විශ්විද්‍යාල ආචාර්යවරුන් අධ්‍යයන කටයුතුවලින් බැහැරව ආරම්භ කළ වෘත්තීය ක්‍රියාමාර්ගය අත්හිටුවීමට තීරණය කර ඇත.
ඒ අනුව ලබන 17 වැනිදා සිට යළි අධ්‍යයන කටයුතු සදහා එක්වන බව විශ්වවිද්‍යාල ආචාර්යවරුන්ගේ සමිති සම්මේලනය පවසයි.
විශ්වවිද්‍යාල ආචාර්යවරුන්ගේ සමිති සම්මෙලනය තම වෘත්තිය ක්‍රියාමාර්ග සම්බන්ධයෙන් විශේෂ සාකච්ඡාවක නිරත විය.
ඊයේ මධ්‍යම රාත්‍රිය වන තෙක් එම සාකච්ඡා පැවැති බව වාර්තා වේ.
කෙසේ වුවද එම සමිති සම්මේලනය අද නිවේදනය කළේ අධ්‍යයන කටයුතුවලින් බැහැරව සිටීමට ගත් වෘත්තීය ක්‍රියාමාර්ග අවසන් කිරීමට තීරණය කළ බවයි.
කෙසේ වුවද උසස්පෙල උත්තරපත්‍ර පරික්ෂා කිරීම සම්බන්ධයෙන් මෙතෙක් නිෂ්චිත තීරණයකට එළඹ නොමැති බවද වාර්තා වේ.
Ad
