සර්ව පාක්ෂික අන්තර්කාලීන ආණ්ඩුවක් පිහිටුවීමට ජනාධිපති ගෝඨාභය රාජපක්ෂ දරන ප්‍රයත්නය ඉවත් කරගෙන නොමැති බව දේශපාලන විචාරකයන් පවසයි.
ඔවුන් ඒ බව සඳහන් කරන්නේ ලෝක කම්කරු දිනය වෙනුවෙන් ජනාධිපති නිකුත්කළ පණිවුඩය පදනම් කරගෙන ය.
එහිදී වැඩ කරන ජනතාව වෙනුවෙන් දේශපාලනය පසෙක තබා, ජනහිතකාමී විප්ලවීය පරිවර්තනයක් සහිත සුබ දිශානතියකට අරගලය යොමු කිරීමට එක්වන්නැයි ජනාධිපතිවරයා කම්කරු ජනතාවගෙන් ඉල්ලා සිටී.
ජනාධිපතිවරයා පෙන්වා දෙන්නේ, පැන නැගුණ අයහපත් තත්ත්වය කවුරුන් විසින් සිදු කළේ ද යන්න පිළිබඳ පසු විපරම් කරනු වෙනුවට මේ මොහොතේ අප කළ යුතු වනුයේ ජනතාවට කඩිනමින් සහන සැලසිය හැකි වැඩපිළිවෙළ කුමක්ද යන්න පිළිබද අවධානය යොමු කිරීම බවයි.
සෑම තත්ත්පරයකම ජනතාවගේ පීඩාව අවම කිරීම සදහා විසඳුම් දිය හැකි ක්‍රමවේදනයක්ට පිවිස, පවතින අර්බුදවලට විසඳුම් සෙවීම අපගේ ඉලක්කය බව ජනාධිපතුමා නිකුත් කළ මැයි දින පණිවුඩයේ සඳහන් ය.