වී අලෙවි මණ්ඩලයේ ගබඩා පහක තිබූ රුපියල් ලක්ෂ දහසක් වටිනා වී තොග අතුරුදන්ව ඇති බව වාර්තා වෙයි .
අදාල සොරකම සම්බන්ධයෙන් වී අලෙවි මණ්ඩලයේ අභ්‍යන්තර සේවක පිරිසක් කෘෂිකර්ම අමාත්‍ය මහින්ද අමරවීරට පැමිණිලි කර තිබෙන බවත් වාර්තා වෙයි .
වැඩිදුරටත් වාර්තා වන ආකාරයට කුරුණෑගල දිස්ත්‍රික්කයේ වී ගබඩා පහක අදාළ සොරකම සිදුව ඇත.
මෙම සොරකම සම්බන්ධයෙන් සම්පූර්ණ වාර්තාවක් දින තුනක් ඇතුළත ලබා දෙන ලෙස කෘෂිකර්ම කෘෂිකර්ම අමාත්‍ය මහින්ද අමරවීර විසින් වී අලෙවි මණ්ඩලයේ සභාපතිවරයාට නියෝග කර ඇති බව කෘෂිකර්ම අමාත්‍යංශය පවසයි .
අදාළ වාර්තාව ලැබුණු වහාම මේ සම්බන්ධයෙන් පූර්ණ විමර්ශනයක් කිරීම සඳහා රහස් පොලිසියට බාරදෙන බව කෘෂිකර්ම අමාත්‍යවරයා එහිදී සඳහන් කර තිබේ.
2020 -2021 කාල පරිච්ඡේදයේ මිලදී ගත් වී තොගයක් මෙලෙස අස්ථානගත වී ඇති බව කෘෂිකර්ම අමාත්‍යංශය පවසයි.