ගොසිප්

මීටර 400 කඩුලු පැන දිවීමේ ශ්‍රී ලංකා ශූරිය වන කෞෂල්‍යා මධුෂානි, කුලියාපිටියේ පිහිටි සිය නිවසේදී එල්ලෙමින් තිබියදී සොයාගත් බව පොලිසිය කියයි.

ඇයගේ අත්අකුරින් ලියූ ලිපියක් ද නිවසේ තිබී හමු වී ඇතැයි වාර්තා වෙයි.

ශ්‍රී ලංකා යුද හමුදා මලල ක්‍රීඩා කණ්ඩායම නියෝජනය කරන මධුෂානි, දියගම ක්‍රීඩාංගණයේදී පෙරේදා (22) පැවැති සියවන සැමරුම් මලල ක්‍රීඩා තරගාවලියේ මීටර 400 කඩුලු පැන දිවීමේ පළමු ස්ථානය දිනාගනිමින් දක්‍ෂතම කඩුලු පැන දිවීමේ ක්‍රීඩිකාව ලෙස ද සම්මාන දිනාගැනීම කැපී පෙනේ.

ශ්‍රී ලංකාව නියෝජන කරමින් ජාත්‍යන්තර තරගාවලි රැසකට සහභාගි වී ඇති 26 හැවිරිදි මධුෂානි ජාත්‍යන්තර පදක්කම් රැසක් ද දිනාගැනීමට සමත් වූ ක්‍රීඩිකාවකි.

ඇය සියදිවි නසාගන්නට ඇතැයි සැක කෙරේ.

- lankadeepa

තමන් මෙවර ශ්‍රී ලංකා ප්‍රිමියර් ලීග් තරගාවලියට ක්‍රීඩා කරන බවට පළ වන වාර්තා අසත්‍ය බව අගමැති මහින්ද රාජපක්ෂගේ පුත් රෝහිත රාජපක්ෂ පවසයි .

දඹුල්ල කණ්ඩායම සමග එම කණ්ඩායමේ ක්‍රීඩා ඇඳුම සමඟ තමන්ගේ පින්තූර කිහිපයක් පළ වූයේ එහි තේමා ගීතයකට අදාල රූප රචනා කටයුතු සිදු කිරීමේදී ගත් ඒවා බව ඔහු පැවසීය.

තමන් එම කණ්ඩායමේ නිල තේමා ගීතය නිර්මාණය කිරීමට සම්බන්ධ වී සිටින බවද ඔහු සඳහන් කරයි.

මීට පෙර තමන් විසින් පැවසූ පරිදිම ‍ශ‍්‍රී ලංකා ප‍්‍රිමියර් ලීග් තරගාවලියට තමන් සහභාගී නොවන බවද ඔහු කියා සිටියේය.

ගායන සහ රංගන ශිල්පිනියක වන සංජීවනී වීරසිංහට ඇමරිකාවේ උද්ඝෝෂණයේ නිරත ශ්‍රී ලාංකික ප්‍රජාව වෙතින් බරපතළ විරෝධයක් එල්ල වී ඇති බව වාර්තා වෙයි.

අදාළ උද්ඝෝෂණය සිදුකර ඇත්තේ අමරිකාවේ – ලොස් ඇන්ජලිස් නුවරදීය.

ඒ ශ්‍රී ලංකාවේ පවතින දූෂිත පාලනයට එරෙහිව එරට වෙසෙන ශ්‍රී ලාංකිකයින් පිරිසක් විසින් ය. මේ අවස්ථාව සඳහා එක්වීමට සංජීවනී වීරසිංහ පැමිණ ඇත. එහිදී විරෝධතාවය සඳහා එක්ව සිටි ජනතාව ඇයව එම ස්ථානයට ප්‍රතිකේෂ්ප කර ඇත.

ඊට හේතුව පසුගිය ජනාධිපතිවරණය අවස්ථාවේ සංජීවනී වීරසිංහ වත්මන් ජනාධිපති ගෝඨාභය රාජපක්ෂ බලයට ගෙන ඒම වෙනුවෙන් මිනිසුන් නොමග යැවූ අදහස් දක්වමින් කටයුතු කිරීම බවත් වාර්තා වෙයි.

ශ්‍රී ලංකා පෝෂණ වෛද්‍ය සංගමය සංවිධානය කළ "රස වැඩියෙන් ලුණු අඩුවෙන් ආහාර පිසීමේ ජාතික අභියෝගය-2021" අවසන් මහා තරගය අග්‍රාමාත්‍ය ආර්යා ශිරන්ති රාජපක්ෂ ගේ ප්‍රධානත්වයෙන් පසුගියදා (30) කොළඹ ගාලු මුවදොර හෝටලයේ දී පැවැත්විණි.

මීට අදාළ නිවේදනයක් අග්‍රාමාත්‍ය මාධ්‍ය ඒකකය නිකුත්කර ඇති අතර එහි මෙසේද සඳහන් වෙයි.

