එළඹන ජනාධිපතිවරණ වෙනුවෙන් ජනාධිපති රනිල් වික්‍රමසිංහ ගේ පළමු ජනාධිපතිවරණ ප්‍රචාරක රැළිය කුලියාපිටියදී පැවැත්වෙයි.
එළැඹෙන 10 වනදා ‘සැබෑව’ යන තේමාවෙන් කුලියාපිටියේදී පස්වරු 2.00 ට පැවැත්වෙන බව එක්සත් ජාතික පක්ෂයේ උප නායක අකිල විරාජ් කාරියවසම් පැවසීය.
රනිල් වික්‍රමසිංහ ජනාධිපතිවරයා බවට පත් වීමෙන් පසුව දේශපාලන රැලියකට සහභාගි වන පළමු අවස්ථාව මෙය බවද පැවසූ ඔහු මෙය එක්සත් ජාතික පක්ෂයේ රැලියක් බවත් පක්ෂ නායකයා ලෙස ඊට සහභාගී වන ලෙස ජනාධිපතිට ආරාධනා කළ බවත් හෙතෙම සඳහන් කළේය.
කෙසේ නමුත් ජනාධිපතිවරයා නිර්පාක්ෂික අපේක්ෂකයකු ලෙස ජරාධිපතිවරණයට තරග කරන බවද පැවසූ ඔහු විවිධ දේශපාලන පක්ෂ සන්ධාන වශයෙන් පවත්වන සියලු රැළි අවසානයේ ජනාධිපතිවරයාට සහාය පල කරනු ඇති බවත් කියා සිටියේය.