ගුදම් පහසුකම්, බහලුම් අංගන, වරාය සැපයුම් පහසුකම්, බෝට්ටු හා නැව් කර්මාන්ත සංවර්ධන රාජ්‍ය අමාත්‍ය ලෙස කටයුතු කළ ජයන්ත සමරවිර සිය ධූරයෙන් ඉවත් වීමට තීරණය කර ඇත.
තම ඉල්ලා අස්වීමේ ලිපිය ජනාධිපතිවරයා වෙත යොමු කල බව ඔහු අද (08) පැවසීය.
ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ කර්මාන්ත අමාත්‍ය ධුරයෙන් ඉවත් කිරීමෙන් පසු එම පක්ෂය අද රැස්වී සිදු කරන ලද සාකච්චාවකින් පසු මෙම තීන්දුව ගනුලැබූ බවත් ඔහු පවසයි.
බැසිල් පසුපෙළ සමග සාකච්ඡාවක !
මේ අතර මුදල් අමාත්‍ය බැසිල් රාජපක්ෂ අද පාර්ලිමේන්තුවේදී පොදුජන පෙරමුණේ පසුපෙළ මන්ත්‍රී කණ්ඩායම සමග විශේෂ සාකච්ඡාවක් පැවත්වූ බව දේශපාලන ආරංචි මාර්ග පවසයි.
පොදුජන පෙරමුණ ආණ්ඩුවේ ඉදිරි කටයුතු මෙන්ම විමල් වීරවංශ සහ උදය ගම්මන්පිල අමාත්‍ය ධූර වලින් එළියට දැමීමෙන් පසුව මතුව ඇති නව දේශපාලන තත්ත්වය හමුවේ ඊට මුහුණදීම ගැන මෙහිදී අවධානය යොමුකර ඇති බවත් දැනගන්නට ඇත.