ලෝක සෞඛ්‍ය සංවිධානය, සෞඛ්‍ය අමාත්‍යාංශය සහ ශ්‍රී ලංකා සූපවේදීන්ගේ සංගමයේ සහයෝගය ඇතිව ශ්‍රී ලංකා පෝෂණ වෛද්‍ය සංගමය සංවිධානය කළ මෙම තරගාවලියේ පළමු වටය සඳහා නිර්ණායක සපුරන ලද සාමාජිකයන් තිදෙනෙකුගෙන් සමන්විත කණ්ඩායම් හතළිහක් තරග වැදුනේය.

එම කණ්ඩායම් හතළිහෙන් විස්සක් දෙවැනි වටයටත් දෙවැනි වටයේ ප්‍රතිඵල අනුව කණ්ඩායම් පහක් අද දින පැවති අවසන් මහා තරගයටත් තේරී පත්ව තිබේ.

අවසන් තරගය පැවැත්වෙන අවස්ථාවට පැමිණි අග්‍රාමාත්‍ය ආර්යාව ශ්‍රී ලංකා පෝෂණ වෛද්‍ය සංගමයේ සභාපතිනි විශේෂඥ වෛද්‍ය රේණුකා ජයතිස්ස විසින් පිළිගනු ලැබුවාය.

අනතුරුව අවසන් මහා තරගයට එක්වූ තරගකරුවන් හා සුහඳ කතාබහක නිරත වූ අග්‍රාමාත්‍ය ආර්යාව එම කණ්ඩායම් පිසින ලද ආහාරවල රස බැලුවාය.

අධික ලුණු භාවිතය සෞඛ්‍යට අහිතකර ලෙස බලපාන අතර අධි රුධිර පීඩනය සහ ඊට අදාළ සංකූලතා ඇතිවීමේ අවදානම ඉහළ යයි.

දෛනික ලුණු පරිභෝජනයෙන් සියයට 80ක් නිවසේ පිසින ලද ආහාරවලින් ලැබෙන බැවින් ආහාර පිසීමේ දී ලුණු අඩු කිරීම සෞඛ්‍යට ඇති අහිතකර බලපෑම අවම කරයි.

ලුණු අඩු ආහාර වේලක ඇති වැදගත්කම පිළිබඳව ආහාර තාක්ෂණ සහ සූපශාස්ත්‍ර කටයුතුවල නියුතු වන්නන් මෙන්ම මහජනතාවට අවබෝධයක් ලැබෙන පරිදි මෙම තරගාවලිය සංවිධානය කර තිබිණි.

මෙම අවස්ථාවට පසුගාමී ග්‍රාමීය ප්‍රදේශ සංවර්ධන රාජ්‍ය අමාත්‍යාංශයේ ලේකම් විශේෂඥ වෛද්‍ය අමල් හර්ෂ ද සිල්වා මහතා, ශ්‍රී ලංකා පෝෂණ වෛද්‍ය සංගමයේ වෛද්‍යවරු සහ යුනිසෙෆ් ආයතනයේ හා ලෝක සෞඛ්‍ය සංවිධානයේ නියෝජිත පිරිසක් සහභාගී වී සිටියහ.

ප්‍රවීණ සිනමා අධ්‍යක්ෂ අශෝක හඳගම ගේ "ඇල්බෝදරා" චිත්‍රපටය ජාත්‍යන්තර සිනමාවට ප්‍රවිෂ්ට විමේ ඉඩක් හිමි කර ගනු ඇති බව හිටපු අගමැති රනිල් වික්‍රමසිංහ පවසයි.

කොලඹ gallface one හි PVR සිනමා ශාලාවේ දි ඊයේ (26) "ඇල්බෝදරා" චිත්‍රපටය නැරඹීමේන් පසු හිටපු අගමැති මෙම අදහස පල කර තිබේ.

ඉංග්‍රීසි භාෂාවෙන් නිෂ්පාදන කර තිබිම.ඉංග්‍රීසි ස්පාඤ්ඤ සිංහල දෙමල භාෂාව කතා කරන චරිත හා නෙරුදා පිළිබඳ ලොව පුරා උනන්දුවක් තිබිම චිත්‍රපටය ජාත්‍යන්තර සිනමාව තුළ ස්ථානගත ඉඩ සකස් කර දෙන බවත් හිටපු අගමැති රනිල් වික්‍රමසිංහ පවසයි.

එමෙන්ම ප්‍රධාන ස්‍ත්‍රි චරිත 3 හරහා කාන්තාව පිළිබඳ සංවාදයක් නිර්මාණය විය හැකි බව ද ඔහු පෙන්වා දෙයි.

මිට අමතරව විදෙස් හා ලාංකික නළුනිළියන් සියල්ලක්ම සම මට්ටමේ රංගන කුසලතා දක්වන අතර චිත්‍රපටයේ රිද්මය පවත්වාගෙන යාමට සංගීතය විශිෂ්ට කාර්යභාරයක් සිදු කරන බවද හිටපු අගමැති රනිල් වික්‍රමසිංහ වැඩිදුරටත් පවසයි.

හෘදසැත්කමකට මුහුණ දී ප්‍රතිකාර ලබමින් සිටි සමගි ජන බලවේගයේ පාර්ලිමේන්තු මන්ත්‍රී හරීන් ප්‍රනාන්දු  සුවය ලබා ඊයේ (09) යළිත් සිය නිවසට පැමිණ තිබේ.

