ඉන්දියන් සාගරයේ සුමාත්‍රා දූපතේ උතුරු මුහුදු සීමාවට ඔබ්බෙන් භූ කම්පනයෙන් ශ්‍රී ලංකාවට සුනාමි අවදානමක් කියලා , සෙනසුරාද ඒ කියන්නේ 30 වෙනිදා උදේ පාන්දර කාලගුණ විද්‍යා දෙපාර්තමේන්තුවෙන් මැසේජ් එකක් ඈවිත් තිබුනා. ඒ කියන්නේ සුනාමි ඇලට් එකක්.
වෙරල ආසන්නයේ ගැවසෙන්න එපා කියලා , SMS එන්න පටන් ගත්තා .
ඔය මැසේජ්වලින් වැඩියෙන්ම කලබලේට පත්වෙලා හිටියේ මාතර කට්ටිය. මොකද “ගැහැනු අපි එක මිටට මාලිමාවට” යන තේමාවෙන් ඊයේ (30) මාලිමවේ මාතර දිස්ත්‍රික් කාන්තා සමුළුවට මාතර ආසන හතෙන් ම කාන්තාවෝ මාතර ටවුන් එකට එන්න පටන් අරගෙනයි තිබුනේ.. සමුළුව සංවිධානය කරලා තිබුනේ මාතර කොටුවේ වෙරල තීරය ඉස්සරහා.
ඒ වෙනකොටත් කාන්තාවෝ දහස් ගණනක් ඇවිත් ඉඳලා . කොහොම වුනත් ටිකක් දවල් වෙද්දී ඔන්න තවත් ඇලට් එකක් ආවා. සුනාමි අවධානමක් නෑ කියලා . මුහුදුබඩ ප්‍රදේශවල සාමාන්‍ය ජන ජීවිතය ආරක්‍ෂා සහිතයි කියලා .
''නව අවුරුදු උදාව වේලාසනින්ම මාතරට ඇවිල්ලා '' කියලා සමුළුව පටන් ගන්ද්දීම අනුර කිව්වා. අපේක්ෂා පිරුණු සතුටු පිරුණු මුහුනු දකිනවිට 2024 වසරේ ජාතික ජන බලවේගයේ ජයග්‍රහනය පිළිබඳව සැකයක් නෑ කියලත් අනුර කිව්වා.
''අද පෙරවරුවේ ශ්‍රී ලංකාවට බලපෑ හැකි සුනාමි අනතුරු ඇඟවීමේ ප්‍රවෘත්තියක් විකාශය කළා. දහවල් වනවිට එම අනතුරක් නැති බව ප්‍රචාරය කලා.. ඒත් රට වෙනස් කිරීමේ මහා සුනාමියක් මාතරින් ආරම්භ වුනා '' - කියලත් අනුර කිව්වා.
ඔහු පසුගිය මාර්තු 09 වෙනි දින පැවැත්වීමට නියමිතව තිබූ පළාත් පාලන මැතිවරණයෙන් ජාතික ජන බලවේගයේ ජයග්‍රහණයට තිබූ රැල්ලට වඩා මේ වනවිට සුවිශාල සංවිධාන ශක්තියකින් ඉදිරියට පැමිණ සිටින බවත් අනුර කියනවා.
විශ්‍රාමික ත්‍රිවිද හමුදා සාමූහිකය ඇතුළු නව සංවිධාන ගණනාවක් ගොඩනගා ගනිමින් 2023 වසරේ තිබූ ශක්තිය අභිබවා ගිය මහා ජනතා ව්‍යාපාරයක් ලෙස ජාතික ජන බලවේගය ඉදිරියට පැමිණ තිබෙන බවත්, එය හුදු ඡන්දය ලබා ගැනීමේ අරමුණ ඉක්මවා ගිය මේ රට පත්ව තිබෙන ඛේදනීය තත්වයෙන් ගොඩ ගැනීමේ මහා බලවේගයක් වෙලා කියලත් අනුර කියනවා.
මෙම බලවේගය තුළ ධෛර්යවන්ත ගැහැනුන් සුවිශාල වහයෙන් අත්වැල් බැඳගෙන ඇති බවත් 2024 වර්ශයේ පවත්වන ඕනෑම මැතිවරණයෙකදී ජාතික ජන බලවේගය ජය ගැනීම පිළිබඳව කිසියම් කුකුසක් පැවතියේනම් මෙම කාන්තා සමුළුව මගින් එම කුකුස මුළුමනින්ම අහවර කර ඇති බවත් අනුර කියනවා.
- දේශපාලන වාර්තාකරු