පුවත්

ප්‍රහාරය පිටුපස දේශපාලන කුමන්ත්‍රණයක සේයා ඇති බවත්, ඒ ගැන විමර්ශනයක් කළ යුතු බවත්, ඒ බව ජනාධිපති කොමිෂන් සභා වාර්තාවේ පවා ඇතැයි කී කොළඹ අගරදගුරුතුමෝ තමන් වත්මන් ජනාධිපතිවරයා පිළිගන්නේ ඒ සම්බන්ධයෙන් සාධනීයව කටයුතු කළහොත් පමණක් බව කොළඹ අගරදගුරු මැල්කම් කාදිනල් රංජිත් හිමි පවසයි .

ගාලු මුවදොර අරගලය නැවතුනත්, පාස්කු ප්‍රහාරයේ වින්දිතයන් වෙනුවෙන් තමන් ගෙන යන අරගලය සාධාරණය ඉටුවන අත්හරින්නේ නැතැයි ද කාදිනල් හිමි පවසයි .

කාදිනල් හිමි මේ බව පැවසුවේ පාස්කු ඉරුදින එල්ල වූ ත්‍රස්ත ප්‍රහාරයේ වින්දිතයන් වෙනුවෙන් ශුද්ධෝත්තම ෆ්‍රැන්සිස් පාප් වහන්සේ යූරෝ ලක්ෂයක (රුපියල් කෝටි හතරක පමණ) මුදල පාස්කු ප්‍රහාරයේ වින්දිතයන් වෙත ලබාදීම වෙනුවෙන් කොළඹ, කොච්චිකඩේ ශාන්ත අන්තෝනි දේවස්ථානයේ දී අද (14) පැවති උත්සවයට එක්වෙමිනි.

පාස්කු ප්‍රහාරයේ වින්දිතයන්ට යුක්තිය ඉටුකරන ලෙස පාප්වහන්සේ ද කිහිප වරක් ඉල්ලා ඇතත්, ශ්‍රීලංකාවේ යුක්තිය ඉටුවීම ඉතාමත් දුර්ලභ බවත් එයට හේතුව දේශපාලන නායකයන් නීතියට ඇඟිලි ගැසීම බවත් කාදිනල් පැවසීය .

පොලීසියේ උසස් නිලධාරියෙක් සහරාන් හෂීම් අත්අඩංගුවට ගැනීමට සුදානම් ව සිටියදී බලගතු පුද්ගලයන් මරන්න කුමන්ත්‍රණය කළ බවට බොරු චෝදනා එල්ල කර එම නිලධාරියා අත්අඩංගුවට ගෙන ප්‍රහාරකයන්ට ඉදිරියට යාමට නිදහස දුන් අය ද සහරාන් හෂීම් මෙන්ම මෙම ප්‍රහාරයට වගකිව යුතු බවත් කාදිනල් හිමි වැඩිදුරටත් පැවසීය .

සර්ව පාක්ෂික ආණ්ඩුවට සහාය දීම සඳහා සමගි ජන බලවේගයේ මන්ත්‍රීන් සහ සමගි ජන බලවේගයට සම්බන්ධ හවුල්කාර සුළු පක්ෂ ගණනාවක් නියෝජනය කරන මන්ත්‍රීන් 16 දෙනෙක් තීරණය කර ඇතැයි විශ්වාස කටයුතු දේශපාලනඅංශ ආරංචි මාර්ග කියයි

එම කණ්ඩායම කෑගල්ල, රත්නපුර, නුවරඑළිය යන ප්‍රදේශත්, ජාතික ලැයිස්තුවත් නියෝජනය කරන අය බව සඳහන් වේ.

සමගි ජන බලවේගය නියෝජනය කරමින් ආණ්ඩුවට එක්වන එම පක්ෂයේ කිහිප දෙනකු ඉදිරි දේශපාලන කටයුතු සිදුකිරීම සඳහා දැනටමත් එක්සත් ජාතික පක්ෂය තෝරාගෙන ඇතැයි ද සඳහන් වේ.

කෙසේ වෙතත් එළඹෙන සතිය අවසානයේ සර්ව පාක්ෂික ආණ්ඩුවට කැමැත්ත සහ අකමැත්ත පළ කරන පක්ෂවල අවසන් තීන්දුව ගන්නා බවත් ඉන් පසුව එන සතියේදී සර්ව පාක්ෂික ආණ්ඩුව පිහිටුවන බවත් කම්කරැ අමාත්‍ය මනූෂ නානායක්කාර දේශයට පැවසීය.

-Deshaya

ශ‍්‍රී ලංකාව බලා එන ‘යුවාන් වැන්ග් 5’ නෞකාවට හම්බන්තොට වරායට ඇතුළු වීමට අවසර ලබා දීම සම්බන්ධයෙන් කරුණු පැහැදිලි කරමින් විදේශ අමාත්‍යංශය විසින් නිවේදනයක් නිකුත් කර ඇත.

අදාළ නිවේදනය පහත දැක්වෙයි .

 සමහර දේශපාලන සරණාගතයන්ගේ මේ මොහොතේ වෛරයට බඳුන්ව ඇත්තේ ජනාධිපති රනිල් වික්‍රමසිංහ ය. ඒ වෛරය කොතරම් ද කියතොත් ඔවුන් ජනාධිපතිවරයා හඳුන්වන්නේ රනිල් රාජපක්ෂ නමිනි.

 ජනාධිපති රනිල් රාජපක්ෂ !

 බලයෙන් ඔද්දල් වෙන ජනාධිපති වෙනුවට බලතල අත්හරින ජනාධිපති !

මේ 22 ව්‍යවස්ථා සංශෝධනය 20 තිබූ පසුගාමී සියල්ල ඉවත් කරන්න කටයුතු කරනවා විතරක් නොව  , වැදගත් දේ වන්නේ 19 වෙනි ව්‍යවස්ථා සංශෝධනයටත් ඉදිරියට ගිය සංශෝධන මේ තුළ සිදුකර තිබීමය. එහිත් විශේෂත්වය වෙන්නේ , ජනාධිපතිගේ විධායක බලතල තවදුරටත් කප්පාදු කර එම බලය පාර්ලිමේන්තුව සතු කිරීමය.

 

 19න් එහාට ගිය 22 ගැන මේ කරුණු දන්නවාද ?

 

මේ පහත දැක්වෙන්නේ ඒ සම්බන්ධයෙන් අධිකරණ අමාත්‍යවරයා විසින් සිදුකර තිබූ කරුණු පැහැදිලි කිරීමක්.

 

ආණ්ඩුක්‍රම ව්‍යවස්ථා සභාව (41) (ආ) අවස්ථාව):

අ) පාර්ලිමේන්තු මන්ත්‍රීවරුන් තිදෙනෙකු සාමාජිකයන් ලෙස පත් කිරීමේදී අග්‍රාමාත්‍යවරයා සහ විපක්ෂ නායකවරයා එක්ව තෝරා ගැනීම වෙනුවට,

I) ආණ්ඩු පක්ෂයේ මන්ත්‍රීවරුන් විසින් බහුතරයේ එකඟත්වයෙන් මන්ත්‍රීවරයකු තෝරා ගැනීම.

2) විරුද්ධ පක්ෂයේ මන්ත්‍රීවරු අයත් දේශපාලන පක්ෂයේ මන්ත්‍රීවරු විසින් බහුතරයේ එකඟත්වය මත මන්ත්‍රීවරයකු තෝරා පත්කර ගැනීම.

3) ඉහත කී දේශපාලන කණ්ඩායම් දෙක නොවන අනෙකුත් කුඩා පක්ෂවල මන්ත්‍රීවරුන් විසින් බහුතරයේ එකඟත්වයෙන් මන්ත්‍රීවරයකු  තෝරා පත්කර ගැනීම.

ආ) සමාජයෙන් පත් කරනු ලබන තිදෙනා පත් කිරීමේදී අග්‍රාමාත්‍යවරයාගේ සහ විපක්ෂ නායකවරයාගේ මැදිහත්වීමකින් තොරව කතානායකවරයා විසින් පාර්ලිමේන්තුවේ එකඟතාවය ඇතිව නිර්පාක්ෂික විද්වතුන් පත්කර ගැනීම.

1) ශ්‍රී ලංකා මහ බැංකුවේ අධිපතිවරයා පත්කිරීම (41) ඇ)  ව්‍යවස්ථාව)

මහ බැංකුවේ අධිපතිවරයා ආණ්ඩුක්‍රම ව්‍යවස්ථා සභාවේ අනුමැතිය ඇතිව ජනාධිපතිවරයා විසින් පත් කළ යුතු ය. ( මූල්‍ය මණ්ඩලයේ නිල නොවන සාමාජිකයන් පත් කිරීමේදී එසේ අනුමැතිය ලබා ගත යුතු බවට ප්‍රතිපාදන 2002 මූල්‍ය මණ්ඩල සංශෝධන පනතේ ඇතුළත්ව ඇත. )

2) 19 වන ආණ්ඩුක්‍රම ව්‍යවස්ථා සංශෝධනය අනුව එවකට ජනාධිපතිවරයාට අන්තර්කාලීන ජාන මගින් ආරක්ෂක මහවැලි සහ පරිසර අමාත්‍යාංශය දැරිය හැකි ව තිබුණි. 22 වන සංශෝධනය මගින් එය ආරක්ෂක අමාත්‍යංශයට පමණක් සීමා කර ඇත.

3) පාර්ලිමේන්තුවට ඉදිරිපත් කරනු ලබන පනත් කෙටුම්පතක් ශ්‍රේෂ්ඨාධිකරණයේ අභියෝගයට ලක් කරනු ලබන්නන් ගේ නම් න්‍යාය පත්‍රයට ඇතුළත් කළ දින සිට දින හතක් ඇතුළත ඉදිරිපත් කළ යුතුය. (121(1) ව්‍යවස්ථාව) 22වන සංශෝධනය මගින් එය දින 14ක් දක්වා දිගු කිරීම මගින් ව්‍යවස්ථා සම්පාදනයට මහජනතාවට සහභාගි වීමට ඇති ඉඩකඩ පුළුල් වී ඇත.