තමන්ට ප්‍රතිකාර කළ වෛද්‍යවරුන් ඇතුළු රෝහල් කාර්ය මණ්ඩලයටත් තමන් පිළිබඳ සොයා බැලූ සියලුම දෙනාටත් තමන්ට ආශිර්වාද එක් කළ සියලුම දෙනාටත් ඉතාමත්ම ස්තූතිවන්ද වන බව ඔහු වීඩියෝවක් නිකුත් කරමින් ප්‍රකාශ කර ඇත.

0112345594 දුරකථනය නාද වේ!
අලුයම 2යි!
(මම කටහඬ වෙනස් කර කතා කළෙමි)

"සහෝදරයා මම ඉතාලියේ ඉඳන් කතා කරන්නේ මට ජේවීපී එකේ සාමාජිකත්වය ගන්න පුළුවන්ද?

ඔහු තරමක් සැකයෙන් දුරකථනයට පිළිතුරු දෙයි!
ඔයාගේ නම මොකක්ද?
මම එවෙලෙ මතක් වූ නමක් ඔහුට කියයි!
ඔහු තවත් ප්‍රශ්නයක් දෙකක් පමණක් අසයි!
"හොර බිමලා, මාව තම්බන්න එනව මෙතැන කටහඩ වෙනස් කරලා!"
ආදරයද තරහද මුසු හඬකින් මට බනියි!
ඉතින් තවත් විනාඩියක් දෙකක් කතාබහ කර අපේ කතාබහ නතර වෙයි!
මෙවැනි විහිලුවක් දෙකක් මාසයකට හමාරකට සැරයක් සිදුවවෙයි!
හැමවිටම ඔහු විසින් මගේ වෙනස් කටහඬ අල්ලා ගනී!

අපේ දෙමාපියන්ගේ වයසේ පසුවූ මේ මහත් කැපවීමෙන් යුතු වැඩිහිටියා සමග අපගේ කුඩා කල සිට තිබූ ආදරණීය සම්බන්ධය ඒ ආකාරය!

තවත් දවසක හැත්තෑ එකේ අරගලය ගැන ඔහු අපට කියයි!
හොරොව්පතාන පොලිසියේ ප්‍රහාරයෙ අත්දැකීම් ගැන කතා කරයි.

82 ජනාධිපතිවරණයෙදී ,කැකිරාවේදී රෝහණ සහෝදරයාගේ රැස්වීම කඩාකප්පල් කිරීමට පැමිණි මහින්දසෝම ඇතුළු මැරයන්ට ඔහු ඇතුළු පක්ෂයේ සහෝදරවරුන් ලබාදුන් සංග්‍රහය ගැන මහත් උනන්දුවෙන් කතා කරයි!

මම නැවත විහිලුවක් කරයි!

ඒවා වැඩක් නෑනෙ ඔයාලා හැත්ත එකේ, අසුනමයෙ මේක දින්න නම් අපි අද සමාජවාදය යටතේ හොඳින් ඉගෙන ගන්නව නේ!

එවිට ඔහු හැඟීම් බර වෙයි!
සමාජවාදය ගැන ඇති අචල විශ්වාසය ගැන විවිධ තොරතුරු කරුණු කියයි!

පංචිකාවත්ත කාර්යාලයේ සිටි නිසාම ටවර් රඟහලේ එල්ෆින්ස්ටන් එකේ සහ කොළඹ නගරයේ වෙනත් තැන් වල පවත්වන නාට්‍ය චිත්‍රපට ගැන උනන්දු වෙයි.
බොහෝ අවස්ථාවලදී මටද කතා කරයි.

බිමල් සහෝදරයා නාට්‍යයක් තියෙනවා බලන්න යමුද?ටවර් එකෙත්, ජොන් ද සිල්වා එකේත්, එල්ෆින්ස්ටන් එකේත් ඔහු සමඟ නාට්‍යය බලන්න ගිය හැටි අද ද සිහිපත් වෙයි!

නාට්‍යය බලා යන ගමන් ආප්පයක් කමුද කියා ඇසූ විට ඔහු එයට එක පයින්ම කැමැති වෙයි!

ඒ සියලු යාලුකම් ගිනිසිළුව පත්තරේ මුදල් ගැටළුව ගැන කතා කරන විට, ඔහුගේ විශාල CR පොත පෙරලන විට, අදාළ නොවේ.

ආදරණීය ප්‍රේමචන්ද්‍ර අයියේ, අපි පාසල් ශිෂ්‍යයන්ගේ වයසේ සිට වැඩිහිටියන් වීම දක්වාම,
සමාජවාදය ගොඩනැගීම වෙනුවෙන් කැප කළ ඔබගෙ දිවිය වෙනුවෙන් මේ ආදරය මුසු ගෞරවය පුද කරමි.

