පුවත්

අද ආණ්ඩුවේ කාබනික වගා සංකල්පය පිස්සන් කොටුවට බෝම්බ දැම්මා වගේ එකම විකාරයක් බවට පත්වෙලා. කවුරුවත් ග්ලයිෆොසෙට් තහනම ඉවත් කරන්න කිව්වේ නෑ. හැබැයි ගොවියෝ කෘමිනාශක, දිලීර නාශක, වල් නාශක ඉල්ලනවා. ඒ එකක්වත් ගෙනල්ලා ගොවියා, ගොවිතැන ගොඩගන්න කටයුතු කරන්නේ නෑ. හැබැයි උදේ - දවල් - හවස අමාත්‍යාංශයේ එක එක්නෙකා බොරු කිය කිය මාධ්‍ය සංදර්ශනයක් තියෙනවා යැයි හිටපු ආණ්ඩුකාර කීර්ති තෙන්නකෝන් පවසයි.

කෘෂිකර්ම අමාත්‍යාංශයට ඕනි මොනවා හරි බොරුවක් කියලා ගොවියෝ ටික කුඹුරට හේනට දක්කන්න පුළුවන් ද බලනවා. අද ගොවියාට ජනාධිපති, කෘෂිකර්ම ඇමතිලා, ලේකම්ලා, අධ්‍යක්ෂකලා කියන කිසිම දෙයක් විශ්වාස නෑ. දිලීර නාශක, කෘමි නාශක ඉල්ලුවාම ග්ලියෆොසෙට් වලට ගැසට් ගහන ආණ්ඩුවක් මේක. ඔය ගැසට් එක කෙටුම්පත් කළේ 2019. ඔය කෘෂිරසායන අවශ්‍ය මහා පරිමාන තේ, පොල්, රබර් වගාවන්ට. ඒ වගා රැකගන්න ඕනි. ඊට ඉස්සර වෙල එළවලු ටික, වී වගාව, තේ වගාව, සුළු අපනයන, එදානෙදා කණ බොන වගාවට තියෙන ප්‍රශ්න විසඳගෙන ඉන්න ඕනි. මේක තරනිකරම ඇස් බැන්දුමක්. කෘෂිකර්ම අමාත්‍යාංශය එකගෙය ගෙයි කන ගමන් මාධ්‍ය ඉදිරියේ බොරුවට ගහ බැන ගන්නවා. මහින්දානන්ද බලයට ආවේ ටොප් ටෙන් පෙන්නලා. හැබැයි අල්ලපු ටොප් ටෙන් කෙනෙක් නෑ. දැන් මහින්දානන්ද ටොපේ ටොප්. එයා තමයි ජනාධිපති ලඟට හොඳටම කරන්නේ.

ලංකාවේ වගාවට කෘෂි රසායන 156 ක් ලියාපදිංචි කරලා තියෙනවා. ඒ එකක්වත් නැතිව, තහනම් කරපු ඒවා ගේන්න හදිස්සි වෙලා තියෙනවා. මහින්දානන්ද - ශෂින්ද්‍ර දෙන්නට ගොවියා ගැන කිසිම හැඟීමක් නෑ. මොකක්හරි ජාවාරමක් දැක්කොත්

අපි දැක්කා, හිටපු ගමන් ආණ්ඩුව පාසල්, විශ්වවිද්‍යාල වහලා තියොගෙන සුරාසැල් ඇරියා. හැබැයි ඇරපු කෙනෙක් නෑ. දැන් ගැසට් ගහනවා. ගැසට් එක ගැහුවට පස්සේ ගහපු මිනිහා අයින් කළා කියනවා. ඇමතිට ඕනි විදිහට බෑ පිලිබෝධ නාශක රෙජිස්ට්‍රාර්ව අයින් කරන්න. ලියුම අස්සන් කරන නිලධාරියාට සිද්ධවෙනවා උත්තර දෙන්න.

අද කෘෂිකර්ම අමාත්‍යාංශයේ ලේකම්ට බනිනවා. කෘෂිකර්ම අධ්‍යක්ෂ ජෙනරාල්ට බනිනවා. සභාපතිලා එලවනවා. මේවා නාට්ටි. චීන අශුචි නැවට සල්ලි ගෙවන්න අනුමැතිය ගත්තා. නැනෝ යුරියා මඟඩිය තව නැගලා යනවා. අද කෘෂිකර්ම අමාත්‍යාංශය ටොපේ ටොප්.

රජිත් කිර්ති තෙන්නකෝන්

දකුණ හා මධ්‍යම පළාත් හිටපු ආණ්ඩුකාර

ජාත්‍යන්තර නීති, ජාතික හා ජාත්‍යන්තර මාධ්‍ය ආයතනවල ක්‍රියාකාරිත්වය මෙන්ම සමාජ හා සංස්කෘතික අනන්‍යතා පිළිබඳව විශේෂ අවධානයක් යොමු කරමින් නව මාධ්‍ය ප්‍රතිපත්තියක් සකස් කිරීමට කැබිනට් අනුමැතිය හිමිව තිබේ.

ගෝලීය ප්‍රවණතා සැලකිල්ලට ගනිමින් ඩිජිටල් තාක්‍ෂණය සඳහා අවශ්‍ය පහසුකම් සැපයීම සමඟ වෘත්තීය කුසලතා, සමාජ මාධ්‍ය ඇතුළු මාධ්‍ය භාවිතය සහ හැසිරීම පිළිබඳ අධ්‍යාපනය, සන්නිවේදන උපාය මාර්ග පිළිබඳ අවබෝධය ඇති මාධ්‍යවේදීන් නිර්මාණය කිරීමට අවශ්‍ය පසුබිම නිර්මාණය කිරීම සහ ජනමාධ්‍ය සහ සන්නිවේදන ක්ෂේත්‍රවල වර්ධනයන් ඒ මගින් අපේක්ෂා කෙරේ.

මේ සඳහා මාධ්‍යවේදීන් සහ ජනමාධ්‍ය ආයතන සම්බන්ධයෙන් පවතින නීති, ප්‍රතිපත්ති සහ ආචාර ධර්ම සංශෝධනය කිරීමට ආණ්ඩුව සැලසුම් කොට ඇති බව වාර්තා වේ.

ඒ අනුව නිර්දේශ සභාගත කිරීම සඳහා මාධ්‍ය, අලෙවිකරණය, අධ්‍යාපනය, නීතිය, පරිපාලනය සහ ආර්ථිකය වැනි ක්ෂේත්‍රවල පළපුරුද්ද ඇති පුද්ගලයින් නියෝජනය කරමින් කමිටුවක් පත් කිරීමට ජනමාධ්‍ය අමාත්‍යවරයා ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමි විය.

-mawrata

ඇතැම් පාර්ලිමේන්තු මන්ත්‍රීවරුන් පාර්ලිමේන්තුවේදී සිදුකරන අසභ්‍ය සහ අශ්ලීල ප්‍රකාශ වලක්වා එවැනි තත්ත්වයන් වැලැක්වීමට වැඩපිළිවෙළක් සකස් කරන ලෙස කතානායක මහින්ද යාපා අබේවර්ධනට පැමිණිල්ලක් සිදුකර ඇත.

