙරමුණේ පාර්ලිමේන්තු මන්ත්‍රී සරත් වීරසේකර පවසයි.

ඔහු මේ බව ප්‍රකාශ කළේ, අද (ජූනි 7) පාර්ලිමේන්තුවේදී අදහස් දක්වමිනි.

නවීන, පිරිසිදු බලශක්ති පරිහරණය කරන රටවල මිනිස්සුන්ගේ ආයු කාලය වසර 80ක් පමණ වන බව ත් දර භාවිත කරන මෙරට කාන්තාවගේ ආයු කාලය වසර 80.1ක් බවත් මන්ත්‍රීවරයා පෙන්වා දුන්නේ ය.

ඔහු සඳහන් කළේ, දර භාවිතය රටේ සංවර්ධනයට මිස පරිහානියට හේතු වී නැති බව ය.

“නවීන පිරිසිදු බලශක්ති ඉන්ධන පරිහරණය කරන දියුණු ධනවත් රටවල මිනිස්සුන්ගේ ආයු කාලය වසර 80යි සහ 85යි. නමුත් ලංකාවේ ගෑස් මිල දී ගැනීමට අපහසු දර පරිහරණය කරන කාන්තාවන්ගේ ආයු කාලය වසර 80.1යි. ඒ කියන්නේ ලංකාවේ සමහර දර්ශක දකුණු ආසියාවේ ඉහළ ම තැනට පත්ව තියෙනවා. එයින් පෙන්වන්නේ දර පාවිච්චිය රටේ සංවර්ධනයට මිස පරිහානියට හේතු වී නැති බව යි.”

එබැවින් දර සැපයුම සහ භාවිතය පිළිබඳව මීට වඩා අවධානය යොමු කළ යුතු බව ඔහු පෙන්වා දුන්නේ ය.

රටේ ස්වෛරීභාවයට මෙන් ම බලශක්ති ආහාර සුරක්ෂිතතාවට දර භාවිතය ප්‍රධාන සාධකයක් බව ද මන්ත්‍රීවරයා වැඩිදුරටත් පැවසීය.

කෙසේ වුවත් පරිසරවේදින් පවසන්නේ මන්ත්‍රීවරයා ගේ අදහස් දැක්වීම හුදු හිතළුවක් මිස කිසිදු  විද්‍යාත්මක පදනමක් නොමැති බවයි.

දර භාවිතය හේතුවෙන් ස්වසනාබාධ මෙන්ම පරිසරයේ වායු දූෂණය ඉහළ යන බවත් එය විද්‍යාත්මක ලෙස තහවුරු කළ සහ තහවුරු කළ හැකි කරුණක් බවත් පරිසරවේදින් අවධාරණය කරයි.

කොළඹ වානිජ මහාධිකරණ පිස්කල්වරයා වැඩ තහන්ම් කළ බව අධිකරණ බන්ධනාගාර කටයුතු හා ආණ්ඩු ක්‍රම ව්‍යාසථා ප්‍රතිසංස්කරණ අමාත්‍යංශ ආරංචි මාර්ග පවසයි .

ඒ රුසියානු ‘‘එරෝෆ්ලොට්‘‘ ගුවන් සමාගමට අයත් ගුවන් යානය කටුනායක ගුවන් තොටුපොළේ රඳවා තැබා ගැනීමේ සිද්දියට අදල චෝදනාවට ලක්ව ඇති නිසා බවත් දැනගන්නට ඇත .

මෙම සිද්ධිය අදාල චෝදනා ලබා ඇති නීතිඥවරයාට එරෙහිව පියවර ගැනීමට සුදුසු බව දන්වමින් අගවිනිසුරුවරයා වෙත ද ලිඛිතව දන්වා යැවීමට අධිකරණ අමාත්‍යංශය කටයුතු යොදා ඇති බව ද අමාත්‍යවරයාගේ සම්බන්ධීකරණ ලේක්ම නීතිඥ දසුන් නාගස්හේන මාධ්‍ය වෙත පවසා ඇති බවත් වාර්තා වෙයි .

ඊයේ (06) ජනාධිපති ගෝඨාභය රාජපක්ෂ ගේ ප්‍රධානත්වයෙන් පැවති ආණ්ඩුවේ මන්ත්‍රී කණ්ඩායම් හමුවේ දී පාර්ලිමේන්තු මන්ත්‍රී ජගත් කුමාර බලවත් අපහසුතාවට පත්වූ පුවතක් සම්බන්ධයෙන් දේශපාලන ආරංචි මාර්ග පවසයි .

ඊට අනුව රුසියානු ගුවන් යානය රඳවා තබාගැනීම සම්බන්ධයෙන් වගකිවයුතු පාර්ශ්ව ආණ්ඩුවේ මන්ත්‍රීවරුන් දැනුවත් නොකළ බව පවසමින් විවේචනය කර ඇත .

මෙහිදී මන්ත්‍රීවරයා ගේ කතාව ස්වල්ප වේලාවක් අසාසිටි ජනාධිපතිවරයා නොදන්නා දේ ගැන කතා නොකර ඉන්න කියා, ජගත් කුමාර මන්ත්‍රීවරයා ට දැඩිව දොස් පැවරූ බවත් වාර්තා වෙයි .

එහි සිටි ඇතැම් මැති ඇමතිවරුන් ද ජගත් කුමාර මන්ත්‍රීවරයා ගේ අදහස් දැක්වීම ගැන අප්‍රසාදය පළකර ඇති බවත් දේශපාලන ආරංචි මාර්ග පවසයි .

අවසානයේ දෙබසින් බැනුම් වැඩිවීම තේරුම් ගත් මන්ත්‍රීවරයා බිම බලාගත් බවත් සඳහන් වෙයි.

මෙතෙක් පැය තුනහමාරක් ක්‍රියාත්මක කෙරුණු විදුලිය කප්පාදුව පැය දෙකයි විනාඩි පහළොවක් දක්වා අඩු කිරීමට තීරණය කර ඇතැයි විදුලිබල හා බලශක්ති අමාත්‍ය කංචන විජේසේකර අද (07) පාර්ලිමේන්තුවේදී පැවසීය.

ඉන්දියානු ණය ක්‍රමය යටතේ තවත් ඩොලර් මිලියන 500ක් සඳහා අනුමැතිය ලැබී ඇතැයිද හෙතෙම සඳහන් කළේය.

අමාත්‍යවරයා මෙසේ පැවසූවේ බලශක්ති අර්බුදය සම්බන්ධයෙන් විශේෂ ප්‍රකාශයක් කරමිනි.

කංචන විජේසේකර මහතා එහිදී මෙසේද සඳහන් කළේය.

අපිට ජූනි මාසය සඳහා ඉන්ධන ආනයනය කිරීම සඳහා පමණක් ඩොලර් මිලියන 557ක් අවශ්‍ය බව ගණන් හදලා තිබෙනවා. පසුගිය මාස තුනක කාලයට ඉන්ධන සපයා ගැනීමේදී ඉන්දියානු ණය ආධාර යටතේ කටයුතු කළා. මේ මාසය සඳහාත් ඉන්දියානු ණය ක්‍රමයේ ඉතිරි මුදල්වලට අපට අවශ්‍ය ඉන්ධන තොග ලබාදීමට කටයුතු කරමින් සිටිනවා. ඉදිරියේදී නැවත වතාවක් ඉන්දියානු ණය ක්‍රමයක් යටතේ තවත් ඩොලර් මිලියන 500ක් සඳහා අනුමැතිය ලැබිලා තිබෙනවා. ඒ අනුමැතිය අනුව ඔවුන්ගෙන් ලැබෙන උපදෙස් පරිදි ඉදිරියේදී කටයුතු කරන්න බලාපොරොත්තු වෙනවා.

රටේ කතාබහක් ඇති වෙලා තිබෙනවා ඉන්ධන සංචිත සහ ඉන්ධන ප්‍රමාණයන් නිකුත් කිරීම පිළිබඳව. පසුගිය මාර්තු මාසයේ සිට විශ්ලේෂණයක් කළාම බලශක්ති අමාත්‍යාංශයෙන් ඛනිජ තෙල් සංස්ථාවේ අවශ්‍යතා වෙනුවෙන් නිකුත් කරන තෙල් පිළිබඳව අපිට බරපතල ගැටලුවක් පවතිනවා. පසුගිය වර්ෂවලට සාපේක්ෂව පසුගිය අප්‍රේල්, මැයි යන මාස දෙකේ විශාල වශයෙන් ඉන්ධන තොග පාවිච්චියට ගෙන තිබෙනවා. අද වෙළෙඳපොළට දෛනිකව නිකුත් කරන්නේ ඩීසල් මෙට්‍රික් ටොන් 5400ක් සහ පෙට්‍රල් මෙට්‍රික් ටොන් 3400 ප්‍රමාණයක් තමයි . නමුත් රටේ පවතින සංචිත සහ ලැබෙන්න තිබෙන සංචිත සමග කළමණාකරණය කළ යුතු නිසා අපි ප්‍රමුඛතාවය දීලා තිබෙනවා විදුලිබල මණ්ඩලය, ප්‍රවාහන ක්ෂේත්‍රයේ ගමනාගමන මණ්ඩලයට. පෞද්ගලින බස් රථ සඳහා ඉන්ධන ලබාදීමටත් ඒ වගේම වරාය සහ ආර්ථික මර්මස්ථාන වෙනුවෙන් ඉන්ධන ලබා දීමටත් ප්‍රමුඛතාවයක් ලබා දීලා තිබෙනවා.