ජවිපෙ දේශපාලන මණ්ඩල සභික , හිටපු පාර්ලිමේන්තු මන්ත්‍රී බිමල් රත්නායක ගේ ෆේස්බුක් ගිනුමෙනි

නව පරපුරේ ගායිකා යොහානි ද සිල්වා ගායනා කරන ‘මැණිකේ මගේ හිතේ’ ප්‍රතිනිර්මාණය ගීතය අසා තමා මහත් සතුටක් ලැබූ බව ශ්‍රී ලංකාවේ සිටින ඇමරිකා තානාපතිනී ඇලෙයිනා බී ටෙප්ලිට්ස්  පැවසුවාය.

මෙම ගීතය ඇමෙරිකාවේ කැලිෆෝනියාවේ ජනාකීර්ණ වීදියක කැරොලිනා ප්‍රොටෙසෙන්කෝ නම් 13 හැවිරිදි වීදි වයලීන ශිල්පිණියක කළ අනුවාදන සංගීතය රස වීදීමේ පසු සිය ට්විටර් ගිණුමේ සටහනක් තබමින් ඇය මේ බව පැවසුවාය.

මේ පිළිබඳ ශ්‍රී ලංකාවේ ඇමරිකානු තානාපතිනි ඇලෙයිනා ටෙප්ලිට්ස් තැබූ සටහනේ මෙසේද සදහන් වේ.

''ශ්‍රී ලංකවේ ගීතයක් වූ ''මැනිකේ මගේ හිතේ ගීතය'' කැලිෆෝනියාවේ වීදියකදී කැරොලිනා වයලීනයෙන් වයනු අසා මම මහත් සතුටක් වින්දා. මම බලාපොරොත්තු වෙනවා ඔබත් ඒ අයුරින්ම සතුටු වෙයි කිය. සංගීතය විශ්ව භාෂාවක් බව මින් වඩ වඩාත් තහවුරු වූ යැයි ද තානාපතිවරිය සිය ට්විටර් සටහනේ සදහන් කර තිබිණි.

නව පරපුර් ගායකාවක වන යොහානි ද සිල්වා ගායනා කළ ''මැණිකේ මගේ හිතේ '' ප්‍රතිනිර්මාණ ගීතය මේ වන විට අන්තර්ජාලයේ යූ ටියුබ් මාධ්‍යය ඔස්සේ කෝටි 12 ක පමණ පිරිසක් නරඹා ඇති අතර ලොව ප්‍රසිද්ධ ගීත දර්ශකවල ජනප්‍රියම ගීත 10 අතර රැදී සිටී.

භාරත ගීත කෝකිලාවිය ලෙස විරුදාවලි ලත් ඉන්දීය ප්‍රවීණ ගායිකා ලතා මංගෙෂ්කාර් අභාවප්‍රාප්ත වී තිබේ.

අද (06) පෙරවරුවේ ඉන්දියාවේ පෞද්ගලික රෝහලක දැඩි සත්කාර ඒකකයේ ප්‍රතිකාර ලබමින් සිටිය දී ඇය එලෙස මියගිය බව විදෙස් මාධ්‍ය වාර්තා කර ඇත.

ඒ කොවිඩ් -19 වෛරසය ආසාදිත වීම නිසාය.

මිය යන විට ඇය 92 වැනි වියේ පසු වූවාය.

ඇයගේ අභාවය සම්බන්ධයෙන් උපුල් ශාන්ත සන්නස්ගල තැබූ ඉතාම කෙටි වදන් පෙළක් මේ වන විට සමාජ මාධ්‍ය තුළ බොහෝ දෙනෙකුගේ ආකර්ශනයට ලක්ව ඇති අතර එය පහත දැක්වෙයි.

මිස් ටීන් බොට්ස්වානා ඉන්ටනැෂනල් 2021” කිරුළ දිනා ගැනීමට ශ්‍රී ලාංකික යෞවනියක් වන ගිම්හානි පෙරේරා සමත්ව ඇත.

17 වැනි වියේ පසුවන මෙම රූපසුන්දරිය ඊයේ (19) දිනයේ මෙම ජයග්‍රහණය ලබා ගැනීමට සමත්ව ඇති අතර ඇය බොස්ට්වානා රාජ්‍යයේ “පිළික්වේ” දිස්ත්‍රික්කය නියෝජනය කරමින් එම තරගයට එක්ව ඇත.

පහත දැක්වෙන්නේ තරගය සහ ඉදිරි කටයුතු සම්බන්ධයෙන් ගිම්හානි පෙරේරා සිය ෆේස්බුක් ගිනුමේ තබා ඇති සටහනකි.

ජනාධිපති ලේකම් ආචාර්ය පි.බී. ජයසුන්දර  අද දිනයේදී සිය තනතුරට සමුදීමට කටයුතු කළේය.

ඒ අනුව අද පෙරවරුවේ ජනාධිපති ලේකම් කාර්යාලයේ ඉතා චාම් උත්සවයක්ද පැවැත්විණ.

මෙහිදී කාර්යාලයීය නිලධාරීන් පැමිණ ජයසුන්දරට සුබ පැතූ ආකාරයද දැකගත හැකි විය.