මේ ලිඛිත පැමිණිල්ල සිදුකර ඇත්තේ පාරිභෝගික අයිතීන් සුරැකීමේ ජාතික ව්‍යාපාරය වෙනුවෙන් එහි සභාපති රංජිත් විතානගේ විසිනි .

කුඩා ළමයින් එම ප්‍රකාශ පිළිබදව අපගෙන් විමසීමේදී දෙමාපියන් වශයෙන් අප පත්වන අසීරුතාවය පිළිබදව ගරු පාර්ලිමේන්තුව දැනුවත් කරන ලෙසත් ඔහු එහිදී අවධාරණය කර ඇත.

පාරිභෝගික අයිතීන් සුරැකීමේ ජාතික ව්‍යාපාරය විසින් කතානායකට යොමුකළ ලිපිය පහත දැක්වෙයි.

ගරු කතානායකතුමා

ශ්‍රී ලංකා පාර්ලිමේන්තුව

ශ්‍රී ජයවර්ධනපුර

කෝට්ටේ

ගරු කතානායකතුමණි,

පාර්ලිමේන්තු මන්ත්‍රීවරුන්ගේ හැසිරීම සම්බන්ධව.

මේ රටේ ව්‍යස්ථා සෑදිම සදහා පිහිටුවා තිබෙන පාර්ලිමේන්තුව රැස්වීම සදහා දිනකට ලක්ෂ ගණනක් වියදම් වන බව අප කවුරුත් දන්න කාරණයකි. එසේ වියදම් කරනු ලබන්නේ මේ රටේ ජනතාවගේ මුදල් බව ඔබතුමා ඇතුලු පාර්ලිමේන්තු මන්ත්‍රීවරුන්ට නැවතත් අවධාරණය කරමු.

එසේ තිබියදී සමහර පාර්ලිමේන්තු මන්ත්‍රීවරුන් විසින් පාර්ලිමේන්තුව තුළ අසභ්‍ය හා අශ්ශිල ප්‍රකාශ සිදුකිරීම අප සංවිධානය දැඩිවහෙළාදකිමු. එම ප්‍රකාශ මගන් ජනතාව වන අප දැඩි අපහසුතාවයට පත්වන බව ඔබතුමාට ඉතා කණගාටුවෙන් දැනුම්දෙන අතර අපගේ කුඩා ළමයින් එම ප්‍රකාශ පිළිබදව අපගෙන් විමසීමේදී දෙමාපියන් වශයෙන් අප පත්වන අසීරුතාවය පිළිබදව ගරු පාර්ලිමේන්තුව දැනුවත් කරන ලෙස ඔබතුමාගෙන් ගෞරවයෙන් ඉල්ලා සිටිමු.

කුඩාකල විවිධ අතවරයන්වලට ලක්ව ඇති බොහෝ පුද්ගලයින් එවැනි අසභ්‍ය හා අශ්ශිල ප්‍රකාශ නිකුත් කිරීමට පෙළ‌ෙඔන බව අපගේ විශ්වාසය වන බැවින් හා එම මන්ත්‍රීවරුන් යහපත්මගට ගෙන ඒම සදහා කිසියම් වැඩපිළිවලක් ක්‍රියාත්මක කරන ලෙසත් අප ඔබතුමාගෙන් ඉල්ලා සිටිමු.

රසායනික පොහොර, වල් - පළිබෝධ නාශක , දිලීර ඇතුළු රසායන ද්‍රව්‍ය ආනයනයයට පනවා තිබූ තහනම ඉවත් කිරීමට රජය තීරණය කර තිබේ.

ඒ අනුව මෙකී ද්‍රව්‍ය තහනම් කරමින් පනවා තිබූ ගැසට් නිවේදනයක් අද (24) රාත්‍රියේ සිට අවලංගු කරන බව කෘෂිකර්ම ඇමති මහින්දානන්ද අලුත්ගමගේ පැවසීය.

අමාත්‍යවරයා මේ බව සඳහන් කර සිටියේ රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකදීය.

ඒ අනුව අද දිනයේ සිට එම රසායනික ද‍්‍රව්‍ය පෞද්ගලික අංශයට ආනයනය කළ හැකි බවද අමාත්‍යවරයා පවසයි.

කෙසේ වෙතත් රජයේ හරිත කෘෂි කර්මාන්ත වැඩපිළිවෙළ යටතේ පොහොර සහනාධාර ලබාදීම සහතික වී මිල ඇතුළු වැඩ කටයුතු දිගටම ක්‍රියාත්මක වන බවද ඔහු පැවසීය.

මේ අතර ජනාධිපති ගෝටාභය රාජපක්‍ෂ ජනාධිපති කාර්යාලයේ පසුගියදා පැවති හමුවකදී පැවසුවේ රසායන පොහොර සදහා රජයේ පොහොර සහනාධාර ලබා නොදෙන බවයි.

කෙසේ වුවත් 2019 ජනාධිපතිවරණය අවස්ථාවේ ගෝඨාභය රාජපක්ෂ එහි අපේක්ෂකයකු ලෙස සමස්ත ගොවි ප්‍රජාව හමුවේ ප්‍රතිඥා දුන්නේ පොහොර නොමිලේ ලබාදෙන බවය.

ඔහුගේ එවර සෞභාග්‍යය දැක්ම ප්‍රතිපත්ති ප්‍රකාශනයේ සඳහන් වූයේ වසර 10ක් තුළ කාබනික වගාව සඳහා රට යොමුකරන බවය.

ශ්‍රී ලංකාවෙන් අල්ලස් හෝ දූෂණය තුරන් කිරීම සඳහා දැනටක්‍රියාත්මක පනත් කිහිපයක් ඒකාබද්ද කොට අලුතින් නීති සැකසීම සඳහා ජනාධිපති විසින් කැබිනට් පත්‍රිකාවක් ඉදිරිපත් කර තිබේ.

එය නම් කර තිබෙන්නේ “ශ්‍රී ලංකාවෙන් අල්ලස් හෝ දූෂණ තුරන් කිරීම සඳහා සංගෘහිත පනතක් නීතිගති කිරීම අල්ලස් හෝ දූෂණ චෝදනා විමර්ශන කොමිෂන් සභාව” යනුවෙනි. එයට පසුගිය 11 වෙනි දින ජනාධිපති අත්සන් තබා ඇත.

එම කැබිනට් පත්‍රිකාවෙන් අල්ලස් පනත, වත්කම් හා බැරකම් ප්‍රකාශ කිරීමේ නීතිය, සහ අල්ලස් දූෂණ චෝදනා විමර්ශන සභා පනත යන පනත් ඒකාබද්ධ කිරීමට අනුමැතිය ඉල්ලා ඇත. එසේ ඒකාබද්ධ කොට දූෂණ විරෝධී පනතක් කෙටුම්පතක් සකස් කිරීමට නියමිතය.

