ඇසුරුම් කළ කසල දුම්රියෙන් රැගෙන යෑම අද (25) පළමු වරට ආරම්භ කෙරුණි.
වනවාසල කසල ඇසුරුම් කිරීමේ මධ්‍යස්ථානයේදී එක්රැස් කරන ලද කසල පුත්තලම අරුවක්කාඩු කසල අංගනය වෙත 756 දුම්රිය එන්ජිමෙන් දැවැන්ත බහාලුම් 20කින් රැගෙනවිත් තිබේ.
දුම්රිය මගින් රැගෙන ආ කසල තොගය අරුවක්කාඩු කසල අංගනයේ ඇති තරාදිවලින් කිරා දැවැන්ත දොඹකරයකින් අදාළ කසල පුරවා වැගන් ලොරි රථවලට පටවා එතැන් සිට කසල අංගනය වෙත රැගෙන යන බව සදහන් වේ.
මෙම කසල තොගය කසල අංගනය වෙත ගොඩ බෑම සදහා පැය හතරකට ආසන්න කාලයක් ගත වනු ඇතැයි ද බලධාරීහු පවසති.