ඉදිරියේදී ඉන්ධන බෙදා හැරීමේදී ප්‍රමුඛතා ගත ක්‍රමයක් යටතේ කළ යුතුයි කියලා අපි යෝජනා කරනවා. අපි වැඩපිළිවෙලක් සකස් කරමින් සිටිනවා. සී.ටී.බී බස් රථ සඳහා ඉන්ධන වැඩි ප්‍රමාණයක් ලබා දීම සඳහා.. ප්‍රවාහන අමාත්‍යවරයා සමග සාකච්ඡා කරලා තිබෙනවා. ඒ අනුව අපි බලාපොරොත්තු වෙනවා පෞද්ගලික අංශයේ තිබෙන බස්රථ සියල්ලටම ගමනා ගමන මණ්ඩලයේ ඩිපෝ හරහා අවශ්‍ය ඉන්ධන ලබා දෙන්න. ඒ වගේම පාසල් ළමයින් ප්‍රවාහනය කරන බස්රථත්, සංචාරක ක්ෂේත්‍රයේ ඩීසල් භාවිතා කරන බස්රථ සහ වෑන් රථ සඳහා ඩිපෝ හරහා ඉන්ධන ලබාදීමේ කටයුතු අපි හෙට දවසේ සිට ක්‍රියාත්මක කරන්න බලාපොරොත්තු වෙනවා.

ඊට අමතරව ධීවර හා කෘෂිකර්මාන්ත ප්‍රදේශ වලට ප්‍රමුඛතාවය ලබා දීලා තිබෙනවා. ඊයේ ධීවර අමාත්‍යාංශයත් සමග කළ සාකච්ඡාවේදී අපි ඒ සම්බන්ධයෙන් එකඟත්වයකට ආවා. ධීවර වරායන් 22ක් හරහා තමයි ඉන්ධන බෙදා හැරීම සිදු කරන්නේ. ඒ සෑම ධීවර වරායකටම අඩුම ලෝඩ් දෙකක්වත් ලබාදීම සඳහා අපි ලෝඩ් 45ක ප්‍රමාණයක් දෛයිනිකව අද සිට නිකුත් කිරීම ආරම්භ කරනවා.

විදුලිබල ක්ෂේත්‍රයට අඛණ්ඩව විදුලිය ලබා දීම සඳහා සැලසුමක් අනුව කටයුතු කරමින් සිටිනවා. පසුගිය කාලයේ පැය 3.30ක විදුලි කප්පාදුවක් තමයි අපි කළේ. නමුත් අද සිට එම විදුලි කප්පාදුව පැය 2.15ක් දක්වා අඩුකර පවත්වාගෙන යන්න බලාපොරොත්තු වෙනවා. ඩීසල් වලට වැය වන රැපියල් මිලියන 400ක මුදලක් විදුලිය කප්පාදුව නිසා දෛනිකව විදුලිබල මණ්ඩලයට ඉතිරි කර ගන්න පුලුවන් වෙලා තිබෙනවා.

- lankadeepa

21 වන ව්‍යවස්ථා සංශෝධනය කල් දැමීමට වූ යෝජනාවක් හමුවේ හිටපු අමාත්‍ය ඩලස් අලහප්පෙරුම ඊට බරපතළ විරෝධයක් දක්වා ඇති බව වාර්තා වෙයි .

ඒ ඊයේ (06) රාත්‍රියේ පැවති ආණ්ඩුවේ මන්ත්‍රී කණ්ඩායම් හමුව අවස්ථාවේ ය.

දේශපාලන ආරංචි මාර්ග සඳහන් කරන ආකාරයට මෙම රැස්වීමේදී 21 ට වඩා කතාබහට ලක්ව ඇත්තේ එදිනෙදා කටයුතු ගැනය.

පලමුව .. කාංචන විජේසේකර අමාත්‍යවරයා ඉන්දන තත්වය ගැන කතාකර ඇති අතර මහින්ද අමරවීර අමාත්‍යවරයා සාගතයට මුනදෙන්න සූදානම් කර ඇති සැලසුම් ගැන පවසා ඇත .

අනතුරුව නිමල් සිරිපාල ද සිල්වා අමාත්‍යවරයා රුසියානු ගුවන් යානාව රඳවා ගැනීම ගැන සම්බන්ධයෙන් අදහස් දක්වා ඇත.

21 වන සංශෝධනය සම්බන්ධයෙන් පසුව අධිකරණ අමාත්‍ය විජේදාස රාජපක්ෂ අදහස් දක්වා ඇත්තේ අවසානයේදී ය.

එහිදී සුපුරුදු පරිදි සරත් වීරසේකර මන්ත්‍රීවරයා ඊට විරෝධය පලකර ඇත .ඔහු පවසා ඇත්තේ පෝලිම් අවසන් කර ව්‍යවස්ථා සංශෝධන ගැන අවධානය යොමුකරමු කියාය. එනිසා 21 සංශෝධනය මාස 6 ක් කල්දමා ගැනීමේ ට ඔහු යෝජනා කර ඇති බවත් දේශපාලන ආරංචි මාර්ග පවසයි .

මෙහිදී කෝපයෙන් අදහස් දක්වා ඇති ඩලස් අලහප්පෙරුම මන්ත්‍රීවරයා මෙසේ සඳහන් කර ඇත .
'' 21 ව්‍යවස්ථා සංශෝධනයක් ගේනවා කියල ජනතාවට කිව්වේ ජනාධිපතිතුමා. අපි ජනතාවට පොරොන්දුවක් දුන්න නන් එක ඉටුකරන්න ඕන.. දැන් ව්‍යවස්ථා කල් දාන්න කතා කලොත් නැති ප්‍රශ්න ඇතිවෙන්න පුළුවන්"

රොෂාන් රණසිංහ අමාත්‍යවරයා ද මෙතැනදී යෝජනාවක් කර ඇති බවත් වාර්තා වෙයි . ඒ පුද්ලයින් ඉලක්කකරගෙන ව්‍යවස්ථා සංශෝධන ගෙන ඒම වැරදි බව සඳහන් කරමින්ය .

මේ සම්බන්ධයෙන් අදහස් දක්වමින් දේශපාලන විචාරකයකු මෙසේ අදහස් දැක්වීය .

කොහොමටත් පොදුජන පෙරමුණේ උදවිය කියන විදිහට, මිට ඉස්සෙල්ල ද්විත්ව පුරවැසියන්ට බෑ කියල වගන්තියක් ගෙනාවේ බැසිල් ටාගට් කරලා. ජනාධිපතිකම දෙපාරකට වඩා බෑ කිව්වේ මහින්ද ටාගට් කරලා. 35කට අඩු කෙනෙකුට ජනාධිපති තරඟෙට එන්න බැ කිවේ නාමල් ගැන හිතල වෙන්න ඇති. ඒ නිසා ජනාධිපති ගෝඨාභයට බලපාන විදියට අමාත්‍යංශ තියාගන්න වගන්ති ගෙන්න ඕන නැහැ කියලත් , රොෂාන් ඇමතිතුමා කරපු යෝජනාවෙත් ගතයුතු යමක් තියනවා.."

විදේශ රැකියා සදහා පිටත්වයාමේ අපේක්ෂාවෙන් පසුවන රාජ්‍ය සේවකයින්ට ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිවීමට අවස්ථාව ලබාදී ඇති බවත්, කාර්යාංශයේ වෙබ් අඩවියට පිවිස තමන්ගේ තොරතුරු ඇතුළත් කිරීමට හැකි බවත් කම්කරු සහ විදේශ රැකියා අමාත්‍ය මනුෂ නානායක්කාර පැවසුවේය.

රටට අවශ්‍ය විදේශ විනිමය ගෙන්වා ගැනීම සදහා වන කඩිනම් වැඩසහනක්, කම්කරු සහ විදේශ රැකියා අමාත්‍යාංශයේ මැදිහත්වීමෙන් ආරම්භ කර ඇති අතර ඒ අනුව රාජ්‍ය සේවකයින්ට විදේශ රැකියා සදහා පිටත්ව යාමට අවස්ථාව ලබාදීමට අවශ්‍ය පියවර ගන්නා බව ඇමැතිවරයා පැවසුවේය.

රාජ්‍ය සේවකයාගේ විශ්‍රාම වැටුපට සහ ජ්‍යෙෂ්ඨත්වයට බාධාවක් ඇති නොවන ආකාරයට විදේශ ගතවීමේ අවස්ථාව ලබාදීමට අවශ්‍ය චක්‍රලේඛ නිකුත් කිරීම මැදිහත්වෙමින්, රාජ්‍ය පරිපාලන අමාත්‍යාංශය සමග සාකච්ඡා කිරීමට තමන් අපේක්ෂා කරන බවද ඇමැතිවරයා සදහන් කළේය.

රාජ්‍ය සේවකයින් විදේශ ගත කිරීමේදී, ඔවුන්ට අවශ්‍ය රැකියා අවස්ථාවන් සොයා ගැනීමේදී විදේශ රැකියා නියෝජිතආයතන සදහා විශාල කාර්යභාරයක් පැවරෙන බවද, විදේශ රැකියා නියෝජිත ආයතන හිමිකරුවන් සමග අද උදෑසන පැවති සාකච්ඡාවකදී ඇමැතිවරයා කීවේය.

එහිදී වැඩිදුරටත් අදහස් දැක්වූ මනුෂ නානායක්කාර ඇමැතිවරයා මෙසේද පැවසුවේය.

රාජ්‍ය සේවයේ නියුතු අය සදහා විදේශ රැකියා සදහා අවස්ථා ලබාදෙනවා. රාජ්‍ය සේවකයාගේ ජ්‍යෙෂ්ඨත්වයට, විශ්‍රාම වැටුපට බල නොපාන අයුරින් ඔවුන්ට විදේශ ගතවීමට අපි අවස්ථාව ලබාදෙනවා. ඒ සම්බන්ධයෙන් රේඛීය අමාත්‍යාංශ සමග අපි සාකච්ඡා කරලා අවශ්‍ය චක්‍රලේඛ නිකුත් කිරීමට කටයුතු කරනවා.