4) දූෂණයට එරෙහි නීති

විසි දෙවන සංශෝධනය මගින් ශ්‍රී ලංකාව පාර්ශවයක් වන දූෂණයට එරෙහි එක්සත් ජාතීන්ගේ සම්මුතිය සහ දූෂණය වැළැක්වීමට අදාළ වෙනත් ජාත්‍යන්තර සම්මුතීන් ක්‍රියාත්මක කරන බවට ඇති ප්‍රතිපාදන අනුව දූෂණ විරෝධී පනත් කෙටුම්පත මේ වන විටත් අමාත්‍ය මණ්ඩලයට ඉදිරිපත් කර ඇත. එමගින් අල්ලස් දූෂණ කොමිෂන් සභා නීතිය සහ වත්කම් බැරකම් ප්‍රකාශ නීතිය යාවත්කාලීන වනු ඇත.

 

5) ලේකම්වරුන්ගේ ධූරකාලය (52 ව්‍යවස්ථාව)

52(3) අනුව අමාත්‍යාංශ ලේකම්වරුන් ධූර දැරීම අමාත්‍ය මණ්ඩලය විසිර ගිය විට නතර විය යුතු නමුත් යෝජිත සංශෝධනය අනුව ඔවුන් දිගටම එම ධුරයේ කටයුතු කරනු ඇත.

ද්විත්ව පුරවැසියන්ට මන්ත්‍රී ධූර දැරීම නුසුදුසු භාවය ඇතුළත් කොට ඇත.

 

 20 වුණත් හොඳම ටික 22 ට !

20 වන ආණ්ඩුක්‍රම ව්‍යවස්ථා සංශෝධනයේ යහපත් ගුණාංග රඳවා තබා ගැනීම:

1) 78(3) ව්‍යවස්ථාව පාර්ලිමේන්තුව තුළ දී පනත් කෙටුම්පතක ට සංශෝධන ඉදිරිපත් කිරිමේ දී පනත් කෙටුම්පතේ හරයට සහ මූලධර්ම වලට පරිබාහිර සංශෝධනයක් ඇතුළත් නොකළ යුතුය යන ප්‍රතිපාදන එලෙස ම පවත්වාගෙන යනු ලැබේ.

2) 19 වන ව්‍යවස්ථා සංශෝධනය මඟින් ජනාධිපතිවරයාගේ තීරණයක් ශ්‍රේෂ්ඨාකධිරණය ඉදිරිපත් කරනු ලබන මූලික අයිතිවාසිකම් පෙත්සමක් මඟින් අභියෝගයකට ලක්කළ හැකි බවට ප්‍රතිපදාන සැලසුණි.

එහෙත් 20 වන සංශෝදධනයෙන් හඳුන්වා දුන් ආන්ඩුක්‍රම ව්‍යවස්ථාවේ 35(3) අනුව ජනාධිපතිවරයාගේ විෂයකට අදාළ කාරණයක් සම්බන්ධයෙන් කුමන හෝ අධිකරණ බලය ඇති අධිකරණයක නඩු පැවරීමේ බලය ඇති බවට පුළුල් කර ඇත. එය එලෙසම පවත්වා ගෙන යනු ලැබේ.

3) 20 වන ආණ්ඩුක්‍රම ව්‍යවස්ථා සංශෝධනය මඟින් ශ්‍රේෂඨාකරණයේ විනිසුරුවන් සංඛ්‍යාව 11 සිට 17 ක්  දක්වා ද වැඩි කරන ලදී. එය එසේම පවත්වා ගෙන යනු ඇත.

 

මේ ඇත්තටම 22 ව්‍යවස්ථා සංශෝධනය සම්බන්ධයෙන් සම්පූර්ණ පැහැදිලි කිරීමක් නොවේය. නමුත්  විධායක ජනාධිපති ධූරය ලැබූ අනෙක් සේරටම වෙනස් ගමනක් වෙනුවෙන් ජනාධිපති  රනිල් වික්‍රමසිංහ පදනම් සකස් කරන බව තේරුම් ගන්න බාධාවක් නැත.

 

22 යනුම තමන්ට ව්‍යවස්ථාව මගින් මේ මොහොතේ පැවරී ඇති බලය , එහි අසීමිත බලතල , සංවරණ සහ තුළන සම්බන්ධ කඩා ඉහිරවන අත්තනෝමතිකත්වය ඉවත් කරමින් සම්ප්‍රදායික ජනාධිපති භූමිකාවෙන් ඉවතට යාමකි. 

 

 අසීරුම අවස්ථාවේ පවා ඔහු සීරුවෙන් රැකගත්, දර්ශනය , ප්‍රතිපත්තිය මේ ලෙස හෝ ලැබුණු අවස්ථාවේ  ඉදිරියට ගැනීම වරදක්ද ? රාජපක්ෂවරුන් කාලයක් තිස්සේ ගොඩනැගූ මිත්‍යාව ඒ කඳවුරේ සහයෙන් හෙළිකර , ඒවා කුඩු කිරීම වරදක්ද ? 

 

රනිල් වික්‍රමසිංහ ජනාධිපති ට, රනිල් රාජපක්ෂ නම තැබූවන් , බොරු හුරතල් නැතුව මේ ප්‍රශ්න වලට උත්තර දෙන්න ඕනය. නැත්නම් පිළිගන්න වෙන්නේ මේ උදවියට ඇත්තේ පුද්ගලයන් සම්බන්ධ ප්‍රශ්නයක් බවය. සැබවින්ම රාජපක්ෂවරුන් ගොඩනැගූ රාජපක්ෂවාදයේ නියම ආරක්ෂකයන් වීමට මේ හැර තවත් සුදුසුකම් මොකටද ?

එස්.එල්.ශ්‍යාම් 

බොරතෙල් මෙට්‍රික්ටොන් 100,000ක් රැගත් නෞකාවක් අද(13) රාත්‍රී කොළඹට පැමිණීමට නියමිත බව වාර්තා වෙයි .

විදුලිබල හා බලශක්ති අමාත්‍ය කංචන විජේසේකර පවසන්නේ හෙට (14) එහි ප්‍රමිති කටයුතු සිදුකෙරෙන බවය.

එසේම බොරතෙල් මෙට්‍රික්ටොන් 120,000ක් රැගත් නෞකාවක් අගෝස්තු 23-29 අතර පැමිණීමට නියමිත බවත් වාර්තා වෙයි .

මෙම නෞකා දෙකම රුසියානු යුරල්ස් බොරතෙල් වන අතර කඩිනමින් පිරිපහදුව ආරම්භ කිරීමට අපේක්ෂිත බවද අමාත්‍යවරයා සඳහන් කර සිටියි.

මේ අතර ඉන්ධන බෙදා හැරීමේ ක්‍රියාවලිය පිළිබඳව ප්‍රගති සමාලෝචන හමුව අද උදෑසන කොලොන්නාව ඛණිජ තෙල් බෙදා හැරීමේ පර්යන්තයේදී පවත්වන ලදි.

මෙහිදී සියලුම පිරවුම්හල් වෙත බෙදා හරින ලද ඉන්ධන ප්‍රමාණය සහ QR ක්‍රමවේදය භාවිතා කරමින් ඉන්ධන නිකුත් කිරීම පිළිබඳව පසුගිය සති දෙකේ දත්ත පරික්ෂා කිරීමත් එය පිළිබඳව සාකච්ඡා කිරීමත් සිදු කර ඇති බව වාර්තා වෙයි .

QR ක්‍රමවේදයට බැහැර වෙමින් ඉන්ධන නිකුත් කරන පිරවුම්හල් පිළිබඳව අවශ්‍ය නීතිමය සහ පරිපාලන කටයුතු කිරීමට උපදෙස් දුන් බව අමාත්‍යවරයා පවසයි .

එමෙන්ම අත්‍යවශ්‍ය සේවා, පොදු ප්‍රවාහනය, ධීවර,කෘෂිකර්ම, කර්මාන්ත, සංචාරක කර්මාන්ත ප්‍රමුඛ කර ඉන්ධන බෙදා හැරීමේ ක්‍රියාවලියේ ප්‍රගතිය සහ මහජන පැමිණිලි පිළිබඳවද එහිදී සාකච්ඡා කර ඇති බවත් වාර්තා වෙයි .

එළැඹෙන අගෝස්තු 15 (සඳුදා ) සිට සතියේ දින 5 සුපුරුදු ආකාරයට පාසල් පැවැත්වීමට තීරණය කර ඇත .

මේ සම්බන්ධයෙන් සාකච්ඡාවක් අධ්‍යාපන අමාත්‍යවරයාගේ ප්‍රධානත්වයෙන් අමත්‍යංශයේද පවත්වා ඇත .

එහිදී ප්‍රවාහන අපහසුතා සහිත ප්‍රදේශ වල විදුහල්පතිවරුන්, ගුරුවරුන් සහ සිසුන් සඳහා සුදුසු ප්‍රවාහන වැඩපිළිවෙලක් සකස් කිරීම සඳහා සියළුම පළාත් බලධාරින් වෙත උපදෙස් ලබා දී තිබෙන බවත් වාර්තා වෙයි .

එමෙන්ම සඳුදා සිට ආරම්භ වන පාසල් සතිය තුල ප්‍රවාහන අපහසුතා තවදුරටත් බලපාන ගුරුවරුන් සහ සිසුන් සඳහා සුදුසු පරිදි විදුහල්පතිවරුන් විසින් සහන ලබා දිය යුතු අතර, එම සහන ලබා දිය යුතු ක්‍රමවේද පිළිබද පළාත් අධ්‍යාපන අධ්‍යක්‍ෂකවරුන් විසින් විදුහල්පතිවරුන් දැනුවත් කරනු ඇති බවත් දැනුම්දී ඇත .

