හිටපු ජනාධිපති ගෝඨාභය රාජපක්‍ෂට ආරක්‍ෂා සහිතව මෙරටට පැමිණ සාමාන්‍ය පුරවැසියෙකු ලෙස ජීවත්වීමට අවශ්‍ය කටයුතු සලසන ලෙස ශ්‍රී ලංකා රාමඤ්ඤ නිකායේ අනුනායක නැදුන්ගමුවේ විජය මෛත්‍රී නාහිමි ජනාධිපති රනිල් වික්‍රමසිංහ වෙතින් ඉල්ලීමක් කර ඇත .
ඒ, ජනාධිපති රනිල් වික්‍රමසිංහ වෙත ලිපියක් යොමු කරම්න් ය.
හිටපු ජනාධිපති ගෝඨාභය රාජපක්‍ෂ ජනතාව සතු මුදල් අයථා ලෙස පරිහරණය නොකළ අයෙකු බවත් අමෙරිකානු පුරවැසිභාවයද අත්හළ අයෙකු බවත් අදාළ ලිපිය මගින් පෙන්වා දී ඇත.
තනතුරෙන් ඉවත් වන ලෙස බලපෑම් එල්ල වුවද රටින් පිටව යන ලෙස හිටපු ජනාධිපතිවරයාට කිසිවෙක් ප්‍රකාශ කර නොමැති බවත් අදාළ ලිපියේ වැඩිදුරටත් සඳහන් කර ඇත .