ණය ගැනීම සහ ඒවා ඵලදායි නොවන ආකාරයට යෙදවීම හමුවේ අත්වෙන ඉරණම සම්බන්ධයෙන් මේ වන විට ශ්‍රී ලංකාව ගෝලීය අත්දැකීමක නිදර්ශනයක් බවට පත්ව ඇත .
ඒ බව අනාවරණය කරමින් ජාත්‍යන්තර මූල්‍ය අරමුදල සඳහන් කර සිටින්නේ ඉහළ ණය ගැනීම් සහ ප්‍රතිපත්තියක් නැති රටවල් වලට ශ්‍රී ලංකාව අනතුරු ඇඟවීමේ සලකුණක් ලෙස සැලකිය හැකි බවය.
ජාත්‍යන්තර මූල්‍ය අරමුදලේ කළමනාකාර අධ්‍යක්ෂිකා ක්‍රිස්ටලිනා ජෝර්ජිවා මේ බව සඳහන් කර ඇත්තේ ඉන්දුනීසියාවේ පැවැති G20 රටවල මුදල් අමාත්‍ය වරුන්ගේ සහ මහ බැංකු අධිපතිවරුන්ගේ රැස්වීම අමතමිනි.