13වන ඉරිද ඉතාලියෙ පාස්කු ප්‍රහාරයේ මහමොළකරුවන් හෙළිකරල යුක්තිය ඉටු කරන්න කියල කරපු සාමකාමී උද්ඝෝෂණයෙන් පස්සෙ ඉතාලියෙ පොහොට්ටු ආධාරකරුවො දෙකඩ වෙලා කියලයි ආරංචිය.

උද්ඝෝෂණය වෙනුවෙන් නීත්‍යානුකූලව අවසර ගත්ත කාන්තාව මහින්දල උද්ඝෝෂණයට කලින් හිටපු හෝටලේට ගෙන්වගෙන වැඩේ දියාරු කරන්න සාකච්ඡා කරල.

අවසර ගත්ත කෙනාම යුරෝපයේ නන් දෙසින් එන්න හිටපු අයගෙ පැමිණීම වලක්වන්න ලොකු ට්‍රයි එක්ක් දීල.

අපරාදෙ ට්‍රයි එක.

කොහොම උනත් 300ක් විතර සහභාගී වෙලා සාර්ථක සාමකාමී විරෝධයක් අවසන් කලා.

එදා ඒක අලකරන්න බැස්සා කියලා පෙන්නන්න, කොහෙද තියෙන තාප්පයක් ගාව ෆොටෝස් ටිකක් අරගෙන බුකියට දාලා.

මහින්ද අගමැතිගෙන් ලකුණු දාගන්න කරාට අගමැති සත පහකට ගණන් අරගෙන නෑ.

දැන් කවුරුත් කියන්නේ විස්කි බෝතලේට බඩගෝස්තරේට නිවුස් විකුනන දඹේලා, එක්ක ඉතාලියෙ ඇඟ බැදපු "ලියා" ඇතුලු අටේ කල්ලිය මහින්ද රකින්න බොලොඤ්ඤො ගිහින් පච වෙලා ඇවිත් කියලා.

මොකද මෙයාලව සත පහකට ගණන් නොගත්තට, ඉතාලියෙ ඉන්න පොහොට්ටුවෙ කලු කෝට් කල්ලියට මහින්ද කන්න බොන්න දීල සංග්‍රහ කරල.

ඒ හින්දම දැන් අතලොස්සක් හිටපු මහින්දගෙ පොහොට්ටු පොකුර දෙකඩ වෙලාලු.

ඔක්කොටම වඩා වැඩේ කියන්නෙ කලක් ඉතාලිය්ව් නිදහස් පක්ෂෙ හිටපු සභාපති අශෝක හෙට්ටිආරච්චි වත්මන් ඉතාලි පොහොට්ටු පක්ෂෙ සභාපති අටේ කල්ලිය නොමඟ යවල හොරෙන්ම ගිහින් මහින්ද හමුවෙලා ඉතාලියෙ තියන විදෙස්ගත ශ්‍රී ලාංකිකයන්ගෙ සැබෑ කලකිරීම ගැන ගතු කියල සූර් වෙලා එද්දි, ඉතාලි ආරක්ෂක අංශ විසින් එලවපු අටේ කල්ලියට මාට්ටු වෙලා……

ඒකෙන් තමයි වැඩේ දුරදිග ගිහින් තියෙන්නෙ...කොහොම උනත් ඒ අල්ල පනල්ලෙ කලින් ඔක්සිජන් කන්නද අහපු කෙනාගේ පස්සේ ගිය, පාර වෙනස් කරලා වෙන කෙනෙකුට කඩේ යන විඩ්ජියට හිටපු , පද්මලාල් ඇතුලු කෝට් කල්ලිය මහින්ද හමුවෙන්න ඊයෙ, 14 ගිහින් කාළ බීල ජයවේවා කියල මදිවට ඒව ෆේස්බුක් එකේ ලයිව් දීල…….

ඕකට එකසීය ගානට අටේ කල්ලිය උරණ වෙලා දැන් අටේ කල්ලිය ජමන්තිර වෙලාලු ඉන්නෙ.

කෝට් කල්ලියත් සියල්ලෝම කතෝලික නිසා සාමකාමී උද්ඝෝෂණය මගහැරල එන්නෙ නැතුව ඉඳල තියෙන්නෙ , අටේ කල්ලිය මහින්ද වෙනුවෙන් කොහොම හරි සහභාගී වෙමු කියල දහ දොලොස් පාරක් ඉල්ලල තියෙද්දි කියලයි ආරංචිය

කෝට් කල්ලිය හැමදාම කලේ ලකුණු දාගන්න එක එක තමයි හරි බලා ගමු කියලා මිලානෝ වල සාන්ත අගොස්තීනෝවල දැන් හරි හරියට කතාවෙනවලු

මූල්‍ය වංචාවකට ‌චෝදනා ලබා සිටින සුකේෂ් චන්ද්‍රසේකර් සමඟ සිටින ඡායාරූපයක් සමාජ මාධ්‍යවල සංසරණය වීමත් සමඟ බොලිවුඩ් නිළි ජැකලින් ෆර්නැන්ඩස් මහත් මානසික පීඩාවකට ලක්ව සිටින බව වාර්තා වේ.

