රිලවුන් රට යවනනවාට විරුද්ධ සංවිධාන හෝ පුද්ගලයන්ට එම වන රිලවුන් බලා ගැනීම සඳහා ආරාධනා කරන බව කෘෂිකර්ම අමාත්‍ය මහින්ද අමරවීර පවසයි .
රිලවුන් බලැ ගැනීම සඳහා අවශ්‍ය ඉඩම් කොටසක් දී රිලවුන්ද අල්ලා දීමට හැකි බවත් ඔහු සඳහන් කර සිටියි .
අමාත්‍යවරයා මේ බව සඳහන් කර සිටියේ අඟුණුකොළපැලැස්සේදී පැවති ජන හමුවකදී වන අතර බොරු මත වාද ප්‍රචාරය කරන්නේ නැතුව හැකිනම් රිලවුන් ටික බලා ගන්නැයි තමන් ඉල්ලා සිටින බවද සඳහන් කළේය.
මෙරට වගාවන් විශාල ප්‍රමාණයක් රිලවුන් වඳුරන් විසින් විනාශ කරන බවත් ඒ හරහා ගොවීනට කෝටි ගණනක් අලාභ වන බවත් එම අහිංසක මිනිසුන්ගේ ප්‍රශ්න ගැන කිසිවකු අවධානය යොමු නොකරන බවද අමාත්‍යවරයා පැවසීය.
හරිනම් මුලින්ම රට පැටවිය යුත්තේ රිලවුන් නොව රිලවුන් රට යවනවාට එරෙහිව විවිධ අදහස් පළ කරන ඇතැම් සංවිධානවල පිරිස් බවද අමාත්‍යවරයා වැඩිදුරටත් සඳහන් කර සිටියේ ය.