වර්තමාන ජනාධිපති යටතේ වත්මන් ආණ්ඩුවට සීනි බදු වංචාව, පොල්තෙල් බදු වංචාව, සිගරැට් වංචාව, ඇන්ටිජන් පරීක්ෂණ කට්ටල වංචාව, කාබනික පොහොර – නැනෝ යූරියා සම්බන්ධයෙන් මෙන්ම කොවිඩ් එන්නත් සම්බන්ධයෙන් මහා පරිමාන වංචා හා දූෂණ චෝදනා එල්ල වී තිබෙන පසුබිමක මෙම නව නීති සම්පාදනය කිරීමට යෝජනා කර ඇත.

සමගි ජනබල වේගයෙන් පාරිලිමෙන්තුවට තේරී පත්වී විපක්ෂයේ අසුන්ගත් කොංග්‍රසයේ පාර්ලිමේන්තු මන්ත්‍රී එම්.එස්. තව්ෆික්ගේ නිවෙසට ගම්වාසීන් විසින් ප්‍රහාරයක් එල්ලකොට ඇත.

කින්නියා ප්‍රදේශයේදී පාරුවක් පෙරළී සිසුන් 06 දෙනෙකු මිය යාමෙන් පසු කෝපවූ ප‍්‍රදේශවාසීන් විසින් මෙම ප‍්‍රහාරය එල්ල කර ඇත.

මෙම මන්ත්‍රීවරයාගේ නිවස පිහිටා ඇත්තේ කින්නියා ප්‍රදේශයේය.

කින්නියා ප්‍රදේශයේ අද ඇති වූ නොසන්සුන්කාරී තත්ත්වය පොලිසිය විසින් පාලනය කර තිබේ.

කෙසේවෙතත් මුස්ලිම් කොංග්‍රසයෙන් ඡන්දය ඉල්ලා පාර්ලිමේන්තුවට තේරී පත්වී ආණ්ඩුව සමඟ ඡන්දය පාවිච්චි කළ මන්ත්‍රීවරුන්ට තම ගම්වලට නොපැමිණෙන ලෙස ඡන්දය දුන් ජනතාව දැනුම් දී තිබිණ.

2019 ඔක්තෝබර් 25

ශ්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ ප්‍රතිපත්ති ප්‍රකාශය එළිදකී.

මෙරට කෘෂිකර්මාන්තය වසර 10 කින් මුළුමනින්ම කාබනික පොහොර භාවිතයට යොමු කළ යුතු බව “සෞභාග්‍යයේ දැක්ම” ප්‍රතිපත්ති ප්‍රකාශයෙන් සඳහන් ය.

2021-අප්‍රේල් 28

රසායනික පොහොර, කෘමිනාශක හා වල් නාශක මෙරටට ගෙන්වීම හා භාවිතය තහනම් කිරීමට අදාළ යෝජනාවක් කැබිනට් මණ්ඩලයට.

යෝජනාව ඉදිරිපත් කළේ, ජනාධිපතිවරයා විසිනි.

”2021-2022 මහ කන්නය මුළුමනින්ම රසායනික පොහොර හා කෘමිනාශක භාවිතයෙන් තොරව වගා කිරීමටත් පියවර ගත යුතු බවත් ගරු ජනාධිපතිතුමා කැබිනට් මණ්ඩලයට යෝජනා කරලා තියෙනවා”

– කැබිනට් ප්‍රකාශක අමාත්‍ය කෙහෙළිය රඹුක්වැල්ල‍-

යෝජනාව සම්බන්ධයෙන් අධ්‍යයනය කිරීමට කමිටු 2 ක්.

එක් කමිටුවක් වයඹ විශ්වවිද්‍යාලයේ උපකුලපති වත්මන් කෘෂිකර්ම අමාත්‍යංශ ලේකම් ජ්‍යේෂ්ඨ මහාචාර්ය උදිත් කේ ජයසිංහ මහතාගේ ප්‍රධානත්වයෙන්.

අනෙක් කමිටුව පත්කර ඇත්තේ එවකට කෘෂිකර්ම අමාත්‍යංශ ලේකම් රෝහණ පුෂ්පකුමාර මහතාගේ ප්‍රධානත්වයෙන්.

රසායනික පොහොර තහනමෙක් කෘෂිකර්මාන්තයට බරපතල බලපෑමක් සිදුවන බවට රජයේ ලියාපදිංචි කෘෂි ව්‍යවසායක ජාතික එකමුතුව මෙන්ම ගොවීන්ද පෙන්වා දෙයි…

ගොවීන් විරෝධයේ

2021_අප්‍ර්ල්_29

ගත් පියවර ආපස්සට නොගෙන රසායනික පොහොර භාවිතය මුළුමනින්ම ඉවත් කළ ලෝකයේ පළමු රට බවට ශ්‍රී ලංකාව පත් කිරීමේ අභියෝගය භාර ගන්නා බව ජනාධිපති ගෝඨාභය රාජපක්ෂ මහතා අවධාරණය කරයි.

2021 මැයි 09

තෝරාගත් කෘෂි රසායනික ද්‍රව්‍ය කිහිපයක් පමණක් ශ්‍රී ලංකාවට ආනයනය කිරීමට අවසර ලබා දෙමින් ගැසට් පත්‍රයක්.

2021 මැයි 11

රසායනික පොහොර, කෘමි නාශක හා වල් නාශක වෙනුවට කාබනික පොහොර භාවිත කරමින් ස්වභාවික ගොවිතැනට පරිවර්තනයවීම සදහා මාර්ග සිතියමක් සහ කඩිනම් වැඩ පිළිවෙලක් සකස් කිරීමට ජනාධිපති කාර්යය සාධක බලකායක් බැසිල් රාජපක්ෂ මහතාගේ සභාපතිත්වයෙන් පත්කෙරේ.

සංචරණ සීමා මැද දිවයිනේ ප්‍රදේශ රැක ගොවීන් පොහොර ගැටලුව විසන්නැයි ඉල්ලා විරෝධයේ…

2021 අගෝස්තු 03

රසායනික පොහොර ගෙන්වීම තහනම් කිරීමේ තීරණයේ කිසිදු වෙනසක් නොමැති බවට මුදල් අමාත්‍යාංශයේ ලේකම් එස්.ආර් ආටිගල ගෙන් ප්‍රකාශයක්.

කාබනික පොහොර නිෂ්පාදනය සඳහා අවශ්‍ය දියර නයිට්‍රජන් යම් ප්‍රමාණයක් රටට අවශ්‍ය බැවින් ඒවා බලපත්‍ර මත ගෙන්වීමට පමණක් මුදල් අමාත්‍යාංශය අනුමැතිය ලබාදී ඇති බවත් කියයි.

2021 අගෝස්තු 04

දේශීය කෘෂිකර්මය සඳහා රසායනික පොහොර ආනයනය කිරීමට කිසිදු අවසරයක් ලබාදී නැතැයි අවධාරණය කරමින් ජනාධිපති මාධ්‍ය අංශයෙන්නිවේදනයක්.

