ශ්‍රී ලංකාවට රුසියාවෙන් ඉන්ධන ආනයනය කිරීම සඳහා වන සාකච්ඡා සඳහා රුසියානු ඉන්ධන සමාගම් නියෝජිතයින් දෙදෙනෙකු මෙරටට අද (07) පැමිණ ඇති බව වාර්තා වෙයි .
මෙම නියෝජිතයන් පිළිගැනීම සදහා ජාතික නිදහස් පෙරමුණේ නායක විමල් වීරවංශ මන්ත්‍රීවරයා ඇතුළු පිරිසක් කටුනායක ගුවන් තොටුපළ විශේෂ අමුත්තන්ගේ මැදිරිය වෙත පැමිණ තිබූ බවත් වාර්තා වෙයි .
ජනාධිපති ගෝඨාභය රාජපක්ෂ විසින් රුසියානු ජනාධිපති ව්ලැදිමීර් පුටීන් අමතා ශ්‍රී ලංකාවට සහනදායි පදනම මත ඉන්ධන ලබා දෙන ලෙස ඉල්ලා සිටින ලදී.
ඒ සම්බන්ධයෙන් පසුගියදා ජනාධිපති ගෝඨාභය රාජපක්ෂ විසින් ට්වීටර් සටහනක් ද තබා තිබිණ .