අපරාධ පරීක්ෂණ දෙපාර්තමේන්තුව (සී.අයි.ඩී.) භාර නියෝජ්‍ය පොලිස්පතිවරයා ලෙස නියෝජ්‍ය පොලිස්පති රොහාන් ප්‍රේමරත්න පත් කර තිබේ.
එම දෙපාර්තමේන්තුව භාර නියෝජ්‍ය පොලිස්පතිවරයා ලෙස කටයුතු කළ ප්‍රසාද් රණසිංහ විශ්‍රාම යාමෙන් පසු ජාතික පොලිස් කොමිෂන් සභාව නියෝජ්‍ය පොලිස්පති රොහාන් ප්‍රේමරත්න එම තනතුරට පත්කළේය.
රොහාන් ප්‍රේමරත්න බස්නාහිර පළාත උතුර දිසාව බාර නියෝජ්‍ය පොලිස්පතිවරයා ලෙස කටයුතු කරමින් සිටි අතර ඔහු සංවිධානාත්මක අපරාධ මැඩලීම සහ මත්ද්‍රව්‍ය ජාවාරම්කරුවන් අත්අඩංගුවට ගැනීම ඇතුළු අපරාධ මර්ධන සදහා නමක් දිනා සිටින නිලධාරියෙකි.
අපරාධ පරීක්ෂණ දෙපාර්තමේන්තුව, වංචා විමර්ශන කාර්යංශය, පොලිස් විනය සහ කල්ක්‍රියා කොට්ඨාසය ඇතුළු පොලිස් ඒකක ගණනාවක අධ්‍යක්ෂ ධූරයන් මෙන්ම කොට්ඨාස බාර ජ්‍යෙෂ්ඨ පොලිස් අධිකාරී තනතුරු දරා ඇති රොහාන් ප්‍රේමරත්න අති දක්ෂ අපරාධ විමර්ශන නිලධාරියෙකි.