රනිල් වික්‍රමසිංහ මහතාට අග්‍රාමාත්‍ය පුටුවට යාමට පාර කැපුනේ තමාගේ ක්‍රියාදාමය නිසා බව තේරුම් ගත යුතු බව පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා පවසයි .
ජනාධිපතිතුමා විසින් රනිල් වික්‍රමසිංහ කැඳවීමට පැය තුනකට පෙර තමා කැඳවා වහාම අගමැති ධුරය බාර ගන්නැයි පැවසූ බවත් ඔහු එහිදී සඳහන් කළේය.
පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මේ බව සඳහන් කර සිටියේ අද (07) පාර්ලිමේන්තුවේදී අදහස් දක්වමින් ය.
ජනාධිපති කළ කැඳවීම අවස්ථාවේ තමන් කොන්දේසි කිහිපයක් පැන වූ බවත් එම කොන්දේසි ඉටු කිරීමට පසුබිම හැදුනොත් අගමැතිකම බාරගන්නා බව තමා දැනුම් දුන් බවත් පැවසීය.
ජනාධිපතිවරයා රනිල් වික්‍රමසිංහට අගමැති ධූරය බාර ගන්නැයි ආරාධනා කළේ ඉන් අනතුරුව බව ද පැවසූ මන්ත්‍රීවරයා අග්‍රාමාත්‍ය රනිල් වික්‍රමසිංහ ධූරයේ සිටින අතර තමාටත් පිං පොඩ්ඩක් දිය යුතු බවත් පැවසීය .