එහිදී රාජ්‍ය සේවකයින්ගෙන් විදේශ රැකියා සදහා පිටත් කරන්නේත් ඔවුන් විදේශ රැකියා ගත කිරීම භාරවන්නේත් විදේශ රැකියා නියෝජිත ආයතනවලටයි. ඒකට අවශ්‍ය රැකියා වෙළදපොල සොයාගෙන ඔවුන් විදේශ ගත කිරීමේ වැඩපිළිවෙලට සහාය ලබාදෙන්න

විදේශ ගත වීමට කැමැති රාජ්‍ය සේවකයින්ට විදේශ සේවා නියුක්ති කාර්යාංශ වෙබ් අඩවියට පිවිස තමන්ගේ තොරතුරු ඇතුළත් කිරීමට හැකියාව තිබෙනවා . ඒ ඒ රැකියා අවස්ථාවන් ගැන මෙන්ම ඒ සදහා තිබිය යුතු සුදුසුකම් ඉදිරියේදී එම වෙබ් අඩවියේම ප්‍රසිද්ධ කරනවා.

විදේශ ගතවීමට කැමැති රාජ්‍ය සේවකයින්ගේ තොරතුරු අපි විදේශ රැකියා නියෝජිත ආයතන සමග හුවමාරු කරගැනීමටත් කටයුතු කරනවා. ඒ අනුව රාජ්‍ය සේවකයින්ට විදේශ රැකියා සෙවීමේ වගකීම නියෝජිත ආයතනවලට පැවරෙනවා.

මුළු රටේම විදේශ ගතවීමට රාජ්‍ය සේවකයින් කැමැත්තෙන් සිටියදී, එයට අවශ්‍ය සහාය ලබාදෙන්නේ කම්කරු සහ විදේශ රැකියා අමාත්‍යාංශය, විදේශ සේවා නියුක්ති කාර්යාංශය සහ විදේශ රැකියා නියෝජිත ආයතනයි. ඒ සදහා ඔබට ලබාදිය හැකි උපරිම දායකත්වය ලබාදෙන්න කියලා මම ඉල්ලීමක් කරනවා.

මුලු රටේම විදේශ ගත විමට රාජ්‍ය සේවකයින් කැමැත්තෙන් සිටියදී, එයට සහාය ලබාදෙන්නේ ඔබලා. ඒ ජාතික වගකීමටත් ඔබගේ දායකත්වය ලබාදෙන්න.

රනිල් වික්‍රමසිංහ මහතාට අග්‍රාමාත්‍ය පුටුවට යාමට පාර කැපුනේ තමාගේ ක්‍රියාදාමය නිසා බව තේරුම් ගත යුතු බව පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා පවසයි .

ජනාධිපතිතුමා විසින් රනිල් වික්‍රමසිංහ කැඳවීමට පැය තුනකට පෙර තමා කැඳවා වහාම අගමැති ධුරය බාර ගන්නැයි පැවසූ බවත් ඔහු එහිදී සඳහන් කළේය.

පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මේ බව සඳහන් කර සිටියේ අද (07) පාර්ලිමේන්තුවේදී අදහස් දක්වමින් ය.

ජනාධිපති කළ කැඳවීම අවස්ථාවේ තමන් කොන්දේසි කිහිපයක් පැන වූ බවත් එම කොන්දේසි ඉටු කිරීමට පසුබිම හැදුනොත් අගමැතිකම බාරගන්නා බව තමා දැනුම් දුන් බවත් පැවසීය. 

ජනාධිපතිවරයා රනිල් වික්‍රමසිංහට අගමැති ධූරය බාර ගන්නැයි ආරාධනා කළේ ඉන් අනතුරුව බව ද පැවසූ මන්ත්‍රීවරයා අග්‍රාමාත්‍ය රනිල් වික්‍රමසිංහ ධූරයේ සිටින අතර තමාටත් පිං පොඩ්ඩක් දිය යුතු බවත් පැවසීය .

සමගි ජනබලවේගයේ පාර්ලිමේන්තු මන්ත්‍රී චම්පික රණවක පාර්ලිමේන්තුවේ ස්වාධීන මන්ත්‍රීවරයෙක් ලෙස කටයුතු කිරීමට තීරණය කර තිබෙන බව වාර්තා වෙයි.

විශ්වාසවන්ත ආරංචි මාර්ග සඳහන් කරන ආකාරයට , ඊට අදාල ලිපිය අද පස්වරුවේදී සමගි ජනබලවේගය පක්ෂයේ මහ ලේකම් රන්ජිත් මද්දුම බණ්ඩාර වෙත බාරදීමට නියමිතව තිබේ.

එසේම පාර්ලිමේන්තුවේදී ස්වාධීනවන චම්පික රණවක මන්ත්‍රීවරයා අද (07) පස්වරුවේ දී හෝ හෙට (08) පෙරවරුවේදී පාර්ලිමේන්තුවේදී විශේෂ ප්‍රකාශයක් කිරීමට නියමිත බවත් වාර්තා වෙයි.

වඩාත් විශේෂ සිදුවීම වන්නේ සමගි ජනබලවේගය පක්ෂය විසින් චම්පික රණවක මන්ත්‍රීවරයා පක්ෂයේ නියෝජ්‍ය නායක කිරීමට යෝජනා කර ඇති පසුබිමක මෙසේ ස්වාධීන වීමට තීරණය කර තිබීමයි .

මේ අතර ලංකාසර වාර්තා කර ඇත්තේ , චම්පික රණවක මන්ත්‍රීවරයා ගේ මේ ස්වාධීන වීමත් සමග සමගි ජනබලවේගයේ තවත් පිරිසක් ස්වාධීන වීමටත්, තවත් පිරිසක් ආණ්ඩුව සමග ඍජුවම එකතු වීමටත් කටයුතු කරමින් සිටින බවයි .

එහි වැඩිදුරටත් සඳහන් වන්නේ චම්පික රණවක මන්ත්‍රීවරයා ආණ්ඩුව සමග එක්වන්නේ නම් මුදල් ඇමති ධුරය හෝ ඒ හා සමාන වෙනත් ඇමති ධුරයක් ලබා දීමට ආණ්ඩුව සූදානමින් සිටි බවයි .

එහෙත් ආණ්ඩුව විසින් කර ඇති මෙම යෝජනාව භාර නොගන්නා බව ප්‍රකාශ කර ඇති චම්පික රණවක මන්ත්‍රීවරයා වර්තමානයේ රට මුහුණ දී ඇති වැඩපිළිවෙළට ස්වාධීන මන්ත්‍රීවරයෙක් ලෙස සහයෝගය දක්වන බව ප්‍රකාශ කර තිබේ . ඒ අනුව ඔහු ස්වාධීන මන්ත්‍රීවරයකු ලෙස දිගටම විපක්ෂයේ සිටිනු ඇත.

තවද රට මුහුණපා ඇති බලශක්ති අර්බුදය විසඳීමට අදාල යෝජනාවලියක් මේ සතිය තුළ රජයට ඉදිරිපත් කිරීමට ද චම්පික රණවක තීරණය කර ඇති බවත් වාර්තා වෙයි.

මේ අතර දේශපාලන විචාරකයන් පවසන්නේ චම්පික රණවක මන්ත්‍රීවරයා ගේ ඉවත්ව යාම සමග සමගි ජනබලවේගය පක්ෂයේ ඉදිරි පෙළ තවදුරටත් දුර්වල වනු ඇති බවයි.

මේ වන විට එම පක්ෂයේ ජනප්‍රිය ඉදිරිපෙළ තරුණ නායකයකු වු හරීන් ප්‍රනාන්දු ද ආණ්ඩුවට එක්වී අමාත්‍ය ධූරයක් ලබාගෙන තිබේ . ඔහු සමග පැමිණි මනූෂ නානායක්කාර ද මේ වන විට ආණ්ඩුවේ අමත්‍යවරයෙකි.

එසේම සජබ පක්ෂ සභාපති ෆීල්ඩ් මාර්ෂල් සරත් ෆොන්සේකා මන්ත්‍රීවරයාද මේ වන විට අලුත් දේශපාලන පක්ෂයක් පිහිටුවීමට මන්ත්‍රීවරුන් කණ්ඩායමක් සමග සාකච්ඡා කරමින් සිටින බවටත් දේශපාලන ක්ෂේත්‍රයේ රාවයක් පැතිර යමින් තිබේ.

ශ්‍රී ලංකා රජයට අයත් ඇමරිකානු ඩොලර් මිලියන 65 ක මුදලක් සාවද්‍ය පරිහරණය කළැයි කියන සිද්ධියක් සම්බන්ධයෙන් නොතිසි මත අධිකරණයේ පෙනී සිටි හිටපු මහ බැංකු අධිපති අජිත් නිවාඩ් කබ්රාල් රුපියල් මිලියන 10 ක ශරීර ඇපයක් මත අද (07) මුදාහැරීමට නියෝග කර ඇත .

ඒ කොළඹ කොටුව මහේස්ත්‍රාත් තිළිණ ගමගේ විසින්‍ ය.

මෙම සිද්ධියට අදාළව නව පැමිණිල්ලක් ගොනු කිරීමට ද අධිකරණය පැමිණිල්ලට නියම කළ බවත් වාර්තා වෙයි .

මේ පෞද්ගලික පැමිණිල්ල සිදුකර තිබුණේ නුගේගොඩ නාලන්දාරාමාධිපති තීනියාවල පාලිත හිමි විසින් ය.

ඊට අනුව හිටපු මහ බැංකු අධිපතිවරයාට අධිකරණය මගින් නොතීසි නිකුත් කෙරුණේ ඉකුත් 25 වැනිදාය.

ශ්‍රී ලංකාවේ ප්‍රතිරූපය ගොඩ නැංවීමේ අරමුණ ට මුවා වී එවකට ශ්‍රී ලංකා මහ බැංකුවේ අධිපතිවරයා ව කරමින් 2014 වර්ෂයේ දී ශ්‍රී ලංකා මහ බැංකුවට අයත් ඇමරිකානු ඩොලර් මිලියන 6.5 ක මුදලක් ඇමරිකානු සී අයි ඒ ඔත්තු සේවයේ නියුතුව සිටි අහම්ඩ් ස්බ්‍රිරි යන අයට ගෙවා ඇති බව පැමිණිලිකරු සිය පැමිණිල්ලෙන් සඳහන් කර තිබිණ .

