ජනාධිපතිවරණය නියමිත කාලය තුළ පැවැත්වෙන බව අවධාරණය කරමින් ජනාධිපති මාධ්‍ය අංශය විසින් අද (12) විශේෂ නිවේදනයක් නිකුත්කර ඇත.
අදාළ නිවේදනයේ මෙසේ සඳහන් වෙයි.
ජනාධිපතිවරණය නියමිත කාල සීමාව තුළ පැවැත්වෙනු ඇති බවත්, වත්මන් කාල රාමුවට අනුව මහ මැතිවරණය ලබන වසරේදී පැවැත්වෙනු ඇති බවත් ජනාධිපති කාර්යාලය නිවේදනය කරයි.
ඒ සඳහා අවශ්‍ය වන මූල්‍ය ප්‍රතිපාදන 2025 අයවැය මඟින් ලබාදීමට නියමිතය.
මැතිවරණ පැවැත්වීමේ වගකීම මැතිවරණ කොමිෂන් සභාව සතු වන අතර අවශ්‍ය අවස්ථාවන්හිදී රජය මැතිවරණ කොමිෂන් සභාව සමඟ සම්බන්ධ වී කටයුතු කරනු ලබන බවද ජනාධිපති කාර්යාලය වැඩිදුරටත් දැනුම් දෙයි.
කෙසේ වුවත් මේ සම්බන්ධයෙන් අදහස් දක්වන දේශපාලන විචාරකයන් පවසන්නේ විවිධ පාර්ශ්ව ජනාධිපතිවරණය නියමිත වේලාවට නොපවත්වා සිටින බව ඇතුළු ගෙනගිය සාවද්‍ය ප්‍රකාශ හේතුවෙන් මෙවැනි නිශ්චිත නිවේදනයක් නිකුත්කරන්නට ඇති බවය.
Ad