කෘෂිකර්ම අමාත්‍යවරයා විසින් 2021 මැයි මස 31 දින අමාත්‍ය මණ්ඩලයට ඉදිරිපත් කල ස්වභාවික ඛනිජ හා කිලේටඩ් අංශු මාත්‍ර ශාක පෝෂක යොදා ගනිමින් සැකසූ ශාඛ පෝෂක ආනයනය කිරීමේ යෝජනාවට අනුව විශේෂිත වූ පොහොර ආනයනය සඳහා පමණක් කෘෂිකර්ම දෙපාර්තමේන්තුව හා අදාළ අනෙකුත් ආයතන හරහා විශේෂ වූ බලපත්‍ර ක්‍රමවේදයක් යටතේ අවසර ලබා දී ඇතැයිද ජනාධිපති මාධ්‍ය අංශය අවධාරණය කරයි.

දිවයිනේ ප්‍රදේශ රැක ගොවීන් පොහොර ගැටළුවට විසන්නැයි ඉල්ලා විරෝධයේ…

2021 අගෝස්තු 5

නිකුත් වූ අමාත්‍ය මණ්ඩල සංදේශයකින්, මුහුදු පැළෑටිවලින් නිපදවන කාබනික පොහොර මෙට්‍රික් ටොන් 99 000ක් ‘චින්ඩාඕ සීවින් බයෝ ටෙක් ගෘප්’ නම් චීන සමාගමකින් ගෙන්වීමට තීරණය කෙරේ.. ඒ සඳහා රජය විසින් අනුමත මුදල ඇමරිකානු ඩොලර් මිලියන 63.6ක්.

2021 අගෝස්තු මස 31

මෙම පොහොර සාම්පල දෙකක් ජාතික පොහොර ලේකම් කාර්යාලයය මඟින් ජාතික ශාක නිරෝධායන සේවයට ලබා දීමෙන් අනතුරුව සිදුකෙරුනු පර්යේෂණවලින් පෙන්නුම්කර තිබුණේ, මෙයින් එක් සාම්පලයක “Erwinia” සහ “Bacillus” යන ගණයන්ගේ ක්ෂුද්‍රජීවීන් බහුලව සිටිනබවත්, අනෙක් සාම්පලයේ “Bacillus” ගණයට අයත් බැක්ටීරියාවන් සිටිනබවයි.

පොහොර ඉල්ලන ගොවි විරෝධතා උග්‍රවෙයි…

2021 සැප් 22

එක්සත් ජාතින්ගේ ආහාර පද්ධති සමුළුවට. ඔන් ලයින් ක්‍රමවේදයට අමතමින් ගෝඨාභය රාජපක්ෂ මහතා රසායනික පොහොර, කෘමිනාශක සහ වල්නාශක තහනම් කරමින් කාබනික කෘෂිකර්මාන්තය ප්‍රවර්ධනයට ශ්‍රී ලංකාව ගන්නා වෑයම ලෝකය හමුවේ තැබුවා

”ජනතාවගේ සෞඛ්‍යයට වගේම පරිසරයට අයහපත් බලපෑම් කරන රසායනික පොහොර, කෘමිනාශක සහ වල්නාශක තහනම් කරන්න මගේ රජය මෑතකදී පියවර ගත්තේ තිරසර සංවර්ධනය සඳහා වන රාජ්‍ය ප්‍රතිපත්තිය මුල් කොටගෙන”

මහකන්නයට පොහොර දෙන්න…

දිවයිනේ ප්‍රදේශ රැක ගොවීන් විරෝධයේ…

ඔත්තෝබර් 13 වැනි දා

මහ කන්නය සඳහා අවශ්‍ය පොටෑසියම් ක්ලෝරයිඩ් කාබනික පොහොර මෙට්‍රික් ටොන් 30,000ක් ශ්‍රී ලංකාවට ආනයනය කරයි.

2021 නොවැම්බර් 02

සොබාදහමට එරෙහි නොවන නව කෘෂිකාර්මික විප්ලවයක් අවශ්‍ය බව ,, ජනාධිපති ගෝඨාභය රාජපක්ෂ මහතා ස්කොට්ලන්තයේ, ග්ලාස්ගෝහි කොප් 26 එක්සත් ජාතීන්ගේ දේශගුණික විපර්යාස පිළිබඳ සමුළුවේදී ප්‍රකාශ කරයි.

”පොහොරවල අධික ලෙස නයිට්‍රජන් අඩංගු වීම පසට , ජලයට , වාතයට සහ මිනිස් සෞඛ්‍යයට ඉතා අහිතකරයි. රසායනික පොහොර ආනයනය අවම කිරීමටත් කාබනික පොහොර භාවිතය දිරිමත් කිරිමටත් අප රජය පියවර ගත්තේ මෙවැනි පසුබිමකයි”.

2021 නොවැම්බර් 04

පොහොර අවශ්‍යතා සපුරා ගැනීමට බව කියමින් ඉන්දියාවෙන් නැනෝ නයිට්‍රජන් පොහොර ගුවන් මගින් මෙරටට ගෙන එයි.

ආනයනයේදී බරපතල දූෂණයක් සිදුවූ බවටත් ප්‍රකාශයක්

ඊයේ (2021-11-21)

තහනම් කරන ලද ද්‍රව්‍ය ඇතූළු ප්‍රමිතියෙන් යුතු ශාක පෝෂක යළි ගෙන්වීමට අවසරදී ඇති බව කෘෂි කර්ම අමාත්‍යංශ ලේකම් ජ්‍යෙෂ්ඨ මහාචාර්ය උදිත් කේ ජයසිංහ මහතා අණාවරණය කරයි.

හරිත කෘෂිකර්මය එක රැයින් ඇතිකළ හැක්කක් නොවන බවත් ආන්දෝලනයට තුඩු දුන් යූරියාද, මිල ඉහල බැවින් ඒ වෙනුවට විකල්ප ද්‍රව්‍යයක් ගෙන ඒමට ඇති හැකියාව පිලිබදවද සොයා බලන බව අමාත්‍යංශ ලේකම්වරයාගෙන් ප්‍රකාශයක්…

අද (2021-11-22)

හරිත කෘෂි කර්මාන්තය තවදුරටත් රජයේ ප්‍රතිපත්තිය බවත්, එළවළු, බඩ ඉරිඟු, ධාන්‍ය වර්ග වැනි වගා සඳහා අවශ්‍යතාව මත කෘෂි රසායන පෞද්ගලික අංශය හරහා ගෙන්වීමට අවධානය යොමු කරන ලෙසත් ජනාධිපති ගෝඨාභය රාජපක්ෂ මහතාගෙන් නිලධාරීන්ට උපදෙස්.

