රජය විසින් ක්‍රියාත්මක කරනු ලබන සහ ක්‍රියාත්මක කිරීමට අපේක්ෂා කරන ජාතික සංහිඳියා වැඩපිළිවෙල පිළිබඳ පාර්ලිමේන්තුව නියෝජනය කරන පක්ෂ නායකයන් දැනුවත් කිරීමේ සර්ව පාක්ෂික සමුළුවක් ජනපතිගේ ප්‍රධානත්වයෙන් ජනාධිපති කාර්යාලයේ පැවැත්වීමට නියමිතය.
මේ සම්බන්ධව කෙටි පණිවිඩයක් නිකුත් කරමින් ජනාධිපති මාධ්‍ය අංශය පවසන්නේ එළඹෙන 26 වනදා එය පැවැත්වෙන බවය.
එසේම මේ සඳහා පාර්ලිමේන්තුව නියෝජනය කරන සියලු පක්ෂ නායකයින් සහ ස්වාධීන කණ්ඩායම් නායකයින් වෙත මේ වන විටත් ඒ සඳහා ආරාධනා කිරීමට ජනාධිපති කාර්යාලය කටයුතු කර ඇති බවත් එහි සඳහන් කර ඇත.