මේ අතර ඉදිරි තෙමසක කාලය තුල පාසල් කාලය විෂයය ඉගැන්වීම් සඳහාම යොදා ගත යුතු අතර, විෂය සමගාමී සහ විෂය බාහිර ක්‍රියාකාරකම් පාසල් කාලයෙන් පරිබාහිරව සිදු කිරීමටත් පාසල් වල පැවැත්වෙන උත්සව ආදිය තවදුරටත් සීමා කිරීමටත් වැඩිදුරටත් උපදෙස් ලබා දී ඇති බවත් වාර්තා වෙයි .

පසුගිය කාලයක් තිස්සේ පාසල් අධ්‍යාපන කටයුතු අඛණ්ඩව සිදුනොවනු අතර ඒ සම්බන්ධයෙන් හිටපු ජනාධිපති ගෝඨාභය රාජපක්ෂට දැඩි විවේචන එල්ල විය.

එසේම ආර්ථික අර්බුදය හමුවේ පවා පාසල් අධ්‍යාපනය අඛණ්ඩව පවත්වා ගෙන යාමට පියවර ගැනීම ජනතාව තුළ ධනාත්මක එළැඹුම් ඇතිකරන්නක් බව විචාරක මතය වී තිබේ.

ඔවුන් පවසන්නේ තම කඩාකප්පල් වූ දෛනික ජීවිතය නැවත ඇරඹීම හරහා මිනිසුන් අර්බුදය හමුවේ කඩාවැටීම වෙනුවට අර්බුදය සමනය කරගන්න සක්‍රීය දායකත්වයක් සපයනු ඇති බවය.

සමාව ඉල්ලා ජනාධිපතිවරයාට යවන ලිපි ලේඛන සඳහා හිටපු පාර්ලිමේන්තු මන්ත්‍රී , රංජන් රාමනායක අත්සන් තබා ඇති බව වාර්තා වෙයි .

එම සමාව ඉල්ලීමේ ලිපිය ඔහුගේ නීතිඥයන් විසින් සකස් කර ඇත.

රන්ජන් රාමනායක සමාව ලබා දෙන්නැයි පාර්ශව ගණනාවක් පසුගිය සමයේ දිගින් දිගටම හිටපු ජනාධිපති ගෝඨාභය රාජපක්ෂ වෙතින් ඉල්ලා සිටිනු ලැබුවත් ඒ කෙරෙහි ඔහු අවධානය යොමුකළේ නැත.

කෙසේ වුවත් ගෝඨාභය රාජපක්ෂ ජනාධිපති පාලනය අත්හැර රටින් පළායාමෙන් පසුව ජනාධිපති වූ රනිල් වික්‍රමසිංහ බලය ලද සැනින් හිටපු පාර්ලිමේන්තු මන්ත්‍රී රන්ජන් රාමනායක ගේ නිදහස වෙනුවෙන් අවශ්‍ය කටයුතු සූදානම් කරන ලෙස අධිකරණ අමාත්‍ය විජේදාස රාජපක්ෂ වෙත දැනුම්දී තිබිණ .

ඒ අනුව නිසි ක්‍රමවේදය අනුව රන්ජන් රාමනායක ගේ නිදහස් වීමේ ක්‍රියාමාර්ග ගැනෙමින් තිබෙන බව අධිකරණ අමාත්‍යවරයා සමාජ මාධ්‍ය ඔස්සේ ජනතාව දැනුවත් කර තිබිණ .

ආර්ථිකයේ තෝරාගත් විශේෂිත ක්ෂේත්‍රවලට තනි තනිව ඉන්ධන ආනයනය කර භාවිතා කිරීම සඳහා බලය පැවරීම සිදුකෙරෙන ඛනිජ තෙල් විශේෂ විධිවිධාන ( සංශෝධන) පනත් කෙටුම්පත පිළිබඳ ගැසට් නිවේදනය නිකුත් කර ඇත.

මෙම ගැසට් නිවේදනය විදුලි බල සහ බලශක්ති අමාත්‍ය කාංචන විජේසේකර ගේ උපදෙස් අනුව නිකුත්කර තිබේ.

මේ පනත් කෙටුම්පත සඳහා අමාත්‍ය මණ්ඩලයේ අනුමැතිය හිමිව තිබිණ .

මර්දනය හමුවේ අරගලය මර්දනය වුවත් එහි සංකල්පය අවසන් නැති බවත් අරගලය ප්‍රතිසංවිධානය විය යුතුව ඇති අතර ඊට කාලයක් ගතවනු ඇති බවත් සමගි ජනබලවේගය පක්ෂයේ සභාපති පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා පවසයි .

එසේම අරගලය අවසන් නැති බවත් අරගලය අවසන් යැයි සිතා දේශපාලඥයන් ආතල් ගැනීමට නොසිතිය යුතු බවත් ඔහු පවසයි .

මන්ත්‍රීවරයා මේ බව සඳහන් කර සිටියේ ජනාධිපතිවරයා පාර්ලිමේන්තුවට ඉදිරිපත් කළ ආණ්ඩුවේ ප්‍රතිපත්ති ප්‍රකාශය පිළිබඳ සභාව කල්තබන අවස්ථාවේ විවාදයේ දීය.

අරගලයේ දරුවන් මේ රට නිවැරදි මාර්ගයට ගැනීමට උත්සාහ දැරූ බවත් රටේ සියලු දෙනා ඒ දරුවන්ට හැකි සෑම අවස්ථාවකම උදව් උපකාර කළ යුතු බවත් ඔහු එහිදී පැවසීය .

දරුවන්ගෙන් පළිගන්න එපා යැයි තමා ජනාධිපතිවරයාගෙන් මහත් ඕනෑකමින් ඉල්ලීමක් කරන බව පැවසූ හදිසි නීතිය ට මුවා වී දරුවන් නිකරුණේ අත්අඩංගුවට ගැනීමෙන් වැළකිය යුතු බවද සඳහන් කළේය.

ජනාධිපති මන්දිරයෙන් පැපොල් කෑල්ලක් කාපු දරුවනුත් අද අත්අඩංගුවට ගන්නා බවට ඔහු චෝදනා කළේය.

මේ රටේ අනාගතය විනාශ කළේ රාජපක්ෂවරුන් බවත් විදේශ රටවල තැන්පත් කර ඇති මෙරට දූෂිත දේශපාලඥයන්ගේ දේපළ රටට නැවත ගෙන්වා ගැනීමට පාලකයන් කටයුතු කළ යුතු බවත් ඔහු සඳහන් කළේය.

අද රටේ පෝලිම් නැත්තේ තෙල් නැති නිසා බවද ඔහු සඳහන් කළේය.

පොහොට්ටු මන්ත්‍රීවරුන් ෆීල්ඩ් මාර්ෂල් ගැන මීටරෙන් !

මේ අතර අරගලකරුවන් උසිගන්වමින් කටයුතු කිරීම සම්බන්ධයෙන් ආණ්ඩුවේ පොදුජන පෙරමුණ නියෝජනය කරන මන්ත්‍රීවරුන් දැඩි අවධානයකින් පසුවන බව දේශපාලන ආරංචි මාර්ග සඳහන් කරයි.

අරගලය අස්සේ ෆීල්ඩ් මාර්ෂල් ලෙස නිල ඇඳුමක් සහ වරප්‍රසාද භුක්ති විඳින සරත් ෆොන්සේකා හමුදාවට පවා නිවේදන නිකුත්කරමින් සිය පෞද්ගලික බල දේශපාලන උවමනාවන් වලට කටයුතු කළ බවටත් ඔවුන් චෝදනා නගයි.

මේ ආකාරයට තවදුරටත් ගෞරවනීය නිලයක් දරන අතරේ ආරක්ෂක හමුදා වෙත රටේ සිවිල් තත්ත්වයක් ඇතිවන පදනමේ ප්‍රකාශ කිරීමට සරත් ෆොන්සේකා ක්‍රියා කළහොත් ඔහු සම්බන්ධයෙන් දැඩි පියවරක් ගැනීමට පොදුජන පෙරමුණ මන්ත්‍රී කණ්ඩායම සාකච්ඡා කර ඇති බවත් දේශපාලන ආරංචි මාර්ග වැඩිදුරටත් පවසයි .

සමගි ජන බලවේගය පාර්ලිමේන්තු මන්ත්‍රී හර්ෂ ද සිල්වා රජයේ මුදල් පිළිබඳ පාර්ලිමේන්තු කාරක සභාවේ සභාපති ධුරයට පත් කිරීමට තීරණය කර ඇති බව වාර්තා වෙයි .

කතානායක මහින්ද යාපා අබේවර්ධන ගේ ප්‍රධානත්වයෙන් පාර්ලිමේන්තුවේ දී පැවැති රැස්වීමේදී මෙම තීරණය ගෙන ඇති බවත් වාර්තා වෙයි .

මීට පෙර එම ධුරය දරන ලද්දේ පාර්ලිමේන්තු මන්ත්‍රී අනුර ප්‍රියදර්ශන යාපා විසිනි.

ජනාධිපතිවරයා විසින් පාර්ලිමේන්තුව සැසිවාරය අවසන් කිරීමත් සමඟ එහි තිබූ කමිටු හැත්තෑවකට ආසන සංඛ්‍යාවක් අහෝසි වූ අතර පාර්ලිමේන්තුව යලි රැස් කිරීමෙන් පසු එම කාරක සභා පත් කිරීම මේ දිනවල සිදුකරමින් ඇත.

කෙසේ වුවත් කෝප් සහ කෝපා වැනි කමිටු සඳහා තවමත් සභාපති හෝ සාමාජිකයන් නම් කර නොමැත.

හර්ෂට වැඩ පෙන්නන්න අවස්ථාවක් !

මේ සම්බන්ධයෙන් අදහස් දක්වමින් දේශපාලන විචාරකයන් පවසන්නේ හර්ෂ ද සිල්වා මන්ත්‍රීවරයා හට සිය හැකියාව ප්‍රායෝගිකව ඔප්පු කිරීමට අවස්ථාවක් හිමිව ඇති බවයි.

