ඩලස්ලගෙ සෙට් එකට පාර්ලිමේන්තුවේ කතා කරන්න වෙලාව දෙන්නෙ නෑ කියල, මේ දවස්වල ලොකු වාදයක් යනවා.
ආණ්ඩුව කියන්නෙ විපක්ෂෙට ගියා නම්, විපක්ෂයෙන් වෙලාව ඉල්ල ගන්න කියල. ඒත් ඩලස්ල ජී එල් ල කියන්නෙ ආණ්ඩුවෙන් වෙලාව ඕන කියල .
ඊයෙත් (04) පාර්ලිමේන්තුවේ දි මේ කතාව ඇදුන.
දයාසිරියි විමලුයි දෙන්නම ඩලස්ලගෙ ටයිම් ඇලොකේෂන් සටනට සපෝර්ට් කරමින් කතා කලා.
ඒ ගාලගෝට්ටියෙන් පස්සෙ දිනට නියමිත පනත් කෙටුම්පත් ගැන විවාදය පටන් ගත්ත.
උණුසුම් වාද විවාද සමග විවාදය පැවැත් උණා. වෙලාව හතරහමාරට විතර ඇති. මූලසනයේ හිටියේ නියෝජ්‍ය කතානායක අජිත් රාජපක්ෂ.
""මීළඟට ගරු ඩලස් අලහප්පෙරුම මැතිතුමා .ඔබතුමාට විනාඩි 7 ක කාලයක් තියෙනවා." එසේ කියමින් නියෝජ්‍ය කතානායකතුමා ඊළග කතිකයට ආරාධනා කලා.
මලකෙළියයි ඩලස් ලොක්ක පාර්ලිමේන්තුවේ නෑ . ඉතින් නියෝජ්‍ය කතානායක ඊළග කතිකයට කතාවට ආරාධනා කලා.
උදේ කතා කරන්න වෙලාව දෙන්න නෑ කියල රණ්ඩු කරපු ඩලස් ගැන පාර්ලිමේන්තුවේ කට්ටිය මොනව හිතුව ද මන්දා.. කට අරින්න ඉල්ලනවා.. දෙනකොට වාෂ්ප වෙනවා..!
- දේශපාලන වාර්තාකරු