රසායනික පොහොර හෝ කෘෂි රසායන රජයේ සහනාධාර වැඩපිළි‍වෙළ යටතේ කිසිවිටෙකත් ලබානොදෙන බවටත් ජනාධිපතිවරයා එහිදී අවධාරණය කරයි…

news 1st

තවත් කොරෝනා මරණ 24 ක් වාර්තා වීමත් සමග මෙරට සමස්ත මරණ සංඛ්‍යාව 14,182 ක් දක්වා ඉහළ ගියේ ය.

රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව, මියගිය පිරිස අතරින් 15 දෙනෙකු පිරිමි පුද්ගලයින් වන අතර ඉතිරි 09 දෙනා කාන්තා ආසාදිතයින් ය.

මියගිය පිරිස අතර අවුරුදු 30 – 59 ත් අතර වයසේ පසුවන ආසාදිතයින් 04 දෙනෙකු සිටින අතර ඉතිරි ආසාදිතයින් 20 දෙනා ම වයස අවුරුදු 60 සහ එම වයස් සීමාව ඉක්ම වූ වැඩිහිටියන් ය.

අද (23) වාර්තා කරන ලද මෙම මරණ 24 සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරනු ලැබ ඇත්තේ, ඊයේ දිනයි.

රෝහිණී කවිරත්න මන්ත්‍රීවරිය ඇතුළු කාන්තාවන් හට දරුණු ලෙස අපහාස කළ පොදුජන පෙරමුණේ පාර්ලිමේන්තු මන්ත්‍රී තිස්ස කුට්ටිආරච්චි මන්ත්‍රීවරයා සිය අසික්කිත හැසිරීම අද (23) දිනයේ ද පාර්ලිමේන්තුව තුළ විදහා පෑවේය.

ඒ කතානායක පවා ඔහු පසුගියදා සිදුකළ ප්‍රකාශය සම්බන්ධයෙන් කණගාටුව සහ එකී ප්‍රකාශය වැරදි සහගත බව පැවසූ පසුබිමකය.

මෙහිදී කණගාටුවට කරුණ වූයේ විපක්ෂ නායක සජිත් ප්‍රේමදාස අදාළ සිදුවීම සම්බන්ධයෙන් අවශ්‍ය බරින් යුතුව මැදිහත් වීමක් සිදුකරනු දකින්නට නොලැබීම ය.

කෙසේ වුවත් අද පෙරවරුවේ පාර්ලිමේන්තු සභා ගැබේදී ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී තිස්ස කුට්ටිආරච්චි ට පහරදීමක් වැන්නකට විපක්ෂයේ මන්ත්‍රීවරුන් පිරිසක් උත්සාහ කිරීම හේතුවෙන් උණුසුම් තත්ත්වයක් ඇතිවිය.

සමගි ජන බලවේගය පාර්ලිමේන්තු මන්ත්‍රී චමින්ද විජේසිරි පාර්ලිමේන්තුවේ සභා ගැබ මැදට පැමිණ කුට්ටිආරච්චි මන්ත්‍රී ට පහර දීම සඳහා යාමට උත්සාහ කල අවස්ථාවේදී මන්ත‍්‍රීවරුන් පිරිසක් පැමිණ එම උත්සාහය වළකාලනු ලැබීය.

ශ්‍රී ලංකා පාර්ලිමේන්තුව තුළ වත්මන් පාලනය යටතේ කාන්තා මන්ත්‍රීවරියන් දරුණු අපහාසාත්මක ප්‍රකාශයන්ට ගොදුරු වූ පළමු අවස්ථාව මෙය නොවේ. නමුත් වත්මන් පාලකයන් ඒ සම්බන්ධයෙන් බරපතළ තැකීමක් සිදුකරනු දක්නට නොලැබෙයි.

රටේ පවතින උග්‍ර ඩොලර් හිඟය හේතුවෙන් අත්‍යවශ්‍ය ආහාර ද්‍රව්‍ය සපයන විදේශ සමාගම් මෙරටට භාණ්ඩ සැපයීම සීමා කිරීම නිසා ඉදිරියේදී රටෙහි ආනයනික ආහාර ද්‍රව්‍ය හිඟයක් මෙන්ම ඒවායේ මිල ඉහළ යාමක්ද, අපේක්ෂා කළ හැකි බව අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමය පවසයි.

එම සංගමයේ ප්‍රකාශක නිහාල් සෙනෙවිරත්න සඳහන් කළේ මෙරට බැංකු ණයවර ලිපි නිකුත් කිරීම සීමා කිරීම නිසා දැනටමත් වරාය පරිශ්‍රයේ තුළ නිදහස් කර ගැනීමට නොහැකිව අත්‍යවශ්‍ය ආහාර කන්ටේනර් බහලුම් දහස (1000) ඉක්මවා පවතින බවයි.

මෙතෙක් මෙරටට භාණ්ඩ ලැබීමෙන් පසු (DP ක්‍රමය යටතේ) මුදල් ලබාදීමට එකඟ වී තිබුණද ශ්‍රී ලංකාවේ තුළ ඩොලර් හිඟයක් පවතින බවට ජාත්‍යන්තර පුවත් නිර්මාණය වීම මෙරට බැංකු ආයතන කෙරෙහි තබා තිබූ විශ්වාස නැතිවී තිබෙන බවද අත්‍යාවශ්‍ය ආහාර ද්‍රව්‍ය ආනයනකරුවෝ පවසති.

මෙරටට ආහාරද්‍රව්‍ය සපයන ඔස්ට්‍රේලියාව, ඉන්දියාව, චීනය, සිංගප්පූරුව සහ පාකිස්තානය ඇතුළු රටවල සමාගම් මෙලෙස සීමා පැනවීම කර තිබෙන බව එම සංගමය පෙන්වා දෙයි.

වෙළෙඳ ඇමැති බන්දුල ගුණවර්ධනගේ මැදිහත්වීමෙන් අවශ්‍ය ඩොලර් ලබාදෙන ලෙසට ශ්‍රී ලංකා මහ බැංකුව වෙත ඉල්ලීමක් කර ඇති අතර එසේ නොමැති වුවහොත් ඉදිරියේදී රටේ භාණ්ඩ හිඟයක් නිර්මාණ නිර්මාණය වී මිල ඉහළ යාම වළක්වාගත නොහැකි බව එම සංගමයේ මාධ්‍ය ප්‍රකාශක නිහාල් සෙනෙවිරත්න සඳහන් කළේය.

කෘෂිකර්මාන්තය සඳහා අවශ්‍ය පොහොර නොමැති වීම හා ආපදා තත්ත්වය හේතුවෙන් වෙළෙඳපොළ වෙත එළවළු ​නොලැබීමෙන් මතුව ඇති අර්බුදය නිසා ඉදිරියේදී ආනයනික අර්තාපල් සහ පරිප්පු සඳහා ඉල්ලුම් ඉහළ යාමට ඉඩ ඇති බැවින් ඒ සඳහා අවශ්‍ය ආහාර තොග රැස්කර නොගත්තොත් දැනට පවතින මිලට වඩා තවත් මිල ඉහළ යා හැකි බව මෙහිදී ආනයනකරුවෝ රජයට අනතුරු අඟවති.