මේ හේතුවෙන් ඇය සිය ඉන්ස්ටග්‍රෑම් ගිණුමේ සටහනක තබමින් සදහන් කොට ඇත්තේ එම ජායාරූප බෙදාහැරීීමෙන් වැළකී සිටින ලෙසත් මෙම දුෂ්කර අවස්ථාවේ තමන්ගේ පෞද්ගලිකත්වය ආක්‍රමණය නොකරන ලෙසත්ය.

එම ප්‍රකාශය මෙසේය, “මේ රට සහ එහි ජනතාව මට කවදත් ඉමහත් ආදරයක් හා ගෞරවයක් ලබා දී ඇත. මෙයට මගේ මාධ්‍ය මිතුරන් ද ඇතුළත් ය, ඔවුන්ගෙන් මම බොහෝ දේ ඉගෙන ගෙන ඇත. මම මේ වන විට රළු පැල්ලමක් හරහා යමින් සිටින නමුත් මගේ මිතුරන් බව මට විශ්වාසයි. රසිකයන් මාව ඒ හරහා දකිනු ඇත.”

“මගේ පෞද්ගලිකත්වයට සහ පුද්ගලික අවකාශයට බාධා කරන ආකාරයේ ඡායාරූප ප්‍රචාරය නොකරන ලෙස මම මගේ මාධ්‍ය මිතුරන්ගෙන් ඉල්ලා සිටින්නේ මෙම විශ්වාසය සමඟයි. ඔබ ඔබේම ආදරණීයයන්ට මෙය නොකරනු ඇත, ඔබ මට මෙය නොකරන බව සහතිකයි. යුක්තිය සහ යහපත් හැඟීම පවතිනු ඇතැයි බලාපොරොත්තු වෙමි. ස්තූතියි,” යනුවෙන් ඇය සදහන් කොට ඇත.

චන්ද්‍රශේකර්ගේ කෝටි 200ක මුදල් විශුද්ධිකරණයේ නඩුවට ජැකලින්ද මේ වනවිට සම්බන්ධ වී සිටින අතර ඉන්දීය ආරක්ෂක අංශ ඇගෙන් තුන්වතාවක් ප්‍රකාශ සටහන් කරගෙන තිබිණ.

-mawrata

ජනප්‍රිය ගායන ශිල්පිනී උමාරියා සිංහවංශට සහ ඇයගේ සැමියාට කොවිඩ් ආසාදනය වී ඇති බව වාර්තා වෙයි.

ඔවුන් මේ වන විට කොළඹ පෞද්ගලික රෝහලක ප්‍රතිකාර ලබන බව වාර්තා වේ.

එසේම ජනප්‍රිය සංගීත ශිල්පී සංතුෂ් වීරමන්ටත් කොරෝනා වෛරසය ආසාදනය වී ඇති බවත් ඔහුද මේ වන විට පෞද්ගලික රෝහලක විසින් පාලනය කරනු ලබන කොරෝනා ප්‍රතිකාර මධ්‍යස්ථානයකට යොමු වී සිටින බවත් වාර්තා වෙයි.

මීට පෙර B & S සංගීත කණ්ඩායමේ භාතිය ජයකොඩිටද කොරෝනා වෛරසය ආසාදන වී තිබිණි.

ජනප්‍රිය ප්‍රවෘත්ති නිවේදිකාවක වන තිළිණි පෙරේරා ජනාධිපති මාධ්‍ය අධ්‍යක්ෂ සුදේව හෙට්ටිආරච්චි අමතා ප්‍රසිද්ධ ලිපියක් සිය ෆේස්බුක් ගිනුමේ පළකර ඇත.

එය පහත දැක්වෙයි.

ඉතින් ආයුබෝවන් ස්වර්නවාහිනී - ස්වර්නවාහිනියෙන් නිල වශයෙන් සමුගනිමි.

සුදේව හෙට්ටිආරච්චි වෙත ලියමි,

මීට අවුරුද්දයි මාස 3කට පෙර එනම් 2020.09.22 දින මාගේ සහ ස්වර්නවාහිනි හිටපු නිවේදක නදීක කරුණානායකගේ සියලු වැඩසටහන් නිවේදන කටයුතු නවත්වා කිසිදු හේතුවක් නොදන්වා පරීක්ශණයක් පවත්වන බව පැවසූ දිනයේ, ප්‍රධාන විධායක නිලදාරියා වූයේ ඔබ බැවින්ද , මේ වන විට ජනාධිපති මාධ්‍ය අධ්‍යක්ශ ජනරාල්වරයා වුවද ස්වර්නවාහිනියේ කටයුතු මෙහෙයවන්නේ ඔබ බවට ආයතනයේ කා අතරත් ප්‍රසිද්ධ රහසක් බැවින්ද මෙම ලිපිය ලැබීමේ එකම සුදුස්සා ඔබ යැයි සිතමි. එදා සිට අද දක්වා තිරයේ නොපෙනුණත් අද දක්වා ස්වර්නවාහිනියේ සේවිකාවක් වූ බැවින් බොහෝ දෙනෙක් විමසූ ප්‍රශ්න වලට සත්‍ය කිව නොහැකිව නිශ්ශබ්දව සිටින්නට සිදු විය.

