ඇල්පිටිය ප්‍රාදේශීය සභාවේ මෙවර අයවැය අද (05) පරාජයට පත්ව ඇති බව වාර්තා වෙයි .
ඇල්පිටිය ප්‍රාදේශීය සභාවේ සභාපති කරුණාසේන පොන්නම්පෙරුම විසින් 2024 වසරට අදාළ අයවැය යෝජනා සභාව වෙත ඉදිරිපත් කර තිබූ අතර එහිදී වැඩි ඡන්ද 9කින් එය පරාජයට පත්ව ඇත.
සභාවේ උප සභාපතිවරයා ප්‍රමුඛ පාලක පොදුජන පෙරමුණ නියෝජනය කරන මන්ත්‍රීවරුන් හත් දෙනෙකුද මෙවර අයවැයට විරුද්ධව චන්දය ප්‍රකාශ කිරීම මෙහිදී විශේෂත්වයකි.
එහිදී අයවැය ට පක්ෂව ජන්දය ලබාදී ඇත්තේ පොදුජන පෙරමුණ නියෝජනය කළ මන්ත්‍රීවරුන් 10 ක් පමණි.
සමගි ජන බලවේගයේ මන්ත්‍රීවරුන් 7ක් , ශ්‍රී ලංකා නිදහස් පක්ෂය නියෝජනය කරන මන්ත්‍රීවරුන් 3ක් සහ ජාතික ජන බලවේගයේ මන්ත්‍රීවරුන් 2ක් අයවැයට විරුද්ධව ඡන්දය ප්‍රකාශ කර ඇත.