අත්‍යවශ්‍ය ආහාර ද්‍රව්‍ය ආනයනය සඳහා අවම වශයෙන් මසකට ඇමරිකානු ඩොලර් මිලියන 100ත් 110ත් අතර මුදලක් වැයකරනු ලබයි.

– aruna

රජය තීරණයක් ගෙන නොතිබියදී ග්ලයිෆොසේට් තහනම ඉවත් කරමින් ගැසට් නිවේදනයක් නිකුත් කළ පළිබෝධනාශක රෙජිස්ට්‍රාර්වරයා එම තනතුරෙන් වහාම ඉවත් කිරීමට උපදෙස්දී ඇතැයි කෘෂිකර්ම අමාත්‍ය මහින්දානන්ද අලුත්ගමගේ පවසයි.

අමාත්‍යවරයා මේ බව සඳහන් කර සිටියේ අද (23) පාර්ලිමේන්තුවේදී අදහස් දක්වමින් ය.

පළිබෝධනාශක රෙජිස්ට්‍රාරවරයා ග්ලයිෆොසේට් තහනම ඉවත් කරමින් ගැසට් නිවේදනයක් නිකුත් කිරීම සම්පූර්ණයෙන්ම නීති විරෝධී ක්‍රියාවක් බවත් අමාත්‍යවරයා සඳහන් කළේය.

මේ පුද්ගලයා ඊයේ (22) දිනයේම එම තනතුරෙන් ඉවත් කිරීමට තමා උපදෙස් දුන් බව පැවසූ ඇමැතිවරයා ග්ලයිෆොසේට් තහනම යළි පැනවීමට අවශ්‍ය කටයුතු කරගෙන යන බවද පැවසීය.

රසායන සමාගමකට අවශ්‍ය පරිදි පළිබෝධනාශක ගෙන්වීමට මෙයට පෙර කටයුතු කිරීමේ සිද්ධියක් සම්බන්ධයෙන් මේ පුද්ගලයාට එරෙහිව විනය පරීක්ෂණයක් පැවැත්වෙන බවත් පළිබෝධනාශක ගෙන්වීමේදීද මේ පුද්ගලයා එක්තරා සමාගමකට පක්ෂපාතව කටයුතු කර ඇති බවත් මහින්දානන්ද අලුත්ගමගේ අමාත්‍යවරයා කීවේය.

රසායන පොහොර සමාගම් සමග කෘෂිකර්ම දෙපාර්තමේන්තුවේ ඇතැම් නිලධාරින් පසුගිය කාලයේදී කටයුතු කර ඇති බව ඇමැතිවරයා වැඩිදුරටත් පැවසීය.

විදුලිබල අමාත්‍ය ගාමිණී ලොකුගේට කොවිඩ් 19 වෛරසය ආසාදනය වී ඇති බව තහවුරු කරගෙන තිබේ.

මේ වනවිට ඇමතිවරයා කොළඹ පෞද්ගලික රෝහලකට නේවාසිකව ප්‍රතිකාර ලබමින් සිටින බවයි වාර්තා වෙයි.

කොරෝනා වසංගතය තුන්වන රැල්ල ආසන්නයේ පිළියන්දල ප්‍රදේශය ලොක්ඩුවන් කිරීම සම්බන්ධයෙන් ලොකුගේ  සම්බන්ධ කතාබහක් ඇතිවූ අතර ඒ දිනවල ඔහුගේ නිවසේ කාර්යාලයේ සේවකයින් කිහිපදෙනෙකුට වෛරසය ආසාදනය වූ බවටද වාර්තා පැවතිණි.

1943 උපන් ලොකුගේ වයස 78 පසුවන අතර දැනට පාර්ලිමේන්තුව නියෝජනය කරන වයෝවෘද්ධම දේශපාලකයින් අතරින් කෙනෙකි.

LNW

මෙරටින් තවත් කොරෝනා මරණ 31 ක් වාර්තා වී තිබේ.

ඒ සමග මෙරට සමස්ත කොරෝනා මරණ සංඛ්‍යාව 14, 158 ක් දක්වා ඉහළ ගොස් ඇත.

රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව, මියගිය පිරිස අතරින් 21 දෙනෙකු පිරිමි පුද්ගලයින් වන අතර ඉතිරි 10 දෙනා කාන්තා ආසාදිතයින් ය.

වයස අවුරුදු 30 ට අඩු එක් පිරිමි ආසාදිතයෙකු ද මියගිය පිරිස අතර වේ.

මියගිය අනෙක් පිරිස අතර වයස අවුරුදු 30 – 59 ත් අතර වයසේ පසුවන ආසාදිතයින් 07 දෙනෙකු සිටින අතර ඉතිරි ආසාදිතයින් 23 දෙනා වයස අවුරුදු 60 සහ එම වයස් සීමාව ඉක්ම වූ වැඩිහිටියන් ය.

අද (22) වාර්තා කරන ලද මෙම මරණ 31 සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරනු ලැබ ඇත්තේ, ඊයේ දිනයි

ඉන්දියාවේ නැනෝ යූරියා මෙරටට ගෙනාවේ තමන් නොවන බවත් තමන්ගේ අමාත්‍යාංශය කාබනික පොහොර පිළිබඳ අමාත්‍යාංශයක් මිස පිටරටින් පොහොර ආනයනය කරන අමාත්‍යාංශයක් නොවන බවත් කාබනික පොහොර නිෂ්පාදන, ප්‍රවර්ධන හා සැපයුම් නියාමන සහ වී හා ධාන්‍ය, කාබනික ආහාර, එළවළු, පලතුරු, මිරිස්, ළුනු හා අර්තාපල් වගා ප්‍රවර්ධන, බීජ නිෂ්පාදන හා උසස් තාක්ෂණ කෘෂිකර්ම රාජ්‍ය ඇමති ශෂීන්ද්‍ර රාජපක්ෂ පවසයි.

ඔහු මේ බව සඳහන් කර සිටියේ නැනෝ යූරියා මෙරටට ගෙනඒමේ කටයුතු සිදු කරනු ලැබුවේ රාජ්‍ය ඇමති ශෂීන්ද්‍ර රාජපක්ෂගේ මැදිහත්වීමෙන් බවට සිදු කළ ප්‍රකාශයට ප්‍රතිචාර දක්වමින් ය.

එහිදී මාධ්‍ය වෙත අදහස් දක්වමින් රාජ්‍ය අමාත්‍යවරයා මෙසේ පැවසීය.

“මගේ අමාත්‍යාංශය තිබෙන්නේ කාබනික වගාවට. කාබනික වගාව කියලා කියන්නේ පිටරටින් පොහොර ගෙනල්ලා කරන වගාවකට නෙවෙයි. එහෙම වගාවකදී මගේ කිසිම සම්බන්ධතාවයක් නැහැ. මොකද මම මේ අමාත්‍යාංශය බාරගන්නේ ජුනි මාසයේදි. මේ කටයුත්ත කිරීමේදී සියලු තීන්දු තීරණ කළේ කෘෂිකර්ම අමාත්‍යාංශය. විශේෂයෙන්ම මම මේ පිළිබඳව සම්බන්ධතාවයක් නැහැ.”

