පසුගියදා තුර්කියේ සහ සිරියාවේ ඇති වූ විනාශකාරී භූමිකම්පාවලින් දිවි ගලවා ගත් සුන්බුන් යට සිර වී සිටින පුද්ගලයින් සෙවීමේ මෙහෙයුම් ගලවා ගැනීමේ කණ්ඩායම් විසින් අඛණ්ඩව සිදු කරගෙන යනු ලබන අතර මියගිය සංඛ්‍යාව මේ වන විට 24,000ට ආසන්න වී තිබේ.
දෙරටේ ම මිය ගිය සංඛ්‍යාව 27,300 ඉක්මවා ගොස් ඇති බව විදෙස් මාධ්‍ය වාර්තා කරයි.
මේ අතර, සිරියානු රජය ජාත්‍යන්තර ආධාර සඳහා කැරලිකරුවන් විසින් පාලනයට කරනු ලබන ප්‍රදේශය වෙත යාමට අවසර දුන් බව රාජ්‍ය මාධ්‍ය වාර්තා කර තිබේ.
එක්සත් ජාතීන්ගේ මනහිමිකම් අයිතිවාසිකම් ප්‍රධානියා “අවශ්‍යතා ඇති සියල්ලන්ට” ආධාර සැපයීමට පහසුකම් සැලසීම සඳහා වහා ම සටන් විරාමයක් ක්‍රියාත්මක කරන ලෙස සිරියාවෙන් ඉල්ලීමක් ද කර ඇත.
මේ අතර, භූමිකම්පා සම්බන්ධයෙන් තුර්කි රජයේ ප්‍රතිචාරය තමා බලාපොරොත්තු වූ තරම් වේගවත් නොවූ බව ජනාධිපති රෙසේප් ටයිප් එර්ඩොගාන් පිළිගෙන තිබේ.
විශේෂඥයන්ගේ අනතුරු ඇඟවීම් නොතකා ආපදාව සඳහා නිසි ලෙස සූදානම් නොවීම සම්බන්ධයෙන් රජය විවේචනයට ලක් විය.
සඳුදා ඇති වූ විනාශකාරී භූමිකම්පාවෙන් පසු තුර්කියේ මියගිය සංඛ්‍යාව 20,213 දක්වා ඉහළ ගොස් ඇති බව එරට සෞඛ්‍ය අමාත්‍යවරයා පැවසූ අතර සිරියාවේ අවම වශයෙන් පුද්ගලයින් 3,553ක් මියගොස් තිබේ.