"2019 දී අප ක්‍රියාත්මක කළ බදු ක්‍රමය අහෝසි කිරීම නිසා රජයට රුපියල් බිලියන 6.6 ක ආදායමක් අහිමි වුණා. අපේ ආර්ථිකය කඩා කඩාවැටීම ඇරඹුණේ එතනින්. ඒ නිසා අපි වහාම 2019 වසරේ තිබූ බදු ක්‍රමයට යා යුතු වෙනවා. අප නැගිටීම පටන් ගත යුත්තේ වැටුණු තැනින්. " යැයි අග්‍රාමාත්‍ය රනිල් වික්‍රමසිංහ අද (07) පාර්ලිමේන්තුවේදී විශේෂ ප්‍රකාශයක් කරමින් පැවසීය .

එහිදී අග්‍රාමාත්‍යවරයා ඉදිරි අතුරු අයවැයෙන් පීඩාවට පත්වූ ජනතාවට සහන පැකේජයක් , නැත්නම් සමාජ ආර්ථික දැලක් නිර්මාණය කිරීමක් වැන්නක් සම්බන්ධයෙන් ද අදහස් දැක්වූ අතර මෙය ජාත්‍යන්තර මූල්‍ය අරමුදල විසින්ද මෙරටට අදාළව යෝජනා කරතිබුණකි.

ඒ අනුව අතුරු අයවැය හරහා ,

 ? ආහාර සුරක්ෂිතතාව තහවුරු කිරීමට උපරිම ක්‍රියාමාර්ග ගැනීම,

? සහනාධාර සීමාව ඉහළ දැමීම,

? හෙක්ටයාර 2 කට අඩු ගොවි ණය සියයකට සියයකින් කපා දැමීම

? ජනතාවට සිය ඉඩම් වල අඅයිතිය සින්නක්කරව ලබාදීම

ඇතුළු කරුණු කිහිපයක් වෙයි

අග්‍රාමාත්‍ය රනිල් වික්‍රමසිංහ පාර්ලිමේන්තුවේදී සිදුකළ සම්පූර්ණ කතාව පහත දැක්වෙයි .

සම්ප්‍රදායික දේශපාලන මතවාද කෙටි කලකට පැත්තකින් තියමු !

අපිත් අපේ රටත් මුහුණ දෙන තත්වය ඔබ හැමදෙනාම හොඳින් අවබෝධ කරගෙන ඇති බව මම හිතනවා. මේ තත්ත්වයෙන් යළිත් රට නඟාසිටුවීමට සාම්ප්‍රදායික ක්‍රමවලින් බැහැරව අලුත් මාර්ග හොයාගන්න වෙනවා . සම්ප්‍රදායික දේශපාලන මතවාද කෙටි කාලෙකට පසෙක තියා, රට ගොඩනැගීම සඳහා සාමූහික උත්සාහයක් දැරිය යුතු වෙනවා. මුළු රටේම ජනතාව ඒ උත්සාහය කොටස්කරුවන් විය යුතුයි. රට වෙනුවෙන් අපි හැමෝටම කාර්යභාරයක් පැවරෙනවා.

ආර්ථිකය ප්‍රකෘති තත්ත්වයට ගෙන එන්න සටන් පාඨවලට බෑ !

මෙතනදී අපේ මූලික අවධානය යොමු වන්නේ ආර්ථික ස්ථාවර භාවයක් ඇති කරලීමටයි. හැබැයි ආර්ථික ස්ථාවර භාවයක් ඇති කළ පමණින් අපට මේ තත්ත්වයෙන් ගොඩ එන්න බෑ. අපි අපේ රටේ ආර්ථිකය යළි ප්‍රකෘති තත්ත්වයට පත් කරගත යුතු වෙනවා.

මේක දවසින් දෙකෙන් කරන්න පුළුවන් වැඩක් නෙවෙයි. මේ අභියෝගය ජයගන්න පුළුවන් වෙන්නේ ප්‍රාතිහාර්ය වලින් නෙවෙයි. සටන් පාඨ වලින් නෙවෙයි . මැජික් වලින් නෙවෙයි. හැඟීම් වලින් නෙවෙයි. බුද්ධිමත්ව සිතා සකස්කරගත් සැලසුම් ක්‍රියාත්මක කරලීම සඳහා වෙහෙසීමෙන් සහ කැපවීමෙන්.

 ඉදිරි මාස 6 ට ඉන්ධන සඳහා ඩොලර් මිලියන 3300ක් අවශ්‍යයි : ගෑස් සඳහා ඩොලර් මිලියන 250ක් අවශ්‍යයි !

ඉන්ධන සඳහා රටට මාසයකට වැය වන මුදල ඩොලර් මිලියන 500 ක් පමණ වෙනවා. වර්තමාන අර්බුදකාරී තත්ත්වය නිසා තෙල් මිල ඉහළ යෑමේ අවදානමක් ඇති බව අප සිහි තබා ගත යුතුයි. මේ වසර අවසානය වෙද්දි 40% කින් පමණ ලෝක තෙල් මිල ඉහළ නැංවෙන බවට සමහරු අනුමාන කරනවා . මේ පසුබිමේ ඉන්ධන සඳහා සලාක ක්‍රමයක් හඳුන්වා දීමේ අදහස බැහැර කරන්න බෑ. කෙසේ හෝ ඉදිරි මාස හය සඳහා ඩොලර් මිලියන 3300 ක් අප ඉන්ධන වෙනුවෙන් සොයා ගත යුතුයි.

ගෑස් ගෙන්වා ගැනීමට මාසයකට ඩොලර් මිලියන 40කට අධික ප්‍රමාණයක් අවශ්‍ය වෙනවා. දැනට අපි ගෑස් ගෙන්වා ගැනීම සඳහා බහුපාර්ශවීය ආධාර දේශීය මුදල් සහ ඉන්දීය ණය යොදා ගන්නවා .ඉදිරි මාස හයේ gas සඳහා අපට ඩොලර් මිලියන 250ක මුදලක් අවශ්‍යයි.

ඉදිරි සති 3 දුෂ්කර කාලයක් : සති 3 ට පස්සේ තත්ත්වය සාමාන්‍ය අතට !

ඒ වගේම ඉන්ධන සහ ඒ සම්බන්ධයෙන් ඉදිරි සති තුන දුෂ්කර කාල සීමාවක් වෙනවා. අප සියලු දෙනාම හැකිතාක් අර පරිස්සමින් ඉන්ධන සහ ගෑස් පරිභෝජනය කළ යුතු කාලයක්. ගමන් බිමන් හැකි තරම් සීමා කර ගත යුතු කාලයක්. ඒ නිසා මේ කාල සීමාවේ තමන් ගැන පමණක් සිතා අනවශ්‍ය ලෙස ඉන්ධන සහ ගෑස් රැස්කර ගැනීමෙන් වළකින ලෙස මම සමස්ත පුරවැසියන් ගෙන් ඉල්ලා සිටිනවා. ඒ දුෂ්කර සති තුනෙන් පසු ඉන්ධන සහ කෑම දුෂ්කරතාවයන් ගෙන් තොරව බෙදාදීම සඳහා අපි වෙහෙසෙනවා. විවිධ පාර්ශවයන් සමග සාකච්ඡා පවත්වනවා. ඒ දුෂ්කර සති තුනෙන් පසු ඉන්ධන සහ ගෑස් හිඟයකින් තොරව බෙදාදීම සඳහා අපි වෙහෙසෙනවා. මේ දුෂ්කර සති තුනට අපි ඉවසිලිමත්ව මුහුණ දෙමු.

තව ටික දවසකින් ආහාර වෙනුවෙන් දුෂ්කර තත්ත්වයක් !

අපට අවශ්‍ය ආහාරවලින් කොටසක් අපි දේශීයව නිපදවා ගන්නවා. ඉතිරිය පිටරටින් ගෙන්වනවා. ගෙවුනු මහ කන්නයේ අපේ අස්වැන්න පහළ මට්ටමකට වැටුනා. යල කන්නයේ මේ තත්ත්වයට මුහුණ දෙන්න සිදුවෙනවා.

අප දැන් සිටම වෙහෙසිය යුත්තේ ඊළඟ මහ කන්නය සාර්ථක කර ගන්නටයි. නමුත් ඒ අස්වැන්න එන්නේ 2023 පෙබරවාරි අවසානයේදීයි. සහල් පිළිබඳව කතා කළොත් අපේ රටේ වාර්ෂික සහල් අවශ්‍යතාව මෙට්ට්‍රික් ටොන් මිලියන 2.5ක්. නමුත් අපට තියෙන්නේ සහල් මෙට්‍රික් ටොන් මිලියන 1.6 ක් පමණයි.

සහල් වගේම අනෙකුත් භෝග ගණනාවකටම මේ තත්ත්වය පොදුයි. ඒ නිසා තව මාස කීපයකින් ආහාර අතින් බරපතළ දුෂ්කරතාවන්ට මුහුණ දෙන්න අපට සිදුවෙනවා. දෛනික ආහාර අවශ්‍යතා යාන්තමින් හෝ සපුරාලීමට පිටරටින් ආහාර ද්‍රව්‍ය ගෙන්වා ගන්න සිද්ධ වෙනවා. ඒ සඳහා මාසයකට වැය වන මුදල ඩොලර් මිලියන 150 ක්.

කෘෂිකර්මය කඩා වැටිලා : අපනයන භෝග සඳහා වූ ජාත්‍යන්තර වෙළෙඳ පොළ අහිමිවන තත්ත්වයක් !

කඩාවැටෙමින් පවතින කෘෂිකර්මය ගොඩනැංවීමේ කාර්යයන් අප වහාම ආරම්භ කළ යුතුයි. අපේ අපනයන බෝග සඳහා වූ ජාත්‍යන්තර වෙළෙඳ පොළ අපට අහිමි වෙමින් යනවා.

