සුප්‍රකට පරිගණක වෛරස් ආරක්ෂණ පද්ධතියක් වූ මැකාෆි McAfee වෛරස් ආරක්ෂණ පද්ධතියේ නිර්මාතෘ ජෝන් ඩේවිඩ් මැකාෆි ඔහුව සිරගත කොට තිබූ ස්පාඥ්ඥයේ බ්‍රයන්ස් සිරකඳවුරෙහි සිර කුටිය තුළ ඊයේ(23) සිය දිවි නසාගනිමින් මරණයට පත්ව ඇත.
මියයන විට මැකෆී මහතා පසු වූයේ 75 වැනි වියේ යි.
විකේතනය කල ක්‍රිප්ටෝ මුදල් වර්ගයක් ප්‍රවර්ධනය කිරීමත්, වසර 04ක් බදුමුදල් නොගෙවා සිටීමත් සහ තවත් චෝදනා කිහිපයක් මත කට්ටි පනිමින් සිටි මැකාෆි 2020 වසරේ ඔක්තෝබර් මාසයේදී ස්පාඥ්ඥයේදී අත්අඩංගුවට පත්විය.
ඉන් නඩු වාර කිහිපයකින් පසු ඔහුව බාසිලෝනාවේ බ්‍රයන්ස් සිරකඳවුරෙහි වසර දහයකය අධික කලක් සඳහා සිරගත කරන ලදි.
1980 වසරේදී ඔහු විසින් සුප්‍රකට මැකාෆි ආරක්ෂණ පද්ධතිය සහ මැකාෆි පරිගණක හා මෘදුකාංග ආයතනය බිහිකල අතර පසුකාලයේදී ඔහු එම සියලුම වත්කම් ඇමරිකානු ඩොලර් බිලියන 7.6කට ඇමරිකාවේ ඉන්ටෙල් සමාගමට විකුණා දමන ලදි.
ආදායම් බදු නොගෙවූ බවට එල්ලවී ඇති චෝදනා සම්බන්ධයෙන් ඔහුව අමෙරිකාවට පිටුවහල් කිරීමට එරට අධිකරණයක් තීන්දු කර අතර, ඔහුගේ සිරුර හමුවී ඇත්තේ එම තීන්දුව ලබාදී පැය කිහිපයකට පසුව බවද වාර්තා වේ.