වැරදි තීරණ නිසා ශ්රී ලංකා ක්රිකට් ක්‍රීඩාව විනාශ වෙමින් ඇතැයි ශ්රී ලංකා ක්රිකට් කණ්ඩායමේ හිටපු නායක සහ ජාතික ක්‍රීඩා සභාවේ සභාපති අර්ජුන රණතුංග සඳහන් කරයි.
ක්රිකට් යනු මහේල ජයවර්ධන, ප්‍රමෝද්‍ය වික්‍රමසිංහ, ෂම්මි ද සිල්වා ඇතුළු පිරිසගේ බූදලයක් නොවන බවත් ඔහු පවසයි .
ක්රිකට් යනු මෙරට මිලියන විසි දෙකක මිනිසුන්ට අයත් ක‍්‍රීඩාවන් බවත් අර්ජුන රණතුංග පවසයි .
ක්රිකට් කළමනාකාරිත්වය දුර්වල බවට චෝදනා කරන ඔහු 20-20, එක්දින හා ටෙස්ට් තරඟ වලට ක්‍රීඩා කල යුතු ක්‍රීඩකයන් කවුරුන්ද යන්නවත් නිසි ලෙස තෝරා ගැනීමට පරිපාලන අසමත් බවද කියා සිටී.
ශ්රී ලංකා කණ්ඩායෙම් මෑතක මෑතකදී වාර්තා වන ඇතැම් හැසිරීම් වලට පරිපාලනය වගකිව යතු බවද පවසන සභාපතිවරයා තරඟ පැරදීම හෝ වරදක් සිදු වූ විට එය භාර ගැනීමට කිසිවෙකු නොමැති වීමද ගැටලුවක් බවත් අවධාරණය කරයි.
මේ සම්බන්ධයෙන් අදහස් දක්වමින් විචාරකයන් පවසන්නේ මෙතෙක් කාලයක් දියයටින් ගින්දර ගෙනගිය අර්ජුන රණතුංග මේ සමග අවසන් සටන දියත්කර ඇති බවක් පෙන්නුම් කරන බවයි.
ක්‍රීඩා ඇමති සහ ශ්රී ලංකා ක්රිකට් ආයතනය අතර ගැටුම්කාරී තත්ත්වයක් මතුවීම පිටුපස ද අර්ජුන රණතුංග සිටින බව විශ්වාස කළ හැකි බවත් විචාරක මතය වී තිබේ.