ඒ තත්ත්වය වළක්වා ගැනීමට අප කටයුතු කළ යුතුයි දේශීය කෘෂිකර්මාන්තය නඟා සිටුවීමට රසායනික පොහොර අවශ්‍යයි. වී එළවළු පළතුරු ප්‍රධාන අනෙක් බෝග සඳහාත් තේ රබර් පොල් ඇතුළු අපනයන බෝග සඳහා අවශ්‍ය පොහොර ගෙන්වීමට වසරකට ඩොලර් මිලියන 600 ක් වැය වෙනවා.

වගාවක ආරම්භයේ සිට අවසානය දක්වා වරින් වර පොහොර යෙදීමට සිදුවන නිසා මේ පොහොර ආනයනය අඛණ්ඩව හිඟයකින් තොරව කිරීම අවශ්‍යයි. නැත්නම් මුදලත් වෙහෙසත් අපතේ යැවීමක්.

ඖෂධ හිඟය වළක්වා ගන්න යෙදූ වැඩපිළිවෙළ !

දැනට රටට අවශ්‍ය ඖෂධ සහ සෞඛ්‍ය උපකරණ ගෙන්වා ගැනීම සඳහා අප විවිධ ජාත්‍යන්තර ආධාර වැඩසටහන් සම්බන්ධ කරගත්තා. ඒ වගේම විවිධ රටවලින් ආධාර ලබා ගැනීමට සැලසුම් සකස් කළා.

ඒ කණ්ඩායම් සහ රටවල් බේත් හේත් සහ සෞඛ්‍ය උපකරණ සඳහා සැලකිය යුතු සහයෝගයක් අපට ලබාදෙන නිසා ඉදිරි මාස හය සෞඛ්‍ය කටයුතු සඳහා අපට විශාල විදේශ විනිමය ප්‍රමාණයක් අවශ්‍ය වෙන්නේ නෑ. සෞඛ්‍ය ක්ෂේත්‍රය වෙනුවෙන් ඔවුන්ට අපේ ස්තුතිය පුද කර සිටිනවා.

ඉදිරි මාස 6 සඳහා සාමාන්‍ය ජනජීවිතය ගෙනියන්න ඩොලර් බිලියන 5 ක් ඕන !

මේ තත්ත්වය මත ඉදිරි මාස 6 තුළ අපේ රටේ ජන ජීවිතය සාමාන්‍ය මට්ටමින් පවත්වාගෙන යෑම සඳහා ඩොලර් බිලියන 5ක මුදලක් අපට අවශ්‍යයි.

එදිනෙදා ජන ජීවිතය පවත්වාගෙන යද්දී ඊට සමාන්තරව රුපියල ශක්තිමත් කළ යුතුයි. රුපියල ශක්තිමත් කරලීම සඳහා තවත් ඩොලර් බිලියන 5 ක මුදලක් අපට අවශ්‍යයි.

ඒ කියන්නේ ඉදිරි මාස හය රට නොවැටී පවත්වාගෙන යෑම සඳහා ඩොලර් බිලියන 6ක මුදලක් හොයා ගැනීම අවශ්‍ය වෙනවා.

දළ දේශීය නිෂ්පාදිතයේ වර්ධනය සෘන අගයක් අරගෙන !

මේ සියල්ල මැද දළ දේශීය නිෂ්පාදිතය ඉහළ නංවා ගැනීමට අප සැලසුම් සකස් කළ යුතුයි. ඒ සැලසුම් ක්‍රියාත්මක කළ යුතුයි. මහ බැංකු වාර්තා අනුව 2022 වර්ෂයේ අපේ දළ දේශීය නිෂ්පාදිතයේ වර්ධනය 3.5 ජාත්‍යන්තර මූල්‍ය අරමුදලේ සංඛ්‍යාලේඛන අනුව තත්ත්වය ඊටත් බැරෑරුම්.

ඔවුන්ට අනුව දළ දේශීය නිෂ්පාදිතයේ වර්ධනය සෘණ 6.5 ක්. යුක්රේන යුද්ධයේ බලපෑම නිසා මුලු ලෝකයේම රටවල දළ දේශීය නිෂ්පාදිතයේ සාමාන්‍ය අගය ලබන වසරේ පහත වැටෙනවා. යළි යථා තත්ත්වයට පත්කර ගත හැක්කේ 2024 වසරේදී බව පුරෝකතනය කර තිබෙනවා.

අප ඒ ලෝක තත්ත්වයටත් මුහුණ දියයුතු වෙනවා.

2019 බදු ක්‍රමය අහෝසි කිරීම නිසා අහිමි වූ පාඩුව රුපියල් බිලියන 6.6 ක් : කඩා වැටීමේ ආරම්භය එතන !

2019 දී අප ක්‍රියාත්මක කළ බදු ක්‍රමය අහෝසි කිරීම නිසා රජයට රුපියල් බිලියන 6.6 ක ආදායමක් අහිමි වුණා.

අපේ ආර්ථිකය කඩා කඩාවැටීම ඇරඹුණේ එතනින්. ඒ නිසා අපි වහාම 2019 වසරේ තිබූ බදු ක්‍රමයට යා යුතු වෙනවා. අප නැගිටීම පටන් ගත යුත්තේ වැටුණු තැනින්.

පසුගිය කාලවකවානුවේ අසීමිතව මුදල් අච්චු ගැසූ බව අප කවුරුත් දන්නා කරුණක්. 2020 සිට 2022 මැයි 20 වනදා දක්වා රුපියල් බිලියන 2.5 ක මුදලක් මුදාහැර තියෙනවා. වර්තමානයේ අප මුහුණ දෙන තත්වය නිසා
රජයේ බොහෝ ආයතන වල විධිමත් මූල්‍ය කළමනාකරණයක් සිදු වන්නේ නැහැ. ඒ නිසා අලුත් ක්‍රමවේදයන් හඳුන්වා දිය යුතු වෙනවා. මාර්ග සංවර්ධන අධිකාරිය ඊට එක් උදාහරණයක්.

ඔවුන් සතුව අරමුදල් තිබුනත් භාණ්ඩාගාර රෙගුලාසිවලට අනුව ඒ අරමුදල් කළමනාකරණය කරන්න ඔවුන් අසමත් වෙලා තියෙනවා.

වර්තමානයේ අපේ රට පත්ව ඇති තත්ත්වය මත කිසිදු රාජ්‍ය ආයතනයක පාඩු පියවා ගැනීමට මුදල් ලබාදීමේ හැකියාවක් රජයට නැහැ. ඒ ණය බර රජයට හෝ රාජ බැංකුවලට තවදුරටත් දරන්න බැහැ.

2023 අභියෝගයන්ට මුහුණදීම !

2024 මූල්‍ය දිරිගැන්වීම් ඔස්සේ ආර්ථික උත්තේජනය ඇතිකර ගැනීම !

2025 අයවැය සමබරතාවක් ඇතිකර ගැනීම හෝ ප්‍රාථමික අතිරික්තයක් ඇතිකර ගැනීම !

අප දැන් ජාත්‍යන්තර මූල්‍ය අරමුදල සමග සාකච්ඡා පවත්වමින් සිටින්නේ. ඒ සාකච්ඡාවන් සඳහා අප පදනම් කරගත්තේ අපේ ඉදිරි ආර්ථික සැලැස්මයි. ඒ අනුව 2023 වසර අපිට සියලු අභියෝගයන්ට මුහුණ දෙන්න සිදුවෙනවා. අප විසින් වසර අවසන් වෙද්දී ආර්ථික ස්ථාවර භාවය ඇතිකර ගත යුතුයි. ඉන්පසු 2024 වසර වෙද්දි මූල්‍ය දිරිගැන්වීම් ඔස්සේ ආර්ථික උත්තේජනයක් ඇතිකර ගැනීමේ අවකාශ අපට උදා වෙනවා.

2025 වෙද්දි අපේ අය අයවැය සමබර තත්වයට ගෙන ඒම හෝ ප්‍රාථමික අතිරික්තයක් ඇති කර ගැනීම අපේ අරමුණයි. මේ දීර්ඝ දීර්ඝකාලීන ඉලක්කය කරා යෑමට මේ ආර්ථික වැඩපිළිවෙළ අඛණ්ඩව ඉදිරියට ගෙන යා යුතුයි. ආණ්ඩු බලය හොබවන පුද්ගලයන්, කණ්ඩායම්, පක්ෂ වෙනස් වුවත් අප මේ තම තමන්ගේ ඉලක්ක සපුරා ගැනීමත්, කාර්ය සාධනය උපරිම මට්ටමකින් පවත්වාගෙන යෑමත්, අනිවාර්ය වෙනවා.

විදෙස් සම්බන්ධතා කෙරෙහි වැඩි අවධානයක් : ජාත්‍යන්තර සහයෝගය උපරිමයෙන් ගන්න ඕන කාලයක් !

මේ කාර්යයේ දී අපේ විදේශ සම්බන්ධතා ගැන දැඩි අවධානයක් යොමු කළ යුතු වෙනවා. ජාත්‍යන්තර සහයෝගය උපරිමයෙන් ලබා ගත යුතු වෙනවා. යම් යම් වැරදි ක්‍රියා මාර්ග නිසා අපි ලෝකයෙන්ම කොන් වෙච්ච රටක් බවට පත්වෙමින් යනවා. ඒ තත්ත්වය ආපසු හැරවීම ලේසි නැහැ. ඒත් අප කෙසේ හෝ එය කළ යුතුයි.

විදෙස් නායකයන් , තානාපතිවරුන් සහ සංවිධාන සමග සාකච්ඡා සාර්ථකයි !