කෙසේ වෙතත් පසුගිය 18 වනදා කෘෂිකර්ම ඇමති මහින්දානන්ද අලුත්ගමගේ පවසා සිටියේ එම නැනෝ යූරියා සම්බන්ධයෙන් කටයුතු කළේ තම අමාත්‍යාංශය නොවන බවය.

ඒ අනුව නම් මෙකී පොහොර ආනයනය ශෂීන්ද්‍ර රාජපක්ෂ රාජ්‍ය ඇමති යටතේ ඇති පොහොර අමාත්‍යාංශයෙන් සිදුකර ඇති බව පැහැදිලිය.

ජනාධිපතිවරයා විසින් නිකුත්කර ඇති එම ගැසට් නිවේදනයට අනුව, ජාතික පොහොර ලේකම් කාර්යාලය, සීමාසහිත ලංකා පොහොර සමාගම, කොළඹ කොමර්ෂල් පොහොර සමාගම, සීමාසහිත ජනතා පර්ටිලයිසර් එන්ටර්ප්‍රයිසස් යන රාජ්‍ය ආයතන ශෂින්ද්‍ර රාජපක්ෂ යටතට පවරා ඇති අතර ආන්දෝලනාත්මක චීන පොහොර ගෙවීමේ ඇනවුම සීමාසහිත ලංකා පොහොර සමාගම විසින් සිදුකර ඇති අතර ඉන්දියාවෙන් නැනෝ යූරියා ගෙන්වීම සිදුකර ඇත්තේ කොළඹ කොමර්ෂල් පොහොර සමාගම හරහාය.

ජනාධිපති නිකුත්කළ ගැසට් නිවේදනය පහත දැක්වෙයි.

අයවැය දෙවන වර කියවීමේ ජන්ද විමසුමේ දී ආණ්ඩුවට පක්ෂව ජන්ද 153ක් හිමි ඇති අතර ඒ අනුව 2022 අයවැය දෙවැනි වර කියවීම 2/3 න් අද (22) සවස සම්මත වී ඇත.

අයවැය ට විපක්ෂව හිමිවූයේ ජන්ද 60ක් පමණි.

කෙසේවෙතත් ආණ්ඩුවේ මන්ත්‍රීවරූන් 6 දෙනකු අද ජන්දය විමසන අවස්ථාවේ පාර්ලිමේන්තුවේ සිටියේනැත.

විජයදාස රාජපක්ෂ, විදුර වික්‍රමනායක, ගාමිණී ලොකුගේ, ටිරාන් අලස්, තවුෆීක් සහ සමන්ප්‍රිය හේරත් යන මන්ත්‍රීවරු ජන්දය විමසන අවස්ථාවේ සභාගැබේ නොසිටි බව වාර්තා වෙයි.

අයවැය දෙවන වර කියවීමේ ජන්ද විමසුමේදී සභාවේ නොසිටි ආණ්ඩුවේ මැතිඇමැතිවරුන් 6 දෙනාගෙන් තිදෙනකු කල් තියා තමන්ට එම අවස්ථාවට සහභාගී විය නොහැකි බව දැනුම් දී ඇති බව වාර්තා වේ.

ඒ අනුව ගාමිණී ලොකුගේ, සමන්ප්‍රිය හේරත් සහ ටිරාන් අලස් යන මැතිඇමැතිවරුන් විවිධ හේතු මත තමන්‌ට එදින පාර්ලිමේන්තුවට‌ පැමිණීමට නොහැකි බව කල් තියා දැනුම් දී ඇති බව වාර්තා වේ.

විදුර සහ විජේදාස කෝ : ආණ්ඩුව හොයයි !

කෙසේවෙතත් වාර්තා වන ආකාරයට රාජ්‍ය අමාත්‍ය විදුර වික්‍රමනායක ජන්දය විමසන අවස්ථාවට මොහොතකට පෙර දැනුම් දී ඇත්තේ තමන් බීඑම්අයිසීඑච් අසල රථවාහන තදබදයට හසුව ඇති බවත්, තව සුලු මොහොතකින් පාර්ලිමේන්තුවට පැමිණෙන බවත්ය.

එහෙත් ඔහු ජන්දය විමසන අවස්ථාවේ පාර්ලිමේන්තු සභා ගර්භයේ නොසිටි බවත් ජන්ද විමසීමෙන් පසුව අමාත්‍යවරයා පාර්ලිමේන්තුවේ සිට ඇති බවත් වාර්තා වෙයි.

පසුගියදා අයවැය මෙන්ම සමස්ත ආණ්ඩුවේ ක්‍රියාමාර්ග දැඩිව විවේචනය කළ විජේදාස රාජපක්ෂ මන්ත්‍රීවරයා තමන් විකල්පයක් නැති බැවින් අයවැය ට පක්ෂව ජන්දය දෙන බව සඳහන් කළත් අද නොදන්නවා පැමිණ නොසිටි බව වාර්තා වෙයි.

අතලොස්සක් වූ පාර්ලිමේන්තු මන්ත්‍රීවරියන්ට ශ්‍රී ලංකා පාර්ලිමේන්තුව තුළ පක්ෂ විපක්ෂ මන්ත්‍රීවරුන්ගේ වාචික හිංසනයට ලක්වීම පිළීබදව පාර්ලිමේන්තු මන්ත්‍රීවරියන්ගේ සංසදයේ සභාපති විශේෂඥ වෛද්‍ය සුදර්ශිනී ප්‍රනාන්දුපුල්ලේ විසින් කථානායකවරයාගේ අවධානයට යොමුකර තිබේ.

මේ සම්බන්ධයෙන් අමාත්‍යවරියගේ මාධ්‍ය ලේකම් විසින් නිවේදනයක් නිකුත්කර ඇති අතර එහි මෙසේද සඳහන් වෙයි.

