සියලුම ත්‍රීරෝද රථ භාවිතා කරන්නන්ගේ ත්‍රීරෝද රථය අදාළ ප්‍රදේශයේ පොලිස් ස්ථානයේ ලියාපදිංචි කළ යුතු බවට නියෝගයක් බලධාරීන් නිකුත්කර ඇත .
එසේම ඉන්ධන ලබාගන්නා පිරවුම්හලක් මේ මස 31 දිනට පෙර නම් කළ යුතු බවත් බලශක්ති අමාත්‍ය කාංචන විජේසේකර අවධාරණය කර ඇත .
ලබන අගෝස්තු මස 1 වැනිදා සිට ත්‍රීරෝද රථවලට ලියාපදිංචි ඉන්ධන පිරවුම්හලෙන් පමණක් ඉන්ධන ලබාදෙන බවත් අමාත්‍යවරයා වැඩි දුරටත් පවසයි .
වාර්තා වන ආකාරයට පසුගිය සමයේ ත්‍රීරෝද රථ ආශ්‍රිතව අසීමිත ලෙස තෙල් ගනිමින් වැඩි මිලට විකිණීමේ මාෆියාවක් සම්බන්ධයෙන් බරපතළ චෝදනාවක් එල්ලවිය.
බලධාරීන් පවසන්නේ මෙකී මාෆියාව පාලනය කිරීමට අදාළ තීන්දුව ගෙන ඇති බවය.