මම මේ වෙද්දි විදේශීය තානාපතිවරුන් සමග නිරන්තර සාකච්ඡා පවත්වමින් සිටිනවා. එක්සත් අරාබි එමීර් රාජ්‍යයේ ජනාධිපතිතුමා. පොදු රාජ්‍ය මණ්ඩලීය මහ ලේකම් තුමිය සහ බ්‍රිතාන්‍ය අගමැති තුමා සමග දුරකථන සාකච්ඡා පැවැත්වූවා.

එක්සත් ජාතීන්ගේ සංවිධානය, එක්සත් ජාතීන්ගේ ආහාර සහ කෘෂිකර්ම සංවිධානය, ලෝක ආහාර වැඩසටහන, එක්සත් ජාතීන්ගේ සංවර්ධන වැඩසටහන, ලෝක සෞඛ්‍ය සංවිධානය ආදී ජාත්‍යන්තර සංවිධාන නියෝජිතයන් සමඟ සාකච්ඡා කළා.

මේ රටවල් සහ ජාත්‍යන්තර සංවිධාන නියෝජිතයන් බොහෝ දෙනෙක් මේ අසීරු අවස්ථාවේදී අපේ රටට සහය දැක්වීමටත් ආධාර කිරීමටත් එකඟත්වය පළ කළා.

එක්සත් ජාතීන්ගේ සංවිධානය ලබන 09 වැනිදා මුලූ ලෝකයටම විවෘත ආයාචනයක් කරන්න කටයුතු සූදානම් කර තියෙනවා. ශ්‍රී ලංකාවට මානුෂීය ආධාර ලබාදීම සඳහා සහය වන ලෙසයි ඔවුන් ඒ ඉල්ලීම කරන්නේ. ඔවුන් මේ වැඩ පිළිවෙළ ඔස්සේ ආහාර කෘෂිකර්ම සහ සෞඛ්‍යය ක්ෂේත්‍රයන් වෙනුවෙන් ඩොලර් මිලියන මිලියන 48 ක මුදලක් මාස 4 ක කාලයක් තුළ ලබා දෙන්නට සැලසුම් කර තිබෙනවා.

ඉන්දියාව,චීනය සහ ජපානය සමග බිඳුණු සබඳතා යළි ශක්තිමත් කිරීම !

අපට ණය සහ ආධාර ලබාදෙන රටවල් අතර ඉදිරියෙන්ම ඉන්නේ ඉන්දියාව, චීනය සහ ජපානයයි. අපට කවදත් හිතවත්ව සිටි මේ රටවල් සමඟ ඇති සබදතා දැන් බිඳ වැටී තියෙනවා. අප ඒ සබඳතා යළි ශක්තිමත් කර කරගැනීම අවශ්‍යයි.

මීට ටික කලකට පෙර චීන මහජන සමූහාණ්ඩුවෙන් ස්වොප් පහසුකම් යටතේ අපි ණය මුදලක් ලබා ගත්තා. ඒ ණය මුදල සම්බන්ධයෙන් කොන්දේසියක් තිබුණා. ඒ මුදල් අපට පාවිච්චි කරන්න පුළුවන් වෙන්නේ මාස තුනකට සරිලන විදේශ සංචිත අපේ රටට තියෙනවා නම් පමණයි. ණය මුදල ලබා ගන්න කොට අපිට මාස තුනක විදේශ විනිමය සංචිත තිබුණේ නෑ. එහෙම තියෙද්දි අපේ අදාළ නිලධාරීන් රට රැවටීමේ ණයක් ලබා ගත්තා.

අර කොන්දේසිය අනුව ඒ ණය අපට මුදා හැරෙන්නේ නැහැ. ඉලක්කම් විතරයි දැන් අපි ඒ කොන්දේසිය ඉවත් කිරීම සඳහා සලකා බලන මෙන් චීන රජයෙන් ඉල්ලීමක් කර තියෙනවා.

දීර්ඝ කාළීන මිතුරෙකු වූ ජපානය අහිමි කරගෙන ඇති ආකාරය !

ජපානය අපේ දීර්ඝ කාලීන මිතුරෙක්. අපේ රටට බොහෝ උදව් උපකාර කළ මිත්‍ර රටක්. නමුත් පසුගිය කාලයේ සිදු වූ අවාසනාවන්ත සිදුවීම් නිසා දැන් ඔවුන් ඉන්නේ හිත හොඳින් නෙවෙයි.

යම් යම් ව්‍යාපෘති අත්හිටුවීම පිළිබඳව අපේ රට ජපානයට විධිමත් අයුරින් දැනුම් දීමක්ත් කර නැහැ. සමහර අවස්ථාවල කිසිදු හේතු දැක්වීමක්වත් කර නැහැ. ජපානය අපේ රටේ සිදු කළ සමහර ව්‍යාපෘති අතරමග නවතා දමා ඇත්තේ තනි පුද්ගලයෙක් ලබාදුන් වාර්තා අනුවයි.

එල් එන් ජී විදුලි බලාගාර දෙකක් අපට ලබාදීමට ජපානය සහ ඉන්දියාව එකඟ වී සිටියා. විදුලිබල මණ්ඩලය කිසිදු සාධාරණ හේතුවකින් හා පදනමකින් තොරව ඒ ව්‍යාපෘති දෙකම නවතා දැම්මා.

2019 වන විට ජපානය අපේ රටට ඩොලර් බිලියන 3ක පමණ වටිනාකම් ඇති ව්‍යාපෘති ලබාදීමට එකඟත්වය පළකර තිබුණා. කිසිදු හේතු දැක්වීමකින් තොරව මේ ව්‍යාපෘති සියල්ලම අත්හිටුවා දැම්මා.

මිත්‍ර රටවල් ලබාදුන් වටිනා ව්‍යාපෘති පදනම් විරහිත ලෙස නවතා දැමීම සම්බන්ධයෙන් විමර්ශනයක් !

මිත්‍ර රටවල් වලින් අපට ලබාදුන් වටිනා ව්‍යාපෘති පදනම් විරහිත හේතුවකට නවතා දැමීම පිළිබඳව විමර්ශනය කරන මෙන් මම පාර්ලිමේන්තුවේ රාජ්‍ය මූල්‍ය කමිටුවෙන් ඉල්ලා සිටිනවා.

හිතවත් රටවල් ඈත් කර ගත් පසු බිමක පවා ඉන්දියාව අපට උපකාර කිරීමට ඉදිරිපත් වුනා. මේ අසීරු අවස්ථාවේ අප ඔවුනට අපේ ගෞරවය සහ ස්තුතිය පුද කරනවා. ඒ වගේම ජපානය සමග පැරණි මිතුදම් යළි ශක්තිමත් කර ගැනීමට අප වෙහෙසෙනවා .

අපට ණය දෙන මිත්‍ර රටවල් එක් කොට ආධාර සමුළුවක් පවත්වන මෙන් අප ජාත්‍යන්තර මූල්‍ය අරමුදලෙන් ඉල්ලා සිටියා. ඉන්දියාව චීනය සහ ජපානයේ ප්‍රධානත්වයෙන් මෙවැනි සමුළුවක් පැවැත්වීම අපේ රටට විශාල ශක්තියක් වෙනවා. චීනය සහ ජපානය ණය ලබාදීමේ දී අනුගමනය කරන ප්‍රවේශයන් වෙනස්. මෙවැනි සමුළුවක් මාර්ගයෙන් ණය ලබා දීමේ ප්‍රවේශයන් පිළිබඳව කිසියම් එකඟත්වයකට පැමිණිය හැකි බව අපේ විශ්වාසයයි.

 ගත්ත ණය ගෙවන්නත් ඕන !

මෙතෙක් ලබාගත් ණය ආපසු ගෙවීමේ වගකීම අපට පැවරෙනවා. බහුපාර්ශවීය ආනයන යන්ගෙන් ලබාගත් ණය වාරික ගණනාවක් මේ මාසයේ ගෙවන්නට තියෙනවා. අප ණය වාරික ගෙවීම් පැහැර හරින්නේ නෑ. ඉදිරියේදී අලුතෙන් නය ගැනීමට ද අපට සිදු වෙනවා ඒ ණය ගෙවීමේ වගකීමක් අපට තියෙනවා.

රට රටවලින් ලබා ගත් ණය ආපසු ගෙවීමේ සැලසුමකට එළඹුණු සැණින් අපේ අවධානය යොමු කළ යුතු වෙන්නේ අපේ රට ලබාගෙන ඇති පුද්ගලික ණය පිළිබඳවයි. මේ ගැන සොයා බැලීම උදෙසා අප ජාත්‍යන්තර මූල්‍ය උපදේශන සමාගමක් වන lezard ආයතනයේත්, ජාත්‍යන්තර නීති උපදේශන සමාගමක් වූ ක්ලිෆර්ඩ් චාන්ස් සමාගමේත් විශේෂඥ උපදෙස් ලබා ගන්නවා.

ලබා ගත් ණය ආපසු ගෙවීමට නම් අපට විදේශ විනිමය තිබිය යුතුයි. විදේශ විනිමය උපයා ගැනීම උදෙසා අපනයන ආර්ථිකය කඩිනමින් ශක්තිමත් කළ යුතු වෙනවා. අපේ රට පිහිටා තියෙන්නේ උපාය මාර්ගික වශයෙන් වැදගත් තැනක. ඒ පිහිටීම තරගකාරී තලයකට පිවිසීම සඳහා යහපත් සාධකයක්. සිංගප්පූරුව සහ ඩුබායි යන ආර්ථික මධ්‍යස්ථාන අතර අපට තවත් ආර්ථික මධ්‍යස්ථානයක් ලෙස වර්ධනය වීමේ අවකාශ තියෙනවා.අපේ ගමන් මග සැලසුම් කර ගැනීමට වියට්නාමය ඉතා හොඳ ආදර්ශයක්. විවිධ නිෂ්පාදන අගයන් එකතුකිරීම් ඔස්සේ අපනයනයට යොමු කළ යුතු වෙනවා. ඒ වගේම විවිධ රටවල් සමඟ සිදුකරන ගනුදෙනු වලදී වෙළෙඳ ශේෂයේ අතිරික්තය හැකි තරම් අවම මට්ටමක පවත්වාගෙන යෑමටත් අප වෙහෙසෙන්නට අවශ්‍යයි .

