ජනප්‍රිය සංගීත කණ්ඩායමක් වන ‘One Direction’හි හිටපු සාමාජිකයෙකු වූ ලියම් පේන් මිය ගොස් තිබේ.
විදෙස් මාධ්‍ය වාර්තා කර ඇත්තේ, ඔහු ආජන්ටිනාවේ පිහිටි හෝටලයක තෙවන මහලෙන් ඇද වැටී මිය ගොස් ඇති බව ය.
මිය යන විට ඔහු 31 වන වියේ පසු විය.
ලියම් පේන්ගේ මරණය සැලවීමෙන් පසු රසිකයින් දහස් ගණනින් ඔහු ඇද වැටී මිය ගොස් ඇති හෝටලය අසලට පැමිණ ඇති බව විදෙස් මාධ්‍ය වාර්තා කරයි.
2010 වසරේ ආරම්භ වූ One Direction සංගීත කණ්ඩායම කෙටි කලක් තුළ ලොව අතිශය ජනප්‍රිය සංගීත කණ්ඩායමක් බවට පත් විය.
මෙම සංගීත කණ්ඩායමේ ‘What makes you beautiful’, ‘Night Changes’ සහ ‘Steal My Girl’ වැනි ජනප්‍රිය ගීත සහිත ඔවුන්ගේ ඇල්බම ලොව පුරා පිටපත් මිලියන 70කට අධික සංඛ්‍යාවක් විකිණී තිබේ.