ඔබත් රංගන ද සිල්වාත් ස්වර්නවාහිනියට පැමිණෙද්දී එක් කරුණක් පිලිබඳව මා ඇතුලු අනෙක් සේවකයින් සතුටු විය. ඒ විජාතික සමාගමක් වන ලයිකා මොබයිල් සමාගම විසින් මිලට ගත් ස්වර්නවාහිනියේ ප්‍රධාන තනතුරකට මෙරට මාධ්‍ය ක්ශේත්‍රයේ කොතැනක හෝ සිටි අය පැමිණීම ගැන සතුටක් වූ බැවිනි. ඔබ පැමිණීමෙන් පසු මුල් වරට අප හමුවී ස්වර්නවාහිනියේ මෙතෙක් කලක් සිටි නිවේදකයින් සම්පතක් බවත් ගමන ඇත්තේ ඒඅයත් සමග බවත් කියද්දී එම සතුට වැඩිවිය. ඔබේ අතීතය ගැන දන්නා සමහරු නම් ඒවා වචන පමණක් විය හැකි බව කීවත් ඒ තරම්ම මවා පෙන්විය හැකි යැයි නොසිතුවෙමි. කෙසේ වෙතත් ඒ සමහරු කී දේ පසක් කරමින් මුලින් කී කතා බොරු රංගන බව තේරුම් ගන්නට හැකි වූයේ අප රාජකාරි වලින් ඉවත් කිරීමෙන් පසුවයි. එවකට ස්වර්නවාහිනියේ සිටි මාධ්‍ය ක්ශේත්‍රයේ ප්‍රවීන , ජනප්‍රිය නිවේදකයින්ටද දවසින් දවස පල නොකියා පලා බෙදද්දී මට කවර කතා දැයි අමුතුවෙන් කිවයුතු නැත. මා මුලින් සඳහන් කල නදීක කරුණානායක හා මා සියලු වැඩසටහන් වලින් ඉවත් කර ලිපියක් ලබා දුන් දිනයේ ඒ ගැන විමසීමට යද්දී ඔබ පිළිතුරු නොදී පලාගිය අයුරු අදටද සිහිවේ. රූපවාහිනී තිරය ඉදිරියේ රටේ නම ගිය චරිත ප්‍රශ්න කල ඔබේ ප්‍රතිරූපය මා වැනි වයසින් බාල , තනතුරින් පහල නිවේදිකාවක් ඉදිරියේ හෑල්ලු වූයේ ඇයි දැයි මම නොදනිමි. මා නීතිඥවරියක ලෙස දිවුරුම් දී සේවයට පැමිනි මුල්ම දිනයේ එය සිදුවීමත් , ඔබ හැර ආයතනයේ සියලු දෙනා මට සුබ පැතූ බවත් කිසිදා අමතක නොවේ. එදින ඔබට මා ඉදිරියේ පිළිතුරක් නැති වූයේ මේ සමස්ත සිදුවීම ඔබගේ පමණක් සැලසුමක් නොවූ නිසා විය හැක.

විදේශයක සිට එන බලවේගයක් විසින් ඔබව මෙහෙයවූවා විය හැකි බැවින් ඔබ කෙරෙහි කිසිදු වෛරයක් මට නැත. බහුතරයක් දෙනා මුලින්ම සිතන්නේ තමන් ගැනය. සිතා ගත නොහැකි තරමේ වැටුපක් ආරාක්ශා කර ගැනීමට සහෝදර සේවකයින් නෙරපා හැරීමටත් වඩා දේ ඉදිරියේදී ඔබට කරන්නට සිදු වුවහොත් ඊටද පුදුම විය යුතු නැත. 2022 වසර ආරම්භයත් සමග ස්වර්නවාහිනියත් සමග තිබූ ව්‍යාකූල වූද , පීඩාකාරී වූද බැඳීම ලෙහා දමන්නට සැලසීම මට නම් මහත් සහනයකි. මාස 15ක් තිස්සේ ද්වේශ සහගත ලෙස අවහිර කර තිබූ නිවේදන ගමන හෙට සිට මට නිදහසේ යළි ඇරඹිය හැකි වනු ඇත. අවසාන වශයෙන්, රූපවාහිනී තිරය ඉදිරියේ තමන් සර්ව සාධාරණ බව හඟවමින් මවා ගන්නා ව්‍යාජ ප්‍රතිරූප වලට ඇත්තේ තාවකාලික පැවැත්මකි. එකී ව්‍යාජ ප්‍රතිරූප ගැන රටේ සමස්තයක් දෙනා නොදන්නවා වුවද ස්වර්නවාහිනි මාධ්‍ය ආයතනයේ සේවකයින් නම් හොඳින් දනී. රටේ ප්‍රධාන ප්‍රශ්න වලට පිළිතුරු සෙවීම සඳහා රඟපෑමට පෙර ස්වර්නවාහිනි නාලිකාවේ සේවකයින් කී දෙනෙකු නව කළමණාකාරීත්වයේ අසාධාරණ තීරණ හේතුවෙන් සාධාරණත්වය පතා අධිකරණය ඉදිරියට ගොස් ඇත්දැයි පරීක්ශා කර බලන මෙන් ඉල්ලමි. ඒ සංඛ්‍යාවට හෙටින් පසු තවත් 1ක් එකතු කරගන්න. තමන් යටතේ සිටින සේවකයින්ට සාධාරණයක් කල නොහැකිව ලයිකා මොබයිල් සමාගමේ මුදල් වලට කීකරු වන ඔබ අසරණයැයි සිතා ඔබට අනුකම්පා කරමි.