එහිදී සමගි ජනබලවේගය පක්ෂයේ මන්ත්‍රීවරයකු වුවත් , එහි නායක සජිත් ප්‍රේමදාස මෙන් කොහෙන්හෝ ජනාධිපති රනිල් වික්‍රමසිංහ සමග පැටලෙන්න කොණක් හොයනු වෙනුවට වෘත්තීයමය දේශපාලන පරිචයක් පෙන්වාදීමේ වගකීම හර්ෂ ද සිල්වා මන්ත්‍රීවරයා ගේ වගකීම බවත් ඔවුන් පවසයි.

එසේම පසුගිය සමයේ අඛණ්ඩව හර්ෂ ද සිල්වා මන්ත්‍රීවරයා ජනාධිපති රනිල් වික්‍රමසිංහ ගේ ආර්ථික ප්‍රතිපත්තිය සහ ආර්ථික අර්බුදය විසඳීමට සිදුකරන යෝජනා සියල්ල අගය කරමින් ප්‍රසංශාත්මකව අදහස් දක්වමින් සිටිය බවත් දේශපාලන විචාරකයන් සිහිපත් කරයි.

මිග් යානා ගනුදෙනුව සම්බන්ධයෙන් විදෙස් ගමන් තහනම් කර සිටින රුසියාවේ හිටපු ශ්‍රිලංකා තානාපති උදයංග වීරතුංග හට පනවා ඇති එම තහනම තාවකාලිකව ඉවත් කරන ලෙස ඔහු කළ ඉල්ලීමක් කොටුව මහේස්ත්‍රාත් තිළිණ ගමගේ ඊයේ (12) ප්‍රතික්ෂේප කළ බව වාර්තා වෙයි .

මෙරට නියෝජනය කරමින් වෙළඳ සම්මන්ත්‍රණයකට සහභාගි වීම සඳහා තම සේවාදායකයාට විදේශ ගත වීමට අවශ්‍යව ඇති හෙයින් අධිකරණය මඟින් පනවා ඇති එම ගමන් තහනම තාවකාලිකව ඉවත් කර දෙන මෙන් නීතිඥ අසිත් සිරිවර්ධන අධිකරණයෙන් ඉල්ලීමක් කර තිබිණ .

කෙසේ වුවත් අපරාධ පරීක්ෂණ දෙපාර්තමේන්තුව අධිකරණයට දැනුම්දී ඇත්තේ මෙම සැකකරු මෙතෙක් සිද්ධිය සම්බන්ධයෙන් සම්පූර්ණ ප්‍රකාශ ලබා ලබාදී නැති බවත් අවශ්‍ය ලේඛන නොමැති බැවින් තමන්ට එසේ ප්‍රකාශ දිය නොහැකි බව සඳහන් කර ඇති බවය.

මේ හේතුවෙන් සැකකරු විදෙස් ගත වුවහොත් විමර්ශනයට බාධාවක් වන බැවින් ඔහුගේ විදෙස් ගමන් තහනම ඉවත් කිරීම සම්බන්ධයෙන් තරයේ විරුද්ධ වන බවද අපරාධ පරීක්ෂණ දෙපාර්තමේන්තුව අධිකරණයට ප්‍රකාශ කර ඇත .

ඉදිරිපත් වූ කරුණු සැලකිල්ලට ගත් අධිකරණය මෙම සිද්ධිය සම්බන්ධයෙන් සම්පූර්ණ ප්‍රකාශයක් ලබන දාහත් වැනි දා අපරාධ පරීක්ෂණ දෙපාර්තමේන්තුවට ගොස් ලබා දෙන ලෙසට සැකකරුට නියෝග කරමින් සැකකරුගේ විදෙස් ගතවීමේ අවසරය පිලිබද ඉල්ලීම ප්‍රතික්ෂේප කර ඇත .

යුවාන් වැන් 5’ චීන නෞකාව ශ්‍රී ලංකාවට ඇතුළු වීමට අවසර දීමට තීරණය කර ඇති බව වාර්තා වෙයි .

වාර්තා වන ආකාරයට මෙම නැව හම්බන්තොට වරායට පැමිණීමට ඉඩ දීම සඳහා පසුගියදා රැස්වූ ජාතික ආරක්ෂක කවුන්සිලයේ දී ජනාධිපතිවරයා ද එකඟතාවය පළ කර ඇති බව දේශපාලන ආරංචි මාර්ග ද පවසයි .

එසේම මෙකී නෞකාව ලංකාවේ හම්බන්තොට වරායට ඇතුල්වීමෙන් ඉන්දියාවට ඇතිවන තර්ජනය කුමක්දැයි ලිඛිතව දන්වන ලෙස ශ්‍රී ලංකා විදේශ කටයුතු අමාත්‍යංශය විසින් ඉන්දියාවෙන් ඉල්ලීමක් කර ඇති බවත් වාර්තා වෙයි .

නමුත් එම ඉල්ලීමට ඉන්දියාව විසින් මෙතෙක් ප්‍රතිචාරයක් දක්වා නැති බවත් දැනගන්නට ඇත .

එසේම චීන නෞකාවට හම්බන්තොට වරායට ඇතුළුවීමට ඉඩ දීම සම්බන්ධයෙන් ඇමරිකානු තානාපතිනියද ජනාධිපතිවරයාට සිය කනස්සල්ල පළකර ඇතත් ජනාධිපතිවරයා පවසා ඇත්තේ චීන නෞකාව පැමිණීමට විරුද්ධ වීමට ස්ථිර හේතු සපයන් ලෙසයි.

එමෙන්ම එම පණිවිඩය අඟහරුවාදා දිනයේ විදේශ අමාත්‍යවරයා විසින් ඉන්දීය රාජතාන්ත්‍රිකයන් වෙතද දැනුම් දී ඇත.

මෙම දෙපාර්ශ්වය ම ඒ පිලිබද පිළිගත හැකි හේතු ඉදිරිපත් කළ නොකළ නිසා ශ්‍රී ලංකා රජය විසින් චීන නෞකාවට ඇතුළු වීමට අවසර ලබා දී ඇත.

ඒ අනුව මෙම නෞකාව අගෝස්තු 16 වන දින හම්බන්තොට වරායට ඇතුළු වී එහි නැංගුරම් යාමට නියමිතව තිබේ.

මේ වන විටත් එය අඩාල කරන ලද වේගයකින් හම්බන්තොට වරාය දෙසට යාත්‍රා කරමින් ඇති බවත් වාර්තා වෙයි .

2019 මහ චන්දෙන් UNP එක නන්නත්තාර වෙලා ගියාට පස්සේ , දේශපාලනේ පැත්තක තියල පවුලේ බිස්නස්වලට බැහැල හිටපු රවී කරුණානායක හිටපු මුදල් ඇමතිතුමා ඔන්න ආයෙත් පොලිටිකල් ෆීල්ඩ් එකේ පුවත් මවන්නෙක් වෙලා.

අයෝජනකයෝ කීප දෙනෙකුත් අරන් ප්‍රයිවෙට් හෙලිකොප්ටරෙකින් ඊයේ පෙරේදා මන්නාරමට ගියපු කතාව ශෝෂල් මිඩියා එකේ වයිරල් වෙලත් තිබුනා.

ආරංචියේ හැටියට ලංකාවේ ආයෝජකයෝ ගේන වැඩේ ලීඩ් කරන්න කියල , කියල තියන්නේ ලොක්ක ලු. ඒ කියන්නේ ඩොලර් ගේන අරගලය ...

ඒ එක්කම ලොකු නඩේකුත් අරන් කතරගම වන්දනාවේ ගිහින් තිබුනා. වන්දනාවේ ගිය එක නෙමෙයි වැඩේ , පොහොට්ටුවේ දිලුම් අමුණුගම ත් රවී එක්ක කතරගම ගමනට එකතුවෙලා හිටිය එක.

දිලුම්ගේ අම්ම තාත්ත , එයාගේ අධාරකාරයෝ කීප දෙනෙකුත් ඔය වන්දනා ගමනට එකතුවෙලා හිටිය.

ජුලි 20 පාර්ලිමේන්තුවේ තිබුන ජනාධිපති චන්දෙට රනිල් වික්‍රමසිංහ ඉදිරිපත් වෙච්ච වෙලාවේ රවියි, දිලුම් අමුනුගමයි කතරගම දෙයියන්ට බාරයක් වෙලා.. ඒ බාරේ ඔප්පු කරන්න ලු කතරගම ගියා කියන්නේ..

ඔය චන්දෙ වෙලාවේ රවී, CWC එකේ ජීවන් තොන්ඩමන් එක්කත් බාරයක් වෙලා. ඔන්න එක ඔප්පුකරන්න තිරුපති යන කතාවකුත් කියනවා.. CWC එකේ සභාපති සෙන්දිලුත් යනවලු.. ඔය චන්දෙට ඒ දෙන්නත් බැහැලාම වැඩ කළා.

දිලුම්ටයි - ජීවන් ටයි- සෙන්දීල් ටයි කොහොම වුනත්, රවිට නම් දැන් තියාම බාර හාර වල ප්‍රතිපල ලැබිච්ච පාටක් තමයි පේන්න තියන්නේ..

මොකද දැන් තියාම ලංකාවට ඩොලර් ගේන අරගලේ ලොකු වැඩකොටසක් රවිට පවරලා කියල ආරංචියි..

ඒ විතරක් නෙමෙයි , ඊළඟ අයවැය ට යෝජනා ගණනාවක් ම ලොක්කට දීල තියෙන්නෙත් රවී ලු.

ඒ අස්සේ බයිසිකල් අරගලේ ඉස්සරහට ගෙනියන්නත් යෝජනාවක් කරලා කියල මුදල් අමාත්‍යංශය පැත්තෙන් ආරංචි වෙනවා.