අපේ අරමුණ ලංකාවට නව ආර්ථිකයක් නිර්මාණය කිරීමයි : මැෂින් එක reset කරන්න කාලෙ හරි !

අපේ අවසාන අරමුණ ශ්‍රී ලංකාවට නව ආර්ථිකයක් නිර්මාණය කිරීමයි. සියවන නිදහස් සැමරුම පවත්වන 2048 වෙද්දි වෙද්දී ශ්‍රී ලංකාව සංවර්ධිත රාජ්‍යයක් බවට පත් කිරීමයි.

දැන් අපේ රට හරියට ක්‍රියා විරහිත කම්පියුටරයක් වගේ වැඩ කරන්නේ නෑ ඉතින් අපි මුලින්ම කරන්න ඕනෙ මොකක්ද. අපි මේ කොම්පියුටරය යළි සාදාගත යුතුයි. දැන් අපි කරන්නේ අන්න ඒ වැඩේ. කොම්පියුටරය reset කිරීම. අතුරු අයවැය මගින් කරන්නේ computer reset කිරීමයි. ඊට පස්සේ අපිට පුළුවන් නවීන මෙහෙයුම් පද්ධතියක් දාගන්න කිසිම වයිරස් එකකට එන්න ඉඩක් නැති virus guard එකක් දාගන්න. එත් ඒ සේරම කරන්න කොම්පියුටරය ආපසු පණ ගැන්විය යුතුයි reset කළ යුතුයි.

ඉදිරි කාලයේ අපේ ආර්ථික සැලැස්ම සහ මාර්ග සිතියම පදනම් කරගනිමින් අතුරු අයවැයක් පාර්ලිමේන්තුවට අප ඉදිරිපත් කරන්නේ ඒ නිසයි. මම කලිනුත් සඳහන් කළා වගේ අපේ ආර්ථිකය ස්ථාවර කිරීම සහ යළි ප්‍රකෘති තත්වයට ගෙන ඒමේ පදනම මේ අයවැය මගින් සකස් කිරීමයි අපේ බලාපොරොත්තුව.

අතුරු අයවැයෙන් රජයේ අනවශ්‍ය වියදම් කප්පාදුවක් :අපනයන ආර්ථික , සංචාරක , ඉදිකිරීම් වැනි ක්ෂේත්‍රය පිළිබඳ කඩිනම් අවධානයක් !

අතුරු අයවැය මගින් රජයේ අනවශ්‍ය වියදම් කපා දමනවා. අනෙක් වියදම් සීමා කරනවා. ඒ වගේම අර්බුදයට ලක් වී ඇති ක්ෂේත්‍ර ගණනාවක් යළි නගා සිටුවීම කෙරෙහි අපේ අවධානය යොමුකරනවා. අපනයන ආර්ථිකය සංචාරක ඉදිකිරීම් වැනි ක්ෂේත්‍ර ගණනාවක් පිළිබඳ කඩිනම් අවධානය යොමු කළ යුතු වෙනවා .

ඒ වගේම අපේ රටේ ආර්ථික වශයෙන් ශක්තිමත් නැති දුර්වල ප්‍රජාව වෙනුවෙන් මේ අවස්ථාවේ අවධානය යොමු කළ යුතු බව අප ජාත්‍යන්තර මූල්‍ය අරමුදලට පෙන්වා දුන්නා. ඔවුන් ඊට එකඟත්වය පළ කළා. අප අතුරු අයවැය සකස් කරන්නේ ඒ කරුණු පදනම් කර ගෙනයි.

අතුරු අයවැයේ මොනවද තියෙන්නේ !

එහිදී අප අපේක්ෂා කරන ප්‍රධාන ක්ෂේත්‍ර කීපයක් පිළිබඳව ඔබේ අවධානය යොමු කරන්න මම කැමතියි .

1 ආහාර සුරක්ෂිතතාව වෙනුවෙන් උපරිම ක්‍රියාමාර්ග ගැනීම .

ලෝක ආහාර සංවිධානය මෑතකදී කළ සමීක්ෂණයකින් හෙළි වී තියෙන්නෙ ඒ සඳහා සහභාගි කරගත් පවුල්වලින් 73% ක් තම තමන්ගේ ආහාර වේල් සහ ආහාර ප්‍රමාණයන් කපා හැර දමා ඇති බවයි. ඒ තත්වය වෙනස් කර මේ ආහාර සුරක්ෂිතතා වැඩ සැලැස්ම අනුව හිඟයකින් තොරව ආහාර ලබාදීමට අප ක්‍රියා කරනවා. තුන්වේල කන්නට පුළුවන් තත්වයක් රටේ නිර්මාණය කරනවා .

2 සහනාධාර සීමාව ඉහළ නැංවීම .

ආර්ථිකය බිමටම වැටී ඇති මේ අවස්ථාවේ ජනතාව විවිධ පීඩාවන්ට මුහුණ දෙනවා. අප ඔවුන්ගේ පීඩාව හැකිතරම් ඉහිල් කරන්න පියවර ගන්නවා. ආර්ථික ශක්තියක් නැති ජනතාවට විවිධ සහන ලබාදීම උදෙසා දැනට වැය කරන වාර්ෂික මුදල ඩොලර් මිලියන 350ක්. මේ මුදල ඩොලර් මිලියන 550ක් දක්වා ඉහළ නැංවීමට බලාපොරොත්තු වෙනවා.

3 ගොවි ණය සියයට සියයක්ම කපාහැරීම.

කුඩා ඉඩම් වල වී වගාව කරන ගොවි පවුල් අති දුෂ්කර තත්වයනට පත් වී ඉන්නා බව අප දන්නවා. හෙක්ටයාර දෙකකට අඩු ඉඩම් ප්‍රමාණයක් ඇති වී ගොවීන් ලබාගෙන ඇති ගොවි ණය වහාම ක්‍රියාත්මක වන පරිදි කපා දමනවා.

4 ජනතාවට තම ඉඩම්වල සින්නක්කර අයිතිය ලබා ලබාදීම .

 ස්වර්ණභූමි මහවැලි ආදී ඔප්පු මගින් ජනතාවට පවරා ඇති රජයේ ඉඩම් සින්නක්කරවම ලබාදීමේ වැඩපිළිවෙළක් මීට කලින් අප ආරම්භ කළා. සමහර පළාත් සභා ඒ වැඩ පිළිවෙලට විරුද්ධව වුණා. ඒ නිසා එය සාර්ථක කර ගැනීමට හැකිවුණේ නෑ. දැන් එවැනි විරෝධතාවක් මතු වන්නේ නැති නිසා ජනතාවට සින්නක්කර අයිතිය ලබාදීමට පියවර ගන්නවා.

5 නාගරික තට්ටු නිවාස අයිතිය සහනදායි පදනමකින් පදිංචිකරුවන්ට ලබාදීම .

නගරාසන්න තට්ටු නිවාස ගණනාවක කුලී පදනම මත ජීවත්වෙන පවුල් ඉන්නවා. නිවසේ අයිතිය වෙනුවෙන් දීර්ඝකාලීන පොලී ගෙවන අයත් ඉන්නවා. අපි සහනදායි පදනමක් යටතේ මේ සියලු නිවාස වල අයිතිය පදිංචිකරුවන්ට ලබාදීමට පියවර ගන්නවා.

6 චීනය ඉදිකරන තට්ටු නිවාස ජනතා අයිතියට පත් කිරීම.

මා කලින් අගමැති ධුරයේ කටයුතු කරන අවස්ථාවේ චීන මහජන සමූහාණ්ඩුවේ න් කළ ඉල්ලීමක් අනුව තට්ටු නිවාස 1888 ක් ඔවුන් ත්‍යාගයක් ලෙස අපේ රටට පිරිනමනවා. මේ නිවාස අතරින් එකසිය අටක් අපි කලාකරුවන් වෙනුවෙන් වෙන් කර තියෙනවා. මේ සියලු නිවාස කිසිදු දේශපාලන බලපෑමකින් තොරව සුදුස්සන්ට ලබාදීමට අප කටයුතු කරනවා. මගේ බලාපොරොත්තුව ඒ නිවාස 1888 ම නොමිලයේ ලබා දීමේ වැඩපිළිවෙලක් සැකසීමටයි.

රට ඇද වැටී ඇති අවස්ථාවක ජනතාව දැඩි පීඩනයකට ලක් නොකොට ආර්ථිකයත් රටක් යළි ඔසවා තැබීමටයි අප මේ වෙහෙසෙන්නේ. හැම අංශයක් ගැනම විමසමින් හැම අංශයක්ම ආරක්ෂා කරගෙන ඉදිරියට යෑමයි අපේ අපේක්ෂාව.

පියවරෙන් පියවර මෙහෙම ඉදිරියට ගියොත් අපට අපේ රට බේරා ගන්නට පුළුවන්. මෙතන තියෙන්නේ පුද්ගල ප්‍රශ්නයක් හෝ පක්ෂ ප්‍රශ්නයකට ඔබ්බෙන් ගිය අනතුරුදායක තත්වයක්. මේ අනතුර සහ බරපතලකම තේරුම් ගනිමු. මෙවැනි අනතුරුදායක තත්ත්වයක දී අතීතය පෑරීමෙන් පලක් වෙන්නේ නෑ. කෙටි කාලයකට අපි අතීතය අමතක කරමු. රට යළි ඔසවා තැබීමේ වෑයමේ දී අපි අනාගතය ගැන පමණක් සිතා කටයුතු කරමු.

ආර්ථික ප්‍රතිසංස්කරණ වලට සමාන්තරව සමාජ - දේශපාලන ප්‍රතිසංස්කරණත් අවශ්‍යයි : අරගල බිමෙන් පැමිණි ඉල්ලීම !

