රාජපක්ෂ පවුලේ සිටින කළ ගුණ දන්නා එකම පුද්ගලයා මහින්ද රාජපක්ෂ මහතා බවත් බැසිල් රාජපක්ෂ මහතා කළ ගුණ නොදන්නා පුද්ගලයෙක් බැවින් ඔහු පිළිබඳව තමන් වහන්සේ කතා කිරීමටවත් කැමති නැති බවත් නාරාහෙන්පිට අභයාරාම අධිපති මුරුත්තෙට්ටුවේ ආනන්ද හිමි පවසති.
Youtube නාලිකාවක් සමග සම්මුඛ සාකච්ඡාවකදී අදහස් දක්වමින් උන්වහන්සේ මේ බව සඳහන් කර ඇත.
එසේම වර්තමාන ආණ්ඩුව බලයට පත්කිරීමට මූලිකත්වය ගත් විමල් වීරවංශ මහතාට සහ උදය ගම්මන්පිල මහතාට ආණ්ඩුව තුළින් කෙනෙහිලිකම් සිදු කිරීම කළගුණ නොදන්නා ක්‍රියාවක් බව පෙන්වා දෙන ආනන්ද හිමියන් පවසන්නේ ඔවුන් ආණ්ඩුවෙන් ඉවත් කළොත් එදාට ආණ්ඩුවේ ගමන අවසන් වන බවය.