රවී , යෝජනා කරලලු, පුස් බයිසිකල් පිටරටින් ගෙන්නද්දී ගහන සියයට 30ක බද්ද ඉවත් කලොත් බයිසිකල් අරගලේ ට හයියක් කියල.

දේශපාලන වාර්තාකරු

දැවැන්ත ආර්ථික අර්බුදයකට මුහුණ පා සිටියත් එම අර්බුදයෙන් නියත වශයෙන්ම රට ගොඩගන්නා බව ජනාධිපති රනිල් වික්‍රමසිංහ පවසයි .

සියලු ජනතාවට යහපත් ජීවිතයක් උදා කරන අලුත් ආර්ථිකයක් වෙනුවෙන් සියලු දෙනා අලුත් බලාපොරොත්තු සමග ඉදිරියට ගමන් කළයුතු බව ද වික්‍රමසිංහ ජනාධිපතිවරයා සඳහන් කළේය.

ජනාධිපතිවරයා මේ අදහස් දක්වා සිටියේ ඓතිහාසික දළදා පෙරහර මංගල්‍යය සහ සතර මහා දේවාලවල වාර්ෂික පෙරහර සාර්ථකව පවත්වා අවසන් කළ බව සැලකිරීමට, මහනුවර ජනාධිපති මන්දිරයේ ඊයේ (12) පස්වරුවේ පැවති උත්සවය අමතමිනි .

මේ සම්බන්ධයෙන් ජනාධිපති මාධ්‍ය අංශය නිකුත්කළ නිවේදනය මෙසේද සඳහන් කර ඇත .

පෙරහරින් ජනාධිපති මන්දිරය වෙත පැමිණි දියඩන නිලමේ නිලංග දෑල ඇතුළු සතර මහා දේවාලවල සහ පිටිසර දේවාලවල නිලමේවරුන් ජනාධිපති මන්දිරයේ ප්‍රධාන දොරටුව අභියසදී ජනාධිපතිතුමා විසින් පිළිගනු ලැබීය.

අනතුරුව දියවඩන නිලමේතුමා සාම්ප්‍රදායානුකූලව සංදේශය ජනාධිපතිතුමා වෙත පිළිගැන්වීය.
පෙරහරේ ගමන් කළ අලි ඇතුන් සංකේතවත් කරමින් “සිංදු” ඇතාට පළතුරු සංග්‍රහයක් කිරීම ද වික්‍රමසිංහ මහතා අතින් සිදු විය.

චිරාගත සාම්ප්‍රදායානුකූලව ජනාධිපතිතුමා ඇතුළු නිලමේවරු සමූහ ඡායාරූපයකට පෙනී සිටියේ ඉන් අනතුරුවය.

පෙරහරට සහභාගී වූ කලා ශිල්පීන් වෙත සාම්ප්‍රදායානුකූලව තිළිණ හා සම්මාන පිරිනැමීම ජනාධිපතිතුමා අතින් සිදු වු අතර, ජීවිතයට එක් වරක් පමණක් පිරිනැමෙන අතිවිශිෂ්ට සම්මාන 07ක් ඇතුළු සම්මාන 162ක් ප්‍රදානය කෙරිණ. මේ සඳහා ඇසළ පෙරහර භාරය සහ ජනාධිපති කාර්යාලය වාර්ෂිකව අනුග්‍රහය දැක්වීම සිදු කරයි.

අනතුරුව දියවඩන නිලමේ ප්‍රදීප් නිලංග දෑල මහතා විසින් ඓතිහාසික පෙරහර සමාප්තිය පිළිබඳ කරුණු ඇතුළත් සංදේශය ජනාධිපතිතුමා ප්‍රමුඛ සභාවට ඉදිරිපත් කරනු ලැබීය
“ඇසළ පෙරහර භාරය” පිටිසර දේවාල වෙනුවෙන් සිදු කරන මූල්‍යාධාර ප්‍රදානය ජනාධිපතිතුමා අතින් සිදු කෙරුණු අතර “පූජනීය දළදා සංස්කෘතිය” ග්‍රන්ථය ද පිළිගැන්විණි.

අනතුරුව පැවති උත්සව සභාව අමතමින් රනිල් වික්‍රමසිංහ ජනාධිපති වැඩිදුරටත් සඳහන් කළේ,

“මේ උතුම් වගකීම ඉෂ්ට කිරීම ගැන මම පළමුවෙන්ම දියවඩන නිලමේතුමාට ප්‍රශංසා කරනවා. මේ ඓතිහාසික ඇසළ මහා පෙරහර උත්කර්ෂවත් අයුරින් පැවැත්වීමට හැකි වූයේ වසර කිහිපයකට පසුවයි. පසුගිය වසර දෙකේ එය උත්කර්ෂවත්ව පවත්වන්න අපට අවස්ථාව ලැබුණේ නැහැ.

මෙවර ඉතා අලංකාරවත් සහ සංවිධානාත්මකව පෙරහර පැවැත්වුණා. ඒ වගේම විශාල ජනතාවක් ඊට එක් වුණා. ඒ කටයුතු සංවිධානය කළ දියවඩන නිලමේතුමා, බස්නායක නිලමේතුමන්ලා ඇතුළු සියලුදෙනාට මම ස්තුතිවන්ත වෙනවා.

රටට අලංකාරවත් පෙරහරක් නරඹන්න අවස්ථාව ලැබුණා. මේ සමගම දෙවිනුවර සිට නල්ලූර් දක්වා පෙරහර පැවැත්වුවා. සතර මහා දෙවිවරුන්ට පමණක් නොව “ශිව” දෙවියන් ඇතුළු අනෙකුත් දෙවිවරු වෙනුවෙන් පෙරහර පැවැත්වුණා. ඒ හැම පෙරහරකටම විශාල ජනතාවක් එක්ව සිටියා. විශේෂයෙන්ම මේ පෙරහර පැවැත්වීම අපේ රටේ සම්ප්‍රදායේ කොටසක්. ඒ වගේම අපේ රටේ පැවැත්මේ කොටසක්. හැම ප්‍රදේශයකම ජනතාව නුවරට එකතු වෙන්නේත් දන්ත ධාතුන් වහන්සේ මහනුවර නගරය වටා පෙරහරින් වැඩම කරවන්නේත් උන්වහන්සේගේන් අපේ රටට ආරක්ෂාව ඉල්ලලා. දෙවියන්ගේ ආරක්ෂාව ඉල්ලලා. මේ රට විපතින් බේරගන්න කියලා කරන ඉල්ලීම කරමින්. ඒක අපේ රටේ සම්ප්‍රදායට ඉතා වැදගත් දෙයක්. ඒ නිසා ඉතා වැදගත් මාසයක් ලෙස ඇසළ මාසය අපි සලකනවා.

මෙවර පෙරහර මංගල්‍ය වැදගත් වන්නේ එයා ඉතා අසීරු කාලයකදී පැවැත්වීම නිසයි. අනෙක් අතට මේ රටේ විශාල ආර්ථික කඩා වැටීමක් තිබෙන කාලයක්. මේ අසීරුතාව අපි හැම දෙනාටම බලපාලා තිබෙනවා. අපි මෙතනින් මේ කාලය අවසන් කළ යුතුයි. මීට වඩා අභියෝග තිබෙන කාලයක් එන්න පුළුවන්. මේ හැම දෙයකින්ම අපි ගොඩඑන්න ඕන, අපි සූදානම් වෙන්න ඕන ඉදිරියට ඇවිල්ලා එපේ රටට අලුත් ආර්ථිකයක් ගොඩනගා ගන්න.

මට කිසිම සැකයක් නැහැ දළදා වහන්සේ උදෙසා මහනුවර පැවැත්වූ මේ ඇසළ මහා පෙරහර, රටේ පැවැත්වූ අනෙකුත් පෙරහර ඇතුළු ආගමික උත්සව නිසා අපට විශාල ආශිර්වාදයක් ලැබෙනවා. එය අපට විශාල ශක්තියක්, ආරක්ෂාවක්. මගේ ප්‍රාර්ථනාව මේ විපතින් රටේ ආර්ථිකය ගොඩගැනීම. මේ ආගමික උත්සවවලින් ලැබෙන ආශිර්වාදය ඊට විශාල ශක්තියක්.
ඒ ශක්තිය සමග අපි ඉදිරියට යමු. රටට හොඳ අනාගතයක් ඇති කරමු. දන්ත ධාතුන් වහන්සේගේ වගේම සියලු දෙවිවරුන්ගේ ආශිර්වාදයෙන් ලබන වසර වන විට අපේ රට ගොඩගන්න ශක්තිය ලැබෙන්න කියලා මම ඉල්ලා සිටිනවා”

මෙම අවස්ථාව සනිටුහන් කරමින් ජනාධිපති මන්දිර පරිශ්‍රයේ “නා” පැළයක් රෝපණය කිරීම රනිල් වික්‍රමසිංහ ජනාධිපති අතින් සිදු විය.
මධ්‍යම පළාත් ආණ්ඩුකාර ලලිත් යූ. ගමගේ, අමාත්‍යවරුන් වන කෙහෙළිය රඹුක්වැල්ල, විජයදාස රාජපක්ෂ, පාර්ලිමේන්තු මන්ත්‍රිවරුන් වන මහාචර්ය රංජිත් බණ්ඩාර, ගුණතිලක රාජපක්ෂ, ජනාධිපති ලේකම් සමන් ඒකනායක, මහනුවර නගරාධිපති කේසර සේනානායක, දියවඩන නිලමේ ප්‍රදීප් නිලංග දෑල, සතර මහා දේවාල හා පිටිසර දේවාල නියෝජනය කරන බස්නායක නිලමේවරු හා සෙසු නිලමේවරු ඇතුළු පිරිසක් මෙම අවස්ථාවට එක්ව සිටියහ.

සිය නීතිඥවරුන් මාර්ගයෙන් අධිකරණයට ඉදිරිපත් වූ ජීවන්ත පීරිස් පියතුමා ඇපමත මුදාහරින මෙන් කොළඹ කොටුව මහේස්ත්‍රාත් අධිකරණය නියෝග කර ඇත .

