මේ වන විට සමාජ මාධ්‍ය ජාලා අවහිර කර ඇති නමුත් , ඒ මධ්‍යයේ අමාත්‍ය නාමල් රාජපක්ෂ සිය ට්වීටර් ගිනුමේ තැබූ සටහනක් සහ ඊට ජනාධිපති ගේ අතිසමීප හිතවතෙකු බවට ප්‍රසිද්ධ කෝටිපති ව්‍යාපාරික දිලිත් ජයවීර තැබූ ප්‍රතිචාරයක් සමාජ මාධ්‍ය තුළ දැඩි අවධානයක් දිනාගෙන ඇත.
මෙහිදී ඇමති නාමල් රාජපක්ෂ පවසන්නේ ශ්‍රී ලංකාව තුළ සමාජ ජාල අවහිර කිරීම තමන් කිසිසේත් අනුමත නොකරන බව ය.
එනිසා මෙම තීරණය ගැන වඩා ප්‍රගතිශීලී ව සිතා නැවත සලකා බලන ලෙස තමා ඉල්ලා සිටින බව තම ට්විටර් ගිණුමේ සටහනක් තබමින් ඔහු ඒ බව පවසයි.
තමන් ද සමාජ ජාලය වෙත පිවිසුණේ විකල්ප ක්‍රම භාවිතයෙන් බවද හෙතෙම කියා ඇත.
පහත දැක්වෙන්නේ නාමල් රාජපක්ෂ අමාත්‍යවරයා තැබූ ට්වීටර් සටහන සහ ඊට දිලිත් ජයවීර ගේ ප්‍රතිචාරයයි.
