"රනිල් වික්‍රමසිංහ හැකියාවක් ඇති පුද්ගලයෙක් බවත් පාක්ෂික රජයක් බිහි වීම ඉතා වැදගත් බවත් හිටපු අමාත්‍ය රවී කරුණානායක පවසයි .
2015 වසරේ දී ගොඩනැඟු රට අරගනු ලැබූ නමුත් අද ජනතාවට රටත් බඩත් දෙක ම නැති වී ඇති බවත් ඔහු පවසයි .
හිටපු අමාත්‍යවරයා මේ අදහස් දක්වා සිටියේ , උතුරු කොළඹ ප්‍රදේශයේ අඩු ආදායම් ලාභී පවුල් 4000 වෙනුවෙන් සතොස වවුචර්පත් ලබාදීමේ ලබාදීමේ අවස්ථාවකට එක් වීමෙන් අනතුරුවය.
කොළඹ මහ නගර සභාවේ ප්‍රතිපාදන අනුව රුපියල් 3500 ක වටිනාකමින් යුත් මෙම වවුචර්පත් ලබාදීමට පියවර ගෙන තිබිණ .
එහිදී ඔහු වැඩිදුරටත් මෙසේද පැවසීය .
"ආර්ථිකය ගොඩනැගීම කටින් කරන්න බැහැ ප්‍රායෝගිකව ඒකට මුහුණ දෙන්න වෙනවා..සර්ව පාක්ෂික රජයක් බිහි කිරීම කාලෝචිත ක්‍රියාවක්..සමගි ජන බලවේගය හැමදාම කඩ කඩ යන දේවල් තමයි කරන්නේ..වෛරය ව කරපු දේවල් කරලා වැඩක් නැහැ...අපි patrol වැඩි කළහම අපිට හිනා වුණා දැන් පන්සිය ගනන්වලට පැට්‍රල් ගණන් යනවා..."
ජනාධිපතිවරයා ගේ වැඩපිළිවෙළට සියලු දෙනා එක්ව සහයෝගය ලබා දිය යුතු බවද බව ද එහිදී හිටපු අමාත්‍ය රවි කරුණානායක පැවසීය .
කඩා වැටුණු රට යළි ගොඩ නැංවිය යුතු බවත් අපි නැති කරපු පෝලින් නැවත නැති කළ යුතු බවත් එහිදී ඔහු පැවසීය .