එළඹෙන මිල සංශෝධනයේදී නැවත වරක් ලිට්‍රෝ ගෑස් කිලෝ ග්‍රෑම් 12.5 ගෘහස්ථ සිලින්ඩරයක් රුපියල් 200 කට අධික මුදලකින් ඉහළ දැමීමට සිදුවනු ඇතැයි ලිට්‍රෝ ගෑස් සමාගමේ උසස් නිලධාරියෙක් පැවසීය.
ඊට හේතුව ලෙස ඔහු පෙන්වා දෙන්නේ ලෝක වෙළදපළේ ගෑස් මිල අඛණ්ඩව ඉහළ යාම බවයි.
කෙසේ වුවත් මෙම ගෑස් මිල වැඩි කිරීම පාරිභෝගිකයන්ට අවම බලපෑමක් සිදුවන ආකාරයට සිදුකිරීම කෙරෙහි සාකච්ඡා කරමින් සිටින බව ද ඔහු වැඩිදුරටත් සඳහන් කළේය.
ලිට්‍රෝ ගෑස් මිල සූත්‍රයට අනුව මීළඟ ගෑස් මිල සංශෝධනය ලබන නොවැම්බර් මස 5 වැනිදා මධ්‍යම රාත්‍රියේ සිට ක්‍රියාත්මක කිරීමට නියමිතය.
ලිට්‍රෝ ගෘහස්ථ ගෑස් කිලෝග්‍රෑම් 12.5 ක සිලින්ඩරයක මිල මෙම මස 5 වැනිදා මධ්‍යම රාත්‍රියේ සිට රුපියල් 343 කින් වැඩි කළ අතර එම මිල ඉහළ දැමීමත් සමග කිලෝග්‍රෑම් 12.5 ක සිලින්ඩරයක මිල රුපියල් 3,470 ක් බවට පත්විය.
Ad