රටක් යළි ඉහළට ඔසවා තැබීමේ දී ආර්ථික ප්‍රතිසංස්කරණ පමණක් සෑහෙන්නේ නැහැ. ඊට සමාන්තරව සමාජ දේශපාලන සහ රාජ්‍ය සේවා ප්‍රතිසංස්කරණයන් ද අවශ්‍ය වෙනවා. පසුගිය දිනයක අරගල බිමේ සිට පැවැත්වූ මාධ්‍ය සාකච්ඡාවක දී මතු කළ කරුණක් ගැන මම ඔබේ අවධානය යොමු කරන්නට කැමතියි.

එහිදී අදහස් පළ කරමින් දමිතා අබේරත්න කලාකාරිනිය මගෙන් මෙන්න මෙහෙම ඉල්ලීමක් කරා. මේ ගැටළුවට විසඳුම් සොයා ගත යුත්තේ පාර්ලිමේන්තුවෙන් නිසා රටට ආදරේ ඇති අය එක්කරගෙන පාර්ලිමේන්තුව තුළින් විසඳුමක් හොයාගන්න කියලයි එතුමිය ඉල්ලා සිටියේ. ඇය මෙහෙමත් කිව්වා. හැබැයි අගමැතිතුමනි ටොෆි ලොසිංජර දීලා ජනතාව රවට්ටන්න හදන්න එපා”.

මේ අදහස ගැන මෙතැන සිටින ඔබ සැමගේ අවධානය යොමු කරන්න මම කැමැති. අද රට පත් ව ඇති තත්ත්වයට විසඳුම් සෙවීමේ වගකීම පැවරී තියෙන්නෙ මේ සභාවේ සිටින ජනතා නියෝජිතයන්ගේ උර මතයි. අපි ඒ වගකීමට උර දිය යුතුයි. ඒ වගකීම අපි ඉෂ්ට කළ යුතුයි. පැලැස්තර විසඳුම් වෙනුවට දීර්ඝකාලීන සහ ප්‍රතිඵලදායී විසඳුම් සෙවිය යුතුයි.

ඒ නිසා අපි එකිනෙකා අතර ඇති සියලු භේද පසෙක දා රට වෙනුවෙන් අලුතෙන් සිතමු. අලුත් ගමනක් අරඹමු. අවශ්‍ය ව්‍යවස්ථාමය ප්‍රතිසංස්කරණ වලට මුලපුරමු. වෙනස් විදියකට සිතමු. ක්‍රමය වෙනස් කිරීමට මුල පුරන්න පුළුවන් වෙන්නේ අපි හැමෝම වෙනස් විධියකට සිතා වෙනස් විදියකට කටයුතු කිරීමෙන්
.

රාජ්‍ය සේවයට පූර්ණ ප්‍රතිසංවිධානයක් සහ ප්‍රතිසංස්කරණයක් !

රාජ්‍ය සේවය පිළිබඳවත් අපට වෙනස් ඇහැකින් බලන්න සිද්ධ වෙනවා. සීමාවක් නැතිව රාජ්‍ය සේවයේ රැකියා ලබාදීම නිසා කාර්යක්ෂමතාව සහ ඵලදායීතාව ඉතා පහල තලයකට වැටිලා. සමහර රාජ්‍ය සේවකයන්ට කරන්න කිසිදු රාජකාරියක් නෑ. මේ නිසා රාජ්‍ය සේවය පූර්ණ ප්‍රතිසංවිධානයට හා ප්‍රතිසංස්කරණයකට භාජනය කළ යුතු වෙනවා. පුරවැසියකුට සිය ජීවිත කාලය පුරාම කඩිනම් හා කාර්යක්ෂම සේවාවන් කරදරයකින් තොරව ලබා ගැනීමට හැකි රාජ්‍ය සේවාවක් නිර්මාණය කිරීම අපේ අරමුණයි.

මේ වෙනස තුළ අවධානය යොමු කළ යුතු තවත් වැදගත් කරුණක් තියෙනවා ඒ දූෂණයෙන් හා වංචාවෙන් තොර රටක් ගොඩ නැංවීමයි. එය අනිවාර්යයෙන්ම විය යුත්තක්. හොරකමින් තොර සමාජයක්. හොරුන්ට ඉඩක් නැති රටක්. හොරුන්ට දඬුවම් දිය හැකි ශක්තිමත් නීතිරීති ඇති පාලනයක්.

මේ අරමුණින් අප අල්ලස හා දූෂණ වැළැක්වීම පිළිබඳ ජාතික ප්‍රතිපත්තියක් ක්‍රියාත්මක කරන්නට බලාපොරොත්තු වෙනවා. 2019 වසරේදී අල්ලස සහ දූෂණය මැඩලීමේ ජාතික ප්‍රතිපත්තියක් කෙටුම්පත් කෙරුණා. ඒ ප්‍රතිපත්ති කෙටුම්පත පාර්ලිමේන්තුවේ සියලුම පක්ෂ නායකයන් වෙත ලබාදීමට අපි කටයුතු කරනවා. ඔවුන්ගේ අදහස් ද ලබා ගන්නවා. අල්ලස් හා දූෂණ මැඩලීමේ යාන්ත්‍රණය සාර්ථකව ක්‍රියාත්මක කරන ස්වීඩනය වැනි රටවලින්, හොංකොං රාජ්‍යයෙන් ආදර්ශ ගෙන අවශ්‍ය ව්‍යූහාත්මක වෙනස්කම් සිදු කරනවා. දැනට සකස් කර ඇති කෙටුම්පතට යම් යම් සංශෝධන කළ යුතු නම් සියලු පක්ෂවල නීතිවේදීන්ගේ සහ විශේෂඥයන්ගේ උපදෙස් අනුව අවශ්‍ය සංශෝධන සිදු කර මේ ජාතික ප්‍රතිපත්තිය ක්‍රියාත්මක කරනවා.

ඉතින් රට යළි ගොඩනැංවීමේ ආර්ථික සමාජ දේශපාලන සහ රාජ්‍ය සේවා ප්‍රතිසංස්කරණ සඳහා ඔබේ සහාය ලබා දෙන ලෙස මම මේ සභාවේ සිටින ඔබ සැමගෙන් ඉල්ලා සිටිනවා.

අපි මුලින්ම රට යළිත් ගොඩනංවමු. මේ අසීරු අවස්ථාවෙන් අපේ රට බේරා ගනිමු. ඊට ඔබගේ සහය දක්වන්න. නිශ්චිත කාල පරාසයක් තුළ මෙරට යළි සාමාන්‍ය තත්ත්වයට පත් කිරීමෙන් පසුව ඔබේ සාම්ප්‍රදායික දේශපාලන කටයුතුවලට පිවිසෙන්න. සාම්ප්‍රදායික පක්ෂ දේශපාලන න්‍යාය පත්‍ර ක්‍රියාත්මක කරන්න.

 වරෙක වින්සන්ට් චර්චිල් කළ සඳහනක් උපුටා දක්වමින් මම මගේ අදහස් දැක්වීම අවසන් කරන්නට කැමතියි.

“Pessimist sees the difficulty in every opportunity ; and optimist sees the opportunity in every difficulty” සර්ව අශුභවාදියා ඕනෑම ඉඩ ප්‍රස්ථාවක ඇති අසීරුතාවන් දකී. ශුභවාදියා හැම අසීරු අවස්ථාවක ම ඇති ඉඩ ප්‍රස්ථාවන් දකී.”

අපි මේ අසීරු අවස්ථාවේ ඉඩ ප්‍රස්ථාවන් පාදා ගනිමු. මේ ඉඩ ප්‍රස්ථාවන් ගෙන් ප්‍රයෝජන ගෙන රට යළි ගොඩ නංවමු සුභවාදීව සිතමු.

රට සාමාන්‍ය තත්වයට යළි ඔසවා තැබීමේ වගකීමට අප සියලු දෙනාම එක සිතින් එක හදින් උර දෙමු.

2015 වසරේ කොලොන්නාව මිතොටමුල්ලේ වගුරුබිමක් ගොඩ කර එහි රැඳි සිටි අනවසර පදිංචිකරුවන් ඉවත් කිරීම, ව්‍යාපාරිකයෙකුට තර්ජනය කර රුපියල් මිලියන 64ක මුදලක් ලබා ගත්තේ යැයි කියන සිද්ධිය සම්බන්ධයෙන් වූ නඩුවේ තීන්දුව ප්‍රශාක කළ කොළඹ මහාධිකරණ විනිසුරු මංජුල තිලකරත්න විත්තිකාර අමාත්‍ය ප්‍රසන්න රණතුංගට වසර දෙකක බරපත වැඩ සහිත සිර දඬුවම් වසර පහකට අත්හිටුවන ලෙස නියෝග කර ඇත .

සිර දඬුවමට අමතර රුපියල් මිලියන 25ක දඩයක් ද මිලියනයක වන්දියක් ද ගෙවන්නැයි අධිකරණය නියෝග කළේය.

දඩය නොගෙවන්නේ නම් වසර නවයක සිර දඬුවමක් ද, වන්දි මුදල් නොගෙවන්නේ නම් තවත් වසර තුනක සිරදඬුවමක් ද නියම කර ඇත .

වෙළඳසැලකින් කිරිපිටි පැකට්ටුවක් සොරකම් කළ පුද්ගලයෙකු එහි හිමිකරු විසින් අල්ලා පොලිසියට භාරදී තිබේ.

මල්වාන වල්ගම ප්‍රදේශයේ වෙළඳසැලක මෙම සිදුවීම සිදුව ඇත.

ග‍්‍රෑම් 450 කිරිපිටි පැකට්ටුවක් තම කමිසය අස්සේ සඟවාගෙන යාමේදී ඔහු අල්ලාගෙන මෙසේ පොලිසියට භාර දී ඇත.

සැකකරු අධිකරණයට ඉදිරිපත් කිරීමට නියමිතව ඇති බව පොලසිය පැවසීය.

-Cnews