වත්මන් පාර්ලිමේන්තුවේ ද්විත්ව පුරවැසි භාවය සහිත මන්ත්‍රීවරුන් 5ක් සිටින අතර 22 වන ව්‍යවස්ථා සංශෝධනය සම්මත වීම සමග ඔවුන්ගේ මන්ත්‍රී ධූර අවධානමේ බව දේශපාලන ආරංචි මාර්ග සඳහන් කරයි.
වාර්තා වන ආකාරයට දෙමළ ජාතික සන්ධානය නියෝජනය කරන එම්.ඒ. සුමන්තිරන් මන්ත්‍රීවරයා 22 වන ව්‍යවස්ථා සංශෝධනයට දැඩි විරෝධයක් දක්වා ඇත්තේ ද්විත්ව පුරවැසි භාවය සම්බන්ධ කාරණයක් නිසා බවත් සඳහන් වෙයි.
සුමන්තිරන් මන්ත්‍රීවරයා ඇතුළු පස් දෙනෙකු ද්විත්ව පුරවැසියන් බව දැනගන්නට ඇති බවත් එම ආරංචි මාර්ග පවසයි.
දෙමළ ජාතික සන්ධානය 22 වැනි ව්‍යවස්ථා සංශෝධනය සම්මත වීම වැළැක්වීමට විපක්ෂය ඇතුළු මන්ත්‍රීවරුන් සමඟ දිගින් දිගටම සාකච්ඡා කර ඇති බවත් පසුව එකඟතාවක් ඇතිකර ගැනීමට නොහැකි වීම හේතුවෙන් අවසානයේදී ජන්ද විමසීම වර්ජනය කළ බවත් වැඩිදුරටත් වාර්තා වේ.