සැකකරු අධිකරණයට ඉදිරිපත් වූ අවස්ථාවේදී කොළඹ මධ්‍යම අපරාධ විමර්ශන කොට්ඨාසය අධිකරණයට දන්වා සිටියේ සැකකාර පියතුමා රක්ෂිත බන්ධනාගාර ගත කරන ලෙස වුවත් එම ඉල්ලීම ප්‍රතික්ෂේප කළ කොළඹ කොටුව මහේස්ත්‍රාත් තිලිණ ගමගේ ජීවන්ත පීරිස් පියතුමා රුපියල් ලක්ෂ 5 බැගින් වූ ශරීර ඇප දෙකක් මත මුදා හැරීමට නියම කර තිබේ .

ජීවන්ත පීරිස් පියතුමා ගේ විදේශ ගමන් තහනම් කිරීමට නියෝග කළ මහේස්ත්‍රාත්වරයා හෙට (13) පොලිසිය වෙත ගොස් ප්‍රකාශයක් ලබාදෙන ලෙස නියෝග කර ඇත .

පැමිණිල්ල නැවත ලබන 26 වැනිදා කැඳවීමට ද නියම වු බවත් වාර්තා වෙයි .

සර්ව පාක්ෂික ආණ්ඩුවට එක්වීම සම්බන්ධව ලබන සතිය වනවිට තීරණයක් නොගන්නේ නම් සමගි ජනබලවේගය පක්ෂයේ මන්ත්‍රීවරුන් 18ක් ආණ්ඩුවට එක්වීමට තීරණය කර ඇති බව දේශපාලන ආරංචි මාර්ග පවසයි .

කෙසේ වුවත් මෙකී මන්ත්‍රීවරුන් මෙම තීන්දුව ගෙන ඇත්තේ , සර්ව පාක්ෂික පාලනයක් වෙනුවෙන් ආණ්ඩුවට එක් නොවිය යුතු බවට මතයක් එම පක්ෂයේ ඇති පසුබිමේ බවත් දේශපාලන ආරංචි මාර්ග පවසයි .

උද්ගතව ඇති තත්ත්වය තුළ සර්ව පාක්ෂික ආණ්ඩුවකට එක්වෙනවා ද නැද්ද යන්න පිළිබඳව මෙතෙක් සමගි ජන බලවේගය නිශ්චිත තීරණයක් ගෙන නොතිබීම පක්ෂය අභ්‍යන්තරයේ දැඩි අර්බුදකාරී තත්ත්වයක් නිර්මාණය වීමට හේතු වී ඇති බවත් දේශපාලන ආරංචි මාර්ග සඳහන් කරයි.

දැන් පවතින තත්ත්වය තුළ මේ සම්බන්ධව නිශ්චිත තීරණයක් නොගෙන කල් මැරීම නිසා පක්ෂයට දැඩි හානියක් සිදුවිය හැකි බව මධ්‍යස්ථ මන්ත්‍රීවරු පිරිසක් පක්ෂ නායකත්වය දැනුම්වත් කර ඇති බවත් වාර්තා වෙයි .

"රනිල් වික්‍රමසිංහ ජනාධිපතිතුමාගේ ප්‍රතිපත්ති ප්‍රකාශනය අහන් ඉන්න කොට ඇත්තටම අපිට දැනුන දෙයක් තමයි අපි අවුරුදු ගාණක් පෙනී හිටපු, වාද කරපු, විශ්වාස කරන ආර්ථික දර්ශනය තමයි එතුමා ඉදිරිපත් කළේ.ඒ පිළිබඳව අපි එතුමාට ස්තූතිවන්ත වෙනවා සහ අපි ඒකට එකඟ වෙනවා." යැයි සමගි ජනබලවේගය පක්ෂයේ පාර්ලිමේන්තු මන්ත්‍රී එස් . එම්. මරික්කාර් පවසයි .

 "හැබැයි ඒකේ ඇතුලේ අපිට විශාල ප්‍රශ්න කීපයකුත් මතු වෙනවා. මේ ආර්ථික දර්ශනය ඉදිරිපත් කරනකොට පහුගිය කාලයේ වෘත්තීය සමිති උසිගන්වලා ආර්ථිකය restructure කරන එක නවත්වන්න සියලු උපායමාර්ග දාපු පොහොට්ටුවේ අය මේක පිළිගන්නවද කියන එක මේ සභාවට දැනුම් දෙන්න ඕන. " යැයිද මන්ත්‍රීවරයා පවසයි .

මරික්කාර් මන්ත්‍රීවරයා මේ අදහස් දක්වා සිටියේ පාර්ලිමේන්තුව අමතමින් ය.

එහිදී ඔහු වැඩිදුරටත් මෙසේද පැවසීය .

 රනිල් වික්‍රමසිංහ මැතිතුමාගේ රාජාසන කතාවේදී කිව්වා මේ රටේ ජාතිවාදය තුරන් කරලා දානවා කියලා . එතුමාත් අපිත් මේ සියලු දෙනාම පෙනී හිටියේ ඒක වෙනුවෙන්. එතකොට මේ රටේ ජාතිවාදය ඇති කරලා, කැලණියේ නයි නටවලා, ඒ වගේම වඳ කොත්තු වඳ දොස්තරලා මවා පාලා ජාතිවාදය රට පුරාම ගෙනියපු පොහොට්ටුවේ කට්ටිය රනිල් වික්‍රමසිංහ මැතිතුමාගේ මේ ජාතිවාදය නැති කිරීමේ ප්‍රතිපත්තියට එකඟ ද කියලා අපි අහනවා. 

මොකද මේ ඊයේ පෙරේදත් එක ඇමතිවරයෙක් මං දැක්කා එතුමාගේ වොයිස් කට් එකක මේ ජාතිවාදය අවුස්සන්න පොඩි උල්පන්දමක් දෙනවා මාධ්‍ය සාකච්ඡාවක දී .

ඒ වගේම ජනාධිපතිතුමා කිව්වා අවුරුදු දෙකක් රට ආපස්සට ගියා කියලා. අපි පහුගිය අවුරුදු දෙකේම නියෝජ්‍ය කතානායකතුමනි, ගෝඨාභය රාජපක්ෂ ප්‍රමුඛ පොහොට්ටු කණ්ඩායම මේ රට පොහොර තහනම් කරලා, තෙල් පෝ්ලිම් ඇති කරල, ගෑස් පෝලිම් ඇති කරල, ලෙඩ්ඩුන්ට බෙහෙත් නැති කරල, ළමයින්ට ඉස්කෝලෙ යන්ඩ තිබ්බ තත්ත්වය නැති කරලා, තුන්වේලක් කාපු මිනිස්සු දෙවේලක් කන තත්ත්වයට පත් කරලා ,දෙවේලක් කාපු මිනිස්සු ලෙව කන තත්ත්වයට පත් කරනකොට අපි පැහැදිලිව කිව්වා. ඒ වෙලාවේ මේ පොහොට්ටු කට්ටිය අපිට කෝචොක් කලා. දැන් ජනාධිපතිතුමා ඒක කියනකොට පිළිගන්නවා ද කියල අහන්න අපි කැමතියි. 

ඇත්ත වශයෙන්ම ජනාධිපති තුමාගේ රාජාසන කතාව පොහොට්ටුවේ අයට දුන්න හොඳ කනේ පහරක් කියන එක මම පැහැදිලිවම කියන්න ඕන. අපි අප්පුඩි ගැහුවා . මොකද අපි විශ්වාස කරන ආර්ථික දර්ශනය. අපි පෙනී හිටපු ආර්ථික දර්ශනය. අපි මේ මොහොතෙත් පෙනී ඉන්න ආර්ථික දර්ශනය ඒක. අපි දක්ෂිණාංශික කඳවුරේ මිනිස්සු විදිහට අපිට ඕන ආර්ථික ප්‍රතිපත්ති තමයි එතුමා ඉදිරිපත් කළේ. පොහොට්ටුව ඒක පිළිගන්නවා ද කියලා අපි අහන්න කැමති . 

 ඒ වගේම එතුමා කිව්වා දහනවවැනි ව්‍යවස්ථා සංශෝධනය නැවත ගේනවා කියලා . අපියි ගෙනාවෙ ඒක. ඒක නැති කරල ඒකාධිපති විස්ස ගෙනාවේ පොහොට්ටුවේ කට්ටිය. තමුන්නාන්සේලා ඒකාධිපති 20 ගේන වෙලාවේ කඩේ ගියේ කොහොමද කියලා කියලා මතක් කර ගන්ඩ කියලා මම කියනවා. එහෙම කඩේ ගිහිල්ලා දැන් ජනාධිපතිතුමා 19 ගේනකොට රෙද්දක් ඇඳගෙන අත උස්සනවා ද කියලත් අහන්න කැමතියි පොහොට්ටුවේ කට්ටියගෙන්.

ඒ වගේම ගිය ආණ්ඩුව කාලේ අපි ගෙනාවා ආංශික අධීක්ෂණ කමිටු ක්‍රමය. දැන් ජනාධිපතිතුමා කියනවා ඒ ක්‍රමය ගේනවා කියලා.

තමුන්නාන්සේලා ආපු ගමන් අහෝසි කරා නේ. දැන් මොකද කියන්නේ? එකඟ වෙනවද ඒකට? .

