රටටම සුවදෙන මිනිස්ට්‍රියක දුන්න, පට්ටම උපදේශක තනතුරක් ගැන, දිලිත්ගේ අරුණ පත්තරේ පත්තු කරලා තිබුනා .
"මහජන මුදල් කාබාසිනියා කරන, පෞද්ගලික කාර්ය මණ්ඩලවලට අමතර ව , උපදේශක රොක්තක්ද පත්කර ගැනීමට , ඇමතිවරුන්ට හැකියාව තිබේ . බිරිඳ හෝ සැමියා , දුව ,පුතා , බෑනා ආදී වශයෙන් , වන පෞද්ගලික කාර්ය මණ්ඩලයට අමතරව , උපදේශකවරුන් පත් කෙරෙන්නේ , බොහෝ විට , ක්ශේත්‍රයේ ජ්‍යෙෂ්ඨයන් ය. නැතහොත් ජනප්‍රිය චරිතයන් ය. පූජ්‍ය පක්ෂය ද ඒ අතර වෙති .
සාමාන්‍යයෙන් භික්ෂූන් වහන්සේ නමක්, උපදේශක තනතුරකට පත් කෙරෙන්නේ,.. බුද්ධ ශාසන, සංස්කෘතික , පුරාවිද්‍යා හෝ අධ්‍යාපන , වැනි ක්ශේත්‍ර අරබයාය. එහෙත් රටටම සුවසෙත සපයන ඇමතිවරයෙක් , සිය ප්‍රදේශයේ ම, ස්වාමින් වහන්සේ නමකට , උපදේශක තනතුරක් පිරිනැමීමට තරම් , කාරුණික වී සිටියි.
විශේෂත්වය වන්නේ , අමාත්‍යවරයාගෙන්, අමාත්‍යංශය මාරු වන මාරු වන , වාරයක් පාසා, මේ ස්වාමින් වහන්සේ උපදේශකකමද , ඊට සාපේක්ෂව වෙනස් වීම ය . වැදගත්ම දේ නම්, මෙතෙක් උපදේශක තනතුරු දැරූ, කිසිම අමාත්‍යාංශයකට අදාලව උන්වහන්සේට කිසිදු දැනුමක් නොතිබීම ය .
මේ උපදේශක ස්වාමීන් වහන්සේ වෙනුවෙන් , අමාත්‍යාංශය, මාසිකව ගෙවන දීමනාව රුපියල් ලක්ෂයකි .අමාත්‍යාංශ කාර්ය මණ්ඩලයට බරපතළම, ප්‍රශ්නයට මුහුණ දීමට සිදු වූයේ , මං සිට දීමනාව ලබා දීම නොව , වාහනයක් ලබාදීම සම්බන්ධයෙනි. ඇල්කෙමියාගේ නියෝගය වී තිබුණේ ද , උන් වහන්සේට ගැලපෙන වාහනයක් ලබා දෙන ලෙසය . එම නියෝගය ප්‍රකාරව වෙන් කෙරුණු වාහනය සඳහා , මාසයකට ඉන්ධන ලීටර්, 150ක් ද ලැබෙන්නේ ය. එම ඉන්ධන ප්‍රමාණය දවමින් උන් වහන්සේ සතියට දිනක් දෙකක් අමාත්‍යංශයට වඩින්නාහ. උන්වහන්සේ එලෙස වඩින්නේ කාලයක් පුරා , අමාත්‍යංශ ලේකම් වරයා පාවිච්චි කරමින් සිටී වාහනයෙනි. ලේකම් වරයා පාවිච්චි කරමින් සිටි වාහනය , අමාත්‍යාංශ කාර්ය මණ්ඩලයෙන් , උන්වහන්සේට පූජා කර තිබෙන්නේ ය .
අමාත්‍යංශයේ එම බර කරට ගෙන කටයුතු කරන ලේකම්වරයාට පරණ වාහනයක් , ලැබී ඇත්තේ ය."
දිලිත්ගේ පත්තරේ තියෙන්නේ එහෙම.
වැඩේ කියන්නේ මේ නිව්ස් එක නිසා ඊයේ , වගකිවයුතු පාර්ශ්ව ඒක ගැන ෆයර් වුනා. ඒ නිසාම වෙන්න ඕන , වැඩි විස්තර වාන් දැම්මා වගේ එළියට ආවා .
ඒ වාන් දොරටු හරහා ආරංචි විදිහට , සාමාන්‍යයෙන් රටටම සුවදෙන මිනිස්ට්‍රියේ උපදේශක වෙන්නේ විශ්ෂඥ වෛද්‍යවරයෙක් ලු. චමල්, සිරිසේන , රාජිත , පවිත්‍රා ඔය කොයි ඇමතිලත්, කැබිනට් සංදේශ දාලා , උපදේශක කරගත්තේ විශේෂඥ වෛද්‍යවරුන් ලු. නැත්නම් ඒ සබ්ජෙක්ට් එකේ WHO එක්ක කන්ටැක්ට් තියෙන , ප්‍රොෆෙසර්ලලු.
ඒත් ඒ මොකුත් නැතුවම ආරංචි විදිහට , අද වෙනකොටත් , රටටම සුවසෙත දෙන මිනිස්ට්‍රියේ, උපදේශක ලෙස ඉන්නේ , ස්වාමීන් වහන්සේ නමක්ලු. ඒ උපදේශක හිමිනම, සබ්ජෙක්ට් එක නොදන්නා වුනාට, ඩිරෙක්ට් ගනුදෙනු කරන්නේ, ඖෂධ සැපයුම් කරුවන් එක්කලු. කොළඹ ආවහම නවතින්නේ තරු පංතියේ හෝටල් වලලු. ඒ හෝටල් වලට ඖෂධ සපයන ඒජන්ට්ලා , එනවා විතරක් නෙවෙයි , බිලටත් වග කියනවලු. දැන් අමාත්‍යංශයේ උදවිය අහනවලු , තරහ අවසර , ඖෂධ ගැන මොකුත් නොදැන කොහොමද මේ ගේම ගහන්නේ කියලා . එහෙම පසුබිමේ රටටම බෙහෙත් අඩුවක් නැතුව සප්ලයි එක දෙන්නේ කොහොමද කියලලු.
විශේෂඥයන් කියන්නේ මේ තාලෙන් ගියොත්, රටම නවතින්නේ ඉස්පිරිතාලෙන් කියලලු.
දේශපාලන වාර්තාකරු