තිළිණි පෙරේරා

තිළිණි පෙරේරා ගේ ෆේස්බුක් ගිනුමෙනි

ප්‍රවීන වේදිකා, ටෙලිනාට්‍ය හා චිත්‍රපට නළුවකු වන රවීන්ද්‍ර යසස්ට ද කොවිඩ් ආසාදනය වී ඇති බවට ඔහුගේෙ ‍ ෆේස් බුක් ගිණුමෙහිද සටහන් කර ඇත.

රවීන්ද්‍ර යසස්  බස්නාහිර පළාත් සභාවේ හිටපු මන්ත්‍රීවරයෙක් ද වේ.

ගංජා ග‍්‍රෑම් 07 ක ප‍්‍රමාණයක් ළග තබා ගැනීමටත්, සිය ගෙවත්තේ ගංජා පැල හතරක් වගා කර ගැනීමටත් මෝල්ටා රාජ්‍ය එරට පුරවැසියන්ට අවසර ලබා දී තිබෙන බව වාර්තා වේ.

මීට අදාලව පසුගිය සතියේ ඉදිරිපත් කරන ලද පනතට පාර්ලිමේන්තුවේ බහුතර අනුමැතිය ලැබී තිබේ.

කෙසේ වෙතත් ප‍්‍රසිද්ධියේ ගංජා පානය කිරීමට අවසර නොලැබෙන අතර, දරුවන් ඉදිරියේ ගංජා පානය කිරීම දඩයකටත් යටත් වේ.

නව නිර්මාණයක් ලෙසින් ශ්‍රී ලංකාවේ නිෂ්පාදිත ජෛව වෛද්‍ය (BIOMEDICAL) නිපැයුමක් සදහා අමෙරිකා එක්සත් ජනපදයෙන් පේටන්ට් බලපත්‍රය ලබා ගැනීමට අවස්ථාව හිමිව තිබේ.

වසර 06කට අධික දිගුකාලීන විද්‍යාත්මක පර්යේෂණයක ප්‍රතිඵලයක් ලෙසින් නිර්මාණය කර ඇති JENDO නැමැති මෙම තාක්‍ෂණික නිපැයුමෙන් හදවත සහ රුධිර සංසරණ පද්ධතිය ආශ්‍රිත රෝග පෙර තියා හඳුනාගැනීමේ හැකියාව පවතින බව මීට ආදාළ පර්යේෂණ සිදු කළ කණ්ඩායමේ ප්‍රධානී කීර්ති කොඩිතුවක්කු පැවසීය.

කොළඹ වෛද්‍ය විද්‍යාලය, මොරටුව විශ්වවිද්‍යාල ඉංජිනේරු පීඨය සහ Jendo Innovations ආයතනය මෙම නිපැයුම සම්බන්ධයෙන් පර්යේෂණ සිදු ක තිබේ. ඒ සදහා ශ්‍රී ලංකාවේ වෛද්‍යවරු හා ඉංජිනේරුවරු කණ්ඩායමකගේ දායකත්වය ලබා දී ඇත.

මෙම තාක්ෂණික නිපැයුම ඔස්සේ රුධිර සංසරණ පද්ධතියේ තත්ත්වය පරික්‍ෂාවට ලක් කිරීම තුළින් හදවත් රෝග පමණක් නොව වකුගඩු සහ ලිංගික පද්ධතියේ රෝගද හඳුනාගැනීම අවස්ථාව පවතී.

ශ්‍රී ලංකාවේ පැවැති වෛද්‍ය සමුළුවලදී මේ සම්බන්ධයෙන් හැදින්වීම් කර ඇති අතර ජාතික විද්‍යා පදනමේ උපදෙස් මත අදාළ තාක්ෂණික නිපැයුම වැඩිදියුණු කර ගැනීමට අවස්ථාව උදා වූ බවත් රජයේ සහයෝගය ඒ සදහා ලැබුනු බවත් කීර්ති කොඩිතුවක්කු මහතා සදහන් කළේය. ඒ ඔස්සේ මේ සම්බන්ධ පර්යේෂණ තවත් දියුණු කර ගැනීමට ද හැකියාව ලැබී තිබේ.

මෙරට වෛද්‍ය හා ඉංජිනේරු අංශවල දැවැන්ත පිම්මක් ලෙස මෙම ජෛව වෛද්‍ය (BIOMEDICAL) නිපැයුම හැදින්විය හැකි බවත් මීළඟ අදියර ලෙස මෙය තවත් ප්‍රචලිත කිරීම සදහා අන්තර්ජාතික වෛද්‍ය සමුළුවෙත ඉදිරිපත් කිරීමට බලාපොරොත්තුවන බව කීර්ති කොඩිතුවක්කු වැඩිදුරටත් පැවසීය.