විපක්ෂ නායක සජිත් ප්‍රේමදාසගේ නායකත්වයෙන් වන සමගි ජනබලවේගය පක්ෂයේ අභ්‍යන්තරයේ බරපතළ අර්බුදයක් නිර්මාණය වී ඇති බව දේශපාලන ආරංචි මාර්ග පවසයි .
එම ආරංචි මාර්ග සඳහන් කරන ආකාරයට පක්ෂයේ තීන්දු තීරණවලදි පක්ෂ නායකයා අත්තනෝමතික ලෙස හැසිරෙමින් සිටින අතර පක්ෂ අභ්‍යන්තරයේ ද කිසිදු ප්‍රජාතන්ත්‍රවාදයක් නොමැති තත්ත්වයක් මතුව තිබේ.
මේ සම්බන්ධයෙන් පක්ෂයේ ජ්‍යෙෂ්ඨයන් රැසක් දැඩි කළකිරීමක පසුවෙයි.
ඒ බව සනාථ කරමින් අද (06) සජබ ජාතික සංවිධායක පාර්ලිමේන්තු මන්ත්‍රී තිස්ස අත්තනායක ද මාධ්‍ය හමුවකදී අදහස් දැක්වීය.
එහිදී සමගි ජන බලවේගයට විවිධ පාර්ශ්වය එක්කර ගනිමින් සමගි ජන සන්ධානය බිහිකිරීම පිළිබඳව එම පක්ෂයේ ජාතික සංවිධායක, පාර්ලිමේන්තු මන්ත්‍රී තිස්ස අත්තනායක කණස්සල්ල පල කර සිටියේ ය.
එහිදී ඔහු පෙන්වා දුන්නේ සමගි ජන සන්ධානය බිහිකිරීමේදී පක්ෂ ජේෂ්ඨයක් නිසි පරිදි දැනුවත් කරන්න කටයුතු නොකරන බවයි.
මීට පෙර එම පක්ෂයේ පාර්ලිමේන්තු මන්ත්‍රීනී තලතා අතුකෝරාල ද මෙම චෝදනාවම එල්ල කළාය.