එක්සත් අරාබි එමීර් රාජ්‍යයේ විවිධ සිරකඳවුරු තුළ රඳවා සිටින ශ්‍රී ලාංකිකයින් 44 දෙනෙකු හට සමාව හිමිව ඇත.
නිවේදනයක් නිකුත් කරමින් අබුඩාබි හි පිහිටි ශ්‍රී ලංකා තානාපති කාර්යාලය පැවසුවේ රාජකීය නියෝගයකට අනුව එම ශ්‍රී ලාංකිකයින් පිරිසට සමාව දී ඇති බව සදහන් කරයි.
එක්සත් අරාබි එමීර් රාජ්‍යයේ විදේශ කටයුතු අමාත්‍යංශය විසින් ශ්‍රී ලංකා තානාපති කාර්යාලය වෙත ඒ බව නිල වශයෙන් දැනුම් දී ඇති බව ද එම නිවේදනයේ සඳහන් වෙයි.
දෙසැම්බර් 02 වනදාට යෙදී තිබුනු එක්සත් අරාබි එමීර් රාජ්‍යයේ 52 වන ජාතික දිනයට සමාගාමීව එම සිරකරුවන් පිරිසට එලෙස රාජකීය සමාව හිමිව ඇති බව ද අබුඩාබි හි පිහිටි ශ්‍රී ලංකා තානාපති කාර්යාලය නිකුත් කළ නිවේදනයේ සඳහන් වේ.
එලෙස සමාව ලද ශ්‍රී ලාංකිකයින් පිරිස ආරක්ෂිතව මෙරටට ගෙන්වා ගැනීම සඳහා මෙරට විදේශ කටයුතු අමාත්‍යංශය සමග එක්ව කටයුතු සම්බන්ධීකරණය කරන බව ද අදාළ නිවේදනයේ වැඩිදුරටත් සඳහන් වේ.
Ad
