රාජ්‍ය අමාත්‍ය ඩයනා ගමගේ මියට ලබන 17 වැනිදා දක්වා විදෙස් ගමන් තහනම් කරමින් කොළඹ ප්‍රධාන මහේස්ත්‍රාත් අධිකරණය අද (11) තහනම් නියෝගයක් නිකුත් කළේ ය.
ප්‍රධාන මහේස්ත්‍රාත් නන්දන අමරසිංහ මෙම වාරණ නියෝගය නිකුත් කළේ , ගුණරත්න වන්නිනායක ප්‍රමුඛ නීතිඥ මණ්ඩලයක් දිවුරුම් ප්‍රකාශයක් ඉදිරිපත් කර මෝසමක් මගින් නඩුව කැඳවා කළ ඉල්ලීමක් සලකා බැලීමෙන් අනතුරුවයි.
මේ වන විට ඩයනා ගමගේ ගේ විදෙස් ගමන් බලපත්‍රව සම්බන්ධයෙන් විමර්ශනයක් පවතින බැවින් ඇය විදෙස් ගතවීමේ තර්ජනයක් පවතින බව එහිදී නීතිඥ ගුණරත්න වන්නිනායක අධිකරණයට පෙන්වා දුන්නේ ය.