මෙරට දළ නිල සංචිත පසුගිය ජූනි මස අවසන් වන විට ඇමෙරිකානු ඩොලර් බිලියන 3.5 ක් බව ශ්‍රී ලංකා මහ බැංකුව ප්‍රකාශ කර සිටියි.
මෙම මුදලට චීන මහජන බැංකුව ලබා දුන් විදේශ මුදල් හුවමාරු පහසුකමද ඇතුලත් වන බව ශ්‍රී ලංකා මහ බැංකුව පෙන්වා දෙයි.
තවද අයවැය පරතරය අඩු කර ගැනීම සඳහා බහු ජාතික මූල්‍ය ආයතන රජයට මූල්‍ය සහාය සපයා තිබෙන බව මහ බැංකුව ප්‍රකාශ කර ඇත.
එමෙන්ම මෙම වසරේ ඉතිරි මාස 06 ක කාලයේදී බහු ජාතික මූල්‍ය ආයතනවලින් ශ්‍රී ලංකාවට තවත් මූල්‍ය සහාය බලාපොරොත්තු විය හැකි බවද මහ බැංකුව සඳහන් කරයි.