වත්මන් ජනාධිපති ගෝඨාභය රාජපක්ෂ යටතේ තමන් යළි කිසිදු දිනෙක අමාත්‍ය ධූර බාර නොගන්නා බව හිටපු අමාත්‍ය විමල් වීරවංශ පැවසීය.
අද (04) කොළඹදී පැවැති විශේෂ මාධ්‍ය හමුවක් අමතමින් වීරවංශ මන්ත්රීවරයා මේ බව පැවසීය.
අද ඇත්තේ බලය පිළිබඳ ප්‍රශ්නයක් නොව එම බලය හයිජැක් කරන ලද අවලස්සන ඇමරිකානුවකු පිළිබඳ ප්‍රශ්නයක් බවත් ඔහු එහිදී පැවසීය.
දෙදහස් පහළොවේ පරාජයෙන් පසු මහින්ද සුළඟ සමගින් මේ පොළොවේ ජාතික බලවේගයට පණ දුන් අයට වඩා රට හැර පලා මිනිසුන් වටිනා බව මෙම තීන්නුව සමග ඔප්පු කර ඇතැයිද ඔහු සඳහන් කළේය.
අද වන විට ජනාධිපතිවරයා මුදල් අමාත්‍ය බැසිල් රාජපක්ෂ ගේ උවමනාව මත නැටවෙන තත්ත්වයකට පත්ව ඇතැයිද විමල් වීරවංශ මන්ත්රීවරයා වැඩිදුරටත් සඳහන් කළේය.
අමාත්‍ය බැසිල් රාජපක්ෂ මහතාට පසුගිය ජනපතිවරණයේදී ජනපති අපේක්ෂකත්වයට පැමිණිමට සූදානමක් තිබුණ බව පැවසූ ඔහු 2015 ජනපතිවරණයෙන් පරාජයට පත්වීමෙන් විපක්ෂනායකම බලාපොරොත්තු වූ බවද පැවැසීය.
බැසිල් රාජපක්ෂ අමාත්‍යවරයා හා ප්‍රතිපත්තිිමය ගැටුමක් පැවැතිි බවත් එය වරින් වර එළියට පැමිණි බවත් පැවැසූ මන්ත්රීවරයා වත්මන් ජනපතිවරයා මේ අවස්ථාවේදීත් තම පවුල වෙනුවෙන් පෙනී සිටි බවත් බැසිල් රාජපක්ෂ ගේ පාලනයට ජනපතිවරයාට නතු වී ඇති බවත් පැවසීය.