ඉතින් ඒ නිසා නියෝජ්‍ය කතානායකතුමනි, අපිට රනිල් වික්‍රමසිංහ මැතිතුමා පෙන්නල තියෙන, රාජාසන කතාවේ කියලා තියෙන ආර්ථික දර්ශන ක්‍රියාත්මක කරන්න එක අතක් නෙමේ අත් දෙකම උස්සලා අපි සහයෝගය දෙනවා. අපි අහනවා පොහොට්ටුවේ කට්ටියගෙන් රෙද්දක් ඇඳගෙන ඒ සහයෝගය දෙන්න පුලුවන්ද? හැබැයි ඒගොල්ලන්ට ඕන මොකක්ද, මොනවා කරලා හරි ඇමැති කටු ටිකක් අරගෙන කටු සූප්පු කරන්න. හැබැයි නියෝජ්‍ය කතානායකතුමනි අපි සහයෝගය දෙන්නේ වැඩපිළිවෙළට මිසක ඇමැති කටු සූප්පු කරන්න නෙමෙයි කියලා පැහැදිලිව කියන්න කැමතියි. අපිට ආරංචි දැනටමත් පොහොට්ටුව කට්ටිය ගිහිල්ලා දැනටමත් ජනාධිපතිතුමාට කියනවලු ඇයි මේ සජබ පිටිපස්සේ ඔච්චර යන්නේ, ඔය ඇමතිකම ටික අපිට දෙන්නකෝ කියලා කියනවලු. දැන් තමයි ගිහිල්ලා ජනාධිපතිතුමාගෙන් අහන්නේ මොකක්ද වැඩපිළිවෙළ කියලා. මොකක්ද වැඩපිළිවෙල කියලා දන්නේ නැතුව තමයි මේගොල්ලෝ ඡන්දෙ දීලා තියෙන්නේ ජනාධිපති ගේන්න. ඔන්න නියම දේශප්‍රේමින්.

 දේශප්‍රේමියෝ කියලා කියාගෙන ඒ රෙද්ද අස්සෙ තියෙන හොර තක්කඩිකම් දැන් එළියට එන්නේ ඇමතිකම් ලබා ගැනීම සඳහා. මේ සර්වපාක්ෂික ප්‍රෝඩාව අපි එළිදක්වනවා. මේ සර්වපාක්ෂික ප්‍රෝඩාව ඇමතිකම් ගැනීමේ ප්‍රෝඩාවක් වෙන්න බැහැ. සර්වපාක්ෂික වැඩපිළිවෙලකුයි ඕනේ මේ රටට. ජාත්‍යන්තරය අපේ රට ස්ථාවර ද නැද්ද කියලා බලන්නේ ස්ථාවර රජයක් තිබීමෙන් නෙමෙයි, ස්ථාවර රාජ්‍යයක් තිබිමෙන්. ස්ථාවර රාජ්‍යයක් තියනවනම් අනිවාර්යයෙන්ම ප්‍රජාතන්ත්‍රවාදය ස්ථාපිත වෙන්න ඕන. මර්දනය නතර වෙන්න ඕන. ඒ වගේම පුරවැසි නිදහස තියෙන්න ඕන. නීතියේ ආධිපත්‍යය රකින්න ඕන. ඒ වගේම මාධ්‍ය නිදහස තියෙන්න ඕන. එහෙම නැතුව මේ ඔක්කොම එකතුවෙලා ආණ්ඩුවක් හැදුවා කියලා ස්ථාවර රාජ්‍යයක් ඇති වෙන්නේ නෑ. 

පුරවැසි නිදහස තියෙන ස්ථාවර රාජ්‍යයක් තියෙන්න ඕන. අපි කියන්නේ නෑ ගෙවල් ගිනි තියපු ඒවයෙන් නිදහස් කරන්න , ප්‍රචණ්ඩත්වයට යොමු වෙච්ච අයව බේරගන්න, කිසිසේත්ම අපි පෙනී හිටින්නේ නෑ. අපි ඒකට විරුද්ධයි. මේ 225ම හොරු කියන එකත් පට්ටපල් බොරුවක්. අපි හොරකම් කරලා නෑ නියෝජ්‍ය කතානායකතුමනි, අපිට පිළිගැනීමක් තියෙනවා. මිනිස්සු අපිව පිළිගන්නවා. පාර්ලිමේන්තු ප්‍රජාතන්ත්‍රවාදය තුළ බලය ගන්න බැරි කට්ටියක් තමයි මහ පාරේ ආණ්ඩු පිහිටුවන්න ඔය 225 ම බොරු කියන කතාව හදන්නේ. බහුතරය හොරු ඉන්නවා.

ඒක ඇත්ත . ඒ නිසා නියෝජ්‍ය කතානායකතුමනි, සර්වපාක්ෂික වැඩපිළිවෙළක් හරහා තමයි මේක ක්‍රියාත්මක වෙන්න ඕන. එතකොට ඒකට අපට සහයෝගය දෙන්න පුළුවන්. අපිට කියන්න මොකක්ද වැඩපිළිවෙළ කියලා. 19 ගේනවා නම් පාර්ලිමේන්තුව හරහා අපි ඒකට සහයෝගය දෙනවා. ආංශික අධීක්ෂණ කමිටු ගේනකොට, ඒ කියන්නේ ඒක පුස් කමිටුවක් විදිහට නැතුව බලතල සහිත කමිටුවක් විදිහට ක්‍රියාත්මක වෙනවා නම්, අපි එකට සහයෝගය දෙනවා. විපක්ෂයේ ඉදලා අපේ යෝජනා ඉදිරිපත් කරන්න පුළුවන්. ජනාධිපතිතුමා එක්ක වැඩ කරන්න පුළුවන් ඒකට. ඒක ප්‍රශ්නයක් නෑ බලතල සහිතව නම් .

 ඒ වගේම ජාත්‍යන්තර මූල්‍ය අරමුදලට ගෙනියන යෝජනා මොනවද කියලා කියන්න. ඒක රටට හොඳ නම් අපි ඒකට උදවු කරනවා. ඒ වගේම පාඩු ලබන රාජ්‍ය ආයතන නැවත restructure කරනවා නම් පොහොට්ටුවේ අයට අත උස්සන්න බැරි උනාට අපි අත උස්සනවා.

 .අද තාක්ෂණයේ දියුණුවත් එක්ක කල්පනා කරලා බලන්න. උදාහරණයක් දෙන්නම් තැපැල් දෙපාර්තමේන්තුව මිලියන 79ක් යනවා නඩත්තු කරන්න. අද අන්තර්ජාලය මෙච්චර දියුණුයි තාක්ෂණය දියුණුයි. මේවා නැවත හිතල බලන්න ඕන. පොහොට්ටුවේ කට්ටිය ළිං මැඩි මානසිකත්වයෙන් බලනව වගේ බලන්න අපි සූදානම් නැහැ. ඒ හින්දා කුහක කවුද කියලා හිතට තට්ටුකරලා අහගන්න තමන්ගෙන්ම. අවස්ථාවාදී කවුද කියලා හිතලා තට්ටුකරලා බලන්න තමන්ගේම .බොරු දේශප්‍රේමියෝ කවුද කියලා හිතට තට්ටුකරලා බලන්න තමන්ගේම. ඒ නිසා පැහැදිලිව කියන්නේ මේ වැඩපිළිවෙලවල් පාර්ලිමේන්තුවට ඉදිරිපත් කරන්න. රටේ මූල්‍ය බලය ව්‍යවස්ථාදායකය හරහා තමයි තියෙන්නේ . නීති හදන තැන පාර්ලිමේන්තුව. අපිට ඒකට සහයෝගය දෙන්න පුළුවන්. පොහොට්ටුවේ කට්ටියට වගේ ඇමතිකම් ඕන්නෑ ඒකට.

මේ සර්වපාක්ෂික වැඩපිළිවෙළ කියන්නේ, ගෑස් රුපියල් දෙසිය හැට හතරකින් අඩු කරල, විදුලි බිල264% කින් වැඩි කරන එක නෙමෙයි. කොළඹ නගරයේ නාගරික වතු නිවාස වල ජීවත්වන ජනතාව පොල්ගෙඩියෙ ඉඳලා අබ ඇට ඉඳලා හැම දේම සල්ලි දීල ගන්න ඕන. අද තෙල් නැතුව ඒ මිනිස්සු නන්නත්තාර වෙලා ඉන්නවා. පහුගිය කාලේ ගෑස් නැතුව ලාම්පුතෙල් වලට ගිය අය ලාම්පු තෙලුත් නැතුව නන්නත්තාර වෙලා. අද ඒ මිනිස්සුන්ට unit 0- 30 වෙනකම් සියට 264 කින් වැඩි කරහම 31-60 වෙනකන් 211 කින් වැඩි කලහමමිනිස්සු කොහොමද ජීවත් වෙන්නේ. මේකද සර්ව පාක්ෂික වැඩපිළිවෙළ කියන්නේ. 

ඒ නිසා කරුණාකරලා තවදුරටත් ජනතාවගේ වියදම වැඩි කරන්නැතුව පුළුවන් තරම් සහන ලබාදෙන සර්වපාක්ෂික වැඩපිළිවෙළක් තමයි ක්‍රියාත්මක වෙන්න ඕන. ඒකට දූෂණය නතර කරන්න ඕන. 

අපි අහන්න කැමතියි මේ කතාව. මහින්ද හොරා කියලා අපිට කියලා දුන්නේ කවුද?රනිල් වික්‍රමසිංහ ජනාධිපතිතුමා. මේ පාර්ලිමේන්තුවෙදි ම. දැන් ඒක අන්තර්ජාලයේ සැරිසරනවා. දැන් ඒක වලංගු ද? රනිල් වික්‍රමසිංහ මහත්මයාව මහ බැංකු හොරා කියලා කිව්වේ කවුද? දිනේෂ් ගුණවර්ධන මහත්මයා. දැන් ඒක නැද්ද?. ඊළඟට රනිල් වික්‍රමසිංහ මහත්මයාව හිරේ දානකම් නින්ද යන්නෑ කිව්වෙ කවුද?.මහින්දානන්ද අලුත්ගමගේ. දැන් කොහොමද නින්ද යනවා ද.