පසුගියදා මන්ත්‍රීවරයෙකු විසින් පාර්ලිමේන්තු මන්ත්‍රීවරියකට එරෙහිව සිදුකල ප්‍රකාශය සම්බන්ධයෙන් විශේෂ අවධානය යොමුකරමින් සිය ලිපිය යොමු කර ඇති සභාපතිනිය සදහන් කර ඇත්තේ මීට පෙර අවස්ථාවලද වාචික හිංසනයන් තුළින් උත්තරීතර පාර්ලිමේන්තුව තුළ මන්ත්‍රීවරියන් අපහසුතාවට පත්වන ආකාරයෙන් ප්‍රකාශ නිකුත් කිරීම සිදුවී ඇති බවත් එය ප්‍රජාතන්ත්‍රවාදය අගයන සමාජයක යහපත් පූර්වාදර්ශයක් නොවන බවයි. නීති සම්පාදනයට දායක වන මහජන නියෝජිතවරියන් කාන්තාවක් වීම තුළ එම ස්ථානය තුළදීම හිංසනයට ලක්වන්නේ නම් එමගින් පෙන්නුම් කරනුයේ සමස්ථ සමාජයක පරිහාණිය බව පෙන්වාදී ඇති එතුමිය, ගෘහස්ථ, පොදු මගී සේවා, මහමග සහ වෘත්තීය ස්ථානයේ දී කාන්තාවන්ට මුහුණ පෑමට සිදුවන හිංසනයන් පිළිබදව සාකච්ඡා කෙරෙන, එවැනි දෑ වැළැක්වීමට කටයුතු කරන උත්තරීතර ආයතනයක මන්ත්‍රීවරියන්ට එරෙහි වාචික හිංසනය සිදුවන අයුරින් ප්‍රකාශ නිකුත් කිරීම සභ්‍යත්වය අගයන කිසිවෙකු අනුමත නොකරන්නක් බවද පෙන්වා දී ඇත.

සිය ලිපිය මගින් ඇය වැඩිදුරටත් පෙන්වාදී ඇත්තේ මෙවැනි තත්වයක් තුළ ජනගහනයෙන් 52%ක් වන කාන්තාව කෙරෙහි සමාජයේ ඇති පසුගාමී ආකල්පය මැන බැලීමට විශේෂ විශ්ලේෂණාත්මක දත්ත අවශ්‍ය යයි තමන් නොසිතන බවත් සිංහල, දෙමළ සහ මුස්ලිම් යන ප්‍රධාන ජන කොටස් තුනම අඩු වැඩි වශයෙන් කාන්තාව පුරුෂයාගේ දේපළක් ලෙස, පුරුෂයාගෙන් පාලනය විය යුතු, පුරුෂයන්ට වඩා පහළ මනුෂ්‍යන් කොටසක් ලෙස සමාජීය වශයෙන් මෙන්ම ආගමික, සහ නීතිමය රාමු තුළත් අර්ථ දැක්වීමට උත්සාහ කිරීම තුළින් හදුනාගත හැකි බවයි. එබැවින් එය පැහැදිලිවම කාන්තාව රටේ තීරණාත්මක දේශපාලනමය මැදිහත්වීම් වල නිරත වීම අධෛර්යය කරන්නක් බව අමුතුවෙන් සඳහන් කළ යුතු නොවන බව වැඩිදුරටත් පෙන්වා දෙයි.

කාන්තාවන්ට දේශපාලනයේ යෙදීමට තිබෙන හිමිකම පිළිගැනීම, කාන්තාවන් වීම හේතුවෙන් දේශපාලන කාර්යයේදී අවමානයට ලක් නොකිරීම, කාන්තාවන්ගේ දේශපාලන හිමිකම් උල්ලංඝනය නොකිරීම සහ සමාන පාර්ශවකරුවන් ලෙසින් කාන්තාවන්ගේ දේශපාලන ක්‍රියාකාරිත්වය ස්ථාපිත කිරීම, ප්‍රවර්ධනය කිරීම දියුණු දේශපාලන සංස්කෘතියක් අගයන සමාජයක අපේක්ෂාව විය යුතු බව විශේෂඥ වෛද්‍ය සුදර්ශිනී ප්‍රනාන්දුපුල්ලේ මහත්මිය කථානායකවරයා වෙත යවන ලද ලිපිය මගින් පෙන්වා දී ඇත.

කාන්තාවන්ට එරෙහි ප්‍රචණ්ඩත්වය සංකීර්ණ සමාජීය ගැටලුවක් මෙන්ම මූලික මානව අයිතිවාසිකම් පිළිබඳ ගැටලුවක් බවට අද පත්ව ඇති බවත් කායික, වාචික හෝ මානසික හානියක් සිදු කරන ඕනෑම ක්‍රියාවක් කාන්තාවන්ට එරෙහි ප්‍රචණ්ඩත්වය ලෙස නිර්වචනය කළ හැකි බවයි ඇය වැඩිදුරටත් පෙන්වා දී ඇත්තේ. මෙහිදී කථානායකවරයාගේ විශේෂ අවධානයට ලක්කරමින් සදහන් කර ඇත්තේ වාචික අපයෝජන, තර්ජනය කිරීම, අපහාස කිරීම, විවේචනය කිරීම, හාස්‍යයට උපහාසයට ලක් කිරීම බහුල වශයෙන් දැකිය හැකි අතර එය උත්තරීතර පාර්ලිමේන්තුව තුළද සිදුවීම කණගාටුදායක තත්වයක් බවයි.

කාන්තාවන්ගේ දේශපාලන සහභාගීත්වය අවම මට්ටමක පවතින අවස්ථාවක පාර්ලිමේන්තුවට ‌තේරී පත්වූ මන්ත්‍රීවරියන් 12 දෙනාගේ ගෞරවය ආරක්ෂා වෙන අයුරින් පාර්ලිමේන්තුව තුළ ප්‍රකාශ නිකුත් කිරීමට අවශ්‍ය පරිසරය සකසා දීමට කථානායකතුමාගේ කාරුණික අවධානය යොමුකරන ලෙස පාර්ලිමේන්තු සංසදයේ සභාපතිනිය එම ලිපිය මගින් වැඩිදුරටත් ඉල්ලා සිටියි.

හරිත කෘෂිකර්මාන්තය තවදුරටත් රජයේ ප්‍රතිපත්තිය බවත්, එළවළු, බඩ ඉරිඟු, ධාන්‍ය වර්ග වැනි වගාවන් සඳහා අවශ්‍යතාව මත කෘෂි රසායන පෞද්ගලික අංශය හරහා ගෙන්වීමට අවධානය යොමු කරන ලෙසත් ජනාධිපති ගෝඨාභය රාජපක්ෂ  උපදෙස් ලබාදී තිබේ.

ඒ, පොහොර සහ කෘෂි රසායන සම්බන්ධයෙන් රට තුළ උද්ගතව ඇති තත්ත්වය පිළිබඳව අද ජනාධිපති කාර්යාලයේදී සියලු පාර්ශව කැඳවා සිදුකළ සාකච්ඡාවේදීයී.

ජනාධිපතිවරයා අවධාරණය කර ඇත්තේ, රසායනික පොහොර හෝ කෘෂි රසායන රජයේ සහනාධාර වැඩපිළි‍වෙළ යටතේ කිසිවිටෙකත් ලබා නොදෙන බවයි.

හරිත කෘෂිකර්ම ප්‍රතිපත්තිය තුළ සිටිමින් උද්ඝෝෂණය කරන ගොවීන් වෙනුවෙන් පිළිතුරු සෙවීමට නිලධාරීන් ක්‍රියා කළ යුතු බව අවධාරණය කළ ජනාධිපතිවරයා, රජයේ ප්‍රතිපත්තියට එකඟ නොවන නිලධාරීන්ට ඉන් ඉවත් වීමට බාධාවක් නොමැති බවත් සඳහන් කර තිබේ.