කතානායක ප්‍රධානත්වයෙන් පක්ෂ නායකයන් විසින් අද (09) ගනු ලැබූ තීන්දුව කතානායකවරයා විසින් ලිඛිතවම ජනාධිපති ගෝඨාභය රාජපක්ෂ වෙත මේ වනවිට දැනුම් දී ඇති බව වාර්තා වෙයි .
වාර්තා වන ආකාරයට කතානායකවරයා අදාළ ලිපියේ සදහන් කර ඇත්තේ ජනාධිපතිවරයා හා අගමැතිවරයා ඉල්ලා අස්විය යුතු බවට මෙම පක්ෂ නායක රැස්වීමේදී තීන්දු කර ඇති බවකි.
මේ බව පාර්ලිමේන්තු මන්ත්‍රීවරුන් වන හර්ෂ ද සිල්වා සහ රවුෆ් හකීම් සිය ට්වීටර් ගිනුම් හරහා තහවුරු කර ඇත .
මේ අනුව ජනාධිපති ගෝඨාභය රාජපක්ෂ ධූරයෙන් ඉල්ලා අස්වුවහොත් , තාවකාලික ජනාධිපති ලෙස කතානායක මහින්ද යාපා අබේවර්ධන පත්වනු ඇත.