රනිල් වික්‍රමසිංහ අගමැති කරන්න මොලේ අමාරුවක් නෑ කිව්වා. කවුද කිව්වේ? අපි නෙමෙයි රෝහිත අබේගුණවර්ධන . දැන් නින්ද යනවද දන්නෑ රෝහිත අබේගුණවර්ධනට. අපි පැහැදිලිව එකක් කියන්න ඕන.මේ අරගලය මතුවෙච්ච සැබෑ කාරණා ටික අපි අවබෝධ කර ගන්ඩ ඕන. අරගලය ගෝල්ෆේස් එකේ ඉවර වෙන්න පුළුවන්. හන්දිවල ඉවර වෙන්න පුළුවන් . ගෙවල් ඇතුලෙ මනස ඇතුලේ අරගලය තියෙනවා. සම්ප්‍රදායික යුඑන්පී කාරයන්ගෙ ශ්‍රී ලංකා කාරයන්ගෙ දරුවෝ තමයි මේ පාරට බැස්සේ. ඒ දරුවෝ මොනවද කිව්වෙ. ඒ තරුණ තරුණියෝ කිව්වේ අපේ අනාගතය නැති කරපු, ජාතික සම්පත් හොරකම් කරපු හොරු ටික එලවන්න ඔවුන්ට දඬුවම් දෙන්න කියලා. පොහොට්ටුවේ ඉන්න දූෂිතයෝ එක්ක අපිට එකට ඉඳ ගන්න බැහැ. ඒ නිසා මං නම් කියන්නෙ නැහැ මෙතන. ඒගොල්ලො ගෙන් අපි අහනවා ඒගොල්ලො මහ බැංකු හොරා කියපු එක්කෙනත් එක්ක එකට වාඩි වෙන්න පුළුවන් .මේ තමයි දිව දෙකේ බොරු දේශප්‍රේමියෝ. ඒ වගේම අපි ජනාධිපතිතුමාගෙන් එකක් අහන්න කැමතියි. දෙවියෝ හැම එක්කෙනාට ම අවසාන අවස්ථාවක් දෙනවා. මහින්ද මහත්තයට අවසාන අවස්තාවක් දුන්නා. හොරා කියලා එලවපු මහින්ද මහත්තයව නැවත 2019 අගමැති කරලා හැදෙන්න අවස්ථාවක් දුන්නා. ආයෙම පවුල ගෙනත් දාගෙන මේ රට කාබාසිනියා කරලා දැම්මා. 

දැන් රනිල් වික්‍රමසිංහ මහත්මයාට අවසාන අවස්ථාවක් ලැබිලා තියෙනවා. ඒ නිසා අපි ඔබතුමාගෙන් අහනවා, ඔබතුමා ස්ථිරසාරව කියනවද පොහොට්ටුවේ දූෂිත හොර නඩය හිරේ දානවා ද නැද්ද කියන එක අපිට කියන්න. අපිට අලුතින් හිතන්න පුළුවන් එතකොට. එහෙම නැතුව ඇමතිකමකට ගිහිල්ලා ඒ කට්ටියත් එක්ක බුදියගෙන පාවලා දෙන්න අපිට බෑ. ඒ වගේම තව ප්‍රශ්නයක් අහනව ජනාධිපතිතුමාගෙන්. අපි IMF එකට යන්න කියලා දිගින් දිගටම කියද්දී, අපිට කෝචොක් කලා. මෙතන ඉඳලා කබ්රාල් කියන ද්‍රෝහියා අපිට හිනා උනා. අපිට අවඥා කළා. මං කියනවා තේරීම් කාරක සභාවක් පාර්ලිමේන්තුව හරහා දාලා මොල හතේ බැසිල් රාජපක්ෂයි, ආර්ථිකය කුඩුපට්ටම් කරපු කබ්බ්‍රාල් ටයි දඬුවම් කරනවා ද. එතකොට ඒ ගොල්ලෝ මේ රටේ ආර්ථිකය කාබාසිනියා කරලා වලපල්ලට දැම්මෙ කොහොමද කියලා හෙළි කරනවද කියලා අපි අහන්න කැමතියි.

ඒ වගේම මූලාසනයේ ගරු මන්ත්‍රීතුමනි, මේ ප්‍රජාතන්ත්‍රවාදය කියන්නේ හැම පක්ෂය ම එකට එකතු කරලා ආණ්ඩු කරන එක නෙමෙයි. එතකොට විපක්ෂයක් නෑ. විපක්ෂයක් නැති උනාම ඔක්කොම එකට එකතු වෙලා හොරකම් කරන්න පුරුදු වේවි. ඩීල් දාන්න සෙට් වේවි. එතකොට හොරකම් දූෂණ වංචා ගැන එළිදක්වන්නෙ කවුද? හැමෝම එකතු වෙලා ආණ්ඩු හැදුවොත් තමයි 225ම හොරු කියලා අර පාරේ ආණ්ඩු පිහිටවන්න හදන කට්ටිය හදුන මතය තවදුරටත් සමාජගත වෙන්නේ. ඒ නිසා ගරු මූලාසනයේ මන්ත්‍රීතුමනි, විපක්ෂයේ ඉඳගෙන මේ රට ගොඩ දාන්න, මේ රටේ ආර්ථිකය ගොඩ දාන්න, ප්‍රජාතන්ත්‍රවාදය ස්ථාපිත කරන්න ජාත්‍යන්තර මූල්‍ය අරමුදලට යන්න, ලෝක බැංකුවට යන්න, පාඩු ලබන රාජ්‍ය ආයතන restructure කරන්න, අපි අත් දෙකම උස්සලා සහයෝගය දෙනවා.මේ වෘත්තීය සමිති කුලප්පු කරල මේ රටේ ආර්ථිකය කඩාකප්පල් කරපු අය උදවු කරනවද කියල අහන්න කැමතියි.

අද මේ රටේ තරුණ තරුණියෝ රට යනවා. කොහෙද යන්නෙ? චීනෙ යනවද? කියුබාවට යනවද? රුසියාවට යනවද? නෑ. ඒ ගොල්ල යන්නේ ඇමරිකාවට යුරෝපයට. දක්ෂිණාංශික ආර්ථික රටාවක් තියෙන රටවල් වලට. ඒ නිසා තවදුරටත් මේ රටේ කඳවුරු දෙකයි තියෙන්නේ. එකක් රැඩිකල් කදවුර. අනික දක්ෂිණාංශික කදවුර. ඒ නිසා දක්ෂිණාංශික කඳවුරට රැඩිකල් කඳවුරේ අය අවස්ථාවාදීව ආවා කියලා ඒක දක්ෂිණාංශික වෙන්නේ නැහැ.

ගරු නියෝජ්‍ය කතානායකතුමනි, මගේ කතාව අවසන් කරන්න කලින් මම තව එක දෙයක් කියන්න කැමතියි ගරු රනිල් වික්‍රමසිංහ මැතිතුමාට අවංකවම සර්වපාක්ෂික වැඩපිළිවෙළක් ක්‍රියාත්මක කරන්න උවමනාවක් තියෙනවා නම් මේ පිහිටුවන බල සහිත කමිටු වල සභාපති ධූර දෙන්න විපක්ෂයට . ඒ වගේම අපි එතුමාගෙන් අහන්න කැමතියි මේ රටේ යථාර්ථය ඇත්ත එළිදක්වපු රංජන් රාමනායකට නිදහස ලබා දෙන්න .හොරකම් නොකරපු කුඩු විකුනපු නැති මිනී මරපු නැති ස්ත්‍රී දූෂණ කරපු නැති වංචා නැති රංජන් රංජන් රාමනායක ව නිදහස් කරන්න ඇයි මෙච්චර කල් ගන්නේ.කුඩු විකුනපු කුඩු දුමියා වත් නිදහස් කළා. අද ඒ නාලිකාව රෙදි ගලවා ගෙන කඩේ යනවා. ඒ නිසා අපි ජනාධිපතිතුමාගෙන් ඉල්ලීමක් කරනවා වහාම ඔබතුමා රන්ජන්රාමනායක ව නිදහස් කරල ආදර්ශයක් ලබා දෙන්න කියලා ඉල්ලීමක් කරනවා.

රනිල් වික්‍රමසිංහ ජනාධිපතිවරයා ඉදිරිපත් කළ ආර්ථික දැක්ම සමඟ තමා එකඟ යැයි සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා පවසයි .

විපක්ෂයේ හිටියත් එය කියන්නට තමාට ශක්තියක් තිබෙන බවද හර්ෂ සිල්වා මන්ත්‍රීවරයා සඳහන් කර සිටියි.

ජනාධිපති රනිල් වික්‍රමසිංහ පාර්ලිමේන්තුවට ඉදිරිපත් කළ රජයේ ප්‍රතිපත්ති ප්‍රකාශය පිළිබඳ විවාදයට එක්වෙමින් ආචාර්ය හර්ෂ ද සිල්වා මේ බව පැවසීය.

කෙටිකාලීන සර්වපාක්ෂික වැඩපිළිවෙලකට එකඟ වෙමු යැයි කී හර්ෂ ද සිල්වා මන්ත්‍රීවරයා සර්ව පාක්ෂික රජයක් ගැන කතා කළේ තමාට ඇමතිකමක් ගන්න නොවේ යැයිද දැන් යන්න හදන්නේ සර්වපාක්ෂික නමැති බෝඩ් එකක් ගසා තමන්ගේ කණ්ඩායමක් විතරක් එකතු කරගෙන යන ගමනක් යැයිද පැවසීය .

රුපියල අල්ලගෙන හිටියා වගේ වත්මන් ආණ්ඩුවත් අල්ලගෙන ඉන්න නමුත් සැබෑ ජනතා ප්‍රසාදයක් නැති ආණ්ඩුව රුපියල වගේම කඩා වැටෙන බවත් පැවසීය .

ආණ්ඩුවට ශක්තිමත් ජනතා ප්‍රසාදය තියෙනවා යැයි පෙන්නුවත් ඇත්ත තත්ත්වය එය නොවේ යැයිද මෙි රාජපක්ෂ හොල්මන් කරන ආණ්ඩුවක් කිව්වොත් එය වැරදි නැතැයි ද ඔහු සඳහන් කළේය .