සති අන්තයේ කරන්ට් කපන හැටි.....

සති අන්තයේත් විදුලිය කප්පාදු කිරීමට ලංකා විදුලිබල මණ්ඩලයට මහජන උපයෝගිතා කොමිසම විසින් අවසර දෙනු ලැබ තිබේ.

ඒ අනුව, හෙට (26 සෙනසුරාදා) P සිට W දක්වා ඛණ්ඩවලට අයත් ප්‍රදේශ සඳහා උදෑසන 9.00 සිට පස්වරු 6.00 දක්වා පැය 3කුත් සවස 6.00 සිට රාත්‍රි 11.00 දක්වා පැයයි විනාඩි 40 කුත් විදුලිය කප්පාදු කෙරෙනු ඇති.

A සිට L දක්වා ඛාණ්ඩවලට අයත් ප්‍රදේශවලට හෙට(26 සෙනසුරාදා) උදෑසන 8.00 සිට පස්වරු 6.00 දක්වා පැය 3 යි විනාඩි 20 ක් සහ සවස 6.00 සිට රාත්‍රි 11.00 දක්වා පැයයි විනාඩි 40 ක් විදුලිය කප්පාදු කිරීමට අවසර දී තිබේ.

අනිද්දා (27 ඉරිදා) P සිට W දක්වා ප්‍රදේශවලට සවස 3.00 සිට රාත්‍රි 11.00 දක්වා පැය දෙකකුත් A සිට L දක්වා ප්‍රදේශවලට උදෑසන 8.30 සිට 5.30 දක්වා පැය දෙකයි විනාඩි 15කුත්, සවස 5.30 සිට රාත්‍රි 10.30 දක්වා පැයයි විනාඩි 15 කුත් විදුලිය කප්පාදු කිරීමට අවසර දුන් බව මහජන උපයෝගිතා කොමිසම සඳහන් කළේ ය.